India's largestHyperlocal short
news App
Get daily news updates that are tailored for you based on your preferred language & location.
download Way2News app now
Srikakulam
News July 26, 2024
పాతపట్నం: ఆటో బోల్తా పడి డ్రైవర్ మృతి
పాతపట్నంలోని శివశంకర్ కాలనీ జంక్షన్ సమీప జాతీయ రహదారిపై గురువారం రాత్రి రోడ్డు ప్రమాదం జరిగింది. ఆటో బోల్తా పడిన ఈ ఘటనలో డ్రైవర్ బచ్చల గోపి (37) మృతి చెందాడు. పాతపట్నం నుంచి పర్లాకిమిడి వెళ్తుండగా రోడ్డుపై కుక్కలు రావడంతో ఒక్కసారిగా బ్రేక్ వేశాడు. ఆటో అదుపుతప్పి బోల్తా పడింది. తలకు గాయాలైన గోపిని స్థానికులు ఆసుపత్రికి తరలిస్తుండగా మృతి చెందాడు. పోలీసులు కేసు నమోదు చేశారు.
News July 26, 2024
సరుబుజ్జిలి: అగ్రికల్చర్ అసిస్టెంట్ సస్పెండ్
సరుబుజ్జిలి మండలం రొట్టవలస గ్రామ సచివాలయ విలేజ్ అగ్రికల్చర్ అసిస్టెంట్ కే.దుర్గారావు విధి నిర్వహణలో అలసత్వం వహించినందుకు గాను విధుల నుంచి సస్పెండ్ చేసినట్లు ఏవో బొడ్డేపల్లి పద్మనాభం గురువారం తెలిపారు. మద్యం సేవించి విధులకు హాజరు కావడం విత్తనాలు, ఎరువుల పంపిణీలో నిర్లక్ష్యంగా వ్యవహరించడంతో గ్రామస్థులు అధికారులకు ఫిర్యాదు చేశారు. విచారణ చేసిన అధికారులు సస్పెండ్ చేస్తూ ఉత్తర్వులు ఇచ్చారు.
News July 26, 2024
శ్రీకాకుళం కలెక్టర్‌ను కలిసిన నూతన జేసీ
సిక్కోలు జిల్లాకు నూతన జాయింట్ కలెక్టర్‌గా నియమితులైన ఫర్మాన్ అహ్మద్ ఖాన్ గురువారం బదిలీపై జిల్లాకు చేరుకున్నారు. అన్నమయ్య జిల్లాలో జాయింట్ కలెక్టర్‌గా విధులు నిర్వహించి బదిలీపై వచ్చారు. ఆయన జిల్లా కలెక్టర్ స్వప్నిల్ దినకర్ పుండ్కర్‌ను కలెక్టర్ బంగ్లాలో గౌరవపూర్వకంగా కలిసి పుష్పగుచ్చం అందజేశారు. ఆయన శుక్రవారం ఉదయం 10.00 గంటలకు కలెక్టర్ కార్యాలయంలో బాధ్యతలు స్వీకరించనున్నారు.
News July 25, 2024
శ్రీకాకుళం: మత్స్యకారులకు సీఆర్ జెడ్ అమలు చేయాలి
మత్స్యకారులకు ఇబ్బంది లేకుండా సీఆర్ జెడ్ అమలు చేయాలని జిల్లాలోని తీరప్రాంత ప్రజలు కోరారు. పర్యావరణ ప్రజాభిప్రాయ సేకరణ సదస్సు శ్రీకాకుళం జిల్లా కోస్టల్ జోన్ మేనేజ్మెంట్ ప్లాన్ ఖరారు నిమిత్తం గురువారం సమావేశం నిర్వహించారు. సీఆర్ జెడ్ నోటిఫికేషన్ విడుదలపై తీర ప్రాంత ప్రజలు, అధికారులతో ప్రజాభిప్రాయ సేకరణ నిమిత్తం జిల్లా రెవెన్యూ అధికారి ఎం.గణపతిరావు అధ్యక్షతన సమీక్ష నిర్వహించారు.
News July 25, 2024
శ్రీకాకుళం: మంత్రి అచ్చెన్నాయుడిపై 12 కేసులు
గత ప్రభుత్వంలో శాంతి భద్రతలపై అసెంబ్లీలో సీఎం చంద్రబాబు గురువారం శ్వేతపత్రం విడుదల చేశారు. శ్రీకాకుళం జిల్లాలో ప్రస్తుత ఎమ్మెల్యేలపై వైసీపీ ప్రభుత్వం ఎన్ని కేసులు పెట్టిందో వెల్లడించారు. ఈ లెక్కల ప్రకారం ఆమదాలవలస ఎమ్మెల్యే కూన రవికుమార్ మీద 15 కేసులు పెట్టి 1సారి అరెస్టు చేశారు. వ్యవసాయ శాఖ మంత్రి అచ్చెన్నాయుడు మీద 12 కేసులు పెట్టి 2 సార్లు అరెస్టు చేశారు.
