India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News August 13, 2024
958 ఏళ్ల నాటి చెక్క తలుపు ఇది!
పై ఫొటోలో ఉన్నది ఇంగ్లండ్‌లోనే అత్యంత పురాతనమైన చెక్క తలుపు. వెస్ట్‌మిన్‌స్టర్ అబ్బే చర్చిలో 1066లో దీన్ని అమర్చారు. అప్పటి నుంచి నేటి వరకు ఎంతోమంది బ్రిటన్ చక్రవర్తుల చరిత్రకు ప్రత్యక్ష సాక్షిగా నిలిచి ఉంది. 750 ఏళ్ల క్రితం మొత్తం భవనాన్ని పునర్నిర్మించినా తలుపును మాత్రం మార్చలేదు. ఒకప్పుడు ఈ తలుపు ఉన్న గదిలో క్రైస్తవ మతాధికారులు ప్రేయర్లు చేసేవారు. నేడు ఆ గదిలో పాత పత్రాల్ని భద్రపరుస్తున్నారు.
News August 13, 2024
వేణుస్వామికి మహిళా కమిషన్ నోటీసులు
ప్రముఖ జ్యోతిషుడు వేణుస్వామికి తెలంగాణ మహిళా కమిషన్ నోటీసులు పంపింది. నాగచైతన్య-శోభిత ధూళిపాళ విడిపోతారంటూ ఆయన జాతకం చెప్పడాన్ని తప్పుబడుతూ ఫిలిం జర్నలిస్ట్ అసోసియేషన్, తెలుగు ఫిలిం డిజిటల్ మీడియా అసోసియేషన్ TGSCWకి ఫిర్యాదు చేసింది. ఈక్రమంలో ఈనెల 22న ఆయన వ్యక్తిగతంగా కమిషన్ ముందు హాజరుకావాలని ఛైర్‌పర్సన్ నేరెళ్ల శారద సమన్లు జారీ చేశారు.
News August 13, 2024
YCP పూర్వవైభవానికి బీజం వేసిన బొత్స విజయం: అంబటి
AP: ఉమ్మడి విశాఖ జిల్లాలో స్థానిక సంస్థల కోటా ఎమ్మెల్సీ ఉపఎన్నికలో వైసీపీ అభ్యర్థి బొత్స సత్యనారాయణ విజయం దాదాపు ఖాయం కావడంపై మాజీ మంత్రి అంబటి స్పందించారు. ‘YSRCP పూర్వవైభవానికి బీజం వేసిన బొత్స విజయం!’ అని ట్వీట్ చేశారు. కాగా, ఈ ఉపఎన్నికకు దూరంగా ఉండాలని ఎన్డీయే కూటమి నిర్ణయించింది. బొత్సతో పాటు మరో స్వతంత్ర అభ్యర్థి షఫీ ఉల్లా పోటీలో ఉన్నారు.
News August 13, 2024
షేక్ హ‌సీనాపై మ‌ర్డ‌ర్ కేసు
బంగ్లా ప్ర‌ధానిగా షేక్ హ‌సీనా రాజీనామా చేసిన అనంత‌రం మొద‌టిసారిగా ఆమెపై న్యాయ‌ప‌ర‌మైన చ‌ర్య‌లు ప్రారంభ‌మ‌య్యాయి. జులై 19న ఢాకాలో పోలీసులు జ‌రిపిన కాల్పుల్లో ఓ గ్రోస‌రీ స్టోర్ యాజ‌మాని అబు స‌య్య‌ద్ ప్రాణాలు కోల్పోయాడు. ఈ ఘ‌ట‌న‌లో ఆమెపై హ‌త్య కేసు న‌మోదైంది. ఆమెతోపాటు అవామీ లీగ్ జ‌న‌ర‌ల్ సెక్ర‌ట‌రీ, మాజీ హోం మంత్రి, మాజీ ఐజీపీ, మాజీ డీబీ చీఫ్ స‌హా మరో ఇద్ద‌రిపై కేసు న‌మోదైంది.
News August 13, 2024
ఈ AI చాలా డేంజర్ బాబోయ్
ఫొటోలను వీడియోలుగా మార్చే AI సామాన్యుల నుంచి సెలబ్రిటీల వరకు సవాళ్లు విసురుతోంది. గతంలో తల్లిదండ్రులు, ప్రియమైన వారితో దిగిన చిత్రాలను వీడియోలుగా మలిస్తే మధుర జ్ఞాపకాలుగా మారుతాయి. అదే రాజకీయ నేతల పాత చిత్రాలకు తప్పుడు మాటలు జోడించి నిజమనిపించేలా వీడియోలు వస్తే రచ్చ రచ్చే. చివరి ఎన్నికల్లో రిజర్వేషన్ల రద్దుపై నకిలీ వీడియోలు రేపిన కలకలం గురించి తెలిసిందే. అందుకే AIపై కంట్రోల్ మస్ట్. మీ కామెంట్.
