• Download our app

Vizianagaram

News January 3, 2025

VZM: చిన్నారిపై అత్యాచారం కేసులో 25 ఏళ్ల జైలుశిక్ష

image

విజయనగరం జిల్లాలో సంచలనం రేపిన చిన్నారిపై అత్యాచారం కేసులో నిందితుడికి 25ఏళ్లు జైలుశిక్ష విధిస్తూ జిల్లా ప్రత్యేక కోర్టు న్యాయమూర్తి నాగమణి తీర్పు ఇచ్చినట్లు DSP శ్రీనివాసరావు చెప్పారు. రామభద్రపురం మండలం నేరేళ్లవలసలో బి.ఎరకన్నదొర గతేడాది ఉయ్యాలలో ఉన్న బాలికపై అత్యాచారం చేశాడు. జైలుశిక్ష పడడంతో ప్రజలు, ప్రజా సంఘాలు హర్షం వ్యక్తం చేస్తున్నాయి. జైలుశిక్షతో పాటు రూ.5వేలు జరిమానా విధించారు.

News January 3, 2025

జోన్-1 ఆటల పోటీలకు నెల్లిమర్లలో ఏర్పాట్లు

image

ఏపీ గురుకుల విద్యాలయాల జోన్-1 ఆటలపోటీలు నెల్లిమర్ల ఎంజేపీఎపి బాలికల పాఠశాలలో ఈనెల 5, 6 తేదీల్లో నిర్వహిస్తున్నట్లు కన్వీనర్ ప్రిన్సిపల్ డా.కేబీబీ రావు తెలిపారు. విజయనగరం, విశాఖపట్నం, శ్రీకాకుళం జిల్లాలకు చెందిన 14 పాఠశాలల విద్యార్థులు పోటీల్లో పాల్గొంటారన్నారు. వాలీబాల్, కబడ్డీ, షటిల్, రన్నింగ్ తదితర అంశాల్లో పోటీలు ఉంటాయన్నారు. ఈ మేరకు ఏర్పాట్లు చేసినట్లు చెప్పారు.

News January 3, 2025

విజయనగరంలో మహిళా అభ్యర్థుల ఎంపిక ప్రారంభం

image

స్టెఫెండరీ మహిళా పోలీసు కానిస్టేబుల్ ఉద్యోగ నియామకాలకు ప్రాథమిక రాత పరీక్షలో అర్హత సాధించిన అభ్యర్థులకు PMT, PET పరీక్షల ప్రక్రియ ప్రారంభమయ్యాయి. స్థానిక పోలీస్ పరేడ్ గ్రౌండ్ లో జరిగిన ఎంపిక ప్రక్రియను జిల్లా ఎస్పీ వకుల్ జిందాల్ పరిశీలించారు. అభ్యర్థులకు కల్పించిన ఏర్పాట్లను పరిశీలించారు. ఎంపిక ప్రక్రియకు ప్రత్యేక మహిళ సిబ్బందిని నియమించినట్టు ఎస్పీ తెలిపారు.

News January 3, 2025

VZM: ఉమ్మడి జిల్లా వాలీబాల్ క్రీడాకారులకు అలర్ట్

image

స్థానిక రాజీవ్ క్రీడా ప్రాంగణంలో ఈనెల 5 మధ్యాహ్నం 2 గంటలకు ఉమ్మడి విజయనగరం జిల్లా సీనియర్ బాలుర వాలీబాల్ జట్టు ఎంపిక నిర్వహించనున్నట్లు జిల్లా వాలీబాల్ అసోసియేషన్ అధ్యక్ష, కార్యదర్శులు జి.సూరిబాబు, కేవీఏఎన్.రాజు తెలిపారు. క్రీడాకారులు అందరూ ఆ రోజు మధ్యాహ్నం 2 గంటలకు తప్పక హాజరు కావాలని సూచించారు. ఎంపికైన క్రీడాకారులు త్వరలో రాష్ట్రంలో జరిగే వివిధ సీనియర్ రాష్ట్రస్థాయి పోటీలకు పంపిస్తామన్నారు.

News January 3, 2025

VZM: చికిత్స పొందుతూ మృతి

image

విజయనగరం పట్టణంలోని గాంధీనగర్ కాలనీలో హృదయ విధారక ఘటన చోటు చేసుకుంది. తన 10 నెలల చిన్నారికి ఆరోగ్యం బాగోలేకపోవడంతో తల్లడిల్లిన తల్లి అన్నపూర్ణ దిష్టి తీసి డాబాపైకి వెళ్లి విసిరే క్రమంలో విద్యుత్ వైర్లు తగిలి తీవ్ర గాయాల పాలై చికిత్స పొందుతూ మృతి చెందింది. ఈ ఘటన డిసెంబర్ 28న జరగగా విశాఖ కేజీహెచ్‌లో చికిత్స పొందుతూ జనవరి 1న ఆమె మృతి చెందింది. SI అశోక్ కుమార్ కేసు నమోదు చేసి దర్యాప్తు చేస్తున్నారు.

