India's largestHyperlocal short
news App
Get daily news updates that are tailored for you based on your preferred language & location.
download Way2News app now
WestGodavari
News August 2, 2024
ప.గో: డీఈఎల్ఈడీ ఫలితాలు విడుదల
ఉమ్మడి ప.గో జిల్లాలో జూన్ 24 నుంచి 27 వరకు జరిగిన డీఈఎల్ఈడీ ఫోర్త్ సెమిస్టర్ పరీక్ష ఫలితాలు విడుదలయ్యాయని ఏలూరు డీఈవో అబ్రహం శుక్రవారం తెలిపారు. ఆయన మాట్లాడుతూ.. సంబంధించిన డమ్మీ మెమోను “www.bse.ap.gov.in” వెబ్‌సైట్‌లో పొందుపరిచామన్నారు. రీకౌంటింగ్ కొరకు సీఎఫ్ఏంఎస్ ద్వారా రూ.500 చెల్లించి దరఖాస్తుతో చలానా, మెమోను ప్రభుత్వ పరీక్షల సంచాలకుల కార్యాలయం విజయవాడకు పంపాలన్నారు. SHARE IT..
News August 2, 2024
తాడేపల్లిగూడెంలో హీరోయిన్ నిహారిక కొణిదెల
ప.గో జిల్లా తాడేపల్లిగూడెం మండలం పెదతాడేపల్లి వాసవీ ఇంజినీరింగ్ కళాశాలలో జరిగిన ‘కమిటీ కుర్రోళ్లు’ సినిమా ప్రమోషన్‌లో శుక్రవారం సినీ నటి నిహారిక కొణిదెల పాల్గొన్నారు. ఆమెతో పాటు ఎమ్మెల్యే బొలిశెట్టి శ్రీనివాస్, కళాశాల పాలకవర్గ కార్యదర్శి సుబ్బారావు హాజరయ్యారు. వంశీ దర్శకత్వంలో యువతకు ప్రాధాన్యతనిచ్చే చిత్రాన్ని తాను నిర్మించినట్లు నిహారిక వెల్లడించారు.
News August 2, 2024
భీమవరంలో కారుపై విరిగిపడిన హోర్డింగ్
పశ్చిమ గోదావరి జిల్లా భీమవరం పట్టణంలోని ప్రకాశం చౌక్ సెంటర్‌లో ఓ కారుపై భారీ హోర్డింగ్ విరిగిపడింది. షాపు ముందు కారు పార్క్ చేస్తున్న సమయంలోనే బోర్డు పడిపోవడంతో ముందు భాగం దెబ్బతింది. అయితే.. ఈ ప్రమాదంలో ఎవరికీ ఏమి కాకపోవడంతో ఊపిరి పీల్చుకున్నారు.
News August 2, 2024
భీమడోలు: యాక్సిడెంట్.. యువకుడు మృతి
భీమడోలు మండలపరిధిలో జాతీయ రహదారిపై గురువారం రాత్రి జరిగిన రోడ్డు ప్రమాదంలో ఓ వ్యక్తి అక్కడికక్కడే మృతి చెందాడు. స్థానికుల వివరాలు.. గుండుగొలను సమీపంలోని రోడ్డు పక్కనే ఆగి ఉన్న లారీని మోటార్ సైకిల్‌పై వస్తున్న ఓ యువకుడు వెనకనుంచి ఢీకొట్టాడు. దీంతో అతను ఘటనా స్థలంలోనే మృతి చెందాడు. మృతదేహాన్ని పోస్టుమార్టం నిమిత్తం ఏలూరు ప్రభుత్వాసుపత్రికి తరలించారు. మృతుడి వివరాలు తెలియాల్సి ఉంది.
News August 2, 2024
ఏలూరు: మహిళా కానిస్టేబుల్‌పై అసభ్యకర పోస్టులు
మహిళా కానిస్టేబుల్‌పై అసభ్యకరంగా పోస్టులు పెడుతున్న ఓ వ్యక్తిపై ఏలూరు జిల్లా కైకలూరు గ్రామీణ పోలీసులు కేసు నమోదుచేశారు. SI రామకృష్ణ తెలిపిన వివరాలు..మండలంలోని ఓ గ్రామానికి చెందిన మహిళా కానిస్టేబుల్ (వివాహిత)పై అదే మండలానికి చెందిన సైదు స్వామిజీ కుమార్ కొద్దిరోజులుగా అసభ్యకరంగా, కానిస్టేబుల్ తన భార్య అంటూ పోస్ట్ చేస్తున్నాడు. బాధితురాలి ఫిర్యాదుతో కేసు నమోదుచేసినట్లు SI తెలిపారు.
