India's largestHyperlocal short
news App
Get daily news updates that are tailored for you based on your preferred language & location.
download Way2News app now
WestGodavari
News November 14, 2024
పెనుగొండ: ఏఆర్ కానిస్టేబుల్‌తో పాటు కుటుంబానికి జైలు శిక్ష
పెనుగొండకు చెందిన ఏఆర్ కానిస్టేబుల్ మహేంద్రకుమార్, అతని కుటుంబానికి ఐదేళ్ల జైలు శిక్ష పడింది. మహేంద్రకుమార్ భార్య చైతన్యను అదనపు కట్నం కోసం హింసిస్తూ ఉంటే అతని తల్లి, తండ్రి సహకరించేవారు. దీంతో 2020లో బాధితురాలు ఆచంట పోలీసులను ఆశ్రయించగా కేసు నమోదు చేశారు. విచారణ అనంతరం కోర్టు బుధవారం నిందితులకు ఐదేళ్ల జైలు శిక్షతో పాటు రూ.7 లక్షలు జరిమానా విధించి, ఆసొమ్మును చైతన్యకు ఇవ్వాలని ఆదేశాలిచ్చింది.
News November 14, 2024
ప్రతి బుధ, శనివారాల్లో సదరమ్ సర్టిఫికెట్లు జారీ: కలెక్టర్
ఏలూరు జిల్లాలో విభిన్న ప్రతిభావంతులను ఆదుకునేందుకు అధిక ప్రాధాన్యతనిస్తామని కలెక్టర్ వెట్రిసెల్వి అన్నారు. బుధవారం కలెక్టరేట్లో జరిగిన విభిన్న ప్రతిభావంతుల సంక్షేమ జిల్లాస్ధాయి కమిటీ సమావేశంలో పాల్గొన్న ఆమె మాట్లాడారు. ప్రతి కార్యాలయంలో ఫిర్యాదుల పరిష్కార అధికారుల నియామకం జరుగుతుందన్నారు. అలాగే స్లాట్స్ ప్రకారం ప్రతి బుధ, శనివారాల్లో సదరమ్ సర్టిఫికెట్లు జారీ చేస్తామన్నారు.
News November 13, 2024
ఎమ్మెల్సీ ఎన్నికలకు 20 పోలింగ్ కేంద్రాలు: కలెక్టర్
డిసెంబర్ 5న జరగనున్న ఉమ్మడి తూర్పు, పశ్చిమగోదావరి జిల్లాల ఉపాధ్యాయ ఎమ్మెల్సీ ఎన్నికల కొరకు ఏలూరు జిల్లాలో 20 పోలింగ్ కేంద్రాలు ఏర్పాటు చేసినట్లు జిల్లా కలెక్టర్ వెట్రిసెల్వి తెలిపారు. కలెక్టరేట్లో బుధవారం వివిధ రాజకీయ నాయకులతో కలెక్టర్ సమావేశం నిర్వహించారు. ప్రతి ఒక్కరు ఎన్నికల నియమావళి పాటించాలని కోరారు. ఉపాధ్యాయ ఎమ్మెల్సీ ఎన్నికల్లో జిల్లా నుంచి 2659 మంది ఓటు హక్కు వియోగించుకోనున్నారు.
News November 13, 2024
ఏలూరు: బ్యాంకు అకౌంట్లో నుంచి రూ. 46.30 లక్షలు మాయం
ఏలూరు వాసి కె.శేషగిరి ప్రసాద్‌కు వచ్చిన ఒక్క ఫోన్ కాల్‌తో రూ.46.30 లక్షలు పోగొట్టుకున్నాడు. బాధితుని కథనం..ఈనెల 8న తన అకౌంట్లోకి రూ.20 వేలు వచ్చాయి. కాసేపటికి ఓ వ్యక్తి ఫోన్ చేసి పొరపాటున వేశామని తిరిగి తనకు పంపాలన్నాడు. ఆయన మాటలు నమ్మిన శేషగిరి ఆ డబ్బును తిరిగి పంపాడు. ఈనెల10న ఖాతా చెక్ చేయగా రూ.46.30 లక్షలు కట్ అయినట్లు గుర్తించి, ఏలూరు 2 టౌన్ పోలీసులను ఆశ్రయించగా..వారు దర్యాప్తు చేపట్టామన్నారు.
News November 13, 2024
ప.గో: గ్రంథాలయ వారోత్సవాల పోస్టర్లు ఆవిష్కరణ
57వ జాతీయ గ్రంథాలయ వారోత్సవాల పోస్టర్లను కలెక్టర్ ఛాంబర్‌లో జిల్లా కలెక్టర్ కె.వెట్రిసెల్వి ఆవిష్కరించారు. మంగళవారం సాయంత్రం స్థానిక కలెక్టరేట్లో ఈ నెల 14 నుంచి 20 వరకు నిర్వహించే వారోత్సవాలకు సంబంధించి గోడ పత్రికను కలెక్టర్ ఆవిష్కరించారు. జిల్లా కేంద్ర గ్రంధాలయం సంస్థ కార్యదర్శి యం.శేఖర్ బాబు ఈ నెల 14వ తేదీన బాలల దినోత్సవంతో గ్రంథాలయ వారోత్సవాలు ప్రారంభమవుతాయన్నారు.