News January 3, 2025

VZM: జిల్లాలో ఇక సౌర వెలుగులు..!

image

విజయనగరం జిల్లాలో సౌర విద్యుత్‌ను ప్రోత్సాహించేందుకు అధికార యంత్రాంగం సిద్ధమైంది. ముందుగా 51 వేల ఎస్సీ, ఎస్టీ గృహాలకు ఫిబ్రవరి నెలాఖరిలోగా సౌర విద్యుత్ కనెక్షన్లు ఇవ్వడమే లక్ష్యంగా అధికారులు పెట్టుకున్నారు. రాయతీపై ఆయా కుటుంబాలకు యూనిట్లను ఏర్పాటు చేసేందుకు సన్నద్ధమవుతున్నారు. దరఖాస్తు చేసిన వారికి సత్వరమే సౌర విద్యుత్ కనెక్షన్ ఇవ్వాలని సంబంధిత అధికారులకు కలెక్టర్ అంబేడ్కర్ ఆదేశాలు జారీ చేశారు.

News January 3, 2025

విజయనగరం: లవ్ మ్యారేజ్.. దంపతుల సూసైడ్

image

విజయనగరం జిల్లాకు చెందిన దంపతులు పెందుర్తి మండలం పురుషోత్త పురంలో ఉరివేసుకుని చనిపోయారు. ఈ ఘటన బుధవారం రాత్రి జరిగింది. చీపురుపల్లికి చెందిన సంతోష్ (35) విశాఖకు చెందిన సంతోష్ శ్రీ (25) లవ్ చేసుకున్నారు. ఆరేళ్ల క్రితం పెళ్లి కాగా పిల్లలు లేరు. దీంతో పాటు ఆర్థిక ఇబ్బందులు ఉండడంతో మనస్తాపం చెంది ఇంట్లోనే ఉరివేసుకుని మృతిచెందారు. పెందుర్తి పోలీసులు గుర్తించారు. కేసు నమోదు చేసి దర్యాప్తు చేస్తున్నారు.

News January 3, 2025

VZM: కానిస్టేబుల్ ఉద్యోగాలు.. 259 మంది గైర్హాజరు

image

విజయనగరం పోలీస్ పరేడ్ గ్రౌండ్‌లో కానిస్టేబుల్ అభ్యర్థుల ఎంపిక ప్రక్రియ గురువారం ప్రశాంతంగా ముగిసింది . మొత్తం 600 మంది అభ్యర్థులు హాజరు కావాల్సి ఉండగా 341 మంది అభ్యర్థులు మాత్రమే PMT, PET పరీక్షలకు హాజరయ్యారు. రెండో రోజు 259 మంది అభ్యర్థులు గైర్హాజరైనట్లు ఎస్పీ వకుల్ జిందాల్ తెలిపారు. కాగా ఎంపిక ప్రక్రియ గురువారం ఉదయం 5గంటల నుంచి మధ్యాహ్నం 2గంటల వరకు జరిగింది.

News January 3, 2025

VZM: ఉచిత శిక్షణకు దరఖాస్తుల ఆహ్వానం

image

విజయనగరంలోని NTR నైపుణ్యాభివృద్ధి, మహిళా సాధికారత కేంద్రం ఆధ్వర్యంలో గృహిణులు, యువతులకు వివిధ వృత్తి శిక్షణ కోర్సుల్లో ఉచిత శిక్షణకు దరఖాస్తులను ఆహ్వానిస్తున్నట్లు జిల్లా మేనేజర్ విమల తెలిపారు. 8వ తరగతి నుంచి 10వ తరగతి వరకు చదివిన వారు అర్హులన్నారు. కోర్సుని బట్టి 30 నుంచి 60 రోజుల శిక్షణ వ్యవధి ఉంటుందని పేర్కొన్నారు. ఆసక్తి కలిగిన మహిళలు, యువతులు జనవరి 10వ తేదీలోగా దరఖాస్తులు చేసుకోవాలన్నారు.

News January 2, 2025

కడపలో టీడీపీ MLC ఇంటికి బొత్స

image

టీడీపీ MLC రామచంద్రయ్య కుటుంబాన్ని శాసనమండలి విపక్ష నేత బొత్స సత్యనారాయణ పరామర్శించారు. ఇటీవల రామచంద్రయ్య కుమారుడు విష్ణు స్వరూప్ అకాల మరణం చెందారు. ఈ నేపథ్యంలో కడప కో-ఆపరేటివ్ కాలనీలో ఆయన నివాసంలో బొత్స సత్యనారాయణ రామచంద్రయ్యతో పాటు వారి కుటుంబ సభ్యులను గురువారం పరామర్శించారు. చిన్న వయసులోనే అకాల మరణం చెందడం బాధాకరమని వారి కుటుంబానికి దేవుడు మనోధైర్యం ఇవ్వాలని ఆకాంక్షించారు.

Featured News

Sorry, no posts matched your criteria.

↑