India's largestHyperlocal short
news App
Get daily news updates that are tailored for you based on your preferred language & location.
download Way2News app now
Nellore
News December 20, 2024
నెల్లూరు: ముచ్చటైన ముగ్గులకు ఆహ్వానం!
ధనుర్మాసం ప్రారంభమైంది. విష్ణుమూర్తికి ఎంతో ప్రీతికరమైన ఈ మాసంలో మహిళలు ఉదయాన్నే ఇంటి వాకిటను శుభ్రం చేసి ముగ్గులు వేస్తారు. న్యూ ఇయర్, సంక్రాంతి వరకు రంగురంగుల రంగవళ్లులను తీర్చిదిద్దుతుంటారు. మరి మీ అందమైన ముగ్గులను మాకు పంపండి. మీ పేరుతో Way2Newsలో మేము పబ్లిష్ చేస్తాం.
● ఇలా పంపండి: ముగ్గు ఫొటో, మీ పేరు, ఊరి పేరు, పాస్‌పోర్టు సైజు ఫొటోను 97036 22022 కు వాట్సాప్ చేయండి.
News December 20, 2024
నెల్లూరు: చెల్లికి గర్భం చేసిన అన్న
పొక్సో కేసులో నిందితుడికి శిక్ష ఖరారు చేస్తూ జడ్జి సిరిపిరెడ్డి సుమ గురువారం తీర్పు వెల్లడించారు. అల్లూరు ప్రాంతానికి చెందిన చెంబేటి మురళి తన చిన్నమ్మ కూతురిపై మద్యంమత్తులో అఘాయిత్యానికి పాల్పడ్డాడు. బాలికకు గర్భం రావడంతో పొక్సో కేసు నమోదైంది. జడ్జి విచారణ చేపట్టి నిందితుడికి జీవిత ఖైదుతో పాటు, రూ.20 వేలు జరిమానా విధిస్తూ తీర్పు ఇచ్చారు. నిందితులకు శిక్ష పడినందుకు పోలీసులను ఎస్పీ అభినందించారు.
News December 20, 2024
నెల్లూరుకు చేరుకున్న రాష్ట్ర ప్రభుత్వ ప్రధాన కార్యదర్శి
ఆంధ్రప్రదేశ్ రాష్ట్ర ప్రభుత్వ ప్రధాన కార్యదర్శి నీరబ్ కుమార్ ప్రసాద్ గురువారం సాయంత్రం నెల్లూరుకు చేరుకున్నారు. ఈ సందర్భంగా ఆయనను నెల్లూరు నగరంలోని ఆర్‌అండ్‌బి అతిథి గృహంలో కలెక్టర్ ఓ ఆనంద్, జాయింట్ కలెక్టర్ కార్తీక్, ఎస్పీ కృష్ణకాంతోపాటే ఇతర అధికారులు మర్యాదపూర్వకంగా కలిశారు. బొకే అందజేసి అభినందనలు తెలిపారు.
News December 19, 2024
నెల్లూరు: సీఎంతో అబ్దుల్ అజీజ్ భేటీ
ముఖ్యమంత్రి చంద్రబాబుతో వక్ఫ్ బోర్డు ఛైర్మన్ అబ్దుల్ అజిజ్ గురువారం భేటీ అయ్యారు. పురపాలక శాఖ మంత్రి పొంగూరు నారాయణతో కలిసి పలు కీలక అంశాలపై వారు చర్చించారు. వక్ఫ్ బోర్డు నిర్వహణ, కూటమి ప్రభుత్వానికి మంచి పేరు తీసుకురావాలని సీఎం సూచించినట్లు ఆయన తెలిపారు.
News December 19, 2024
గూడూరులో దుకాణానికి వచ్చిన బాలిక పట్ల అసభ్య ప్రవర్తన
11 ఏళ్ల బాలికను లైంగిక వేధింపులకు గురిచేసిన కేసులో ఓ వ్యక్తికి గూడూరు కోర్టు జైలు శిక్ష విధించింది. గూడూరు రాణీపేట పేటకు చెందిన జనార్దన్ చిల్లర దుకాణం నిర్వహిస్తున్నాడు. దుకాణానికి వచ్చిన బాలిక పట్ల నిందితుడు అసభ్యంగా ప్రవర్తించాడని బాలిక తల్లి పోలీసులకు ఫిర్యాదు చేసింది. ఈకేసులో సాక్ష్యాలు పరిశీలించిన కోర్టు నిందితుడికి 5 ఏళ్ల జైలు శిక్ష, రూ.20 వేలు జరిమానా విధించింది.
