India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News October 24, 2024
‘పుష్ప-2’కు బన్నీకి రెమ్యూనరేషన్ ఎన్ని కోట్లంటే?
పుష్ప-2 కు అల్లు అర్జున్ భారీ రెమ్యూనరేషన్ తీసుకున్నట్లు ప్రచారం జరుగుతోంది. రూ.100 కోట్లు తీసుకున్నారని కొన్ని కథనాలు పేర్కొన్నాయి. అయితే మూడేళ్ల కాలాన్ని ఈ సినిమాకే వెచ్చించడంతో రూ.200 కోట్లకుపైగా తీసుకుంటారని మరికొన్ని తెలిపాయి. లేదంటే సినిమా కలెక్షన్లలో 27శాతం ప్రాఫిట్ తీసుకునేలా ఒప్పందం చేసుకున్నారని సమాచారం. కాగా ఈ సినిమా డిసెంబర్ 5న థియేటర్లలో విడుదల కానుంది.
News October 24, 2024
Meta, X స‌హ‌కారం కోరిన కేంద్ర ప్రభుత్వం
విమానాలకు న‌కిలీ బాంబు బెదిరింపులు అధిక‌మ‌వ్వ‌డంతో వీటి క‌ట్ట‌డిలో స‌హ‌క‌రించాలని X, Meta సంస్థ‌ల‌ను కేంద్రం కోరింది. ఈ వేదిక‌ల మీద వ‌స్తున్న బెదిరింపు కాల్స్‌, సందేశాల వెనుక ఉన్న‌వారిని గుర్తించేందుకు అవ‌స‌ర‌మైన డేటాను త‌మ‌తో పంచుకోవాల‌ని కోరింది. దేశ ప్ర‌జ‌ల శ్రేయ‌స్సుతో ముడిప‌డిన అంశం కారణంగా 2 సంస్థ‌లు స‌హ‌క‌రించాల్సి ఉందని ఓ అధికారి తెలిపారు. 9 రోజుల్లో 170 విమానాలకు బెదిరింపులు వచ్చాయి.
News October 24, 2024
వేలంలోకి కేకేఆర్ కెప్టెన్ శ్రేయస్ అయ్యర్?
KKR కెప్టెన్ శ్రేయస్ అయ్యర్ మెగా వేలంలోకి వస్తున్నట్లు తెలుస్తోంది. పంజాబ్ కింగ్స్ నుంచి ఆయనకు భారీ ఆఫర్ వచ్చినట్లు సమాచారం. కాగా అయ్యర్‌తోపాటు ఢిల్లీ, లక్నో కెప్టెన్లు రిషభ్ పంత్, KL రాహుల్ కూడా ఆక్షన్‌లోకి వస్తున్నట్లు టాక్. మరోవైపు ఈ నెల 31తో రిటెన్షన్లకు గడువు ముగియనుంది. కానీ ఇంతవరకూ ఒక్క ఫ్రాంచైజీ కూడా తమ రిటెన్షన్ల లిస్టును సమర్పించలేదు. చివరిరోజున సమర్పించే ఛాన్స్ ఉన్నట్లు తెలుస్తోంది.
News October 24, 2024
తీవ్ర తుఫాన్.. అర్ధరాత్రి లేదా ఉదయం తీరం దాటే అవకాశం!
బంగాళాఖాతంలోని తీవ్రతుఫాన్ ‘దానా’ పారాదీప్ (ఒడిశా)కు 100 కి.మీ దూరంలో కేంద్రీకృతమై ఉందని APSDMA తెలిపింది. ఇవాళ అర్ధరాత్రి నుంచి శుక్రవారం ఉదయంలోపు పూరీ-సాగర్ ద్వీపం మధ్య తీరం దాటే అవకాశం ఉందని చెప్పింది. తుఫాన్ ప్రభావంతో పశ్చిమ బెంగాల్, ఒడిశాల్లో భారీ వర్షాలు కురుస్తున్నాయి. ఒడిశా ప్రభుత్వం హైఅలర్ట్ ప్రకటించింది. ఏపీలో తుఫాన్ ప్రభావం తీవ్రంగా ఉండకపోవచ్చని అంచనా వేస్తున్నారు.
News October 24, 2024
జస్టిస్ సంజీవ్ ఖన్నా నేపథ్యం
సుప్రీంకోర్టు 51వ ప్రధాన న్యాయమూర్తిగా నియమితులైన జస్టిస్ సంజీవ్ ఖన్నా మే 14, 1960లో జ‌న్మించారు. 1983లో ఢిల్లీ బార్ కౌన్సిల్‌లో న్యాయవాదిగా పేరు నమోదు చేసుకున్నారు. 2005లో ఢిల్లీ HCలో అదనపు న్యాయమూర్తిగా నియమితులై 2006లో శాశ్వత న్యాయమూర్తిగా పదోన్నతి పొందారు. అనంత‌రం 2019లో సుప్రీంకోర్టు న్యాయమూర్తిగా నియమితులయ్యారు. తదుపరి CJIగా ఆయ‌న 183 రోజుల‌పాటు బాధ్య‌త‌లు నిర్వ‌ర్తించ‌నున్నారు.
