India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News August 31, 2024
BIG BREAKING: స్కూళ్లకు నేడు సెలవు
ఏపీలో భారీ వర్షాలు కురుస్తున్నాయి. దీంతో జిల్లా యంత్రాంగాలు అప్రమత్తమయ్యాయి. ఇప్పటికే విశాఖ, అనకాపల్లి జిల్లాల్లో స్కూళ్లకు సెలవు ప్రకటించాయి. తాజాగా గుంటూరు, కోనసీమ, ఎన్టీఆర్, కృష్ణా, కాకినాడ, అల్లూరి, పశ్చిమ గోదావరి జిల్లాల్లోని విద్యాసంస్థలకు సెలవు ఇచ్చారు. కాకినాడ జిల్లాలో విద్యార్థులకు నేడు నిర్వహించాల్సిన పరీక్షను సెలవు కారణంగా సెప్టెంబర్ 6న జరుపుతామని కలెక్టర్ తెలిపారు.
News August 31, 2024
బాలనటిగా ఉన్నప్పుడే వేధింపులకు గురయ్యా: నటి
మలయాళ సినీ ఇండస్ట్రీపై హేమ కమిటీ నివేదిక నేపథ్యంలో తమిళ బుల్లితెర నటి కుట్టి పద్మిని స్పందించారు. తాను బాలనటిగా ఉన్నప్పుడు వేధింపులకు గురైనట్లు వెల్లడించారు. ఆ విషయం తన తల్లికి చెప్పడంతో తనను ఆ ప్రాజెక్ట్ నుంచి తొలగించారని తెలిపారు. ఇక లైంగిక వేధింపులకు బుల్లితెర నటీమణులేం అతీతం కాదని ఆమె అన్నారు. కొందరు ఆ ఘటనలపై ఫిర్యాదులను నిరూపించుకోలేక, బయటికి చెబితే అవకాశాలు రావని భయపడుతున్నారని చెప్పారు.
News August 31, 2024
బలప్రయోగంపై కోల్‌కతా CPకి NHRC నోటీసులు
కోల్‌కతా పోలీస్ కమిషనర్‌కు NHRC నోటీసులు ఇచ్చింది. ఆగస్టు 27న ‘నబన్నా అభిజన్’ ర్యాలీలో ప్రజలపై అతి, కఠోర బలప్రయోగాన్ని ప్రశ్నించింది. ఆ రోజు ఎలాంటి చర్యలు తీసుకున్నారో 2 వారాల్లో రిపోర్టు ఇవ్వాలంది. BHIM ప్రతినిధి OP వ్యాస్ ఫిర్యాదుపై స్పందించింది. ‘200 మంది విద్యార్థులపై భౌతికదాడి చేశారు. చాలామందికి తీవ్ర గాయాలయ్యాయి. ఇది శాంతియుతంగా గుమిగూడే హక్కును ఉల్లఘించడమే’ అని ఆయన ఫిర్యాదులో పేర్కొన్నారు.
News August 31, 2024
వచ్చే నెలలో 94 రైళ్లు రద్దు
వరంగల్-కాజీపేట నాలుగో లైన్ నిర్మాణ పనుల నేపథ్యంలో SEP-OCT మధ్యలో 94 రైళ్లను ఎంపిక చేసిన తేదీల్లో రద్దు చేస్తున్నట్లు దక్షిణ మధ్య రైల్వే ప్రకటించింది. 41 రైళ్లను దారి మళ్లించనుండగా, మరో 27 రైళ్ల ప్రయాణ సమయాలను మార్చింది. రద్దైన వాటిలో గోల్కొండ, శాతవాహన ఎక్స్ ప్రెస్, సికింద్రాబాద్-గుంటూరు ఇంటర్ సిటీ, సికింద్రాబాద్-కాగజ్‌నగర్, విజయవాడ-సికింద్రాబాద్, భద్రాచలం రోడ్-బల్లార్ష తదితర రైళ్లు ఉన్నాయి.
News August 31, 2024
సెప్టెంబర్‌లో బ్రూనై, సింగపూర్‌కు మోదీ
సెప్టెంబర్ తొలివారంలో ప్రధాని నరేంద్ర మోదీ బ్రూనై, సింగపూర్‌లో పర్యటిస్తారు. 3, 4 తేదీల్లో బ్రూనైలో, 4, 5 తేదీల్లో సింగపూర్‌లో పర్యటిస్తారని విదేశీ వ్యవహారాలశాఖ తెలిపింది. ద్వైపాక్షిక పర్యటన కోసం బ్రూనై వెళ్లడం మోదీకిదే తొలిసారి. IND, బ్రూనై మధ్య ద్వైపాక్షిక సంబంధాలు ఏర్పడి 40 ఏళ్లవుతున్న సందర్భంగా PM అక్కడ పర్యటిస్తారు. మరోవైపు ప్రపంచ సమస్యలపై సింగపూర్ PM లారెన్స్ వాంగ్‌తో మోదీ చర్చించనున్నారు.
