• Download our app

Visakhapatnam

News December 6, 2024

విశాఖలో సీఎం చంద్రబాబు షెడ్యూల్ ఇదే

image

 సీఎం చంద్రబాబు విశాఖ పర్యనటలో భాగంగా శుక్రవారం పలు కార్యక్రమాల్లో పాల్గోనున్నారు. మొదటి పార్టీ కార్యాలయంలో జరిగే అంబేడ్కర్ వర్ధంతి కార్యక్రమంలో పాల్గొంటారు. అనంతరం కొంతసేపు పార్టీ నాయకులను, కార్యకర్తలతో భేటీ అవుతారు. 9:30 నిమిషాలకు నోవాటెల్‌లో “డీప్ టెక్నాలజీ సదస్సు- 2024″లో పాల్గొంటారు. సాయంత్రం వీఎంఆర్డీఏ అధికారులతో భేటీ అవుతారు. అనంతరం 06:45 ఎయిర్ పోర్ట్‌కు చేరుకొని తిరిగి విజయవాడ వెళ్తారు. 

News December 6, 2024

విశాఖ: NAD కొత్త రోడ్డులో యాక్సిడెంట్.. వ్యక్తి మృతి

image

విశాఖ పరిధి NAD కొత్త రోడ్డులో గురువారం సాయంత్రం రోడ్డు ప్రమాదం జరిగింది. టిప్పర్‌ ఢీ కొట్టడంతో అడ్వకేట్ మృతి చెందారు. మృతుడు మర్రిపాలెం ఉడా కాలనీకి చెందిన పోతుల సూర్యనారాయణగా గుర్తించారు. పోలీసులు ఘటనా స్థలానికి చేరుకుని కేసు నమోదు చేసి దర్యాప్తు చేస్తున్నారు. మృతదేహాన్ని పోస్టుమార్టం కోసం KGHకి తరలించారు.

News December 6, 2024

విశాఖ: కామాంధునికి పాతికేళ్ల జైలు శిక్ష

image

బాలికపై అత్యాచారానికి ఒడిగట్టిన కామాంధునికి విశాఖపట్నం పోక్సో కోర్టు శిక్ష విధిస్తూ గురువారం తీర్పు వెల్లడించింది. తీర్పులో భాగంగా నిందితునికి 25 సంవత్సరాల కారాగార శిక్షతో పాటు రూ.1,25,000 జరిమానా విధించింది. సబ్బవరం మండలానికి చెందిన ఓ బాలికపై పలుమార్లు అత్యాచారానికి పాల్పడిన కేసులో నిందితుడిని పోలీసులు అరెస్ట్ చేశారు. అతనిని కోర్టులో ప్రవేశపెట్టగా శిక్ష విధించారు.

News December 6, 2024

సీఎం చంద్రబాబుతో ఎమ్మెల్యే గంటా భేటీ   

image

విశాఖ పర్యటనలో భాగంగా సీఎం చంద్రబాబు నాయుడు గురువారం రాత్రి నగరానికి చేరుకున్నారు. పార్టీ కార్యాలయంలో సీఎంతో భీమిలి ఎమ్మెల్యే గంటా శ్రీనివాస్ రావు భేటీ అయ్యారు. అనంతరం కాసేపు పలు విషయాలపై చర్చించారు. నియోజకవర్గంలో చేపడుతున్న అభివృద్ధి కార్యక్రమాలను సీఎం చంద్రబాబుకు గంటా వివరించారు.

News December 6, 2024

విశాఖ: ‘రెవెన్యూ సదస్సులను విజయవంతం చేయాలి’

image

విశాఖ జిల్లాలో ఈనెల 6వ తేదీ నుంచి జనవరి 8వ తేదీ వరకు నిర్వహించనున్న రెవెన్యూ సదస్సులను విజయవంతం చేయాలని కలెక్టర్ హరేంధిర ప్రసాద్ విజ్ఞప్తి చేశారు. గురువారం కలెక్టరేట్‌లో రెవెన్యూ సదస్సులపై ఎమ్మెల్యేలు, అధికారులతో సమావేశం నిర్వహించారు. ప్రజలందరూ రెవెన్యూ సదస్సుల్లో పాల్గొనే విధంగా అవగాహన కల్పించాలని కోరారు. ముఖ్యంగా భూ సమస్యలను పరిష్కరించాలనే లక్ష్యంతో సదస్సులను ఏర్పాటు చేసినట్లు తెలిపారు.