News December 19, 2024
నెల్లూరు: హామీలు అమలుపై ఎమ్మెల్యేకు ఆయన కుమారుడు వినతి
ఎన్నికల్లో నియోజకవర్గ ప్రజలకు ఇచ్చిన హామీలు నెరవేర్చాలని ఎమ్మెల్యే కాకర్ల సురేశ్‌కు ఆయన తనయుడు కాకర్ల సంహిత్ వినతి పత్రం అందించారు. అమెరికాలో చదువుతూ నియోజకవర్గానికి వచ్చిన సంహిత్ ఎన్నికల ప్రచారంలో ఇచ్చిన హామీలు, గుర్తించిన సమస్యలపై వినతి పత్రం అందించారు. ఎన్నికల ప్రచారంలో తనదృష్టికి వచ్చిన సమస్యలపై ఆయనకు వినతిపత్రంలో అందజేసి పరిష్కరించాలని కోరారు. ఆయన చొరవపై పలువురు హర్షం వ్యక్తం చేస్తున్నారు.
News December 18, 2024
గూడూరు : మెమూ రైలు వేళల్లో మార్పులు
ఉమ్మడి నెల్లూరు జిల్లా, సూళ్లూరుపేట నుంచి నెల్లూరుకు ఉదయం వెళ్లే మెమూ రైలు వేళల్లో మార్పులు చోటుచేసుకున్నట్లు రైల్వే అధికారులు తెలిపారు. రైలు నెం. 06745 గతంలో సూళ్లూరుపేట నుంచి ఉదయం 7.55 కు బయలుదేరేది. ఇప్పుడు 8.10కి బయలుదేరుతుంది. అలానే గూడూరుకు 8.55 కు చేరుకునే ఈబండి తాజాగా 9.27 కు చేరుకుంటుంది. నెల్లూరుకు గతంలో 10.05 కు చేరుకునే రైలు ఇప్పుడు 10.30 కు చేరుకుంటుందని అధికారులు తెలిపారు.
News December 18, 2024
నెల్లూరులో మహిళలతో అసభ్య ప్రవర్తన.. ఇద్దరిపై కేసు
నెల్లూరులోని వాకర్స్ రోడ్డుకు చెందిన మహిళలు లక్కీ వైన్ షాప్‌కు వ్యతిరేకంగా గత కొద్ది రోజులుగా ఆందోళన చేస్తున్నారు. ఈనెల 16వ తేదీ సాయంత్రం లక్కీ వైన్ షాప్‌లో పనిచేస్తున్న ఇద్దరు వ్యక్తులు ఆందోళన చేస్తున్న మహిళలతో అసభ్యకరంగా ప్రవర్తించారని అన్నారు. డబ్బు చూపిస్తూ సైగలు చేస్తూ వీడియోలు, ఫొటోలు తీశారని మహిళలు చిన్న బజారు పోలీస్ స్టేషన్లో ఫిర్యాదు చేశారు. పోలీసులు కేసు నమోదు చేశారు.
News December 18, 2024
రెండు రోజులు అప్రమత్తంగా ఉండాలి: కలెక్టర్
బంగాళాఖాతంలో అల్పపీడనం ఏర్పడిన దృష్ట్యా నెల్లూరు జిల్లాలో రాబోయే రెండు రోజులు భారీ వర్షాలు కురిసే అవకాశం ఉన్నందున జిల్లా అధికార యంత్రాంగం అంతా అప్రమత్తంగా ఉండాలని కలెక్టర్ ఆనంద్ మంగళవారం ఆదేశించారు. తీర ప్రాంత, పెన్నా పరీవాహక లోతట్టు ప్రాంతాల ప్రజలు మరింత అప్రమత్తంగా ఉండాలన్నారు. మత్స్యకారులు సముద్రంలో వేటకు వెళ్లవద్దని, బోట్లు, వలలు జాగ్రత్త పరచుకోవాలన్నారు.
News December 18, 2024
రాష్ట్రానికి అందిన నిధులెన్ని: వేమిరెడ్డి
15వ ఆర్థిక సంఘం నిధులలో ఆంధ్రప్రదేశ్ లోని స్థానిక సంస్థలకు మొదటి విడత అందించిన నిధులు ఎన్ని అని నెల్లూరు ఎంపీ వేమిరెడ్డి ప్రభాకర్‌రెడ్డి లోక్‌సభలో ప్రశ్నించారు. నిధులు విడుదలైన విషయం వాస్తవం అయితే ఆంధ్రప్రదేశ్‌కు విడుదల చేసిన టైడ్, అన్ టైడ్ గ్రాంట్ల వివరాలు తెలియజేయాలని కోరారు. ఎంపీ వేమిరెడ్డి ప్రశ్నలకు కేంద్ర పంచాయతీరాజ్‌ శాఖ సహాయ మంత్రి ఎస్పీ సింగ్‌ భఘేల్‌ లిఖితపూర్వకంగా సమాధానం ఇచ్చారు.
Featured News
Sorry, no posts matched your criteria.