India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News August 6, 2024
జనసేనలోకి వైసీపీ మాజీ ఎమ్మెల్యే దొరబాబు?
AP: పిఠాపురం మాజీ ఎమ్మెల్యే, వైసీపీ నేత పెండెం దొరబాబు ఆ పార్టీకి రాజీనామా చేయనున్నట్లు సమాచారం. ఈ విషయంపై తన అనుచరులకు క్లారిటీ ఇచ్చారట. డిప్యూటీ సీఎం పవన్ కళ్యాణ్ సమక్షంలో జనసేనలో చేరేందుకు ముహూర్తం ఖరారు చేసుకున్నట్లు తెలుస్తోంది. 2019లో వైసీపీ నుంచి పిఠాపురం ఎమ్మెల్యేగా ఆయన గెలిచారు. 2024లో ఆయనకు టికెట్ నిరాకరించిన వైఎస్ జగన్ పార్టీ అభ్యర్థిగా వంగా గీతను నిలబెట్టిన విషయం తెలిసిందే.
News August 6, 2024
PMగా ఆఖరి నిమిషాల్లో హసీనా ఏం చేశారంటే..
అల్లరి మూకలు చుట్టుముడుతున్న సమయంలో PMగా చివరి నిమిషాల్లో షేక్ హసీనా ఏం చేశారు? ఆమె సన్నిహిత వర్గాల ప్రకారం.. వెంటనే బయలుదేరాలని మధ్యాహ్నం 1.30కి భద్రతా సిబ్బంది హసీనాకు చెప్పారు. జాతినుద్దేశించి ప్రసంగించాలన్న ఆమె కోరికను తోసిపుచ్చారు. 1.45 PMకి ప్లానింగ్ కమిషన్ భవనానికి, అక్కడి నుంచి పాత తేజ్‌గావోన్ ఎయిర్‌పోర్టుకు సోదరితో సహా హసీనాను తరలించారు. అనంతరం ప్రత్యేక హెలికాప్టర్‌లో భారత్‌కు పంపించారు.
News August 6, 2024
రాష్ట్రంలో ఐటీ ఉద్యోగాల వృద్ధి తగ్గింది: కేటీఆర్
TG: 2022-23లో 1,27,594 ఐటీ ఉద్యోగాలు సృష్టించగా, 2023-24లో ఆ సంఖ్య 40,285కు పడిపోయిందని కేటీఆర్ తెలిపారు. ఇదే టైమ్‌లో ఐటీ ఎగుమతుల విలువ ₹57,706cr నుంచి ₹26,948crకు పడిపోయిందని ట్వీట్ చేశారు. BRS హయాంలో ఐటీ సెక్టార్ మెరుగైన వృద్ధిని సాధించిందని పేర్కొన్నారు. ప్రస్తుత పరిస్థితి తీవ్ర ఆందోళన కలిగిస్తోందని, కాంగ్రెస్ ప్రభుత్వం దీనిపై దృష్టి సారించాలని ట్వీట్ చేశారు.
News August 6, 2024
కొడుకు చనిపోయాడని తెలియని తల్లి.. విషాదంలో కుటుంబం
MS చదివేందుకు US వెళ్లిన తన కొడుకు చనిపోయాడని ఆ తల్లికి తెలియదు. తెలిస్తే బాధపడుతుందని కుటుంబసభ్యులు చెప్పలేదు. సిద్దిపేట(D) కూటిగల్‌కు చెందిన సాయిరోహిత్(23) గతనెల 22న రూమ్ నుంచి బయటకు వెళ్లాడు. 24న ఓ సరస్సులో శవమై తేలాడు. అతని మృతిపై అనుమానాలు ఉన్నాయి. మృతదేహం నేడు ఇంటికి చేరుకోనుంది. ₹30L అప్పుచేసి కొడుకును విదేశాలకు పంపిన పేరెంట్స్‌కు కన్నీళ్లే మిగిలాయని స్థానికులు విచారం వ్యక్తం చేస్తున్నారు.
News August 6, 2024
బెయిల్ పిటిషన్‌ను విత్‌డ్రా చేసుకున్న కవిత
ఢిల్లీ రౌస్ ఎవెన్యూ కోర్టులో దాఖలు చేసిన డిఫాల్ట్ బెయిల్ పిటిషన్‌ను MLC కవిత వెనక్కి తీసుకున్నారు. లిక్కర్ పాలసీ స్కామ్‌కు సంబంధించి CBI కేసులో ఆమె బెయిల్ కోసం కోర్టును ఆశ్రయించారు. నిన్న సీనియర్ న్యాయవాది కోర్టుకు హాజరుకాకపోవడంతో విచారణ వాయిదా వేయాలని ఆమె తరఫు లాయర్ కోరారు. పదే పదే వాయిదాలు కోరడంతో జడ్జి అసహనం వ్యక్తం చేశారు. వాదనలు వినిపించకపోతే పిటిషన్ విత్‌డ్రా చేసుకోవాలని సూచించారు.
