India's largestHyperlocal short
news App
Get daily news updates that are tailored for you based on your preferred language & location.
download Way2News app now
Visakhapatnam
News August 12, 2024
విశాఖ: కూటమి MLC అభ్యర్థిగా బైరా దిలీప్.?
ఉమ్మడి విశాఖ జిల్లా స్థానిక సంస్థల కూటమి ఎమ్మెల్సీ అభ్యర్థిగా బైరా దిలీప్ చక్రవర్తి పేరు ఖరారు అయినట్లు ప్రచారం జరుగుతోంది. 2024 సార్వత్రిక ఎన్నికల్లో అనకాపల్లి టికెట్‌ను దిలీప్ ఆశించారు. ఆయనకే టికెట్ వస్తుందని అందరూ అనుకున్నా.. రాజకీయ సమీకరణాల్లో భాగంగా పోటీకి దూరమయ్యారు. ఈ నేపథ్యంలో కూటమి ఎమ్మెల్సీ అభ్యర్థిగా దిలీప్ ఫైనల్ అయినట్లు తెలుస్తోంది.
News August 12, 2024
విశాఖలో చిన్నపిల్లలను అమ్ముతున్న ముఠా అరెస్ట్
విశాఖలో శిశువులను విక్రయిస్తున్న ముఠా గుట్టురట్టయింది. త్రీటౌన్ పోలీసుల కథనం..స్పెషల్ బ్రాంచ్, టాస్క్ ఫోర్స్ పోలీసులు ఆపరేషన్ చేపట్టారు. ప్లాన్‌తో ముఠా సభ్యులతో మాట్లాడి శిశువు కావాలని కోరారు. రూ.7 లక్షలకు ఒప్పించి శనివారం రాత్రి సిరిపురం జంక్షన్‌కు 8 మంది 5నెలల చిన్నారిని తీసుకొచ్చారు. వారిని పట్టుకుని పోలీస్‌స్టేషన్‌కు తరలించారు. బిడ్డను పోషించలేక అమ్ముకున్నట్లు తల్లి చెప్పినట్లు సమాచారం.
News August 12, 2024
నేడు అమరావతికి చంద్రబాబు.. విశాఖ MLC అభ్యర్థి ఫైనల్.!
ఉమ్మడి విశాఖ స్థానిక సంస్థల కూటమి MLCఅభ్యర్థిపై తర్జనభర్జన కొనసాగుతూనే ఉంది. హైదరాబాద్ పర్యటనలో ఉన్న CM చంద్రబాబు ఇవాళ అమరావతికి రానున్నారు. ఈ క్రమంలో ఆయన అభ్యర్థిని ఫైనల్ చేస్తారని పార్టీవర్గాలు చెబుతున్నాయి. పీలా గోవింద సత్యనారాయణ, గండి బాబ్జి, బైరా దిలీప్ చక్రవర్తి, సీతంరాజు సుధాకర్ పేర్లను అధిష్ఠానం పరిశీలిస్తున్నట్లు సమాచారం. మరోవైపు, YCP అభ్యర్థి బొత్స సత్యనారాయణ నేడు నామినేషన్ వేయనున్నారు.
News August 12, 2024
అల్లూరి జిల్లాలో గంజాయి రవాణాపై ఉక్కుపాదం
అల్లూరి జిల్లా ఏజెన్సీ నుంచి మైదాన ప్రాంతాలకు వెళ్లే గంజాయి రవాణాపై ఎస్పీ అమిత్ బర్దర్ ఆదేశాలతో అన్ని స్టేషన్ల పరిధిలో తనిఖీలు విస్తృతం చేశారు. పాడేరు ఎస్ఐ లక్ష్మణ్ రావు ఆధ్వర్యంలో డ్రోన్ సాయంతో డాగ్ స్క్వాడ్ బృందం ఘాట్ మార్గంలో తనిఖీలు ముమ్మరం చేశారు. అలాగే పెదబయలు మండలం రూడ గోమంగి పరిసరాల్లో కూంబింగ్ విస్తృతం చేశారు. హుకుంపేట, చింతపల్లి మండల కేంద్రంలో వచ్చే వాహనాలన్నీ తనిఖీలు చేస్తున్నారు.
News August 12, 2024
విశాఖ: ప్రతి ఇంటిపైన త్రివర్ణ పతాకం ఎగురవేయాలి
విశాఖ నగర పరిధిలో ప్రతి ఇంటిపైన త్రివర్ణ పతాకం ఎగురవేయాలని జీవీఎంసీ కమిషనర్ సంపత్ కుమార్ పిలుపునిచ్చారు. ఆదివారం జీవీఎంసీ ప్రధాన కార్యాలయంలో జాతీయ జెండాను చేతబట్టి ప్రజలకు స్ఫూర్తినిచ్చారు. ప్రతి ఒక్కరూ హర్ ఘర్ తిరంగా కార్యక్రమంలో పాల్గొనాలని విజ్ఞప్తి చేశారు. స్వాతంత్ర దినోత్సవం సందర్భంగా దేశమంతటా హర్ ఘర్ తిరంగా కార్యక్రమాన్ని నిర్వహిస్తున్నట్లు పేర్కొన్నారు.
