India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News August 6, 2024
నేడు బీజేపీ రాష్ట్ర పదాధికారుల భేటీ
TG: కేంద్ర మంత్రి, బీజేపీ రాష్ట్ర చీఫ్ కిషన్ రెడ్డి అధ్యక్షతన నేడు ఆ పార్టీ పదాధికారుల సమావేశం జరగనుంది. భవిష్యత్ ఎన్నికలకు ఇప్పటి నుంచే సిద్ధమయ్యేలా కార్యచరణను రూపొందించడంపై చర్చించనున్నట్లు తెలుస్తోంది. దీంతో పాటు యువత, నిరుద్యోగ, రైతు, మహిళా సమస్యలపై ప్రత్యేక చర్చ చేపట్టే అవకాశముంది. గత ఎన్నికల వైఫల్యాలను రిపీట్ కానివ్వకుండా దిద్దుబాటు చర్యలకు భేటీలో నేతలు నిర్ణయాలు తీసుకోనున్నారు.
News August 6, 2024
విప్లవాన్నే తన పేరుగా మార్చుకున్నాడు
గద్దర్ అసలు పేరు గుమ్మడి విఠల్ రావు. భగత్ సింగ్ స్ఫూర్తిగా గదర్ పేరును ఆయన పెట్టుకున్నారు. గదర్ అంటే విప్లవం అని అర్థం. కాలక్రమేణా అది గద్దర్‌గా మారింది. 1969లో తెలంగాణ ఉద్యమంలో ఆయన చురుగ్గా పాల్గొన్నారు. మలిదశ ఉద్యమంలో ఆయన పాట తెలంగాణ గొంతుగా మారింది. ‘బానిసలారా లెండిరా ఈ బాంఛన్ బతుకులు వద్దురా’ అంటూ ఆలోచింపజేశారు. ఆయన ఇప్పుడు సజీవంగా లేకున్నా పాట రూపంలో ఎప్పటికీ జీవించే ఉంటారు. ఇవాళ ఆయన వర్ధంతి.
News August 6, 2024
ఒలింపిక్స్ ఫుట్‌బాల్: ఫైనల్ చేరిన జట్లివే..
పారిస్ ఒలింపిక్స్‌లో మెన్స్ ఫుట్‌బాల్‌లో స్పెయిన్, ఫ్రాన్స్ జట్లు ఫైనల్ చేరాయి. స్పెయిన్, మొరాకో మధ్య జరిగిన తొలి సెమీస్‌లో 2-1తో స్పానిష్ జట్టు విజయం సొంతం చేసుకుంది. రెండో సెమీస్‌లో ఈజిప్ట్‌పై 3-1తేడాతో ఆతిథ్య జట్టు గెలుపొందింది. ఫైనల్ మ్యాచ్ ఈ నెల 9న జరగనుంది. మరోవైపు ఎల్లుండి మొరాకో, ఈజిప్టు కాంస్యం కోసం తలపడనున్నాయి.
<<-se>>#Olympics2024<<>>
News August 6, 2024
ముగ్గురిని కొట్టి చంపిన నిరసనకారులు!
బంగ్లాదేశ్‌లో విధ్వంసకర పరిస్థితులు నెలకొన్నాయి. ఖుల్నాలో నిరసనకారుల దాడిలో అవామీ లీగ్ ప్రెసిడెంట్ GM మొహ్సిన్ రెజాతో సహా ముగ్గురు ప్రాణాలు కోల్పోయారు. వారిని తరిమికొట్టేందుకు మొహ్సిన్ తన పిస్టల్‌తో ఏడు రౌండ్లు కాల్పులు జరపడంతో హింస తీవ్రమైనట్లు పోలీసులు తెలిపారు. ప్రతీకారంగా, ఆ గుంపు ఆయనతో పాటు డ్రైవర్ అలంగీర్, వ్యక్తిగత సహాయకుడు మోఫిజుల్ ఇస్లామ్‌ను కొట్టి చంపి ఇంటికి నిప్పంటించారు.
News August 6, 2024
ఆ హింసతో 59వేల మందికిపైగా నిరాశ్రయులు: బిరెన్ సింగ్
మణిపుర్‌లో జరిగిన హింసతో 59వేలకు పైగా మంది నిరాశ్రయులు అయినట్లు సీఎం బిరెన్ సింగ్ తెలిపారు. 11,133 ఇళ్లు ధ్వంసమైనట్లు కాంగ్రెస్ ఎమ్మెల్యే అడిగిన ప్రశ్నకు అసెంబ్లీలో సమాధానమిచ్చారు. ‘వన్ ఫ్యామిలీ వన్ లాక్’ పథకంలో భాగంగా 2,972 ఖాతాల్లో రూ.25వేల చొప్పున మొదటి విడత నగదు జమ చేసినట్లు పేర్కొన్నారు. ముందుగా హింసలో ఇళ్లు కోల్పోయిన వారికే ప్రభుత్వం నగదు ఇవ్వాలని నిర్ణయించినట్లు వెల్లడించారు.
