India's largestHyperlocal short
news App
Get daily news updates that are tailored for you based on your preferred language & location.
download Way2News app now
WestGodavari
News September 25, 2024
28న సాఫ్ట్ టెన్నిస్ ఉమ్మడి ప.గో.జిల్లా జట్ల ఎంపికలు
ఉమ్మడి ప.గో.జిల్లా విద్యాశాఖ ఆధ్వర్యంలో స్కూల్ గేమ్స్ ఫెడరేషన్ ఆధ్వర్యంలో 2024-25 విద్యా సంవత్సరానికి అండర్-14, 17 బాల బాలికల సాఫ్ట్ టెన్నిస్ జిల్లా జట్ల ఎంపికలు ఈనెల 28న నిర్వహించనున్నట్లు ఫెడరేషన్ కార్యదర్శి మల్లేశ్వరరావు తెలిపారు. ఈ పోటీలు గణపవరం జిల్లా పరిషత్ బాలుర ఉన్నత పాఠశాలలో జరగనున్నాయన్నారు. విద్యార్థులు ఎంట్రీ ఫారం, మిడ్ డే మీల్స్ అక్విట్టెన్స్ తప్పనిసరిగా తీసుకురావాలన్నారు.
News September 24, 2024
ఉమ్మడి ప.గో.జిల్లా నేతలకు టీడీపీలో కీలక పదవులు
ఉమ్మడి పశ్చిమగోదావరి జిల్లాలో ముగ్గురు టీడీపీ నేతలకు నామినేటెడ్ పదవులు వరించాయి. ఏపీ ట్రైకార్ ఛైర్మన్‌గా పోలవరం నియోజకవర్గ టీడీపీ కన్వీనర్ బొరగం శ్రీనివాసులు, ఏపీ కన్జ్యూమర్ ప్రొటెక్షన్ కౌన్సిల్ ఛైర్మన్‌గా చింతలపూడి మాజీ ఎమ్మెల్యే పీతల సుజాత, ఏపీ ఇండస్ట్రియల్ ఇన్ఫ్రాస్ట్రక్చర్ కార్పొరేషన్ ఛైర్మన్‌గా ఉండి మాజీ ఎమ్మెల్యే, టీడీపీ జిల్లా అధ్యక్షుడు మంతెన రామరాజు నియమితులయ్యారు.
News September 24, 2024
ఏపీ స్టేట్ కన్జ్యూమర్ ప్రొటెక్షన్ కౌన్సిల్ ఛైర్మన్‌గా సుజాత
రాష్ట్రంలో నామినేటెడ్ పోస్టులను ప్రభుత్వం మంగళవారం భర్తీ చేసింది. మొత్తం 20 మందిని నామినేటెడ్ పోస్టులకు ఎంపిక చేస్తూ జాబితాను విడుదల చేసింది. ఈ జాబితాలో చింతలపూడి నుంచి ప్రాతినిధ్యం వహిస్తున్న మాజీమంత్రి పీతల సుజాతను ఏపీ స్టేట్ కన్జ్యూమర్ ప్రొడక్షన్ కౌన్సిల్ ఛైర్మన్‌గా నియమించింది. కష్టకాలంలో పార్టీకి అండగా ఉన్న ఆమెకు తగిన గౌరవం దక్కిందని కార్యకర్తలు హర్షం వ్యక్తం చేస్తున్నారు.
News September 24, 2024
ఏపీ షెడ్యూల్ ట్రైకార్ ఛైర్మన్‌గా బొరగం శ్రీనివాసులు
రాష్ట్రంలో పలు నామినేటెడ్ పోస్టులను రాష్ట్ర ప్రభుత్వం మంగళవారం భర్తీ చేస్తూ జాబితాను విడుదల చేసింది. ఈ సందర్భంగా మొత్తం కూటమి పార్టీల నుంచి 20 మందిని నామినేటెడ్ పోస్టులకు ఎంపిక చేసింది. ఈ జాబితాలో పోలవరం నియోజకవర్గ టీడీపీ ఇన్‌ఛార్జ్ బోరగం శ్రీనివాసులకు ఏపీ స్టేట్ షెడ్యూల్ ట్రైకార్ ఛైర్మన్‌గా నియమించింది. నాయకుడికి దక్కిన గౌరవంగా కార్యకర్తలు హర్షం వ్యక్తం చేస్తూ అభినందనలు తెలుపుతున్నారు.
News September 24, 2024
APIIC ఛైర్మన్‌గా మంతెన రామరాజు నియామకం
రాష్ట్ర ప్రభుత్వం నామినేటెడ్ పదవులను ప్రకటిస్తూ మంగళవారం ఉత్తర్వులను జారీ చేసింది. ఇందులో భాగంగా పశ్చిమగోదావరి జిల్లా ఉండి మాజీ ఎమ్మెల్యే మంతెన రామరాజును ఆంధ్రప్రదేశ్ ఇండస్ట్రియల్ ఇన్ఫ్రాస్ట్రక్చర్ కార్పొరేషన్ ఛైర్మన్‌ (APIIC)గా నియమిస్తూ ప్రభుత్వం ఉత్తర్వులు జారీ చేసింది. ఎమ్మెల్యే టికెట్ త్యాగానికి దక్కిన ప్రతిఫలంగా నామినేటేడ్ పోస్టు వరించిందని కార్యకర్తలు హర్షం వ్యక్తం చేస్తున్నారు.
