India's largestHyperlocal short
news App
Get daily news updates that are tailored for you based on your preferred language & location.
download Way2News app now
Prakasam
News November 19, 2024
ప్రకాశం: ప్రజా సమస్యల పరిష్కార వేదికకు 62 ఫిర్యాదులు
ప్రజల నుంచి వచ్చే ఫిర్యాదులను త్వరితగతిన పరిష్కరించేందుకు సోమవారం జిల్లా పోలీసు కార్యాలయంలో నిర్వహించిన పబ్లిక్ గ్రీవెన్స్ సెల్ కార్యక్రమానికి 62 ఫిర్యాదులు వచ్చాయి. ఈ కార్యక్రమంలో భాగంగా.. జిల్లాలో వివిధ ప్రాంతాల నుంచి వచ్చిన ఫిర్యాదుదారులతో ఎస్పీ దామోదర్ మాట్లాడారు. ఫిర్యాదులను చట్టపరిధిలో విచారించి పరిష్కరిస్తామని ఎస్పీ భరోసా కల్పించారు.
News November 18, 2024
BREAKING: దోర్నాల వద్ద ఘోర రోడ్డు ప్రమాదం
ప్రకాశం జిల్లా దోర్నాల మండలంలో ఘోర రోడ్డు ప్రమాదం చోటు చేసుకుంది. స్థానికుల వివరాల ప్రకారం.. మండలంలోని కొత్తూరు సమీపంలో గల వెలిగొండ ప్రాజెక్టు వద్ద సోమవారం మధ్యాహ్నం 3 గంటలకు లారీ-బైక్ ఢీకొన్నాయి. ఈ ప్రమాదంలో బైక్‌పై ఉన్న తల్లి, కూతురు లారీ టైర్ కింద పడి అక్కడికక్కడే మృతి చెందారు. బైకు నడుపుతున్న భర్తకు స్వల్ప గాయాలయ్యాయి. పోలీసులు ఘటనా స్థలానికి చేరుకున్నారు. మరిన్ని వివరాలు తెలియాల్సిఉంది.
News November 18, 2024
ప్రకాశం: పిల్లలకు బైకులు ఇస్తున్నారా.. జాగ్రత్త!
పోలీసులు ప్రతిరోజు ఏదొక రూపంలో వాహనదారులు హెల్మెట్, సీట్ బెల్టులు పెట్టుకోండి అని హెచ్చరిస్తూనే ఉంటారు. కాని వాటిని తేలిగ్గా తీసుకుంటే జరిగే పరిణామాలు ఎలా ఉంటాయో ఒంగోలులో జరిగిన ఘటన ఒక ఉదాహరణ. ముగ్గురు విద్యార్థులు స్కూటీపై హెల్మెట్ లేకుండా ప్రయాణించారు. అదే సమయంలో రోడ్డు పక్కన ఆపి ఉన్న ట్యాంకర్‌ను ఢీకొనడంతో ముగ్గురూ చనిపోయారు. అదే హెల్మెట్ ధరించి ఉంటే వారు బతికే వారని స్థానికులు పేర్కొన్నారు.
News November 18, 2024
చీరాల: అంతర్జాతీయ పోటీల్లో హెడ్ కానిస్టేబుల్
అంతర్జాతీయ మాస్టర్ అథ్లెటిక్స్ పోటీల్లో చీరాల టూటౌన్ ఎస్బి విభాగంలో పనిచేస్తున్న హెడ్ కానిస్టేబుల్ సీహెచ్ నాగరాజు సత్తా చాటి 40+ విభాగంలో గోల్డ్ మెడల్ సాధించారు. వెస్ట్ బెంగాల్ లోని న్యూ కూచ్ స్టేడియంలో ఈ నెల 15 నుంచి 17 వరకు పోటీలు జరిగాయి. దీంతో పలువురు ప్రముఖులు నాగరాజు ప్రతిభను అభినందిస్తున్నారు. షాట్ పుట్‌లో గోల్డ్, జావిలిన్ త్రోలో సిల్వర్ మెడల్ సాధించారు.
News November 17, 2024
ఒంగోలులో తీవ్ర విషాదం.. ముగ్గురు చిన్నారులు మృతి
ఒంగోలు నగర సమీపంలోని కొప్పోలు వద్ద ఆదివారం జరిగిన రోడ్డు ప్రమాదంలో ముగ్గురు విద్యార్థులు మృతి చెందారు. ముగ్గురూ ఒకే స్కూటీపై వెళ్తుండగా మంచినీటి ట్యాంకర్‌ను ఢీకొన్నారు. దీంతో ఒకరు అక్కడికక్కడే మృతిచెందగా.. మరో ఇద్దరిని స్థానికులు సమీపంలోని ఆస్పత్రికి తరలించారు. అక్కడ చికిత్స పొందుతూ ఇద్దరూ చనిపోయినట్లు స్థానికులు తెలిపారు. పోలీసులు ఘటనా స్థలాన్ని సందర్శించి కేసు నమోదు చేశారు.