News August 6, 2024
శర్వానంద్‌తో ‘రచ్చ’ డైరెక్టర్ మూవీ?
యంగ్ హీరో శర్వానంద్‌తో మాస్ డైరెక్టర్ సంపత్ నంది సినిమా తీయనున్నట్లు తెలుస్తోంది. సంపత్ చెప్పిన కథకు ఈ హీరో ఒకే చెప్పారని సినీవర్గాల్లో టాక్. ఫ్యామిలీ హీరోను పవర్ ఫుల్ రోల్‌లో చూపించనున్నట్లు సమాచారం. ఇప్పటికే సంపత్ నంది సాయిధరమ్ తేజ్‌తో ‘గాంజా శంకర్’ మూవీని తెరకెక్కిస్తున్నట్లు ప్రకటించిన సంగతి తెలిసిందే. కాగా ఈ సినిమా మధ్యలోనే ఆగిపోవడంతో ఈ కథనే మార్చి శర్వాతో తీస్తారని చర్చ నడుస్తోంది.
News August 6, 2024
గాయమే పతకాన్ని దూరం చేసిందా?
పారిస్ ఒలింపిక్స్‌లో పురుషుల బ్యాడ్మింటన్ సింగిల్స్‌లో భారత షట్లర్ లక్ష్యసేన్ కాంస్యం గెలుస్తారని అంతా భావించారు. అయితే మలేషియా ప్లేయర్ చేతిలో 2-1తో పరాజయం పాలయ్యారు. మోచేతికి గాయంతోనే సేన్ ఆటను కొనసాగించారు. మ్యాచ్ మధ్యలో పలుమార్లు ఆటంకం కలగడంతో ఆటపై ప్రభావం చూపిందని లక్ష్యసేన్ చెప్పారు. కాగా 2012, 2016, 2021 ఒలింపిక్స్‌లో బ్యాడ్మింటన్‌లో పతకం గెలిచిన భారత ప్లేయర్లు ఈ సారి నిరాశపరిచారు.
News August 6, 2024
రాష్ట్రంలో పెట్టుబడులకు వి-హబ్‌తో WKH ఒప్పందం
TG: యూఎస్ పర్యటనలో ఉన్న సీఎం రేవంత్ సమక్షంలో వి-హబ్ ప్రతినిధులు డబ్ల్యూకే హోల్డింగ్‌తో రాష్ట్రంలో పెట్టుబడులకు ఒప్పందం చేసుకున్నారు. 5 మిలియన్ల యూఎస్ డాలర్ల పెట్టుబడికి ఆ సంస్థ అంగీకారం తెలిపింది. వి-హబ్ అనేది రాష్ట్రంలో మహిళా పారిశ్రామికవేత్తల స్టార్టప్ కంపెనీలను ప్రోత్సహిస్తూ అన్ని రకాల సహాయ సహకారాలు అందిస్తోంది. కాగా అంతకుముందు న్యూయార్క్ స్టాక్ ఎక్స్చేంజ్‌ను సీఎం సందర్శించారు.
News August 6, 2024
దానికి ఇంకా సమయం ఉంది: స్టాలిన్
తన కుమారుడు ఉదయనిధి స్టాలిన్ డిప్యూటీ సీఎం అయ్యేందుకు ఇంకా సమయం ఉందని తమిళనాడు ముఖ్యమంత్రి ఎంకే స్టాలిన్ అన్నారు. గత కొంత కాలంగా ఉదయనిధి డిప్యూటీ సీఎం అవుతారనే చర్చ నేపథ్యంలో తాజాగా ఆయన స్పందించారు. మరోవైపు చెన్నైలో వరదలను ఎదుర్కొనేందుకు ముందస్తు చర్యలు తీసుకున్నట్లు తెలిపారు. సొంత నియోజకవర్గమైన కొలత్తూరులో జరుగుతున్న అభివృద్ధి పనులపై అధికారులకు స్టాలిన్ పలు సూచనలు చేశారు.
News August 6, 2024
ఆగస్టు 6: చరిత్రలో ఈ రోజు
1881: శాస్త్రవేత్త అలెగ్జాండర్ ఫ్లెమింగ్ జననం
1934: తెలంగాణ సిద్ధాంతకర్త, ప్రొ.కొత్తపల్లి జయశంకర్ జననం
1943: అభ్యుదయ కవి కె.శివారెడ్డి జననం
1925: భారత జాతీయోద్యమ నాయకుడు సురేంద్రనాథ్ బెనర్జీ మరణం
2019: మాజీ కేంద్రమంత్రి సుష్మాస్వరాజ్ మరణం
2023: ప్రజా గాయకుడు గద్దర్ మరణం
Featured News
Sorry, no posts matched your criteria.