News August 13, 2024
11 సీట్లు ఇచ్చినా సిగ్గు రాలేదా జగన్?: లోకేశ్
AP: ప్రజలకు ఆశ చూపి చంద్రబాబు దగా చేశారన్న జగన్ <<13841981>>వ్యాఖ్యలకు<<>> మంత్రి లోకేశ్ కౌంటర్ ఇచ్చారు. పెన్షన్ రూ.వెయ్యి పెంచేందుకు 5 ఏళ్లు తీసుకొని సంక్షేమం గురించి మాట్లాడుతున్నావా అని Xలో ప్రశ్నించారు. పాపాలలో శిశుపాలుడిని మించిన జగన్ మోసాలకు ప్రజలు 11 సీట్లు ఇచ్చినా సిగ్గు రాలేదని దుయ్యబట్టారు. బాబాయ్‌ని వేసేయడం, గంజాయి అమ్ముకోవడం వంటివి సాగకపోతే లా అండ్ ఆర్డర్ లేనట్టా అని ప్రశ్నలు సంధించారు.
News August 13, 2024
‘ఫస్ట్ క్రై’తో సచిన్‌కు రూ. కోట్ల లాభం
స్టాక్ మార్కెట్లో ఎంటర్ అయిన ‘ఫస్ట్ క్రై’ అదరగొడుతుండటంతో మాజీ క్రికెటర్ సచిన్ టెండూల్కర్ దంపతులు భారీ లాభాలను సంపాదించారు. ఒక్కో షేర్‌కు రూ.487.44 చొప్పున 2 లక్షల షేర్లను సుమారు రూ.10కోట్లకు వారు కొనుగోలు చేశారు. గ్రే మార్కెట్ ప్రీమియం ప్రకారం వారికి భారీ నష్టం వాటిల్లుతుందని అందరూ అంచనా వేశారు. కానీ నేడు షేర్లు రూ.651తో లిస్ట్ కావడంతో రూ.3కోట్లకు పైగా లాభాన్ని చవిచూశారు.
News August 13, 2024
తుంగభద్ర గేట్‌ను పునరుద్ధరిస్తాం: ఏపీ మంత్రులు
AP: తుంగభద్ర డ్యామ్ గేట్‌ను పునరుద్ధరిస్తామని ఏపీ మంత్రులు రామానాయుడు, పయ్యావుల కేశవ్ తెలిపారు. కర్ణాటక సీఎం సిద్ధరామయ్యతో కలిసి డ్యామ్‌ను పరిశీలించారు. చైన్ కట్ కావడంతోనే 19వ గేట్ కొట్టుకుపోయినట్లు తెలిపారు. ఆ గేట్ నుంచి 35 వేల క్యూసెక్కుల నీరు వెళ్తోందని చెప్పారు. డ్యామ్‌లో నీటి మట్టం తగ్గాకే పునరుద్ధరణ సాధ్యమని, నారాయణ ఇంజినీరింగ్ ఏజెన్సీ ఆ పనులు చేపడుతుందని తెలిపారు.
News August 13, 2024
జావా యెజ్డీ నుంచి ‘జావా 42’ లాంచ్.. వివరాలివే!
జావా ఎజ్డీ మోటార్‌సైకిల్స్ సంస్థ ఈరోజు ‘జావా 42’ బైక్‌ను లాంఛ్ చేసింది. 14 రకాల రంగుల ఆప్షన్స్, కొత్త ఇంజిన్, 42 అప్‌గ్రేడ్స్ ఈ మోడల్‌లో ప్రవేశపెట్టినట్లు సంస్థ పేర్కొంది. 294 సీసీ జే-పాంథర్, లిక్విడ్ కూల్డ్ ఇంజిన్, 6 గేర్లు, సీపీ4 సిలిండర్ ఈ బైక్‌లో ఉన్నాయి. ఎక్స్-షోరూమ్‌లో ధర రూ.1.73 లక్షలుగా ఉండగా, హై ఎండ్ మోడల్‌ రూ.1.98 లక్షల వరకు ఉంటుందని సంస్థ తెలిపింది.
News August 13, 2024
చంద్రబాబుతో సునీతా కృష్ణన్ భేటీ
పద్మ శ్రీ గ్రహీత సునీతా కృష్ణన్ ఏపీ సీఎం చంద్రబాబు నాయుడుతో భేటీ అయ్యారు. ఈ సందర్భంగా తన ఆటో బయోగ్రఫీ ‘IAm What IAm’ పుస్తకాన్ని ఆయనకు బహూకరించారు. హ్యూమన్ ట్రాఫికింగ్‌ని నివారించేందుకు సహకరించాలని CBNకి విజ్ఞప్తి చేశారు. మీటింగ్‌లో ‘సెక్స్ అఫెండర్స్ రిజిస్ట్రీ’పై పవర్ పాయింట్ ప్రజెంటేషన్‌ ఇచ్చినట్లు ఆమె తెలిపారు. తనకోసం విలువైన సమయాన్ని కేటాయించినందుకు ఆమె కృతజ్ఞతలు తెలియజేశారు.
Featured News
Sorry, no posts matched your criteria.