India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News August 21, 2024
సిగ్గు లేకుండా మమ్మల్ని అంటున్నారు: భట్టి
TG: ఐదేళ్లుగా రూ.లక్ష రుణమాఫీ చేయలేని BRS నేతలు సిగ్గు లేకుండా కాంగ్రెస్ ప్రభుత్వం గురించి మాట్లాడుతున్నారని డిప్యూటీ సీఎం భట్టి విక్రమార్క మండిపడ్డారు. తాము అధికారంలోకి వచ్చిన తొలి ఏడాదే రుణమాఫీ చేశామన్నారు. దేశంలో ఒకేసారి రూ.2లక్షల రుణం మాఫీ చేసిన దాఖలాలు మరెక్కడా లేవన్నారు. దీనిపై చాలామంది అవగాహన లేకుండా విమర్శిస్తున్నారని ఆయన పేర్కొన్నారు.
News August 21, 2024
పాత ఫోన్లు అమ్ముతున్నారా?
TG: ఇంట్లో ఉన్న పాత ఫోన్లను ప్లాస్టిక్ వస్తువులు, డబ్బులకు సైబర్ నేరస్థులు కొనుగోలు చేస్తున్నారు. ఇలా చేస్తున్న కొందరిని గోదావరిఖనిలో పోలీసులు అరెస్ట్ చేసి, విచారించారు. వారు బిహార్‌కు చెందినవారని, పాత మొబైల్స్ కొని సైబర్ నేరగాళ్లకు విక్రయిస్తున్నట్లు గుర్తించారు. వారి వద్ద 4వేల పాత ఫోన్లు లభ్యమయ్యాయి. వీటిని రిపేర్ చేసి సైబర్ నేరాలకు పాల్పడుతున్నారని, ప్రజలు జాగ్రత్తగా ఉండాలని పోలీసులు తెలిపారు.
News August 21, 2024
పోలాండ్ చేరుకున్న ప్రధాని మోదీ
ప్రధాని మోదీ పోలాండ్ చేరుకున్నారు. ఆయనకు ప్రభుత్వ నేతలు, అధికారులు ఘన స్వాగతం పలికారు. మోదీ రెండు రోజులు ఆ దేశంలో పర్యటించనున్నారు. ఇరుదేశాల మధ్య దౌత్య సంబంధాలకు 70 ఏళ్లు నిండటంతో ప్రధాని పర్యటన ప్రాధాన్యం సంతరించుకుంది. భారత ప్రధాని పోలాండ్‌లో పర్యటించడం గత 45 ఏళ్లలో ఇదే తొలిసారి. మోదీ ఎల్లుండి అక్కడి నుంచి రైలులో ఉక్రెయిన్ వెళ్లనున్నారు.
News August 21, 2024
ఉక్రెయిన్ టూర్: మోదీ వెళ్లే రైలిదే
ప్రధాని నరేంద్ర మోదీ ఈనెల 23న పోలాండ్ నుంచి <<13902900>>ఉక్రెయిన్‌కు<<>> ‘రైల్ ఫోర్స్ వన్’లో ప్రయాణించనున్నారు. ఈ విలాసవంతమైన రైలు గురించి కొన్ని విషయాలు తెలుసుకుందాం. ఇది అత్యున్నత స్థాయి ప్రయాణాన్ని అందిస్తుంది. అత్యంత భద్రతతో కూడిన ఈ రైలులో పెద్ద టేబుల్స్, సోఫా, టీవీ, విశ్రాంతి కోసం పడక గది ఉంది. మొత్తం 20 గంటల ప్రయాణంలో యుద్ధంలో దెబ్బతిన్న ప్రాంతాల గుండా 10 గంటలు ప్రయాణించి కీవ్ నగరానికి చేరుకుంటారు.
News August 21, 2024
‘RRR’ భూసేకరణ పనుల్లో వేగం పెంచాలి: CM
TG: రీజినల్ రింగ్ రోడ్(RRR) దక్షిణ భాగం భూసేకరణ పనుల్లో వేగం పెంచాలని సమీక్ష సందర్భంగా సీఎం రేవంత్ రెడ్డి అధికారులను ఆదేశించారు. ORR, RRR మధ్య అనుసంధానానికి అనువుగా రహదారుల ప్రణాళికలు రూపొందించాలని సూచించారు. ఫ్యూచర్ సిటీలో ఏర్పాటు కానున్న పరిశ్రమలు, సంస్థలకు ఉపయోగకరంగా ఈ మార్గాలుండాలన్నారు. RRR విషయంలో ఏదైనా సాంకేతిక సమస్యలుంటే వెంటనే కేంద్ర ప్రభుత్వంతో చర్చించాలని సీఎం చెప్పారు.
