India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News August 7, 2024
రాష్ట్రంలో పెరగనున్న బీర్ల ధరలు?
TG: వచ్చే నెల నుంచి బీర్ల ధరలు ₹10-12 వరకూ పెరగనున్నట్లు సమాచారం. బీర్ల ఉత్పత్తి కేంద్రాల(బ్రూవరీలు)కు చెల్లించే ధరలను ప్రభుత్వం రెండేళ్లకోసారి పెంచుతుంది. ఈసారి ₹20-25 పెంచాలని బ్రూవరీలు కోరగా, ₹10-12 వరకూ పెంచాలని సర్కార్ నిర్ణయించినట్లు సమాచారం. బ్రూవరీల నుంచి ప్రభుత్వం ఒక్కో బీరును ₹24.08కి కొని, వైన్స్‌లకు ₹116.66కి విక్రయిస్తోంది. వినియోగదారుడికి వచ్చే సరికి లైట్ బీరు ధర ₹150కి చేరుతోంది.
News August 7, 2024
Land for Job కేసులో ED ఛార్జిషీట్
ల్యాండ్ ఫ‌ర్ జాబ్ కేసులో లాలూ, ఆయన కుమారుడు తేజ‌స్వీ యాద‌వ్ స‌హా ఇత‌ర కుటుంబ స‌భ్యుల ప్రమేయంపై కోర్టులో ఈడీ చివరి ఛార్జిషీట్ దాఖలు చేసింది. 2004-2009 మ‌ధ్య కాలంలో రైల్వే శాఖ మంత్రిగా ఉన్న లాలూ గ్రూప్-డి ఉద్యోగాల నియామ‌కంలో భూములు పొంది ఉద్యోగాలు క‌ల్పించార‌న్న ఆరోప‌ణ‌ల‌పై కేసు నమోదైంది. దీనిపై ఈ నెల 13న రౌస్ అవెన్యూ కోర్టులో విచారణ జరగనుంది.
News August 7, 2024
సీఎం చంద్రబాబు చీరాల పర్యటన రద్దు
AP: సీఎం చంద్రబాబు చీరాల పర్యటన రద్దు అయింది. భారీ వర్షం కారణంగా ఆయన ఈ టూర్‌ను రద్దు చేసుకున్నారు. ఇవాళ సాయంత్రం బాపట్ల జిల్లా చీరాల మండలం వేటపాలెంలో నేతన్నలతో చంద్రబాబు ముఖాముఖి నిర్వహించాల్సి ఉంది. అలాగే నేతన్నలకు ప్రత్యేక ప్యాకేజీ కూడా ప్రకటిస్తారని వార్తలు వచ్చాయి. కాగా విజయవాడలో జరిగే చేనేత దినోత్సవంలో బాబు పాల్గొననున్నారు.
News August 7, 2024
టార్గెట్ TDP! (1/2)
INDIA కూట‌మి APలో TDPని టార్గెట్ చేసిన‌ట్టు కనిపిస్తోంది. కూట‌మిలోని మిత్ర‌ప‌క్ష పార్టీలు ఢిల్లీలో జ‌గ‌న్ చేపట్టిన ధ‌ర్నా స‌హా అమ‌రావ‌తికి నిధుల విష‌యంలో పరోక్షంగా TDPపై విమ‌ర్శ‌లు ఎక్కుపెట్టాయి. జ‌గ‌న్ ధ‌ర్నాలో పాల్గొన్న కూట‌మి మిత్ర‌ప‌క్షాలు ఏపీలో జ‌రుగుతున్న హింసా రాజ‌కీయాల‌ను త‌ప్పుబ‌ట్టాయి. ఈ విష‌యంలో YCP పోరాటానికి అండ‌గా ఉంటామ‌ని శివ‌సేన, SP, AAP, TMC పార్టీలు భ‌రోసా ఇచ్చాయి.
News August 7, 2024
AP నిధుల‌పై స్పందించిన TMC (2/2)
తాజాగా TDPని ఇరుకున పెట్టేలా కేంద్రం అమ‌రావ‌తికి రూ.15 వేల కోట్ల‌ను అప్పుగా ఇచ్చి తెలివైన ఏపీ ప్ర‌జ‌ల‌ను ఫూల్స్ చేస్తోందని TMC ఎంపీ మ‌హువా విమర్శించారు. ఈ అప్పుల భారం రాష్ట్ర ప్ర‌జ‌ల‌పైనే ప‌డుతుంద‌న్నారు. ఎన్డీయే కీలక భాగ‌స్వామిగా ఉన్న TDP కేంద్రం నుంచి గ్రాంట్స్‌కు బ‌దులుగా అప్పులు తెస్తోందని YCP విమర్శిస్తోంది. అదే న్యారేటివ్‌ను ఇండియా కూట‌మి మిత్ర‌ప‌క్షాలు ఫాలో అవుతుండడం గమనార్హం.