News November 17, 2024
ఒంగోలు పోలీస్ స్పోర్ట్స్ మీట్లో గేమ్‌ల వివరాలు ఇవే
ఒంగోలు పోలీస్ ట్రైనింగ్ కళాశాలలో శనివారం నిర్వహించిన స్పోర్ట్స్ మీట్లో పోలీస్ శాఖలో వివిధ హోదాల్లో పనిచేస్తున్న వారు ఉత్సాహంగా పాల్గొన్నారు. పురుషులకు వాలీ బాల్, కబడ్డీ, టగ్ ఆఫ్ వార్, షటిల్ బ్యాడ్మింటన్‌తోపాటు అథ్లెటిక్స్ విభాగంలో పరుగు పందెం, లాంగ్ జంప్, హై జంప్, షాట్ పుట్ డిస్కస్ త్రో, మహిళలకు వాలీ బాల్, టగ్ ఆఫ్ వార్, షటిల్ బ్యాడ్మింటన్ పోటీలతోపాటు అథ్లెటిక్స్ నిర్వహిస్తున్నారు.
News November 16, 2024
ఒంగోలు వైసీపీ ఇన్‌ఛార్జ్ ఎవరంటే..?
ఒంగోలు మాజీ MLA బాలినేని శ్రీనివాసరెడ్డి YCPని వీడి జనసేనలో చేరిన విషయం తెలిసిందే. ఈ నేపథ్యంలో చుండూరి రవిబాబును YCP ఒంగోలు నియోజకవర్గ ఇన్‌ఛార్జ్‌గా ప్రకటించారు. దీంతో ఆయన నేపథ్యం ఏంటని అందరూ ఆరా తీస్తున్నారు. సీనియర్ NTరామారావు హయాంలో టీడీపీలోకి ప్రవేశించారు. 2004, 2009లో TDP టికెట్ ఆశించినా రాలేదు. బాలినేని శ్రీనివాసరెడ్డి పిలుపుతో YCPలో చేరారు. ఇతని స్వస్థలం నాగులుప్పలపాడు మండలం.
News November 16, 2024
మాజీ MLA టీజేఆర్‌కు కీలక బాధ్యతలు
ఇటీవల కాలంలో పలువురు వైసీసీ సోషల్ మీడియా కార్యకర్తలపై కేసులు నమోదు అవుతున్న విషయం తెలిసిందే. ఈ నేపథ్యంలో జగన్ కీలక నిర్ణయం తీసుకున్నారు. వాళ్లకు అండగా నిలిచేందుకు సంతనూతలపాడు మాజీ MLA టీజేఆర్ సుదాకర్ బాబు, వెంకట రమణా రెడ్డిలకు బాధ్యతలు అప్పగించారు. ఉమ్మడి ప్రకాశం జిల్లాలోని కార్యకర్తలకు వీళ్లు అండగా ఉంటారని చెప్పారు. లీగల్ సెల్‌ను సమన్వయం చేసుకుంటూ కేడర్‌కు భరోసా ఇవ్వాలని జగన్ సూచించారు.
News November 15, 2024
ప్రకాశం జిల్లాలో 33 మంది కానిస్టేబుళ్ల బదిలీ
ప్రకాశం జిల్లా వ్యాప్తంగా వివిధ పోలీస్ స్టేషన్‌లో పనిచేస్తున్న 33 మంది కానిస్టేబుళ్లు బదిలీ అయ్యారు. ఈ మేరకు ఎస్పీ ఆర్.దామోదర్ శుక్రవారం ఉత్తర్వులు జారీ చేశారు. జిల్లాలో కానిస్టేబుళ్ల బదిలీల్లో కొందరికి నిర్దేశిత కాల పరిమితి పూర్తయిన వారు ఉన్నారు. ఆయా పోలీస్ స్టేషనల్లో పనిచేస్తూ బదిలీ అయిన వారిని రిలీవ్ చేయాలని ఉత్తర్వుల్లో పేర్కొన్నారు.
News November 15, 2024
ప్రకాశం: అక్రమ మద్యం విక్రయాలపై తనిఖీలు
ప్రకాశం జిల్లా ఎస్పీ ఏఆర్ దామోదర్ అక్రమ మద్యం విక్రయాలపై ప్రత్యేక నిఘా పెట్టారు. ఈ సందర్భంగా జిల్లా వ్యాప్తంగా బెల్ట్ షాపులు, బార్లు, రెస్టారెంట్లు & దాబాలపై శుక్రవారం దాడులు నిర్వహించారు. లైసెన్స్ లేని దుకాణదారులు, అక్రమ మద్యం అమ్మేవారి వివరాలు సేకరించారు.
Featured News
Sorry, no posts matched your criteria.