India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News August 8, 2024
హైదరాబాద్‌లోకి బంగ్లా దేశీయులు?
TG: బంగ్లాదేశ్‌లో ఉద్రిక్త పరిస్థితుల నేపథ్యంలో ఆ దేశీయులు హైదరాబాద్‌లోకి ప్రవేశిస్తున్నట్లు తెలుస్తోంది. ఈ క్రమంలో సిటీ పోలీసులు అప్రమత్తమయ్యారు. నగరంలోని బాలాపూర్, కాటేదాన్, పహాడీషరీఫ్, ఫలక్‌నుమా ప్రాంతాల్లో సోదాలు నిర్వహించారు. కొంతమంది అనుమానితులను అదుపులోకి తీసుకుని ప్రశ్నిస్తున్నట్లు సమాచారం. కాగా గత రెండేళ్లలో వెయ్యి మందికిపైగా బంగ్లా నుంచి ఇక్కడికి అక్రమంగా వచ్చినట్లు తెలుస్తోంది.
News August 8, 2024
పవన్ కళ్యాణ్ అభిమానులకు GOOD NEWS!
డిప్యూటీ సీఎం పవన్ రాజకీయాల్లో బిజీగా ఉండటంతో ఆయన నటిస్తున్న 3 సినిమాల షూటింగ్ పెండింగ్‌లో ఉంది. తాజాగా OG నిర్మాత DVV దానయ్య పవర్ స్టార్‌ను కలిసి డేట్స్‌పై చర్చించారు. OCT నుంచి షూటింగ్‌లో పాల్గొంటానని నిర్మాతకు పవన్ హామీ ఇచ్చినట్లు తెలుస్తోంది. ఆ తర్వాత సమయాన్ని బట్టి హరి హర వీరమల్లు, ఉస్తాద్ భగత్ సింగ్ చిత్రాలపై ఫోకస్ పెట్టనున్నట్లు సమాచారం. దీంతో అభిమానులు సంతోషం వ్యక్తం చేస్తున్నారు.
News August 8, 2024
చరిత్రలో తొలిసారి.. స్పిన్ ఉచ్చులో భారత్ విలవిల
T20WC విజయం తర్వాత జోరుమీదున్న టీమ్ ఇండియాకు శ్రీలంక బ్రేక్ వేసింది. 3 వన్డేల్లోనూ పైచేయి సాధించింది. ముఖ్యంగా లంక స్పిన్నర్లు అదరగొట్టారు. ప్రతి మ్యాచ్‌లో 9 వికెట్ల చొప్పున 27 వికెట్లు కూల్చేశారు. ఈ 3 వన్డేలూ కొలొంబోలోనే జరగడం విశేషం. ఒక సిరీస్‌లో స్పిన్‌కు అన్ని వికెట్లు కోల్పోవడం ODI చరిత్రలో ఇదే తొలిసారి. అదే గ్రౌండులో భారత్ గతేడాది 10 వికెట్లు, 1997లో 9 వికెట్లు స్పిన్నర్లకు సమర్పించుకుంది.
News August 8, 2024
హత్య కేసులో హీరో దర్శన్‌పై ఛార్జ్‌షీట్?
తన అభిమాని రేణుకాస్వామి హత్య కేసులో కన్నడ హీరో <<13490637>>దర్శన్<<>> సహా 17 మందిపై కోర్టులో ఛార్జ్‌షీట్ దాఖలు చేసేందుకు పోలీసులు సిద్ధమయ్యారు. కేసు విచారణను వేగవంతం చేసేందుకు ఫాస్ట్‌ట్రాక్ కోర్టుకు బదిలీ చేయాలని సిట్ ప్రభుత్వాన్ని కోరింది. అక్కడి నుంచి అనుమతి రాకపోతే ప్రస్తుతం విచారణ జరుగుతున్న సివిల్ కోర్టులో అభియోగపత్రాన్ని దాఖలు చేసి, ఫాస్ట్‌ట్రాక్ కోర్టుకు బదిలీ చేయాలని విజ్ఞప్తి చేయనుంది.
News August 8, 2024
మెడల్ సాధించకపోయినా రూ.25,00,000 రివార్డ్
పంజాబ్‌లోని లవ్లీ ప్రొఫెషనల్ యూనివర్సిటీ వినేశ్ ఫొగట్‌కు రూ.25 లక్షల రివార్డు ప్రకటించింది. వినేశ్ మెడల్ గెలిచినట్లేనని వర్సిటీ ఛాన్స్‌లర్ అశోక్ తెలిపారు. ‘వినేశ్ మా యూనివర్సిటీలో MA (సైకాలజీ) స్టూడెంట్. ఆమె దృఢ సంకల్పం, స్కిల్ చాలా గొప్పవి’ అని ఆయన చెప్పారు. తమ విద్యార్థులు గోల్డ్ గెలిస్తే రూ.50 లక్షలు, సిల్వర్‌కు రూ.25 లక్షలు, బ్రాంజ్ గెలిస్తే రూ.10 లక్షలు ఇస్తామని గతంలో LPU ప్రకటించింది.
