India's largestHyperlocal short
news App
Get daily news updates that are tailored for you based on your preferred language & location.
download Way2News app now
Srikakulam
News March 20, 2026
మందస: రోడ్డు ప్రమాదంలో యువకుడు మృతి
మందస మండలంలోని కొర్రాయి గేటు వద్ద తెల్లవారు జామున జరిగిన రోడ్డు ప్రమాదంలో ఓ యువకుడు మృతి చెందాడు. పోలీసుల వివరాల ప్రకారం..సోంపేట నుంచి కాశీబుగ్గ వైపునకు వస్తున్న యువకుడు బైక్ అదుపు తప్పి పక్కన రక్షణ ఇనుమును ఢీకొని అక్కడికక్కడే మృతి చెందాడు. విషయం తెలుసుకున్న మందస ఎస్సై కృష్ణ ప్రసాద్ ఘటనా స్థలానికి చేరుకున్నారు. డెడ్ బాడీని పోస్టుమార్టానికి హరిపురం ఆసుపత్రికి తరలించారు. కేసు నమోదు చేశారు.
News March 20, 2026
‘అర్జీలను సత్వరం పరిష్కరించాలి’: శ్రీకాకుళం కలెక్టర్
దివ్యాంగుల అర్జీల పరిష్కారంలో జాప్యం జరగరాదని కలెక్టర్ స్వప్నిల్ దినకర్ పుండ్కర్ అధికారులను ఆదేశించారు. స్థానిక జిల్లా పరిషత్ కార్యాలయంలో శుక్రవారం దివ్యాంగుల ప్రత్యేక గ్రీవెన్స్ను కలెక్టర్ దివ్యాంగుల సంక్షేమశాఖ, ఏడీబీ శైలజ ఆధ్వర్యంలో నిర్వహించారు. ఈ గ్రీవెన్స్లో 7 దరఖాస్తులు స్వీకరించారు. వీటిని పరిశీలించి సత్వరమే పరిష్కరించాలని సంబంధిత శాఖ అధికారులకు ఆదేశాలు జారీ చేశారు.
News March 20, 2026
శ్రీకాకుళం జిల్లాలో యువకుడి హత్య.!
శ్రీకాకుళం పట్టణంలోని 80 ఫీట్ రోడ్లోని జిల్లా తెలుగుదేశం పార్టీ కార్యాలయంలో పనిచేస్తున్న మోహన్ అనే వ్యక్తి గత రాత్రి హత్యకు గురయ్యారు. హత్య చేసిన వ్యక్తి స్థానిక పోలీస్ స్టేషన్లో లొంగిపోయినట్లు సమాచారం. హత్యకు గల కారణాలు తెలియాల్సి ఉంది. గతంలో మోహన్ తండ్రి ఇదే పార్టీ కార్యాలయంలో పనిచేసేవారు. అతని స్థానంలో మోహన్ను ఇటీవల నియమించారు. ఈ ఘటనపై మరిన్ని వివరాలు తెలియాల్సి ఉంది.
News March 20, 2026
ఎచ్చెర్ల: 5 నోటిఫికేషన్లు.. నియామకాలు నిల్.!
డాక్టర్ బి.ఆర్ అంబేడ్కర్ విశ్వవిద్యాలయంలో ఐదు సార్లు ఫ్యాకల్టీ నియామకాలకు నోటిఫికేషన్లు జారీ చేశారు. నియామకాలు మాత్రం చేపట్టలేదు. 2013లో 34, 2014లో 15, 2017లో 48, 2018లో 32, 2023లో 98 పోస్టులకు నోటిఫికేషన్లు వేశారు. కొన్నిసార్లు ఇంటర్వ్యూలు నిర్వహించారు. అయినా నియామకాల మాత్రం జరగలేదు. ప్రస్తుతం రెగ్యులర్ ఫ్యాకల్టీ సభ్యులు ఏడుగురు మాత్రమే విశ్వవిద్యాలయంలో ఉన్నారు.
News March 20, 2026
శ్రీకాకుళం జిల్లాలో భారీ సైబర్ మోసం..!
శ్రీకాకుళం పట్టణంలోని పీ. ఎన్ కాలనీకి చెందిన విశ్రాంత జిల్లా వైద్యారోగ్య శాఖధికారి కృష్ణమోహన్ డిజిటల్ అరెస్టుకు గురయ్యరు. తన వద్ద సైబర్ నేరగాళ్లు రూ.56 లక్షలు కాజేశారని గురువారం 2-టౌన్ స్టేషన్లో కేసు నమోదు చేశారు. తనకు హ్యూమన్ ట్రాఫికింగ్తో సంబంధాలు ఉన్నాయని, కేసు నమోదు అయిందని, డిజిటల్ అరెస్ట్ చేసినట్లు బెదిరించి సొమ్ము కాజేశారని ఫిర్యాదులో పేర్కొన్నారు. పోలీసులు కేసు నమోదు చేశారు.