News July 25, 2024
నరసన్నపేట: లైంగిక వేధింపుల ఫిర్యాదుపై విచారణ
నరసన్నపేట మండలం ఉర్లాం ఉన్నత పాఠశాలలో ప్లస్-2 చదువుతున్న విద్యార్థినులు తమపై ఓ ఉపాధ్యాయుడు లైంగిక వేధింపులకు పాల్పడుతున్నట్లు ఉన్నతాధికారులకు ఫిర్యాదు చేశారు. అంతేకాకుండా ఆ ఉపాధ్యాయుడికి మరో ఇద్దరు ఉపాధ్యాయులు సహకరిస్తున్నారని తెలిపారు. విద్యార్థినుల ఫిర్యాదు మేరకు టెక్కలి ఉప విద్యాశాఖ అధికారి విలియమ్స్, జీసీడీఓ నీరజ పాఠశాలకు వెళ్లి విచారణ చేపట్టారు.
News July 25, 2024
శ్రీకాకుళం: యథేచ్ఛగా పశువుల రవాణా.. చేతులు మారుతున్న కోట్లు
ఇచ్ఛాపురం నియోజకవర్గం పరిధి ఆంధ్ర-ఒడిశా సరిహద్దు ప్రాంతంలో మూగ జీవాల వ్యాపారం జోరుగా సాగుతోంది. ఒకప్పుడు వారాంతపు సంతలో మాత్రమే పశువుల క్రయ విక్రయాలు జరిగేవి. నేడు ప్రతి రోజూ దళారులు జీవాలను కబేళాలకు అక్రమంగా తరలిస్తున్నారు. ఈ అక్రమ రవాణాలో కోట్ల రూపాయలు చేతులు మారుతున్నట్లు ఆరోపణలు వినిపిస్తున్నాయి. నిబంధనలకు విరుద్ధంగా సాగుతున్న పశు రవాణాకు అడ్డుకట్ట వేయాలని పలువురు కోరుతున్నారు.
News July 25, 2024
శ్రీకాకుళం: నెమ్మదిగా సాగుతున్న డిగ్రీ అడ్మిషన్లు
శ్రీకాకుళం జిల్లాలో డిగ్రీ అడ్మిషన్ల నోటిఫికేషన్ గడువు ముగిసినా ఆశించిన మేర అడ్మిషన్లు రాకపోవడంతో అధికారులు 25 వరకు గడవు పెంచారు. అంబేడ్కర్ యునివర్సిటీ పరిధిలో 74 ప్రైవేట్, 15 ప్రభుత్వ, ఒక ఎయిడెడ్ కాలేజీలు ఉన్నాయి. వాటిలో 50 వేలకు పైగా సీట్లు ఉండగా ప్రస్తుతం 21 వేల మంది మాత్రమే చేరారు. ప్రభుత్వం 70 శాతం సీట్లకు మాత్రమే ఉపకార వేతనాలు చెల్లిస్తుండటడం ఇందుకు కారణమని పలువురు వాపోతున్నారు.
News July 24, 2024
శ్రీకాకుళంలో ఈ నెల 26న జాబ్ మేళా
జిల్లాలో బలగ జంక్షన్‌లోని ప్రభుత్వ DLTC ఐటీఐ కళాశాలలో ఈ నెల 26వ తేదీన జాబ్ మేళా నిర్వహిస్తున్నట్లు జిల్లా ఉపాధి కల్పనాధికారి కొత్తలంక సుధా బుధవారం తెలిపారు. జాబ్ మేళాలో ఎయిర్టెల్ పేమెంట్ బ్యాంక్, ఆటోమోటివ్ మ్యానుఫ్యాక్చర్ pvt ltd, 2050 హెల్త్ కేర్ కంపెనీలు పాల్గొంటాయి. టెన్త్, ఇంటర్, డిగ్రీ, ఐటిఐ (డీజిల్, మోటర్ మెకానిక్), జిడిఏ, MPHW, ANM & GNM గల 18 నుంచి 40 సంవత్సరాల వారు అర్హులన్నారు.
News July 24, 2024
MLAకు అయ్యన్న సూచన.. నవ్విన పవన్ కళ్యాణ్
అసెంబ్లీ సమావేశాల సందర్భంగా ప్రశ్నోత్తరాల సమయంలో స్పీకర్ అయ్యన్న నవ్వులు పూయించారు. రోడ్ల గురించి ప్రశ్నించేందుకు శ్రీకాకుళం ఎమ్మెల్యే గొండు శంకర్‌కు స్పీకర్ అయ్యన్న అవకాశం ఇచ్చారు. ఆయన పార్టీ పెద్దలకు, మంత్రులకు, నియోజకవర్గ ప్రజలకు ధన్యవాదాలు చెబుతుండగా.. స్పీకర్ అయ్యన్న కలగజేసుకొని రోడ్ల గురించి మాట్లాడాలని సూచించారు. దీంతో ముందు వరుసులో కూర్చున్న పవన్ కళ్యాణ్‌తోపాటు సభ్యులు ఒక్కసారిగా నవ్వారు.
Featured News
Sorry, no posts matched your criteria.