India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News December 27, 2024
ALERT.. రేపు, ఎల్లుండి జాగ్రత్త
తెలంగాణలో రానున్న 5 రోజుల్లో అక్కడక్కడ ఉదయం వేళ పొగమంచు ఏర్పడే అవకాశం ఉందని HYD వాతావరణ కేంద్రం వెల్లడించింది. కనిష్ఠ ఉష్ణోగ్రతలు సాధారణం కంటే 2-4 డిగ్రీలు పడిపోతాయని హెచ్చరించింది. రేపు, ఎల్లుండి పొగమంచు ఎక్కువగా ఉంటుందని రేపు 20-27 డిగ్రీలు, ఎల్లుండి 18-27 డిగ్రీల మధ్య ఉష్ణోగ్రతలు నమోదవుతాయని అంచనా వేసింది. తూర్పు/ఆగ్నేయ దిశలో గాలులు వీచే అవకాశం ఉందని పేర్కొంది.
News December 27, 2024
సజ్జల భార్గవ్‌కు ఊరట
AP: సజ్జల భార్గవ్ రెడ్డికి హైకోర్టులో స్వల్ప ఊరట దక్కింది. 13 కేసులకు సంబంధించి ఆయన దాఖలు చేసిన బెయిల్ పిటిషన్లపై విచారించిన న్యాయస్థానం, తదుపరి విచారణను జనవరి 3వ తేదీకి వాయిదా వేసింది. అప్పటివరకు ఎలాంటి చర్యలు తీసుకోవద్దని రాష్ట్ర పోలీసులను ఆదేశించింది.
News December 27, 2024
రికార్డు సృష్టించిన పుష్ప-2 మూవీ
అల్లు అర్జున్ పుష్ప-2 మూవీ సరికొత్త రికార్డులు సృష్టిస్తోంది. హిందీలో ఈ సినిమా ఇప్పటివరకు రూ.740.25 కోట్ల కలెక్షన్లు రాబట్టింది. దీంతో సినిమా రిలీజైన 3వ వారంలోనూ రూ.100 కోట్లకు పైగా కలెక్షన్లు సాధించిన సినిమాగా ఆల్ టైం రికార్డు సృష్టించింది. 22 రోజుల్లో ఈ సినిమాకు బాలీవుడ్‌లో రూ.740.25 కోట్ల కలెక్షన్లు వచ్చాయి. మొత్తంగా రూ.1719.5 కోట్లు కలెక్ట్ చేసింది.
News December 27, 2024
మన్మోహన్ అంత్యక్రియలపై వివాదం!
మాజీ ప్రధాని మన్మోహన్ సింగ్ అంత్యక్రియలపై కాంగ్రెస్, కేంద్రం మధ్య వివాదం తలెత్తినట్లు తెలుస్తోంది. ఆయన స్మార‌కార్థం ఢిల్లీలో స్థ‌లాన్ని కేటాయించాలని కోరగా కేంద్రం స్పందించ‌క‌పోవ‌డంపై INC అసంతృప్తిగా ఉన్నట్టు సమాచారం. INCని సంప్రదించకుండానే నిగమ్బోధ్ ఘాట్‌లో అంత్యక్రియలు నిర్వహిస్తామని హోంశాఖ ప్రకటించింది. కాగా స్మారక చిహ్నం ఏర్పాటు ఆయనకు ఘనమైన నివాళి అని మోదీకి ఖర్గే లేఖ రాశారు.
News December 27, 2024
పార్టీ శ్రేణుల అంకితభావానికి హ్యాట్సాఫ్: జగన్
AP: కరెంట్ ఛార్జీల పెంపును వ్యతిరేకిస్తూ ఇవాళ YCP శ్రేణులు చేపట్టిన నిరసనలు విజయవంతం అయ్యాయని YS జగన్ ట్వీట్ చేశారు. ఈ నిరసనల్లో పాల్గొన్న నాయకులు, కార్యకర్తలను ఆయన అభినందించారు. పార్టీ పిలుపుతో ప్రజలకు బాసటగా నిలుస్తూ ప్రతి నియోజకవర్గంలో గొప్పగా కార్యక్రమం నిర్వహించారని కొనియాడారు. ప్రజల పక్షంగా ప్రజా సమస్యల పట్ల పార్టీ శ్రేణులు కనబరుస్తున్న అంకితభావం, చిత్తశుద్ధికి జగన్ హ్యాట్సాఫ్ తెలిపారు.
