India's largestHyperlocal short
news App
Get daily news updates that are tailored for you based on your preferred language & location.
download Way2News app now
Vizianagaram
News August 7, 2024
VZM: బొకారో ఎక్స్ ప్రెస్ దారి మళ్లింపు
చెన్నై సెంట్రల్-బేసిన్ బ్రిడ్జి స్టేషన్ల మధ్య వంతెన పునర్నిర్మాణ పనుల కారణంగా ఆ మార్గంలో ప్రయాణించే బొకారో ఎక్స్‌ప్రెస్‌ దారి మళ్లిస్తున్నట్లు వాల్తేరు డీసీఎం సందీప్ తెలిపారు. అలప్పుళ-ధన్‌బా‌ద్ బొకారో ఎక్స్‌ప్రెస్‌ను ఈనెల 8,10,13, 15,17, 20,22, 24,27,29 తేదీల్లో రెగ్యులర్ మార్గంలో కాకుండా వయా పొదనూర్,ఇరుగూర్, సూరత్‌కల్ స్టేషన్ల మీదుగా నడుస్తుందన్నారు. పొదనూర్‌లో హాల్ట్ కల్పించామన్నారు.
News August 7, 2024
విశాఖలో ఆర్మీ ర్యాలీ.. ఏర్పాట్లపై సమీక్ష
విశాఖ పోర్ట్ ట్రస్ట్ డైమండ్ జూబ్లీ స్టేడియంలో ఈ నెల 23 నుంచి వచ్చే నెల 5వ తేదీ వరకు జరిగే ఆర్మీ రిక్రూట్మెంట్ ర్యాలీకి పక్కా ఏర్పాట్లు చేయాలని కలెక్టర్ హరీంద్ర ప్రసాద్ అధికారులను ఆదేశించారు. ఆర్మీ రిక్రూట్మెంట్ ర్యాలీపై ఆర్మీ, జిల్లా అధికారులతో సమావేశాన్ని నిర్వహించారు. కలెక్టరేట్‌లో జరిగిన సమావేశంలో ఆయన మాటాడుతూ.. రాష్ట్రంలో 13 జిల్లాలకు చెందిన 8వేల మంది యువత ఈ ర్యాలీలో పాల్గొంటున్నట్లు తెలిపారు.
News August 7, 2024
ఆదివాసి దినోత్సవం జరిగే ప్రదేశాన్ని పరిశీలించిన కలెక్టర్
గుమ్మలక్ష్మీపురంలో ఈ నెల 9వ తేదీన జరిగే ప్రపంచ ఆదివాసి దినోత్సవం ప్రదేశాన్ని, ఏర్పాట్లను కలెక్టర్ శ్యాంప్రసాద్, ఎమ్మెల్యే జగదీశ్వరి మంగళవారం పరిశీలించారు. ఈ వేడుకలకు ముఖ్యమంత్రి చంద్రబాబునాయుడు వచ్చే అవకాశం ఉన్నందున మండలంలో అనువైన పలు ప్రాంతాలను పరిశీలిస్తున్నారు. కలెక్టర్ వెంట జేసీ శోభిక తదితర సిబ్బంది ఉన్నారు.
News August 6, 2024
ఏయూ: ఆన్‌లైన్ క్విజ్.. ప్రైజ్‌మనీ రూ.40వేలు
ఏయూ అంబేడ్కర్ ఛైర్ ఆధ్వర్యంలో స్వాతంత్ర దినోత్సవాన్ని పురస్కరించుకుని ఫ్రీడమ్ క్విజ్ నిర్వహిస్తున్నట్లు ఆచార్య ఎం.జేమ్స్ స్టీఫెన్ తెలిపారు. ఆన్‌లైన్ క్విజ్ 12న, రాత పరీక్ష 13న, ఫైనల్ పోటీలు 14న నిర్వహిస్తారు. ప్రథమ బహుమతిగా రూ.25 వేలు, 2వ బహుమతిగా రూ.10వేలు, 3వ బహుమతిగా రూ.5వేల నగదుతో పాటు ట్రోఫీ ఇస్తారు. ఆసక్తి గల వారు ఈనెల 10వ తేదీలోగా 97000 66832 నంబరును సంప్రదించి రిజిస్ట్రేషన్ చేసుకోవాలి.
News August 6, 2024
VZM: ఏపీ పీజీ సెట్ ప్రవేశాలకు నోటిఫికేషన్
రాష్ట్రవ్యాప్తంగా విశ్వవిద్యాలయాలు, అనుబంధ కళాశాలలో పీజీ కోర్సుల్లో ప్రవేశాలకు నిర్వహించిన ఏపీ పీజీ సెట్-2024 ప్రవేశాల కౌన్సిలింగ్ నోటిఫికేషన్ జారీ చేసినట్లు కన్వీనర్, ఏయూ వీసీ జి.శశిభూషణ్‌రావు తెలిపారు. ఈ నెల 7 నుంచి 12వ తేదీ వరకు ర్యాంకులు సాధించిన విద్యార్థులు వెబ్ సైట్‌లో రిజిస్ట్రేషన్ చేసుకోవాలని ఆయన ఒక ప్రకటనలో తెలిపారు. పూర్తి వివరాలకు https://cets.apsche.apgov.in వెబ్‌సైట్‌ను సందర్శించాలి.