News September 24, 2024
ప.గో. జిల్లాలో 118.6 మి.మీ. వర్షపాతం
పశ్చిమగోదావరి జిల్లా వ్యాప్తంగా 24 గంటల వ్యవధిలో 118.6 మిల్లీమీటర్ల వర్షపాతం నమోదైనట్లు వాతావరణ శాఖ అధికారులు మంగళవారం తెలిపారు. జిల్లాలో అత్యధికంగా కాళ్ల మండలంలో 52.2, ఉండి 22.2, ఇరగవరం 19.0, పెనుమంట్ర 14.2, పెనుగొండ 4.2, నరసాపురం 2.8, యలమంచిలి, పెంటపాడు 1.4, ఆకివీడు 1.2 మిల్లీమీటర్ల చొప్పున వర్షపాతం నమోదు కాగా మిగిలిన ప్రాంతాల్లో వర్షపాతం నమోదు కాలేదని చెప్పారు.
News September 24, 2024
డల్లాస్‌లో కానూరు యువకుడు గుండెపోటుతో మృతి
పెరవలి మండలం కానూరు గ్రామానికి చెందిన చిలుకూరి శ్రీరాఘవ హార్ట్ అటాక్‌తో అమెరికాలోని డల్లాస్‌లో మృతిచెందాడు. మృతుడు ఎమ్మెస్ పూర్తి చేసి ఉద్యోగాన్వేషణలో ఉన్నాడు. ఈ క్రమంలో గుండెపోటు రావడంతో మృతి చెందినట్లు అతని బంధువులు తెలిపారు. మంగళవారం అతని మృతదేహం స్వగ్రామం కానూరు రానున్నట్లు పేర్కొన్నారు.
News September 24, 2024
ఏలూరు: భార్యాభర్తలకు జీవిత ఖైదు
పెదపాడు మండలానికి చెందిన భార్యాభర్తలకు సోమవారం జీవితఖైదు శిక్ష పడిందని ఏలూరు పోక్సో కోర్టు ఇన్‌ఛార్జ్ పీపీ రామాంజనేయులు తెలిపారు. విజయలక్ష్మికి ఇద్దరు ఆడపిల్లలు ఉండగా, భర్త మృతితో మేనమామ సతీశ్‌ను పెళ్లి చేసుకున్నట్లు చెప్పారు. ఆ ఇద్దరిపై సతీశ్ అత్యాచారం చేయగా 2023లో కేసు నమోదయిందన్నారు. నిందితుడికి తల్లి విజయలక్ష్మి కూడా సహకరించిందని నేరం రుజువు కావడంతో ఏలూరు పోక్సో కోర్టు సోమవారం తీర్పు ఇచ్చింది.
News September 23, 2024
ఏలూరు: జలపాతంలో గల్లంతైన రెండు మృతదేహాలు లభ్యం
మారేడుమిల్లి జలతరంగిణి జలపాతం వద్ద వాగులో ఏలూరు ఆశ్రమ్ కళాశాల మెడికల్ విద్యార్థులు ముగ్గురు ఆదివారం గల్లంతైన విషయం తెలిసిందే. ఇద్దరి మృతదేహాలు సోమవారం ఉదయం బయటపడ్డాయి. వాటర్ ఫాల్స్ దిగువన ఇద్దరి యువతుల మృతదేహాలు దొరికాయి. వీరిని కె.సౌమ్య, అమృతలుగా గుర్తించారు. మరొక విద్యార్థి ఆచూకీ తెలియాల్సి ఉంది.
News September 23, 2024
ఉమ్మడి జిల్లాలో జట్లు ఎంపిక పోటీలు
ఉమ్మడి ప.గో.జిల్లా విద్యాశాఖ ఆధ్వర్యంలో జిల్లా స్కూల్ గేమ్స్ ఫెడరేషన్ 2024-25 సంవత్సరానికి అండర్-14, 17 బాల బాలికలకు జిల్లా జట్లు ఎంపికలు నిర్వహిస్తున్నట్లు కార్యదర్శి మల్లేశ్వరరావు తెలిపారు. ఈ సందర్భంగా 25న గొరగనమూడి హైస్కూల్లో నెట్ బాల్, పెదవేగి గురుకుల పాఠశాలలో సాఫ్ట్ బాల్, బేస్ బాల్, 26న భీమవరం SCHBRMHSలో రైఫిల్ షూటింగ్, అక్టోబర్ 1న పెనుమంట్రలో బాక్సింగ్ పోటీలు జరుగుతాయన్నారు.
Featured News
Sorry, no posts matched your criteria.