News March 20, 2026
ఎచ్చెర్ల: 18 ఏళ్లలో 7 నియామకాలు మాత్రమే..?
ఎచ్చెర్లలోని ఆంధ్రా యూనివర్సిటీ పోస్ట్ గ్రాడ్యుయేషన్ కేంద్రాన్ని 2008 జూన్ 25న డాక్టర్ B.Rఅంబేడ్కర్ విశ్వవిద్యాలయంగా అప్గ్రేడ్ చేసి 18 ఏళ్లు కావొస్తుంది. ఇప్పటివరకు ఏడుగురు రెగ్యులర్ ఫ్యాకల్టీని మాత్రమే నియమించారు. 2010 నోటిఫికేషన్లో బయో టెక్నాలజీలో నలుగురు, సోషల్ వర్క్లో 3 నియామకాలు చేపట్టారు. ప్రభుత్వాలు మారినా, వైస్ ఛాన్సిలర్లు మారినా.. రెగ్యులర్ ఫ్యాకల్టీ నియామకాలు జరగలేదనే టాక్ నడుస్తోంది.
News March 20, 2026
శ్రీకాకుళం: 10th ఇంగ్లీష్ పరీక్ష వాయిదా
శ్రీకాకుళం జిల్లాలో రేపు జరగాల్సిన 10th ఇంగ్లిష్ (థర్డ్ లాంగ్వేజ్) ఎగ్జామ్ వాయిదా పడింది. రంజాన్ సందర్భంగా ప్రభుత్వం మార్చి 21న సెలవు ప్రకటించడంతో, రేపు జరగాల్సిన పరీక్షను ఏప్రిల్ 2న ఉదయం 9:30 నుంచి మధ్యాహ్నం 12:45 వరకు నిర్వహించాలని ప్రభుత్వం నిర్ణయించింది. ఈ మేరకు డీఈఓ కార్యాలయం ఒక ప్రకటన జారీ చేసింది.
News March 20, 2026
శ్రీకాకుళం: గ్రామ కట్టుబాటు.. భర్తకు కొరివి పెట్టిన భార్య..!
శ్రీకాకుళం(D)లో వింత ఘటన చోటుచేసుకుంది. కంచిలి(M) గోకర్ణపురానికి చెందిన బల్ల వైకుంఠరావు అనారోగ్యంతో గురువారం మృతి చెందారు. అతనికి భార్య, కొడుకు, కూతురు ఉన్నారు. తలకొరివి పెట్టాల్సిన కొడుకు ఊరుదాటి వెళ్లి డిప్లొమా పరీక్షలకు వెళ్లాల్సి ఉండగా.. ఊరు కట్టుబాట్ల ప్రకారం కొరివి పెట్టినవాళ్లు ఊరు బయటకు వెళ్లరాదు. కుమార్తె అనారోగ్యంతో ఉంది. దీంతో వైకుంఠరావుకు భార్యే కొరివి పెట్టారు.
News March 20, 2026
ఇచ్ఛాపురంలో యాక్సిడెంట్.. యువకుడి మృతి
ఇచ్ఛాపురంలో గురువారం రాత్రి జరిగిన ప్రమాదం జరిగింది. ఈ ప్రమాదంలో బెల్లుపడ గ్రామానికి చెందిన ఉప్పాడ కుమార్ మృతి చెందారు. బైక్పై వస్తున్నా కుమార్ ఎదురుగా వస్తున్న ఇసుక ట్రాక్టర్ ఢీకొనడంతో ప్రమాదం జరిగింది. ఈ ప్రమాదంలో కుమార్ బైక్ నుజ్జునుజ్జయిందని, తలకు బలమైన గాయం తగలడంతో స్థానికులు చూసే సరికి మృతిచెంది ఉన్నాడని ఎస్ఐ ముకుందరావు తెలిపారు. ఈ ఘటనపై కేసు నమోదు చేసి దర్యాప్తు చేస్తున్నామన్నారు.
News March 20, 2026
అరసవల్లి ఇంద్రపుష్కరిణి అభివృద్ధికి రూ.4 కోట్లు మంజూరు
అరసవల్లి శ్రీ సూర్యనారాయణ స్వామి ఆలయం ఇంద్రపుష్కరిణి అభివృద్ధి పనులకు రూ.4 కోట్లు మంజూరయ్యాయని మంత్రి కింజరాపు అచ్చెన్న గురువారం ఒక ప్రకటనలో తెలిపారు. మార్చి 21న ఇంద్ర పుష్కరణి ఆధునీకరణ పనులకు మంత్రితో శంకుస్థాపన చేయించేందుకు ఎగ్జిక్యూటివ్ ప్రసాద్ కోటబొమ్మాళి మండలం నిమ్మాడ మంత్రి క్యాంపుకార్యాలయంలో కలిసి ఆహ్వాన పత్రికను అందజేశారు.
Featured News
Sorry, no posts matched your criteria.