India's largestHyperlocal short
news App
Get daily news updates that are tailored for you based on your preferred language & location.
download Way2News app now
Y.S.R. Cuddapah
News August 19, 2024
కడప జిల్లా TODAY TOP NEWS
✎ కడప: ఆర్టీసీ ఈడీ నియామకంపై అయోమయం
✎ ఒంటిమిట్ట: వైభవంగా కోదండ రాముని పౌర్ణమి కళ్యాణం
✎ బెంగళూరులో విద్యుత్ షాక్‌తో కడప యువకుడి మృతి
✎ వైసీపీ నేతలు కారుకూతలు కూస్తున్నారు: బీటెక్ రవి
✎ ప్రొద్దుటూరు: 25న జిల్లాస్థాయి అథ్లెటిక్స్ పోటీలు
✎ కంపెనీలు తెచ్చే ముఖమా వైఎస్ జగన్ నీది?: బీటెక్ రవి
✎ ముద్దనూరు: 500 క్యూసెక్కుల నీరు విడుదల
✎ కడప జిల్లాలో బాధ్యతలు చేపట్టిన ఎస్సై, సీఐలు
News August 19, 2024
ప్రొద్దుటూరు: 25న జిల్లాస్థాయి అథ్లెటిక్స్ పోటీలు
ఈనెల 25న ప్రొద్దుటూరులోని అనిబిసెంట్ మున్సిపల్ హైస్కూల్ మైదానంలో జిల్లాస్థాయి అథ్లెటిక్స్ పోటీలు నిర్వహించనున్నట్లు బాష అథ్లెటిక్స్ ఫౌండేషన్ కార్యదర్శి అహ్మర్ బాష, జిల్లా అథ్లెటిక్స్ సంఘం అధ్యక్షుడు వీరకళ్యాణ్ రెడ్డి తెలిపారు. అండర్ 14, 16 బాలబాలికలకు ఏ, బీ, సీ విభాగాల్లో పరుగు, లాంగ్ జంప్, హై జంప్, బ్యాక్ త్రో, కిడ్స్ జావలిన్ త్రో, షాట్ పుట్ పోటీలు నిర్వహిస్తామని వారు పేర్కొన్నారు.
News August 19, 2024
బెంగళూరులో విద్యుత్ షాక్‌తో కడప యువకుడి మృతి
కడప జిల్లా అట్లూరు మండలం కోనరాజుపల్లె బీసీ కాలనీకి చెందిన ముఖం నరసయ్య కుమారుడు నవీన్ (23) బెంగళూరులో శనివారం ప్రమాదవశాత్తు విద్యుత్‌ఘాతానికి గురై మృతి చెందాడు. కొన్ని రోజులుగా జీవనోపాధి కోసం బెంగళూరుకి వెళ్లి నివాసం ఉంటున్నారు. తాను నివాసం ఉంటున్న గదిలో విద్యుత్ షాక్‌తో మృత్యువాత పడ్డాడు. మరణ వార్త వినగానే మృతుని తల్లిదండ్రులు, కుటుంబ సభ్యులు కన్నీరుమున్నీరుగా విలపిస్తున్నారు.
News August 19, 2024
కడప: టయోటా షో రూం వద్ద మృతదేహం లభ్యం
కడప నగరంలోని తిరుపతి బైపాస్ రోడ్డులో గల టయోటా షోరూం వద్ద ఓ వ్యక్తి మృతదేహం స్థానికులు గుర్తించారు. విషయాన్ని రిమ్స్ పోలీసులకు తెలుపగా ఘటనా స్థలానికి చేరుకున్న ఎస్ఐ సుభాష్ చంద్రబోస్ వివరాలను సేకరిస్తున్నారు. మృతి చెందిన వ్యక్తి పేరు రమేష్ నాయక గుర్తించారు. వ్యక్తిపై ఎటువంటి గాయాలు లేవని ప్రాథమికంగా గుర్తించామని ఎస్సై తెలిపారు. పూర్తి వివరాలను సాయంత్రంలోగా వెల్లడిస్తామన్నారు.
News August 19, 2024
21న జిల్లాస్థాయి వెయిట్ లిఫ్టింగ్ ఎంపికలు
కడప నగరంలోని డాక్టర్ YSR క్రీడాపాఠశాలలో ఈనెల 21న జిల్లాస్థాయి వెయిట్ లిఫ్టింగ్ ఎంపికలు నిర్వహించనున్నట్లు అసోసియేషన్ జిల్లా కార్యదర్శి టి. నారాయణరావు తెలిపారు.సబ్ జూనియర్,జూనియర్,సీనియర్ విభాగాల్లో బాలబాలికలకు ఎంపికలు నిర్వహించనున్నట్లు పేర్కొన్నారు.జిల్లా జట్టుకు ఎంపికయిన వారు ఈనెల 31నుంచి సెప్టెంబర్ 1వరకు అనకాపల్లి నందు రాష్ట్రస్థాయి వెయిట్రిఫ్టింగ్ పోటీల్లో పాల్గొనాల్సి ఉంటుందని వివరించారు.
