India's largestHyperlocal short
news App
Get daily news updates that are tailored for you based on your preferred language & location.
download Way2News app now
Srikakulam
News October 27, 2024
గడువులోగా పూర్తి కావాలి: SKLM కలెక్టర్
జిల్లా వెంబడి ప్రవహిస్తున్న ప్రధాన నదులైన నాగావళి, వంశధార నదుల అనుసంధానం జూన్ 2025 నాటికి పూర్తిచేసేందుకు త్వరితగతిన చర్యలు చేపట్టాలని కలెక్టర్ స్వప్నిల్ దినకర్ పుండ్కర్ ఆదేశించారు. పలు ప్రాజెక్టుల ముఖ్య అధికారులతో కలెక్టరేట్లో శనివారం జేసీ అహ్మద్‌తో కలిసి ఆయన సమీక్ష నిర్వహించారు. నదుల అనుసంధానానికి సంబంధించి ఇప్పటికే రూ.106 కోట్ల ఖర్చు చేసి 75 శాతం పనులు పూర్తి చేసినట్లు వివరించారు.
News October 26, 2024
SKLM: డచ్ బిల్డింగ్ చుట్టూ ఉద్యానవనం
300 ఏళ్ల నాటి పురాతన భవనం కలెక్టరేట్ వద్దనున్న డచ్ భవనం చుట్టూ ఆహ్లాదకరమైన ఉద్యానవనాన్ని ఏర్పాటు చేసేందుకు ప్రణాళిక రూపొందిస్తున్నట్లు మంత్రి కింజరాపు రామ్మోహన్ నాయుడు తెలిపారు. కలెక్టర్ స్వప్నిల్ దినకర్ పుండ్కర్, శ్రీకాకుళం MLA గొండు శంకర్, తదితర అధికారులతో కలసి ఆయన డచ్ బంగ్లా వద్ద పర్యటనకు వచ్చారు. ఢిల్లీ గేట్ తరహాలో డచ్ భవన్ చుట్టూ ఆహ్లాదకరమైన ఉద్యానవనాన్ని, గ్రీనరీని ఏర్పాటు చేయాలన్నారు.
News October 26, 2024
కొద్ది గంటల్లో ముగిస్తున్న ITI ప్రవేశాల గడువు
జిల్లాలో మూడు ప్రభుత్వ, 20 ప్రైవేటు ఐటిఐల్లో మిగిలిన సీట్లకు ప్రవేశాల రిజిస్ట్రేషన్ గడువు మరి కొద్ది గంటల్లో ముగుస్తుంది. ఈ మేరకు 10వ తరగతి ఉత్తీర్ణత సాధించిన విద్యార్థులు నేటి సాయంత్రం లోపు iti.ap.gov.in వెబ్ సైట్ లో రిజిస్టర్ చేసుకోవాలి. అనంతరం సమీప ప్రభుత్వ ఐటీఐకి వెళ్లి వెరిఫికేషన్ చేయించుకోవాలన్నారు. 28న ప్రభుత్వ ఐటీఐల్లో, 30న ప్రైవేటు ఐటిఐల్లో ఉదయం 9 గంటల నుంచి కౌన్సెలింగ్ నిర్వహించనున్నారు.
News October 26, 2024
SKLM: మీ మొబైల్ పోయిందా.. ఇలా చేయండి-ఎస్పీ
మొబైల్ ఎవరైనా పోగొట్టుకున్న, ఎవరైనా దొంగిలించిన వెనువెంటనే దగ్గరలోని పోలీస్ స్టేషన్‌ను సంప్రదించి కేసు నమోదు చేయాలని ఎస్పీ మహేశ్వర రెడ్డి శనివారం స్పష్టం చేశారు. అనంతరం CEIR పోర్టల్ http://www.ceir.gov.in అనే వెబ్‌సైట్‌లో రిజిస్టర్ చేసుకోవాలని ఆయన సూచించారు. ఈ వెబ్ సైట్‌లో మీ మొబైల్ పూర్తి వివరాలు నమోదు చేసుకోవాలని అన్నారు. ఇలా చేస్తే మీ మొబైల్ రికవరీ చేసే అవకాశం ఉందని తెలిపారు.
News October 26, 2024
శ్రీకాకుళం: ఊపిరి పీల్చుకున్న రైతులు
జిల్లాలో దానా తుఫాన్ ప్రభావం శుక్రవారం లేకపోవడంతో రైతులు ఊపిరి పీల్చుకున్నారు. ఆమదాలవలస, చీమలవలస, ఓవి పేట, గుత్తావల్లి, నిమ్మతోర్లాడ పరిసర గ్రామాల్లో రైతులు చేతికి రావలసిన పంట వర్షానికి పాడవుతుందని.. నిన్న ఒడిశాలో తుఫాన్ తీరం దాటే సమయానికి కాస్త ఆందోళన చెందారు. కానీ వర్షాలు లేకపోవడంతో జిల్లాలో రైతాంగం హర్షం వ్యక్తం చేసింది.