News August 7, 2024
భార‌త్‌లో కూడా బంగ్లా తరహా నిరసనలు జ‌ర‌గొచ్చు: ఖుర్షీద్
భార‌త్‌లో పైకి అంతా బాగానే క‌నిపిస్తున్నా బంగ్లాదేశ్ మాదిరి హింసాత్మ‌క, ప్ర‌భుత్వ-వ్య‌తిరేక నిరసనలు జరిగే అస్కారం ఉందని కాంగ్రెస్ నేత స‌ల్మాన్ ఖుర్షీద్ హెచ్చ‌రించారు. క‌శ్మీర్‌లో, ఇక్క‌డ అంతా బాగానే ఉంద‌నిపించ‌వచ్చని, క్షేత్ర‌స్థాయిలో వేరే పరిస్థితులు దాగి ఉన్నాయని ఆయన అభిప్రాయ‌ప‌డ్డారు. CAA-NRCకి వ్యతిరేకంగా షాహిన్ బాగ్‌లో జ‌రిగిన అల్ల‌ర్లు దేశ‌వ్యాప్తంగా ప్రభావం చూపాయన్నారు.
News August 7, 2024
రష్యా గైర్హాజరీతో US, చైనాకు పతకాల పండగ!
పారిస్ ఒలింపిక్స్‌లో అమెరికా (86), చైనా (59) పతకాల పండగ చేసుకుంటున్నాయి. రష్యా పోటీలో లేకపోవడంతో ఈ 2 దేశాలకు ఎదురే లేకుండా పోయింది. యుద్ధం కారణంగా IOC రష్యాపై బ్యాన్ విధించింది. దీంతో ఆ దేశం నుంచి 15 మంది మాత్రమే పారిస్ ఒలింపిక్స్‌లో తటస్థ జెండాతో పాల్గొన్నారు. అదే టోక్యో ఒలింపిక్స్‌లో 330 మంది పోటీపడ్డారు. ప్రస్తుతం రష్యా స్టార్ అథ్లెట్లు ఎవరూ లేకపోవడంతో ఈ రెండు దేశాలు పతకాల వేటలో ముందున్నాయి.
News August 7, 2024
పిఠాపురంలో YCPకి షాక్
AP: జనసేనాని, డిప్యూటీ CM పవన్ కళ్యాణ్ ప్రాతినిధ్యం వహిస్తున్న పిఠాపురం (కాకినాడ జిల్లా) నియోజకవర్గంలో YCPకి షాక్ తగిలింది. మాజీ ఎమ్మెల్యే పెండెం దొరబాబు ఆ పార్టీకి రాజీనామా చేశారు. 2014లో వైసీపీ నుంచి బరిలోకి దిగి ఓడిపోయిన ఆయన 2019లో ఆ పార్టీ నుంచే పోటీ చేసి గెలిచారు. 2024లో పెండెంను కాకుండా వైసీపీ వంగా గీతను బరిలోకి దింపడంతో ఆయన అసంతృప్తితో ఉన్నారు. త్వరలో భవిష్యత్ కార్యాచరణ ప్రకటిస్తానన్నారు.
News August 7, 2024
జాతీయ పక్షిగా ‘బాల్డ్ ఈగల్’.. US సెనేట్ ఆమోదం
బాల్డ్ ఈగల్‌ను తమ జాతీయ పక్షిగా ఆమోదిస్తూ అమెరికా సెనేట్ బిల్లు పాస్ చేసింది. మిన్నెసొటా సభ్యురాలు అమీ క్లొబుచార్ ఈ ప్రతిపాదన తీసుకురాగా సెనేట్ సభ్యులందరూ ఏకపక్షంగా ఆమోదించారు. చట్టసభలోనూ పాస్ అయితే బిల్లు చట్టరూపం దాల్చనుంది. సుమారు 240 ఏళ్లుగా అమెరికాకు బాల్డ్ ఈగల్ సంకేతంగా ఉందని ఈ సందర్భంగా సెనేటర్లు గుర్తుచేసుకున్నారు. గద్ద జాతికి చెందిన బాల్డ్ ఈగల్ అమెరికాలోనే ఎక్కువగా కనిపిస్తుంటుంది.
News August 7, 2024
KL రాహుల్‌కు 200వ మ్యాచ్
టీమ్ ఇండియా మిడిలార్డర్ బ్యాటర్ KL రాహుల్ ఇవాళ తన 200వ అంతర్జాతీయ మ్యాచ్ ఆడనున్నారు. నేడు శ్రీలంకతో జరిగే మూడో వన్డేలో ఆయన ఈ ఘనత సాధించనున్నారు. ఇప్పటివరకు 199 మ్యాచ్‌లు ఆడి 7,979 రన్స్ చేశారు. మరో 21 పరుగులు చేస్తే 8,000 పరుగుల క్లబ్‌లోకి చేరుకుంటారు. కాగా కొన్నేళ్లుగా టీమ్ ఇండియాకు రాహుల్ వెన్నెముకగా మారారు. మిడిలార్డర్‌లో పలు కీలక ఇన్నింగ్స్‌లు ఆడి భారత విజయాల్లో తన వంతు పాత్ర పోషిస్తున్నారు.
Featured News
Sorry, no posts matched your criteria.