News August 11, 2024
విశాఖ: సూపర్ గ్లోబ్ సీజన్-3లో సత్తా చాటిన యశ్వంత్ ప్రేమ
బ్యాంకాక్‌లో ఈనెల 7 నుంచి 10వ తేదీ వరకు జరిగిన సూపర్ గ్లోబ్ సీజన్-3 ఫైనల్‌లో విశాఖ యువకుడు యశ్వంత్ ప్రేమ రన్నర్‌గా నిలిచి తన ప్రతిభను చాటుకున్నాడు. తన అందం, ప్రతిభ, నైపుణ్యంతో అంతర్జాతీయ పోటీల్లో విజేతగా నిలిచాడు. యశ్వంత్ భారత ప్రతినిధిగా వరల్డ్ ఫైనల్స్-2024 పోటీలో పాల్గొన్నారు. సీజన్-3లో విశాఖ యువకుడు తొలి రన్నర్‌గా నిలవడం పట్ల పలువురు హర్షం వ్యక్తం చేస్తున్నారు.
News August 11, 2024
ఢిల్లీలో స్వాతంత్ర్య వేడుకలకు అల్లూరి జిల్లా సర్పంచ్‌కు ఆహ్వానం
దేశ రాజధాని ఢిల్లీలోని ఎర్రకోట వద్ద ఆగస్టు 15న నిర్వహించే స్వాతంత్య్ర వేడుకలకు హాజరయ్యే అవకాశం పాడేరు మండలంలోని మినుములూరు పంచాయతీ సర్పంచి లంకేలి చిట్టమ్మకు లభించింది. ఈ వేడుకలకు ప్రతి రాష్ట్రం నుంచి ఐదుగురు మహిళా ప్రజా ప్రతినిధులకు కేంద్రం నుంచి ఆహ్వానాలు అందాయి. అయితే ఇందులో ముగ్గురు సర్పంచులు ఉన్నారు. ఆ ముగ్గురిలో తనకు అవకాశం రావడం ఎంతో ఆనందంగా ఉందని సర్పంచి చిట్టమ్మ తెలిపారు.
News August 11, 2024
విశాఖలో అన్న క్యాంటీన్ల ప్రారంభానికి ఎమ్మెల్సీ ఎన్నికల కోడ్ అడ్డంకి
విశాఖలో అన్న క్యాంటీన్ల ప్రారంభానికి ఎమ్మెల్సీ ఎన్నికల కోడ్ అడ్డంకిగా నిలిచింది. కూటమి అధికారంలోకి రావడంతో అన్న క్యాంటీన్లను ఈనెల 15 నుంచి ప్రారంభించాలని నిర్ణయించింది. ఈ మేరకు అధికారులు శిథిలమైన భవనాలను పునరుద్ధరించారు. ఎమ్మెల్సీ ఉప ఎన్నిక రావడంతో కోడ్ కారణంగా ఈనెల 15న జిల్లాలో అన్న క్యాంటీన్లను ప్రారంభించడం లేదు. సెప్టెంబరు 6 వరకు కోడ్ అమలులో ఉంటుంది. ఆ తర్వాతే క్యాంటీన్లు తెరుచుకోనున్నాయి.
News August 11, 2024
థాయిలాండ్ వేదికపై మెరిసిన గాజువాక చిన్నారి
థాయిలాండ్‌లో ప్రపంచ దేశాల పిల్లల మధ్య జరిగిన మోడలింగ్ పోటీల్లో గాజువాకకు చెందిన చిన్నారి చిహ్నిక తన విశేష ప్రతిభ కనబరిచి విజేతగా నిలిచింది. వివిధ దేశాల్లో నిర్వహించిన పోటీల్లో విజేతల మధ్య జరిగిన హోరాహోరీగా జరిగిన పోటీల్లో సీనియర్ టోడ్లర్ విభాగంలో ప్రథమ స్థానం కైవసం చేసుకుంది. దీంతో పాటు ఎక్ట్రమ్ టాలెంట్, బెస్ట్ ఇంట్రడక్షన్ సబ్ టైటిల్స్‌ను సొంతం చేసుకుని శభాశ్ అనిపించుకుంది.
News August 11, 2024
విశాఖ-బెంగళూరు మధ్య ప్రత్యేక రైలు
విశాఖ-బెంగళూరు-విశాఖ మధ్య ప్రత్యేక రైలును నడపనున్నట్లు వాల్తేరు సీనియర్ డీసీఎం కె. సందీప్ తెలిపారు. విశాఖ-ఎస్ఎంవీ బెంగళూరు (08543) ప్రత్యేక రైలు ఈనెల 18 నుంచి నవంబరు 24వరకు ప్రతి ఆదివారం మ.3.55 గంటలకు విశాఖ నుంచి బయలుదేరుతుంది. తిరుగు ప్రయాణంలో బెంగళూరు-విశాఖ (08544) ఈ నెల 19 నుంచి నవంబరు 25 వరకు ప్రతి సోమవారం మ.3.55 గంటలకు బెంగళూరులో బయలుదేరి తరువాత రోజు మధ్యాహ్నం 1.30 గంటలకు విశాఖ చేరుకుంటుంది.
Featured News
Sorry, no posts matched your criteria.