News August 6, 2024
పుట్టుక మీది.. చావు మీది.. బతుకంతా తెలంగాణది: కేటీఆర్
ప్రొ.జయశంకర్ తెలంగాణ రాష్ట్ర సాధన కోసం తన జీవితాన్ని ధారబోశారని KTR ట్వీట్ చేశారు. జయశంకర్ జయంతి సందర్భంగా నివాళులు అర్పించారు. ‘పుట్టుక మీది, చావు మీది.. బతుకంతా తెలంగాణది. ఉద్యమ భావజాల వ్యాప్తికి ఆయన చేసిన కృషి అనిర్వచనీయం. స్వరాష్ట్ర సాధనలో ఒక దిక్సూచిగా నిలిచిన వారి కీర్తి అజరామరమైనది. ఆయన అడుగు జాడల్లోనే తెలంగాణ పోరాటం. తెలంగాణ ప్రగతి ప్రస్థానం’ అని పేర్కొన్నారు.
News August 6, 2024
బంగ్లా మ‌రో పాకిస్థాన్ అవుతుంది: హసీనా కుమారుడు
బంగ్లాదేశ్ మ‌రో పాకిస్థాన్ అవుతుంద‌ని ఆ దేశ మాజీ ప్రధాని షేక్ హసీనా కుమారుడు సాజీబ్ వాజిద్ ఆందోళన వ్యక్తం చేశారు. దేశాభివృద్ధికి తన తల్లి ఎంత కృషి చేసినా ఇప్పుడు బంగ్లా పాకిస్థాన్‌లా మారుతోందన్నారు. అంత‌ర్జాతీయ స‌మాజం తన త‌ల్లిని విమ‌ర్శించ‌డంలో బిజీగా ఉంద‌ని త‌ప్పుబ‌ట్టారు. గ‌త 15 ఏళ్లలో ఆర్థికంగా వేగంగా అభివృద్ధి చెందుతున్న దేశంగా బంగ్లా స్థిర‌త్వాన్ని చవిచూసిందని వివరించారు.
News August 6, 2024
Olympics: అందినట్లే అంది..
పారిస్ ఒలింపిక్స్‌లో త్రుటిలో పతకాలు చేజారడం క్రీడాకారులతో పాటు అభిమానులకు తీవ్ర నిరాశ మిగులుస్తోంది. సూపర్ ఫామ్‌లో ఉన్న వారు సైతం పతక పోరులో వెనుదిరుగుతున్నారు. దాదాపు ఏడెనిమిది పతకాలు చివరి క్షణంలో దూరమయ్యాయి. అయితే ఇతర వరల్డ్ టోర్నీల్లో దుమ్ములేపుతున్న మనవాళ్లు ఒలింపిక్స్‌లో తడబడటానికి కారణం ఒత్తిడే అంటున్నారు క్రీడా నిపుణులు. మానసిక దృఢత్వంలో మనోళ్లను తీర్చిదిద్దితే పతకాలు పెరుగుతాయంటున్నారు.
News August 6, 2024
బంగ్లా పరిస్థితిని విపక్షాలకు వివరిస్తున్న జైశంకర్
బంగ్లాదేశ్ ఘర్షణలపై కేంద్రం ఢిల్లీలో అఖిలపక్ష సమావేశాన్ని ఏర్పాటు చేసింది. విదేశాంగమంత్రి జైశంకర్ అక్కడి పరిస్థితులను విపక్షాలకు వివరిస్తున్నారు. ఈ సమావేశానికి కాంగ్రెస్ నేతలు రాహుల్, మల్లికార్జున ఖర్గే తదితరులు హాజరయ్యారు. మరోవైపు బంగ్లాదేశ్ మాజీ ప్రధాని హసీనా ఇండియాలోనే తలదాచుకున్నారు. సరిహద్దుల వద్ద సెక్యూరిటీ కట్టుదిట్టం చేశారు. బంగ్లాకు విమాన, రైలు, రోడ్డు మార్గాలను నిలిపివేశారు.
News August 6, 2024
వీగన్ డైట్ అంటే?
జంతువులు, పక్షులు, డెయిరీ ఉత్పత్తులు, తేనెకు దూరంగా కేవలం శాకాహారం తీసుకోవడాన్ని వీగన్ డైట్ అంటారు. ఈ పద్ధతిని పాటించేవారిని వీగన్స్ అని పిలుస్తారు. వీరు దుస్తులు, అలంకార వస్తువుల్లోనూ జంతు సంబంధమైనవి లేకుండా లెనిన్, కాటన్ వస్తువులనే వాడతారు. ముత్యాలనూ ధరించరు. ఏటా నవంబర్ 1న వరల్డ్ వీగన్ డేగా జరుపుకుంటారు. కాగా వీగన్ డైట్‌తో ప్రొటీన్, కాల్షియం, విటమిన్ B12 లోపాలు తలెత్తుతాయని నిపుణుల అభిప్రాయం.
Featured News
Sorry, no posts matched your criteria.