News November 12, 2024
ఏలూరు: జిల్లా జైల్‌ను పరిశీలించిన ఎస్పీ
ఏలూరు జిల్లా జైల్‌ను మంగళవారం జిల్లా ఎస్పీ ప్రతాప్ కిషోర్ పరిశీలించారు. జైల్‌లో ముద్దాయిలకు కల్పిస్తున్న సౌకర్యాలను గురించి క్షేత్రస్థాయిలో అధికారులను అడిగి తెలుసుకున్నారు. ఖైదీలతో మాట్లాడుతూ ఖైదులు సత్ప్రవర్తనతో మేలగాలని సూచించారు. జైలు నుంచి బయటకు వచ్చినవారి జీవనోపాధి కోసం పోలీసు వారు నిర్వహిస్తున్న పెట్రోల్ బంకుల్లో ఉద్యోగాన్ని కల్పిస్తామని తెలిపారు.
News November 12, 2024
ప.గో: వివాహితపై అత్యాచారం.. నిందితుడు అరెస్ట్
గోపాలపురం మండలంలో వివాహితపై అత్యాచారానికి పాల్పడిన ఘటనపై కేసు నమోదు చేసినట్లు SI సతీశ్ కుమార్ మంగళవారం తెలిపారు. SI వివరాల మేరకు..ఈ నెల 9న సదరు మహిళ ఇంట్లో ఒంటరిగా ఉండటంతో అదే గ్రామానికి చెందిన సుబ్రహ్మణ్యం అత్యాచారానికి పాల్పడ్డాడన్నారు. దీనిపై సోమవారం రాత్రి కుటుంబసభ్యులు ఫిర్యాదు చేశారన్నారు. నిందుతుడిని అరెస్ట్ చేశామని పోలీసులు చెప్పారు.
News November 12, 2024
ప.గో. జిల్లాలో రేంజ్ IG పర్యటన
ఏలూరు రేంజ్ IG అశోక్ కుమార్ సోమవారం పశ్చిమగోదావరి జిల్లాలోని పాలకొల్లు రూరల్ సర్కిల్, మొగల్తూరు పోలీస్ స్టేషన్లలో వార్షిక తనిఖీలు నిర్వహించారు. ఈ వార్షిక తనిఖీల్లో పోలీస్ స్టేషన్లో నిర్వహించే పలు రికార్డులను పరిశీలించి, స్టేషన్ పరిధిలో నమోదైన గ్రేవ్ కేసులపై ఆరా తీశారు. అనంతరం కేసులకు సంబంధించి పలు సూచనలు, సలహాలు ఇచ్చారు. ఈ కార్యక్రమంలో జిల్లా ఎస్పీ అద్నాన్ నయీం అస్మి పాల్గొన్నారు.
News November 11, 2024
ఏలూరు జిల్లాలో మహిళల కోసం అభయ దళం
ఏలూరు జిల్లా ఎస్పీ ప్రతాప్ శివ కిషోర్ జిల్లాలో మహిళల కోసం నూతనంగా అభయ దళం అనే కార్యక్రమాన్ని ప్రవేశపెట్టారు. మహిళల కోసం 95503 51100 టోల్ ఫ్రీ వాట్సాప్ నంబర్ ఏర్పాటు చేశారు. ఎవరైనా ఆపదలో ఉన్న సమాచారం అందుకున్న వెంటనే డయల్ 112కు సమాచారం అందించిన 10 నిమిషాల్లో పోలీసులు మీకు భద్రతను కల్పిస్తూ, మహిళలపై వేధింపులు చేసే వారిపై చట్ట ప్రకారం కఠిన చర్యలు తీసుకుంటామన్నారు.
News November 11, 2024
విద్య వల్ల ఉజ్వల భవిష్యత్తు సాధ్యం: కలెక్టర్ నాగారాణి
విద్య వల్ల ఉజ్వల భవిష్యత్తు సాధ్యం అని ఆనాడే గుర్తించిన మహనీయుడు మౌలానా ఆజాద్ నుంచి స్ఫూర్తిని పొందాలని జిల్లా కలెక్టర్ చదలవాడ నాగరాణి తెలిపారు. సోమవారం స్థానిక కలెక్టరేట్ వశిష్ట కాన్ఫరెన్స్ హాల్ వద్ద మైనార్టీ సంక్షేమ శాఖ ఆధ్వర్యంలో మౌలానా అబుల్ కలాం ఆజాద్ 137వ జయంతి సందర్భంగా నిర్వహించిన మైనార్టీ సంక్షేమ దినోత్సవం, జాతీయ విద్యా దినోత్సవ కార్యక్రమాలు ఘనంగా జరిగాయి.
Featured News
Sorry, no posts matched your criteria.