News December 27, 2024
నిగమ్బోధ్ ఘాట్‌లో మన్మోహన్ అంత్యక్రియలు: కేంద్రం
మాజీ ప్రధాని మన్మోహన్ సింగ్ అంత్యక్రియలను రేపు ఉదయం 11.45 గంటలకు ఢిల్లీలోని నిగమ్బోధ్ ఘాట్‌లో నిర్వహిస్తామని కేంద్ర హోంశాఖ ప్రకటించింది. సైనిక లాంఛనాలతో అంతిమ సంస్కారాలు జరిపేందుకు ఏర్పాట్లు చేయాలని రక్షణ శాఖను కోరినట్లు పేర్కొంది. అటు మన్మోహన్ స్మారక చిహ్నం ఏర్పాటు చేయడానికి ప్రత్యేక స్థలం కేటాయించాలని ఏఐసీసీ చీఫ్ ఖర్గే ప్రధాని మోదీకి లేఖ రాశారు.
News December 27, 2024
ఆ రోజున సెలవు రద్దు
TG: 2025 ఏడాదికి సంబంధించి సాధారణ, ఆప్షనల్ సెలవుల జాబితాను రాష్ట్ర ప్రభుత్వం ప్రకటించింది. జనవరి 1న కొత్త ఏడాది సందర్భంగా సెలవు ప్రకటించింది. దీనికి బదులుగా ఫిబ్రవరి 8న రెండో శనివారం పనిదినంగా ప్రభుత్వం ఉత్తర్వుల్లో పేర్కొంది. జనవరి 13న భోగి, 14న సంక్రాంతికి జనరల్ హాలిడేస్ ఇచ్చింది. 15న కనుమ పండుగను ఆప్షనల్ హాలిడేగా ప్రకటించింది. సెలవుల జాబితా కోసం ఇక్కడ <
News December 27, 2024
మన్మోహన్ లెగసీని కొనసాగిస్తాం: CWC
దేశంలో సంస్క‌ర‌ణ‌ల‌కు పునాది వేసి రాజ‌కీయ, ఆర్థిక రంగాల్లో మన్మోహన్ సింగ్ గ‌ణ‌నీయ‌మైన ప్ర‌భావాన్ని చూపార‌ని CWC కొనియాడింది. మాజీ ప్రధాని గౌర‌వార్థం సమావేశమైన CWC ఆయన నాయ‌క‌త్వ‌మే క్లిష్ట ప‌రిస్థితుల్లో దేశాన్ని ముందుకు న‌డిపింద‌ని కీర్తించింది. ఆయన లెగసీని కొన‌సాగిస్తామ‌ని తీర్మానించింది. శనివారం ఉదయం ఢిల్లీలోని కాంగ్రెస్ ప్ర‌ధాన కార్యాల‌యానికి మన్మోహన్ భౌతిక‌కాయాన్ని త‌ర‌లించ‌నున్నారు.
News December 27, 2024
నోట్ల ర‌ద్దుపై మన్మోహన్ ఏమ‌న్నారంటే..
నోట్ల ర‌ద్దును మాన్యుమెంటల్ డిజాస్టర్‌గా మన్మోహన్ అభివ‌ర్ణించారు. న‌ల్ల‌ధ‌నాన్ని వెలికితీయ‌డానికే నోట్ల రద్దు చేశామ‌ని చెప్పిన మోదీ, మొత్తం క‌రెన్సీ న‌ల్ల‌ధ‌నమని- మొత్తం న‌ల్ల‌ధ‌నం క‌రెన్సీ రూపంలో ఉందనే త‌ప్పుడు ఊహ నుంచి ఈ నిర్ణయం తీసుకున్నారన్నారు. ఈ చ‌ర్య ఆర్థిక వ్య‌వ‌స్థ‌ను ఛిద్రం చేస్తుంద‌ని అనాడు మన్మోహన్ చెప్పినట్టే రూపాయి విలువ ఈ రోజు జీవిత కాల క‌నిష్టానికి చేరుకుందని నిపుణులంటున్నారు.
News December 27, 2024
UPI పేమెంట్లు చేసే వారికి శుభవార్త
UPI చెల్లింపులపై RBI శుభవార్త చెప్పింది. ఇకపై థర్డ్ పార్టీ యాప్‌ల ద్వారా ప్రీపెయిడ్ పేమెంట్ ఇన్‌స్ట్రుమెంట్(PPI) వ్యాలెట్లలోని సొమ్ముతో చెల్లింపులు చేసే అవకాశం కల్పించింది. ఇప్పటివరకు PPI సంస్థకు చెందిన UPI ద్వారానే ఈ తరహా పేమెంట్లకు అవకాశం ఉంది. తాజా నిర్ణయంతో ఫోన్‌పే, పేటీఎం సహా పలు వ్యాలెట్లలోని మొత్తాన్ని ఇతర యాప్‌ల్లోనూ వాడుకోవచ్చు. దీంతో గిఫ్ట్, డిజిటల్ వ్యాలెట్లు వాడే వారికి ఈజీ అవుతుంది.
Featured News
Sorry, no posts matched your criteria.