News August 2, 2024
పట్టిసీమ ఎత్తిపోతల నుంచి నీటి విడుదల నిలిపివేత
పట్టిసీమ ఎత్తిపోతల పథకం నుంచి పోలవరం ప్రాజెక్టు కుడి కాలువకు గోదావరి జలాల పంపిణీ నిలిపివేసినట్లు డీఈఈ పెద్దిరాజు గురువారం సాయంత్రం తెలిపారు. ఈ ఏడాది జూన్ 14 నుంచి ఇప్పటి వరకూ 10.3545 టీఎంసీల నీటిని కృష్ణా డెల్టాకు విడుదల చేసినట్లు డీఈ తెలిపారు. కృష్ణా నది వరదల నేపథ్యంలో ప్రకాశం బ్యారేజీలో నీటి నిల్వలు అధికంగా ఉండడం వలన నిలిపివేసినట్లు ఆయన తెలిపారు.
News August 1, 2024
ఏలూరులో రైలు ఢీకొని వ్యక్తి దుర్మరణం
ఏలూరులోని తూర్పులాకుల రైల్వే గేట్ సమీప రైల్వే పట్టాలపై రైలు ఢీకొనడంతో ఓ వ్యక్తి మృతి చెందిన ఘటన గురువారం నెలకొంది. ఘటనా స్థలానికి చేరుకున్న రైల్వే ఎస్ఐ సైమన్ మాట్లాడుతూ.. మృతుడి వయస్సు 30 నుంచి 35ఏళ్ల లోపు ఉంటుందన్నారు. మృతుడి వద్ద ఎటువంటి ఆధారాలు లభించలేదన్నారు. కేసు నమోదు చేసి డెడ్‌బాడీని ఏలూరు ప్రభుత్వ ఆసుపత్రికి తరలించామని స్పష్టం చేశారు.
News August 1, 2024
ఏలూరు: భార్యలను కాపురానికి పంపాలని అల్లుళ్ల నిరసన
తమ భార్యలను కాపురానికి పంపించాలంటూ ఏలూరులో తోడి అళ్లుళ్లు ఆందోళనకు దిగారు. ‘ఏలూరుకు చెందిన రామానుజ శ్రీనివాస అయ్యంగార్ కుమార్తెలను మేము పెళ్లి చేసుకున్నాం. వాళ్ల ఇద్దరూ ఉద్యోగాలు చేస్తున్నారు. కుమార్తెల జీతాలతో మా అత్తింటి ఫ్యామిలీ జీవనం గడుపుతోంది. అందుకే వాళ్లను మాతో పంపడం లేదు. ఇదే విషయమై మేము అడుగుతుంటే రివర్స్ కేసు పెడతామని బెదిరిస్తున్నారు’ అని పవన్, శేషసాయి కలెక్టరేట్ ఎదుట వాపోయారు.
News August 1, 2024
భీమవరం: యాత్రికుల కోసం భారత్ గౌరవ్ రైలు
జ్యోతిర్లింగ దర్శన యాత్రికుల కోసం భారత్ గౌరవ్ ప్రత్యేక రైలు నడుపుతున్నట్లు ఐఆర్సీటీసీ ప్రాంతీయ మేనేజర్ రాజు పేర్కొన్నారు. ఈ రైలు భీమవరంలో ఆగుతుందని తెలిపారు. ఆగస్టు 17 నుంచి 28 వరకు 11 రోజుల యాత్రలో ఉజ్జయిని, ద్వారక, సోమనాథ్, పుణె, నాసిక్, ఔరంగాబాద్ క్షేత్రాలను సందర్శించవచ్చన్నారు.
News August 1, 2024
CM చంద్రబాబు దృష్టికి ఏలూరు బాలిక సమస్య
ఓ బాలిక కష్టాన్ని ఏలూరు MLA బడేటి రాధాకృష్ణయ్య సీఎం చంద్రబాబు దృష్టికి తీసుకెళ్లారు. ఏలూరులోని కొత్తపేటకు చెందిన 14 ఏళ్ల బాలిక ఎం.జ్ఞానేశ్వరి లివర్ సంబంధిత వ్యాధితో బాధపడుతోంది. లివర్ మార్పిడి ఆపరేషన్ అవసరమని వైద్యులు సూచించారు. దీంతో ఆ బాలిక కుటుంబం ఎమ్మెల్యే చంటి దృష్టికి తీసుకెళ్లారు. వెంటనే స్పందించిన ఆయన సీఎం సహాయనిధి అందించాలని చంద్రబాబును కోరారు.
Featured News
Sorry, no posts matched your criteria.