News August 21, 2024
రియాక్టర్ పేలుడు.. ఐదుగురు మృతి
AP: అనకాపల్లిలోని అచ్యుతాపురం ఫార్మా కంపెనీలో రియాక్టర్ పేలిన <<13908795>>ఘటనలో<<>> మృతుల సంఖ్య ఐదుకు చేరింది. కొంతమంది పరిస్థితి విషమంగా ఉండటంతో మరణాల సంఖ్య మరింత పెరిగే అవకాశం ఉంది. పేలుడు ధాటికి భారీగా మంటలు చెలరేగడంతో పలువురు కార్మికులు చిక్కుకుపోయారు. 8 అగ్నిమాపక యంత్రాలతో సిబ్బంది మంటలను అదుపులోకి తీసుకువచ్చేందుకు ప్రయత్నిస్తున్నారు. ప్రమాద సమయంలో విధుల్లో ఉన్న వారి వివరాలను యాజమాన్యం సేకరిస్తోంది.
News August 21, 2024
DANGER: రోజూ మద్యం తాగుతున్నారా?
కొందరు క్రమం తప్పకుండా మద్యం తాగి తూగుతుంటారు. అయితే, 60 ఏళ్ల తర్వాత రోజూ ఆల్కహాల్ సేవిస్తే త్వరగా చనిపోతారని జామా నెట్‌వర్క్ సర్వేలో వెల్లడైంది. 1,35,103 మందిపై సర్వే నిర్వహించగా డైలీ డ్రింకింగ్ 33% అకాల మరణాన్ని పెంచుతుందని, క్యాన్సర్‌తో చనిపోయే ప్రమాదం 39% పెరిగిందని తేలింది. అప్పుడప్పుడు తాగితే అకాల మరణం పొందేందుకు 10% ఛాన్స్ ఉంది. అందుకే మద్యానికి దూరంగా ఉండండి, ఎక్కువకాలం జీవించండి. SHARE IT
News August 21, 2024
రూ.2లక్షల పైనున్న వాళ్లకు అప్పుడే రుణమాఫీ: మంత్రి
TG: రాష్ట్రంలో 41,78,892 మంది రైతులు రుణాలు తీసుకున్నట్లు బ్యాంకులు నివేదిక ఇచ్చాయని మంత్రి తుమ్మల తెలిపారు. అధికారులు రుణమాఫీ కాని కుటుంబాల ఇళ్లకు వెళ్లి నిర్ధారించి జాబితా రూపొందిస్తారని వెల్లడించారు. అనంతరం వారికీ మాఫీ చేస్తామన్నారు. రూ.2లక్షలు కంటే ఎక్కువున్న వాళ్లు పైమొత్తాన్ని చెల్లిస్తే రూ.2లక్షలు మాఫీ అవుతుందన్నారు. తెల్ల రేషన్ కార్డు లేకున్నా మాఫీ చేస్తున్నామని స్పష్టం చేశారు.
News August 21, 2024
వారికి మాత్రమే రుణమాఫీ ఆగింది: తుమ్మల
TG: ఇప్పటివరకు 22 లక్షల మంది రైతుల ఖాతాల్లో రుణమాఫీ డబ్బులు జమ చేశామని వ్యవసాయ శాఖ మంత్రి తుమ్మల నాగేశ్వరరావు తెలిపారు. ఆధార్, బ్యాంక్ ఖాతాల్లో తప్పులున్న వారికి మాత్రమే రుణమాఫీ ఆగిందన్నారు. దీనికి సంబంధించి రైతులు వ్యవసాయాధికారులకు దరఖాస్తు చేసుకోవాలని సూచించారు. వాటిని సరిదిద్ది మాఫీ చేయాలని అధికారులను ఆదేశించినట్లు మంత్రి వెల్లడించారు.
News August 21, 2024
వైద్యుల ఆందోళనను జవాన్లతో ముడిపెట్టిన TMC
వైద్యురాలిపై హత్యాచారానికి నిరసగా ఆందోళన చేస్తున్న వైద్యవర్గాలను ఎలా సముదాయించాలో TMCకి అర్థమవ్వడం లేదు. అందుకే జవాన్లతో పోలిక పెట్టింది. ‘సమ్మెను ఆపాలని కోరుతున్నాం. మీకో ప్రశ్న. పుల్వామా ఘటనలో అసలు న్యాయమే జరగలేదు. అలాగని జవాన్లు సరిహద్దుల్ని వదిలేసి వీ వాంట్ జస్టిస్ అంటూ నిరసనకు దిగితే ఎలా ఉంటుందో చెప్పండి’ అని TMC నేత కునాల్ ఘోష్ అన్నారు. ఆర్జీకర్ ఘటనపై పార్టీ వైఖరేంటో ఆయనే వివరిస్తున్నారు.
Featured News
Sorry, no posts matched your criteria.