News August 31, 2024
భారీ వర్షాలు.. 2 జిల్లాల్లో స్కూళ్లకు సెలవు
AP: ఎడతెరిపి లేకుండా కురుస్తున్న వర్షాల కారణంగా విశాఖ, అనకాపల్లి జిల్లాల్లోని అన్ని ప్రభుత్వ, ప్రైవేట్, కార్పొరేట్ పాఠశాలలకు ఇవాళ సెలవు ప్రకటించారు. ఈమేరకు జిల్లాల విద్యాశాఖ అధికారులు ప్రకటన విడుదల చేేశారు. వర్షాల నేపథ్యంలో విద్యార్థులు అప్రమత్తంగా ఉండాలని సూచించారు. కాగా రాష్ట్రంలో నేడు అతిభారీ వర్షాలు కురవనున్నాయని అమరావతి వాతావరణ కేంద్రం ఇప్పటికే ప్రకటించింది.
News August 31, 2024
దేశంలో భారీగా పెరిగిన నీటి నిల్వలు
దేశంలోని రిజర్వాయర్లలో నీటి నిల్వలు భారీగా పెరిగినట్లు కేంద్ర జల సంఘం (CWC) తెలిపింది. గతేడాదితో పోల్చితే ఇది 126 శాతం అధికమని పేర్కొంది. దేశవ్యాప్తంగా రిజర్వాయర్లలో నీటిమట్టం 144.333 బిలియన్ క్యూబిక్ మీటర్ల వద్ద ఉందని తెలిపింది. ఏపీ, తెలంగాణ, తమిళనాడు, కర్ణాటక, కేరళలో నీటి నిల్వలు గణనీయంగా పెరిగినట్లు వెల్లడించింది. ఈ రాష్ట్రాల్లో మొత్తం 44.771 బీసీఎంల నిల్వ ఉన్నట్లు పేర్కొంది.
News August 31, 2024
ఏపీ, తెలంగాణలో అతి భారీ వర్షాలు
నేటి నుంచి మూడు రోజుల పాటు TGలోని ఉమ్మడి ఆదిలాబాద్, జగిత్యాల జిల్లాల్లో అతి భారీ వర్షాలు కురుస్తాయని వాతావరణ శాఖ పేర్కొంది. దీంతో పాటు ఉమ్మడి ఖమ్మం, కరీంనగర్, వరంగల్, రంగారెడ్డిలో భారీ వర్షాలు కురుస్తాయని అంచనా వేసింది. మరోవైపు ఏపీలో నేడు ఉత్తర కోస్తా జిల్లాల్లో అతి భారీ, దక్షిణ కోస్తా, రాయలసీమలో మోస్తరు నుంచి భారీ వర్షాలు కురుస్తాయని అమరావతి వాతావరణ కేంద్రం తెలిపింది.
News August 31, 2024
మూడు వందేభారత్ రైళ్లను ప్రారంభించనున్న ప్రధాని
ప్రధాన మంత్రి నరేంద్ర మోదీ ఇవాళ మూడు వందే భారత్ ఎక్స్‌ప్రెస్ రైళ్లను ప్రారంభించనున్నారు. ఇవి తమిళనాడులోని చెన్నై ఎగ్మోర్-నాగర్ కోయిల్, మధురై-బెంగళూరు, యూపీలోని మీరట్-లక్నో మధ్య నడవనున్నాయి. ఇందులో రెండు రైళ్లు దక్షిణ రైల్వే జోన్‌లోనివి కావడం విశేషం.
News August 31, 2024
విజృంభిస్తున్న వైరల్ ఫీవర్లు
APలో వైరల్ ఫీవర్లు విజృంభిస్తున్నాయి. 10రోజుల్లో సమారు 5లక్షల మంది బాధితులు ప్రభుత్వ, ప్రైవేటు ఆసుపత్రులను ఆశ్రయించారు. అనధికార లెక్కల ప్రకారం ఈ సంఖ్య మరింత ఎక్కువే ఉండనుంది. గతేడాది కంటే ఈసారి బాధితుల సంఖ్య 20-30% ఎక్కువ ఉన్నట్లు తెలుస్తోంది. దాదాపు ప్రతి ఇంట్లో ఒక రోగి ఉన్నారు. టైఫాయిడ్, మలేరియా, డెంగ్యూ కేసులు బాగా పెరుగుతుండటంతో జ్వరాన్ని నిర్లక్ష్యం చేయొద్దని వైద్యులు సూచిస్తున్నారు.
Featured News
Sorry, no posts matched your criteria.