News October 24, 2024
శారదా పీఠానికి భూముల కేటాయింపు రద్దు
AP: తిరుమలలోని గోగర్భం డ్యామ్ సమీపంలో శారదా పీఠానికి భూకేటాయింపును రద్దు చేస్తూ ప్రభుత్వం ఉత్తర్వులు జారీ చేసింది. ఈ మేరకు ఆ స్థలాన్ని స్వాధీనం చేసుకోవాలని టీటీడీకి దేవదాయశాఖ ఆదేశాలు జారీ చేసింది. గతేడాది డిసెంబర్ 26న శారదా పీఠానికి అప్పటి టీటీడీ బోర్డు గోగర్భం వద్ద భూమి కేటాయించింది. ఆ భూ కేటాయింపుపై నివేదిక ఇవ్వాలని టీటీడీని కోరింది.
News October 24, 2024
తదుపరి సీజేఐగా జస్టిస్ సంజీవ్ ఖన్నా నియామకం
దేశ అత్యున్న‌త న్యాయ‌స్థానం సుప్రీంకోర్టు 51వ ప్రధాన న్యాయమూర్తిగా జస్టిస్ సంజీవ్ ఖన్నా నియమితులయ్యారు. ఈ మేరకు ఆయ‌న నియామ‌కానికి రాష్ట్రప‌తి ద్రౌప‌దీ ముర్ము ఆమోదం తెలిపారు. నవంబర్ 11న జస్టిస్ ఖన్నా సీజేఐగా ప్ర‌మాణం చేస్తారు. జస్టిస్ ఖన్నా పేరును ప్ర‌స్తుత సీజేఐ డీవై చంద్రచూడ్ ప్ర‌తిపాదించిన విష‌యం తెలిసిందే. నవంబర్ 10న జస్టిస్ చంద్రచూడ్ పదవీ విరమణ చేయనున్నారు.
News October 24, 2024
తిన్న తర్వాత ఇలా చేస్తే..
పడుకోవడానికి 3 గంటల ముందే భోజనం చేయాలని ఆరోగ్య నిపుణులు సూచిస్తున్నారు. తిన్న వెంటనే పడుకుంటే ఊబకాయం పెరుగుతుంది. ఆహారం సరిగా జీర్ణం కాదు. కాఫీ, టీ తాగితే కడుపులో గ్యాస్, జీర్ణసంబంధిత వ్యాధులకు దారి తీస్తుందని హెచ్చరిస్తున్నారు. మసాలాలు, మాంసాహారం కాకుండా తేలికగా జీర్ణమయ్యే ఆహారాలు తీసుకోవాలని సూచిస్తున్నారు. భోజనం చేశాక కచ్చితంగా కనీసం 100 అడుగులు వేయాలి.
News October 24, 2024
గ్రూప్-1: నాలుగో రోజు 67.7% హాజరు
TG: గ్రూప్-1 మెయిన్స్ పరీక్షలు నాలుగో రోజు ప్రశాంతంగా ముగిశాయి. ఇవాళ 46 కేంద్రాల్లో 21,264 మంది అభ్యర్థులు పరీక్ష రాశారు. 67.7 శాతం హాజరు నమోదైంది. నిన్నటి(68.2%)తో పోలిస్తే ఇవాళ పరీక్ష రాసిన అభ్యర్థుల సంఖ్య తగ్గింది. కాగా తొలి రోజు 72.4%, రెండో రోజు 69.4% హాజరు నమోదైంది. ఈనెల 27 వరకు మెయిన్స్ పరీక్షలు కొనసాగనున్నాయి.
News October 24, 2024
న్యూజిలాండ్‌పై భారత్ విజయం
న్యూజిలాండ్‌తో జరిగిన తొలి వన్డేలో భారత మహిళల జట్టు 59 పరుగుల తేడాతో విజయం సాధించింది. ముందుగా బ్యాటింగ్ చేసిన టీమ్ ఇండియా 227 పరుగులకు ఆలౌటైంది. ఛేదనలో న్యూజిలాండ్ 168 పరుగులకే ఆలౌటైంది. భారత బౌలర్లలో రాధ యాదవ్ 3, సైమా ఠాకూర్ 2, దీప్తి, అరుంధతి తలో వికెట్ తీశారు.
Featured News
Sorry, no posts matched your criteria.