India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News August 5, 2024
48 గంటల్లో అకౌంట్లో డబ్బులు వేయాలి: సీఎం
AP: ధాన్యం కొనుగోలు చేసిన 48 గంటల్లో రైతుల ఖాతాల్లో డబ్బులు జమ చేయాలని సీఎం చంద్రబాబు అధికారులను ఆదేశించారు. కలెక్టర్ల సదస్సులో మాట్లాడిన ఆయన గత ఐదేళ్లలో అనుసరించిన విధానాలను పక్కనపెట్టాలని సూచించారు. రైతులకు అనుకూలంగా ఉండేలా కార్యాచరణ చేపట్టాలన్నారు. రేషన్ షాపుల్లో మిల్లెట్లు కూడా పంపిణీ చేసేలా చూడాలని సీఎం పేర్కొన్నారు.
News August 5, 2024
హైకోర్టుకు జగన్
AP: మాజీ సీఎం జగన్ హైకోర్టును ఆశ్రయించారు. గతంలో ఉన్న భద్రతను కొనసాగించాలంటూ ఆయన పిటిషన్ దాఖలు చేశారు. ప్రస్తుత ప్రభుత్వం తనకు మరమ్మతులకు గురైన వాహనాన్ని కేటాయించిందని అందులో పేర్కొన్నారు. కాగా అసెంబ్లీలో తనకు ప్రతిపక్ష నేత హోదా ఇవ్వాలంటూ ఇప్పటికే ఆయన కోర్టును ఆశ్రయించిన విషయం తెలిసిందే.
News August 5, 2024
ఆ టైంలో చెట్లు బ్రీతింగ్ ఆపేస్తాయ్!
మనుషుల్లాన్లే చెట్లూ శ్వాసక్రియ జరుపుతుంటాయి. C02ని పీల్చుతూ ఆక్సిజన్‌ను వదులుతుంటాయి. చెట్ల ఆకులు ఈ ప్రక్రియ నిర్వహిస్తుంటాయి. అయితే కార్చిచ్చుల వేళ వెలువడే హానికర వాయువుల నుంచి రక్షించుకునేందుకు కొన్ని చెట్లు బ్రీతింగ్ ఆపేస్తున్నట్లు శాస్త్రవేత్తలు గుర్తించారు. ఆ సమయంలో చెట్ల ఆకుల రంద్రాలు మూసుకుపోయాయని, కిరణజన్య సంయోగక్రియ సైతం ఆగినట్లు తెలిపారు. దీనిపై అధ్యయనం చేస్తున్నామని వివరించారు.
News August 5, 2024
భారత్ చుట్టూ ‘పడిపోయిన ప్రజాస్వామ్యాలే’
సరిహద్దు దేశాల్లో ప్రజాస్వామ్య ప్రభుత్వాలు పడిపోవడం భారత్‌కు ఆందోళనగా మారింది. రెండేళ్ల కిందట పాకిస్థాన్‌లో ఇమ్రాన్ ఖాన్‌ను దించేశారు. అక్కడ ఎప్పుడూ మిలిటరీదే పెత్తనం. కుటుంబ పాలన, అవినీతి, ధరల పెరుగుదలతో శ్రీలంక అట్టుడికిపోయింది. ప్రెసిడెంట్ గొటబాయ రాజపక్స దేశం విడిచి పారిపోయారు. రిజర్వేషన్లతో ప్రజల్లో చీలిక, అశాంతి నెలకొనడంతో షేక్ హసీనా సైన్యానికి పగ్గాలు అప్పగించి వెళ్లిపోవాల్సి వచ్చింది.
News August 5, 2024
స్కూల్ విద్యార్థులకు ప్రభుత్వం గుడ్‌న్యూస్
TG: ప్రభుత్వ స్కూళ్లలో పరిశుభ్రత లేక ఇబ్బంది పడుతున్న విద్యార్థులకు ప్రభుత్వం శుభవార్త చెప్పింది. పాఠశాలల్లో పరిశుభ్రత కోసం నిధులు విడుదల చేసింది. 30మంది లోపు విద్యార్థులున్న స్కూళ్లకు రూ.3వేలు, 31-100 మంది ఉంటే రూ.6వేలు, 101-250 మంది ఉంటే రూ.8వేలు, 251-500 మంది ఉంటే రూ.12వేలు, 501-750 మంది ఉంటే రూ.15వేలు, 750 మంది కంటే ఎక్కువ ఉన్న స్కూళ్లకు రూ.20వేల చొప్పున 10 నెలల నిధులు ఒకేసారి రిలీజ్ చేసింది.