News August 19, 2024
కడప: ఆర్టీసీ ఈడీ నియామకంపై అయోమయం
కడప RTC కడప జోన్ ED నియామకంపై అయోమయ పరిస్థితి నెలకొంది. కడప పరిధిలో 8 జిల్లాలు, 52 డిపోలు, 1వర్క్షాప్ ఉండగా, అందులో దాదాపు 25 వేల మంది ఉద్యోగులు పనిచేస్తున్నారు. నాలుగు జోన్లలో కడప జోన్ పెద్ద జోన్‌గా గుర్తింపు పొందింది. ప్రతినిత్యం ఈడీ పలు అంశాలపై నిర్ణయాలు తీసుకుని అధికారులు, ఉద్యోగులను సమన్వయం చేసుకుంటూ ముందుకు తీసుకు వెళుతుంటారు. అలాంటి కీలక అధికారి లేకపోవడంతో ఇబ్బందులు ఎదుర్కొంటున్నారు.
News August 19, 2024
నేడు కడపలో డయల్ యువర్ కలెక్టర్
కడప ప్రజా సమస్యలను తెలుసుకునేందుకు సోమవారం డయల్ యువర్ కలెక్టర్ కార్యక్రమాన్ని నిర్వహిస్తున్నట్లు కడప జిల్లా కలెక్టర్ శివశంకర్ ఆదివారం తెలిపారు. జిల్లా ప్రజలు ఉదయం 9.30 నుంచి 10.30 గంటల వరకు 08562-244437 ల్యాండ్ లైన్ నంబర్‌కు ఫోన్ చేసి తమ సమస్యలను విన్నవించుకోవాలని కలెక్టర్ సూచించారు.
News August 19, 2024
కడప: సమస్య ఉంటే కలెక్టర్‌ను సంప్రదించవచ్చు
ప్రజల సమస్యలు తెలుసుకునేందుకు చేపట్టిన డయల్ యువ కలెక్టర్ కార్యక్రమాన్ని రేపు నిర్వహిస్తున్నట్లు జిల్లా కలెక్టర్ శివ శంకర్ తెలిపారు. రేపు ఉదయం 9.30 నుంచి 10.30గంటల వరకు ఈ కార్యక్రమం నిర్వహిస్తున్నట్లు తెలిపారు. సమస్యలను నేరుగా ఫోన్ ద్వారా ఫిర్యాదు చేయవచ్చని కలెక్టర్ తెలిపారు. వెంటనే అధికారులతో మాట్లాడి సమస్యల పరిష్కారానికి చర్యలు తీసుకుంటామన్నారు.
News August 18, 2024
కడప జిల్లా TODAY TOP NEWS
➤ రాజంపేట: ఇంటిలో అగ్నిప్రమాదం
➤ కడపలో ఆటోలకు పీసీ నంబర్ ఎక్కడ?
➤ కడప: రోడ్డు దాటుతుండగా దూసుకొచ్చిన మృత్యువు
➤ రేపు పుష్పగిరి క్షేత్రంలో గిరి ప్రదక్షిణ
➤ రైల్వే కోడూరు: పిచ్చికుక్క దాడిలో 25 మందికి గాయాలు
➤ కడప: మద్యం బాబులకు ఎస్పీ హెచ్చరిక
➤ రాయచోటి: ‘భర్త అనుమానం ముగ్గురిని బలి తీసుకుంది’
➤ కడప: 206 పోస్టులకు ముగిసిన కౌన్సెలింగ్
➤ కడప జిల్లా వీఆర్లో ఉన్న 15 మంది ఎస్సైలకు పోస్టింగులు
News August 18, 2024
కడపలో ఆటోలకు పీసీ నంబర్ ఎక్కడ?
కడపలో ఆటో వారికి రూల్స్ లేవా? అని పలువురు విమర్శిస్తున్నారు. ఆటోకు ఎక్కడైనా ప్రమాదం జరిగితే నంబర్ ప్లేటుతో పాటు పోలీసులు ఇచ్చే PC నంబర్ కీలకం. అయితే కడపలోనే కాకుండా జిల్లా వ్యాప్తంగా కొన్ని ఆటోలకు PC నంబర్ లేకుండా రోడ్డు మీదకు వచ్చేస్తున్నాయి. దీనివల్ల ప్రమాదాలకు గురైనప్పుడు ఆటో ఎవరిది, ఏ పోలీస్ స్టేషన్ పరిధిలోకి వస్తుందో తెలుసుకోవాలంటే కష్టం. పోలీసు అధికారులు స్పందించాలని పలువురు కోరుతున్నారు.
Featured News
Sorry, no posts matched your criteria.