News August 8, 2024
రష్యాలోకి ఉక్రెయిన్ దళాలు.. భీకర దాడి
రెండేళ్లుగా సాగుతున్న రష్యా-ఉక్రెయిన్ యుద్ధం మరో అంకానికి చేరింది. ఉక్రెయిన్ దళాలు కుర్స్క్ రీజియన్ ద్వారా తమ దేశంలో ప్రవేశించి దాడులు చేస్తున్నట్లు రష్యా ప్రకటించింది. రెచ్చగొట్టడంలో భాగంగానే ఈ చొరబాట్లు అని పుతిన్ మండిపడ్డారు. ప్రజల నివాసాలు, అంబులెన్సులపై క్షిపణులతో దాడి చేసినట్లు తెలిపారు. యుద్ధం మొదలయ్యాక ఉక్రెయిన్ ఆర్మీ బోర్డర్ దాటడం ఇదే తొలిసారి. దీనిపై జెలెన్‌స్కీ ఇంకా స్పందించలేదు.
News August 8, 2024
గుండెపోటు మరణాలకు చెక్.. ప్రభుత్వం కీలక నిర్ణయం
AP: గుండెపోటు వచ్చినప్పుడు గోల్డెన్ అవర్(తొలి గంట) కీలకం. ఆ టైంలో ‘టెనెక్ట్ప్లేస్’ ఇంజెక్షన్ ఇచ్చి ప్రాథమిక చికిత్స అందిస్తే రోగి ప్రాణాలు కాపాడొచ్చు. ఇందుకోసం CHC, ఏరియా ఆస్పత్రులను GOVT వైద్య కాలేజీలతో అనుసంధానించే ప్రక్రియను ప్రభుత్వం వేగవంతం చేయనుంది. ఈ కార్యక్రమాన్ని CM చంద్రబాబు త్వరలో ప్రారంభించనున్నారు. టెనెక్ట్ప్లేస్ ప్రభుత్వానికి ₹19వేలకు సరఫరా అవుతోండగా ఫ్రీగా అందుబాటులో ఉంచనున్నారు.
News August 8, 2024
వినేశ్ ఫొగట్ సాధించిన ఘనతలివే
* 2014, 2018, 2022 కామన్‌వెల్త్ గేమ్స్‌లో బంగారు పతకాలు.
* ఒకే ఏడాది(2018) కామన్ వెల్త్ గేమ్స్, ఏషియన్ గేమ్స్‌లో గోల్డ్ గెలిచిన భారత తొలి మహిళా రెజ్లర్‌గా రికార్డు.
* 2019, 2022లో ప్రపంచ రెజ్లింగ్ ఛాంపియన్‌షిప్స్‌లో కాంస్య పతకాలు కైవసం.
* 2016, 2020, 2024 ఒలింపిక్స్‌ బరిలో నిలిచారు.
News August 8, 2024
చైనాలో గంటకు 1,000 కి.మీ దూసుకెళ్లే రైలు!
గంటకు 1,000 కి.మీ ప్రయాణించే ఆల్ట్రా హై స్పీడ్ రైలు( UHS)ను చైనా రూపొందిస్తోంది. బీజింగ్, షాంఘై మధ్య ప్రయాణించే ఈ రైలు టెస్టు రన్ విజయవంతమైంది. అయస్కాంత శక్తితో రైలు పట్టాలను తాకకుండా గాల్లో తేలుతూ ప్రయాణిస్తుంది. ఇది అందుబాటులోకి వస్తే ప్రపంచంలోనే అత్యంత వేగంగా నడిచే రైలుగా నిలవనుంది. బీజింగ్ నుంచి షాంఘైకు విమానంలో ప్రయాణిస్తే 2 గంటలకుపైనే పడుతుంది. UHSతో గంటలోనే బీజింగ్ నుంచి షాంఘై చేరుకోవచ్చు.
News August 8, 2024
15న SSLV-D3 ప్రయోగం
శ్రీహరికోట నుంచి ఈ నెల 15న ఉ.9.17 గంటలకు SSLV-D3 రాకెట్ ద్వారా EOS-08 శాటిలైట్‌ను ఇస్రో నింగిలోకి పంపనుంది. సముద్ర ఉపరితలంపై గాలులు, తేమ, హిమాలయాల్లో క్రియోస్పియర్, వరదలను ఎప్పటికప్పుడు గుర్తించి ఫొటోలను తీసి పంపడం ఈ ప్రయోగ లక్ష్యం. ఈ ఉప గ్రహం బరువు 175.5KGలు. ఇందులో ఎలక్ట్రో ఆప్టికల్ ఇన్‌ఫ్రారెడ్, గ్లోబల్ నావిగేషన్ సిస్టమ్-రిఫ్లెక్టోమెట్రీ, యూవీడోసిమీటర్ అనే 3 పేలోడ్లను అమర్చారు.
Featured News
Sorry, no posts matched your criteria.