News August 6, 2024
VZM: ఐటీఐ ప్రవేశాలకు దరఖాస్తుల ఆహ్వానం
జిల్లాలోని ఐటీఐ కోర్సుల్లో 3వ విడత ప్రవేశాలకు ఈ నెల 26 లోపు దరఖాస్తులు చేసుకోవాలని ఐటీఐ కళాశాలల కన్వీనర్ టీవీ గిరి తెలిపారు. విద్యార్థులు iti.ap.gov.in వెబ్ సైట్‌లో రిజిస్ట్రేషన్ చేసుకుని, సంబంధిత యూనిక్ నంబరుతో ఈ నెల 27వ తేదీ సాయంత్రం 5 గంటల్లోగా దరఖాస్తు చేసి ఐటీఐలో ధ్రువపత్రాల పరిశీలనకు హాజరు కావాలని చెప్పారు. 29న ప్రభుత్వ, 31న ప్రైవేటు ఐటీఐల్లో కౌన్సెలింగ్ ఉంటుందన్నారు.
News August 6, 2024
విజయనగరంలో ట్రైన్ కింద పడి ఆత్మహత్య
జిల్లా కేంద్రంలో విజయనగరం నుంచి పలాస వెళ్లే మార్గంలో ట్రైన్ కిందపడి వ్యక్తి ఆత్మహత్య చేసుకున్న సంఘటన మంగళవారం ఉదయం చోటు చేసుకుంది. స్థానికులు తెలిపిన వివరాల ప్రకారం.. వైయస్సార్ కాలనీకి చెందిన జి.వీర్రాజు బట్టల షాపులో పని చేసుకుంటూ జీవనం సాగించేవాడు. బట్టల షాపులో ఉద్యోగం పోవడంతో ఆర్థిక ఇబ్బందులకు గురై ఆత్మహత్యకు పాల్పడ్డాడు. స్థానికులు రైల్వే పోలీసులకు సమాచారం అందించారు.
News August 6, 2024
విజయనగరం: ఫేక్ మెసేజ్‌తో రూ.5.30 లక్షలు కాజేత
విజయనగరం ఎం.జి.రోడ్డులో నివసిస్తున్న యువతి ఇన్‌స్టాగ్రాంకు వచ్చిన ‘ఇన్స్టిట్యూషనల్ ట్రేడింగ్’ అనే మెసేజ్‌కు స్పందించింది. ఆ తర్వాత వాట్సాప్‌లో ఎన్82 మిహర్ వోహ్రా ఈక్విటీ ఇన్వెస్ట్మెంట్ స్ట్రాటజీ’ గ్రూప్ ద్వారా వచ్చిన వాటిని నమ్మి, అధిక మొత్తంలో డబ్బులు వస్తాయన్న ఆశతో మొత్తం రూ.5,30,000 నగదు పంపించారు. తర్వాత అటువైపు నుంచి ఎటువంటి స్పందన లేకపోవడంతో మోసపోయానని గమనించి పోలీసులకు ఫిర్యాదు చేశారు.
News August 6, 2024
పార్వతీపురం యువకునికి 20ఏళ్ల జైలుశిక్ష
అనకాపల్లి జిల్లాకు చెందిన అమ్మాయిని మోసగించిన కేసులో పార్వతీపురానికి చెందిన పి.సాయి మనోజ్ కుమార్‌కు 20ఏళ్ల జైలు శిక్ష విధిస్తూ విజయనగరం పోక్సో కోర్టు తీర్పునిచ్చింది. శిక్షతో పాటు రూ.5,500 జరిమానా విధించింది. భోగాపురం సమీపంలో చదువుతున్న రోజుల్లో సాయి మనోజ్‌తో సోషల్ మీడియాలో పరిచయం ఏర్పడింది. ఈ క్రమంలో పెళ్లి చేసుకుంటానని నమ్మించి మోసం చేసినట్లు స్థానిక పోలీసుస్టేషన్‌లో ఆమె కేసు పెట్టింది.
News August 6, 2024
పార్వతీపురంలో విరబూసిన బ్రహ్మ కమలం
మహ శివునికి ఎంతో ప్రీతికరమైన బ్రహ్మ కమలం పుష్పాలు హిమాలయాల్లో ఏడాదికి ఒక్కసారే విరబూస్తాయి. అలాంటి ఆ బ్రహ్మ కమలాలు పార్వతీపురం మన్యం జిల్లా కేంద్రంలో విరబూయడం అందరినీ ఆకర్షిస్తోంది. పట్టణంలోని వైకేయం కాలనీకి చెందిన అశపు సర్వేశ్వరరావు ఇంటి ఆవరణలో నాటిన ఈ మొక్కకు పూలు విరబూశాయి. సర్వేశ్వరరావు కుటుంబ సభ్యులు ఎంతగానో సంతోషించారు. సమీపంలోని శివాలయంలో ఆ పూలను సమర్పిస్తామన్నారు.
Featured News
Sorry, no posts matched your criteria.