India's largestHyperlocal short
news App
Get daily news updates that are tailored for you based on your preferred language & location.
download Way2News app now
Visakhapatnam
News October 25, 2024
భారత్-సింగపూర్ ద్వైపాక్షిక విన్యాసాలు
భారత్-సింగపూర్ దేశాల సింబెక్స్-2024 మారిటైం ద్వైపాక్షిక విన్యాసాలు ప్రారంభమైనట్లు విశాఖ తూర్పు నావికాదళం అధికారులు తెలిపారు. 1994లో మొదటిసారిగా ఎక్సర్సైజ్ లైవ్ కింగ్ పేరిట ఈ రెండు దేశాల మధ్య సముద్ర విన్యాసాలకు శ్రీకారం చుట్టారు. శుక్రవారం వరకు హార్బర్ ఫేజ్‌లో 28, 29 తేదీల్లో సీఫేజ్‌లో విన్యాసాలు జరుగుతాయని పేర్కొన్నారు. ఈ విన్యాసాల్లో సింగపూర్‌కు చెందిన ఆర్ఎస్ఎస్ టినాసియస్ పాల్గొంటుంది.
News October 25, 2024
విశాఖ డెయిరీకి నోటీసులు జారీ చేసిన ఆర్డీవో
విశాఖ డెయిరీ యాజమాన్యానికి భీమిలి ఆర్డీవో సంగీత్ మాథూర్ గురువారం నోటీసులు జారీ చేశారు. విశాఖలోని ఆరిలోవ ప్రాంతంలో సుమారు 7.95ఎకరాల ప్రభుత్వ భూమిని డెయిరీ యాజమాన్యం ఆక్రమించుకున్నట్లు కార్పొరేటర్ పీతల మూర్తి యాదవ్ ఫిర్యాదు చేశారు. దీనిపై స్పందించిన ఆర్డీవో శుక్రవారం ఉ.11 గంటలకు భీమిలి ఆర్డీవో కార్యాలయంలో హాజరుకావాలని నోటీసులో పేర్కొన్నారు. అలాగే సంబంధిత అధికారులకు కూడా నోటీసులు జారీ చేశారు.
News October 25, 2024
అనకాపల్లి: ‘రైతులు పంటల భీమా పథకాన్ని వినియోగించుకోవాలి’
వచ్చే రబీ సీజన్‌కు సంబంధించి పంటల భీమా పథకాన్ని రైతులందరూ వినియోగించుకోవాలని వ్యవసాయ శాఖ ప్రత్యేక చీఫ్ సెక్రటరీ రాజశేఖర్ సూచించినట్లు అనకాపల్లి జేసీ జాహ్నవి తెలిపారు. గురువారం పంటల బీమాపై జిల్లా కలెక్టర్లు వ్యవసాయ శాఖ అధికారులతో సెక్రటరీ వీడియో కాన్ఫరెన్స్ నిర్వహించినట్లు పేర్కొన్నారు. ఇతరుల ప్రమేయం లేకుండా రైతులే నేరుగా ప్రీమియం కట్టుకునే సౌకర్యాన్ని ప్రభుత్వం కల్పిస్తుందని ఆమె తెలిపారు.
News October 25, 2024
ఏయూ: పీజీ డిప్లమో కోర్సు దరఖాస్తు గడువు పెంపు
ఆంధ్ర విశ్వవిద్యాలయంలో నిర్వహిస్తున్న పీజీ డిప్లమో ఇన్ కౌన్సెలింగ్ అండ్ గైడెన్స్ ఆన్‌లైన్ కోర్సులో ప్రవేశాలకు దరఖాస్తు గడువును నవంబర్ 6వ తేదీ వరకు పొడిగించినట్లు డైరెక్టర్ ఆచార్య డీఏ. నాయుడు తెలిపారు. నవంబర్ 7వ తేదీన ఉదయం 10 గంటల నుంచి కౌన్సెలింగ్ నిర్వహించి సీట్ల కేటాయించడం జరుగుతుందన్నారు. విద్యార్థులు తమ ఒరిజినల్ సర్టిఫికెట్లతో నేరుగా 7వ తేదీ ఉదయం కౌన్సెలింగ్‌కు హాజరుకావాలని తెలిపారు.
News October 24, 2024
బీఫార్మసీ ఆరో సెమిస్టర్ సప్లిమెంటరీ పరీక్ష ఫలితాలు విడుదల
ఆంధ్ర విశ్వవిద్యాలయం పరిధిలోని బి ఫార్మసీ ఆరో సెమిస్టర్ సప్లిమెంటరీ పరీక్షా ఫలితాలను విడుదల చేసినట్లు కంట్రోలర్ ఆఫ్ ఎగ్జామినేషన్స్ తెలిపారు. ఆగస్టు నెలలో నిర్వహించిన ఈ పరీక్షా ఫలితాలను ఈరోజు విడుదల చేసి ఏయూ వెబ్సైట్లో ఉంచారు. విద్యార్థులు రీవాల్యుయేషన్ కోసం నవంబర్ 7వ తేదీ లోగా దరఖాస్తు చేసుకోవాలని సూచించారు. పరీక్ష ఫలితాలను ఏయూ వెబ్సైట్ నుంచి విద్యార్థులు పొందవచ్చును.