News December 5, 2024

విశాఖ: ‘దీపం -2 ప‌థ‌కంపై మరింత ఫోక‌స్ పెట్టాలి’

image

దీపం-2 ప‌థ‌కంపై అధికారులు మ‌రింత ఫోక‌స్ పెట్టాల‌ని మంత్రి నాదెండ్ల మ‌నోహ‌ర్ పేర్కొన్నారు. గురువారం విశాఖ కలెక్టరేట్‌లో ఆయన అధికారులతో సమావేశామయ్యారు. గ్యాస్ బుకింగ్, డెలివ‌రీ ప్ర‌క్రియ‌లో జాప్యం జ‌ర‌గ‌కుండా చూడాల‌న్నారు. గ్యాస్ డెలివ‌రీ స‌మ‌యంలో, E-KYC స‌మ‌యంలో ప్ర‌జ‌ల నుంచి న‌గ‌దు తీసుకుంటే క‌ఠిన చ‌ర్య‌లు త‌ప్ప‌వ‌న్నారు. అలా చేస్తే సంబంధిత గ్యాస్ ఏజెన్సీని బ్లాక్ లిస్టులో పెట్టాల‌ని ఆదేశించారు.

News December 5, 2024

విశాఖలో దారుణం.. బాలికపై అత్యాచారం!

image

విశాఖలోని జాలరిపేట ప్రాంతంలో‌ మానసిక స్థితి బాగోలేని 13 ఏళ్ల బాలికపై ఓ వ్యక్తి అత్యాచారం చేసినట్లు బాలిక తల్లిదండ్రులు వన్ టౌన్ పోలీసులకు గురువారం ఫిర్యాదు చేశారు. బాలికను వైద్య పరీక్షల నిమిత్తం కేజీహెచ్‌కు తరలించారు. దీనిపై ఏసీపీ కాళిదాస్ మాట్లాడుతూ.. వైద్యుల నివేదిక వచ్చిన వెంటనే తగు చర్యలు తీసుకుంటామని చెప్పారు.

News December 5, 2024

పుష్ప-2పై విశాఖ జనసేన నేత ట్వీట్

image

పుష్ప-2 హిట్ టాక్ సొంతం చేసుకోవడంతో విశాఖ జనసేన నేత బొలిశెట్టి సత్యనారాయణ స్పందించారు. ‘ప్రపంచ వ్యాప్తంగా కొత్త రికార్డులు సృష్టిస్తోన్న పుష్ప-2 బెనిఫిట్ షోలు వేసుకొనడానికి అనుమతిచ్చిన ప్రభుత్వాలు, ముఖ్యంగా పవన్ కళ్యాణ్ గారు చేసిన, చేస్తున్న కృషి.. తెలుగు సినిమా పరిశ్రమ ఆర్థికంగా తన స్థాయిని పెంచడానికి దోహదపడుతుంది. YCP ప్రభుత్వం ఉంటే నిర్మాతలతో పాటు రాష్ట్ర ఖజానాకు గండి పడేది’ అని ట్వీట్ చేశారు.

News December 5, 2024

సింహాచలంలో ఆధ్యాత్మిక మ్యూజియం

image

సింహాచలం పుణ్యక్షేత్రంపై ఆధ్యాత్మిక మ్యూజియం నిర్మించాలని సంకల్పించామని బ్రహ్మకుమారీస్ వికే రమాదేవి తెలిపారు. ఈ మేరకు ఆమె డాబాగార్డెన్స్ వీజేఎఫ్ ప్రెస్ క్లబ్‌లో గురువారం విలేకరుల సమావేశం నిర్వహించారు. ఈ సందర్భంగా ఆమె మాట్లాడుతూ.. మ్యూజియంను సనాతన ధర్మాన్ని ప్రతిబింబించే విధంగా దేవతల విగ్రహాలతో పాటు, సామాజిక, నైతిక విలువలు తెలియజేసే విధంగా నిర్మిస్తామని అన్నారు.

News December 5, 2024

విశాఖ: రేషన్ బియ్యంపై ఆరోపణల నేపథ్యంలో మంత్రి సమీక్ష

image

ఉత్తరాంధ్ర జిల్లాల జాయింట్ కలెక్టర్లు, సివిల్ సప్లైస్, లీగల్ మెట్రాలజీ, వ్యవసాయ శాఖ అధికారులతో పౌరసరఫరాల శాఖ మంత్రి నాదెండ్ల మనోహర్ గురువారం సమీక్ష సమావేశం నిర్వహించారు. ధాన్యం కొనుగోలు, వినియోగదారుల వ్యవహారాలు తదితర అంశాలపై ఆయన సమీక్షించారు. అధికారులకు పలు సూచనలు సలహాలు ఇచ్చారు. రేషన్ బియ్యం పక్కదారి పడుతున్నాయని ఆరోపణలు వస్తున్న నేపథ్యంలో ఈ సమావేశం అత్యంత ప్రాధాన్యత సంతరించుకుంది.

Featured News

Sorry, no posts matched your criteria.

↑