News August 5, 2024
సాగునీటి రంగంలో ప్రభుత్వం విఫలం: మాజీ మంత్రి జగదీశ్‌రెడ్డి
TG: సాగునీటి రంగంలో కాంగ్రెస్ ప్రభుత్వం ఘోరంగా విఫలమైందని మాజీ మంత్రి జగదీశ్‌రెడ్డి విమర్శించారు. ప్రతిపక్షంపై విమర్శలు, దాడులు తప్ప ఏం చేయలేదని ఎద్దేవా చేశారు. గోదావరి, కృష్ణా నుంచి లక్షలాది TMCల నీరు వృథాగా సముద్రంలో కలుస్తోందన్నారు. కాలువల ద్వారా ఆ నీటితో చెరువులను ఎందుకు నింపడం లేదని ప్రభుత్వాన్ని ప్రశ్నించారు. MBNR, NLG జిల్లాల్లో కరవు పరిస్థితులు నెలకొన్నాయని ఆయన పేర్కొన్నారు.
News August 5, 2024
మహిళ తలలో పేలు.. ఫ్లైట్ ఎమర్జెన్సీ ల్యాండింగ్!
ఓ మహిళ తలలో పేలు ఫ్లైట్ ఎమర్జెన్సీ ల్యాండింగ్‌కు కారణమయింది. జూన్ నెలలో లాస్ ఏంజెలిస్ నుంచి న్యూయార్క్ వెళుతున్న అమెరికన్ ఎయిర్‌లైన్స్‌లో జరిగిన ఈ ఘటన తాజాగా వెలుగులోకి వచ్చింది. ఓ ప్రయాణికురాలి తలలో పేలు పాకుతుండటం చూసిన మహిళలు విమాన సిబ్బందికి తెలిపారు. వారు మహిళను పరిశీలించి ఫీనిక్స్‌లో ఫ్లైట్ ల్యాండ్ చేయించారు. మహిళకు అత్యవసర వైద్య సాయం అవసరం కావడంతోనే ఇలా చేసినట్లు ఎయిర్‌లైన్స్ తెలిపింది.
News August 5, 2024
బంగ్లాదేశ్: ప్రభుత్వ పెద్దగా ఓ ప్రొఫెసర్?
బంగ్లాదేశ్ తాత్కాలిక ప్రభుత్వ పెద్దగా రచయిత, ప్రొఫెసర్ సలీముల్లా ఖాన్ ఉంటారని సమాచారం. ఆర్మీ చీఫ్‌తో సమావేశంలో పాల్గొన్న BNP నేత ద్వారా ఈ విషయం తెలిసింది. మిగతా సభ్యులు వీరే. Dr ఆసిఫ్ నజ్రుల్, Rtd జస్టిస్ అబ్దుల్ వహాబ్, Rtd జనరల్ కరీమ్, Rtd మేజర్ జనరల్ సయ్యద్ ఇఫ్తిఖార్, Dr దేబప్రియా భట్టాచార్య, మతియూర్ రెహ్మాన్, Rtd బ్రిగేడియర్ జనరల్ షెకావ్ హుస్సేన్, Dr జిల్లూర్ రెహ్మాన్, Rtd జస్టిస్ మాటిన్
News August 5, 2024
ప్రభుత్వ ఉద్యోగులకు ఉండే రూల్స్ మాకూ కావాలి: సచివాలయ ఉద్యోగులు
AP: ప్రభుత్వ ఉద్యోగులకు వర్తిస్తున్న రూల్స్ అన్నీ తమకూ వర్తింపజేయాలని గ్రామ, వార్డు సచివాలయ ఉద్యోగుల సమాఖ్య అధ్యక్షుడు కోటేశ్వరరావు అన్నారు. ‘రెండు నోషనల్ ఇంక్రిమెంట్లు ఇవ్వాలి. రావాల్సిన బకాయిలను మంజూరు చేయాలి. ప్రొబేషన్ డిక్లరేషన్ అయిన నాటి నుంచి జూనియర్ అసిస్టెంట్ పే స్కేల్ కల్పించాలి. ప్రమోషన్లు, బదిలీలు చేపట్టాలి. యూనిఫామ్ విధానాన్ని రద్దు చేయాలి’ అని ప్రభుత్వాన్ని కోరారు.
News August 5, 2024
వక్ఫ్ సవరణ బిల్లు: మొదట రాజ్యసభలోనే!
వక్ఫ్ బోర్డు అధికారాల సవరణ బిల్లును ఈ వారమే రాజ్యసభలో ప్రవేశ పెడతారని సమాచారం. ముస్లిం మేధావుల అభిప్రాయాల మేరకు కేంద్రం 32-40 సవరణలు చేయనుంది. 1954, 1995, 2013లో కేంద్రం వక్ఫ్‌కు అపరిమిత అధికారాలు కట్టబెట్టింది. అయితే భూ ఆక్రమణ, ఆస్తుల దుర్వినియోగంపై ఫిర్యాదులు వస్తున్నాయి. ఆ భూమిలో విద్యా సంస్థలు, ఆస్పత్రులు కట్టించి ముస్లిములకు మేలు చేయాలన్నదే ప్రభుత్వ ఆలోచన అని UP మంత్రి డానిష్ ఆజాద్ చెప్పారు.
Featured News
Sorry, no posts matched your criteria.