News October 24, 2024
స్టీల్ ప్లాంట్‌పై సానుకూల పరిణామాలు: ఎంపీ శ్రీభరత్
రాష్ట్రంలో కూటమి ప్రభుత్వం ఏర్పడిన తర్వాత కేంద్రం నుంచి స్టీల్ ప్లాంట్‌పై సానుకూల పరిణామాలు చోటు చేసుకున్నాయని విశాఖ ఎంపీ శ్రీభరత్ పేర్కొన్నారు. విశాఖలో జరిగిన జడ్పీ సమావేశంలో ఆయన మాట్లాడుతూ.. రూ.1,700 కోట్లను కేంద్రం విడుదల చేసినట్లు తెలిపారు. ఈ నిధుల విడుదల ద్వారా ప్రభుత్వం స్టీల్ ప్లాంట్‌పై సానుకూల దృక్పథంతో ఉన్నట్లు స్పష్టమవుతుందన్నారు.
News October 24, 2024
సొంత బాబాయ్‌నే జగన్ చంపించేశాడు: హోంమంత్రి అనిత
సీఎం కుర్చీలో కూర్చోడానికి సొంత బాబాయ్‌ని వైఎస్ జగన్ చంపించేశాడని హోంమంత్రి అనిత ఆరోపించారు. తల్లీ, చెల్లి మీద ఏదోరోజు కేసు పెడతారనుకున్నాం.. అలానే కేసు పెట్టారని ఆమె అన్నారు. బాబాయ్ మృతి విషయంలో సీఐడీ పేరుతో చెల్లిని కామ్ అప్ చేశారని ఎద్దేవా చేశారు. అన్న కోసం ఉమ్మడి రాష్ట్రంలో పాదయాత్ర చేసిన షర్మిళ.. ఎన్నికల ముందు ఎదురుతిరిగిందన్న ఆమె.. జగన్ నిజస్వరూపం ఏంటో వాసిరెడ్డి పద్మ చెప్పారని అన్నారు.
News October 24, 2024
విశాఖ జడ్పీ సమావేశానికి హాజరైన హోంమంత్రి
రాష్ట్ర హోం మంత్రి వంగలపూడి అనిత విశాఖ జిల్లా పరిషత్ సమావేశ మందిరంలో జరుగుతున్న సర్వసభ్య సమావేశానికి గురువారం ముఖ్యఅతిథిగా హాజరయ్యారు. సమావేశ మందిరానికి వచ్చిన హోంమంత్రికి ఉమ్మడి విశాఖ జిల్లా జిల్లా పరిషత్ ఛైర్పర్సన్ సుభద్ర, విశాఖ జిల్లా కలెక్టర్ హరేంద్ర ప్రసాద్‌తో పాటు పలువురు అధికారులు ప్రతినిధులు స్వాగతం పలికారు.
News October 24, 2024
అల్లూరి జిల్లాలో భారీ వర్షాలకు పంట నష్టం: జడ్పీ ఛైర్పర్శన్
అల్లూరి జిల్లాలో ఇటీవల కురిసిన భారీ వర్షాలకు పంట నష్టం జరిగిందని విశాఖ జడ్పీ సమావేశ మందిరంలో జరిగిన సర్వసభ్య సమావేశంలో పలువురు సభ్యులు తెలిపారు. జడ్పీ ఛైర్పర్సన్ సుభద్ర అధ్యక్షతన జరుగుతున్న సర్వసభ్య సమావేశంలో పంట నష్టం మంజూరుకు చర్యలు తీసుకోవాలని సభ్యులు విజ్ఞప్తి చేశారు. ఈ సమావేశంలో ఉమ్మడి విశాఖ జిల్లాలకు చెందిన కలెక్టర్లు హరీంద్ర ప్రసాద్, విజయ్ కృష్ణన్, దినేశ్ కుమార్ పాల్గొన్నారు.
News October 24, 2024
ఆస్ట్రేలియా టూర్‌కు నితీశ్ కుమార్, రికీ భుయ్
విశాఖకు చెందిన క్రికెటర్లు నితీశ్ కుమార్ రెడ్డి, రికీ భుయ్ భారత్-ఏ జట్టుకు ఎంపికయ్యారు. ఆస్ట్రేలియా-ఏ జట్టుతో రెండు మ్యాచ్‌లు ఆడనున్నారు. అనంతరం బోర్డర్ గవాస్కర్ ట్రోఫీలో భాగంగా ఆస్ట్రేలియా టార్‌‌కు వెళ్లే టీం ఇండియాతో ప్రాక్టీస్ మ్యాచ్ ఆడతారు. కాగా.. నితీశ్ కుమార్ రెడ్డిని బోర్డర్-గవాస్కర్ సిరీస్‌కు ఎంపిక చేసే అవకాశం ఉందని వార్తలు వస్తున్నాయి.
Featured News
Sorry, no posts matched your criteria.