News October 26, 2024
ఎచ్చెర్ల: డిగ్రీ సప్లిమెంటరీ పరీక్ష షెడ్యూల్ విడుదల
ఎచ్చెర్లలోని డా.బి.ఆర్.అంబేడ్కర్ విశ్వవిద్యాలయం అనుబంధ డిగ్రీ కళాశాలల డిగ్రీ సప్లిమెంటరీ పరీక్షల షెడ్యూల్‌ను వర్సిటీ ఎగ్జామినేషన్స్ డీన్ డా.ఎస్.ఉదయ్ భాస్కర్ విడుదల చేశారు. ద్వితీయ సంవత్సర విద్యార్థులకు నవంబరు 4 నుంచి 18వ తేదీ వరకు, తృతీయ సంవత్సరం నవంబరు 20 నుంచి డిసెంబరు 2వ తేదీ వరకు పరీక్షలు నిర్వహిస్తామన్నారు. వర్సిటీ కేంద్రంగా మధ్యాహ్నం 2 గంటల నుంచి సాయంత్ర 5గంటల వరకూ పరీక్షలు జరుగుతాయన్నారు.
News October 26, 2024
టెక్కలి: నేడు నూతన ఆర్టీసీ బస్సులు ప్రారంభం
టెక్కలి నుంచి ఇచ్ఛాపురం, శ్రీకాకుళం, విశాఖపట్నం, అమలాపురం ప్రాంతాలకు పలు ఆర్టీసీ సర్వీసులు శనివారం ప్రారంభం కానున్నట్లు టెక్కలి ఆర్టీసీ డిపో మేనేజర్ శ్రీనివాసరావు శుక్రవారం తెలిపారు. రాష్ట్ర మంత్రి కింజరాపు అచ్చెన్నాయుడు పాల్గొని నూతన ఆర్టీసీ సర్వీసులను ప్రారంభించనున్నట్లు తెలిపారు. ప్రయాణికులు సౌకర్యార్థం అదనపు సర్వీసులు ఏర్పాటు చేసినట్లు డిపో మేనేజర్ పేర్కొన్నారు.
News October 26, 2024
నరసన్నపేట: వేధింపుల కేసులో భర్తకు రెండేళ్ల జైలు శిక్ష
భార్య వేధింపులకు గురి చేస్తున్న భర్తకు రెండేళ్ల జైలు శిక్షతో పాటు రూ.10వేల జరిమానా విధిస్తూ జూనియర్ సివిల్ జడ్జి చందక హరిప్రియ తెలిపారు. నరసన్నపేట స్థానిక మున్సిఫ్ మెజిస్ట్రేట్ కార్యాలయంలో ఈ మేరకు ఆమె తీర్పు వెలువరించారు. పోలీసుల వివరాల ప్రకారం.. స్థానిక గాంధీనగర్-1లో నివాసం ఉంటే బోనెల సాంబశివరావు, భార్య నాగలక్ష్మీపై వేధింపులకు పాల్పడటంతో 2022లో నరసన్నపేట ఠాణాలో బాధితురాలు ఫిర్యాదు చేశారు.
News October 26, 2024
నరసన్నపేట: వేధింపుల కేసులో భర్తకు రెండు సంవత్సరాల జైలు శిక్ష
భార్య వేధింపులకు గురి చేస్తున్న భర్తకు రెండు సంవత్సరాల జైలు శిక్షతో పాటు పదివేల రూపాయల జరిమానా విధించడం జరిగిందని జూనియర్ సివిల్ జడ్జి చందక హరిప్రియ తెలిపారు. శుక్రవారం నరసన్నపేట స్థానిక మున్సిఫ్ మెజిస్ట్రేట్ కార్యాలయంలో ఈ మేరకు ఆమె తీర్పునిచ్చారు. నరసన్నపేట పట్టణానికి చెందిన బోనెల నాగలక్ష్మి తన భర్త సాంబమూర్తి వేధింపులకు గురి చేస్తున్నాడు అంటూ వేల ఇరవై రెండులో ఫిర్యాదు చేశారని తెలిపారు.
News October 25, 2024
SKL: ఎస్సై వేధిస్తున్నాడని మహిళా కానిస్టేబుల్ ఫిర్యాదు.. విచారణకు ఆదేశం
ఆమదాలవలస నియోజకవర్గంలోని ఓ పోలీస్ స్టేషన్‌లో ఎస్సై తనను వేధింపులకు గురిచేస్తున్నాడని మహిళా కానిస్టేబుల్ పోలీస్ ఉన్నతాధికారులకు ఫిర్యాదు చేశారు. విధి నిర్వహణలో భాగంగా ఓ కేసు విషయంలో బయటకు వెళ్లిన సమయంలో లైంగిక వేధింపులకు పాల్పడ్డాడని ఫిర్యాదులో పేర్కొన్నారు. దీనిపై జిల్లా ఎస్పీ మహేశ్వరరెడ్డి విచారణకు ఆదేశించారు. గతంలో కూడా ఆ ఎస్సైపై పలు ఆరోపణలు ఉన్నాయి.
Featured News
Sorry, no posts matched your criteria.