India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News March 3, 2025
SLBC టన్నెల్‌లోకి ఊట నీరు ఎక్కడి నుంచి వస్తున్నాయంటే?
TG: నిరంతరంగా వస్తున్న నీటి ఊటలతో ఎస్‌ఎల్‌బీసీ టన్నెల్‌లో సహాయక చర్యలకు ఆటంకం కలుగుతోంది. కాగా ఈ నీరు ఎక్కడి నుంచి వస్తుందో జియోలాజికల్ టీమ్ కనుగొంది. టన్నెల్ ప్రమాద స్థలం పైభాగంలో ఉన్న మల్లెలతీర్ధం వాటర్ ఫాల్స్ అంతర ప్రవాహం పారుతున్నట్లు గుర్తించారు. అలాగే ఉర్సు వాగు, మల్లె వాగులు కూడా ప్రవహిస్తుండటంతో నీటి ధారలు వస్తున్నట్లు అంచనా వేశారు. ప్రమాద స్థలానికి 450 మీ పైభాగాన ఉన్నట్లు కనుగొన్నారు.
News March 3, 2025
బాబర్ ముందు కోహ్లీ జీరో: పాక్ మాజీ క్రికెటర్
CTలో ఘోరంగా ఓడినా పాకిస్థాన్ ఆటగాళ్ల బుద్ధి మారడం లేదు. తాజాగా టీమ్ ఇండియా ప్లేయర్ విరాట్ కోహ్లీపై ఆ దేశ మాజీ క్రికెటర్ మొహ్సిన్ ఖాన్ నోరు పారేసుకున్నారు. ‘బాబర్ ఆజమ్‌తో పోలిస్తే కోహ్లీ జీరో. బాబర్ గణాంకాలతో కోహ్లీకి పోలికా? ఇలాంటి విషయాల గురించి చర్చించడం దండగ. ప్రస్తుతం పాక్ క్రికెట్ గురించి చర్చించాలి. మన జట్టుకు ప్రణాళికలు, వ్యూహాలు, జవాబుదారీతనం లేవు. తిరిగి గాడిన పడాలి’ అని పేర్కొన్నారు.
News March 3, 2025
డీకే సీఎం కావడం 100 శాతం ఖాయం: వీరప్ప మొయిలీ
డిప్యూటీ సీఎం డీకే శివకుమార్ కర్ణాటక సీఎం కావడం 100 శాతం ఖాయమని మాజీ సీఎం వీరప్ప మొయిలీ అన్నారు. ఇది త్వరలోనే జరిగి తీరుతుందని చెప్పారు. ‘డీకే సీఎం కావడాన్ని ఎవరూ అడ్డుకోలేరు. కానీ దానికి కొన్ని రోజులు వేచిచూడాలి. సీఎం పోస్టు ఎవరో బహుమతిగా ఇస్తే వచ్చేది కాదు.. ఎవరికి వారు కష్టపడి సంపాదించుకునేది’ అని ఆయన అభిప్రాయపడ్డారు. కాగా ఈ ఏడాది చివర్లో కర్ణాటక సీఎం మార్పు ఉండొచ్చని ప్రచారం జరుగుతోంది.
News March 3, 2025
ఆసీస్‌పై భారత్ ప్రతీకారం తీర్చుకుంటుందా?
ఛాంపియన్స్ ట్రోఫీలో న్యూజిలాండ్‌పై గెలిచి సెమీస్‌లో ఆస్ట్రేలియాతో అమీతుమీకి సిద్ధమైంది. కాగా వన్డే వరల్డ్ కప్‌ ఫైనల్ పరాభవానికి ఆసీస్‌పై ప్రతీకారం తీర్చుకునే సమయం వచ్చింది. ఈ నెల 4న దుబాయ్ వేదికగా సెమీస్ జరగనుంది. ఆ మ్యాచులో ఆస్ట్రేలియాను చిత్తుగా ఓడించి ఇంటికి పంపాలని ఫ్యాన్స్ కోరుకుంటున్నారు. ఆ బాధ వారికి కూడా రుచి చూపించాలని కామెంట్లు చేస్తున్నారు.
News March 3, 2025
నేడు ఎమ్మెల్సీ ఎన్నికల కౌంటింగ్
ఇవాళ రెండు తెలుగు రాష్ట్రాల్లో MLC ఎన్నికల కౌంటింగ్ నిర్వహించనున్నారు. గత నెల 27న జరిగిన ఎన్నికల ఫలితాలను ఇవాళ వెల్లడించనున్నారు. ఓట్ల లెక్కింపు ఉదయం 8 గంటలకు ప్రారంభం కానుంది. తొలుత ఒక్కో అభ్యర్థికి లభించిన మొదటి ప్రాధాన్యత ఓట్లను లెక్కించనున్నారు. 50 శాతం ఓట్లు వచ్చిన వారిని విజేతగా ప్రకటిస్తారు. ఇలా జరగకపోతే ద్వితీయ ప్రాధాన్యత ఓట్లను లెక్కిస్తారు. ఇందుకు సంబంధించి అధికారులు ఏర్పాట్లు చేశారు.
News March 3, 2025
అక్షర్ పటేల్ కాళ్లు మొక్కబోయిన కోహ్లీ..!
ఛాంపియన్స్ ట్రోఫీలో భారత్, న్యూజిలాండ్‌ మ్యాచులో ఓ ఆసక్తికర సంఘటన చోటుచేసుకుంది. వికెట్ తీసిన సందర్భంగా అక్షర్ పటేల్ కాళ్లను తాకేందుకు విరాట్ కోహ్లీ ప్రయత్నించారు. ఇదంతా ఆయన సరదాగా చేశారు. ఇందుకు సంబంధించిన పిక్స్ సోషల్ మీడియాలో వైరల్‌గా మారాయి. కాగా ఇవాళ్టి మ్యాచులో అక్షర్ అన్ని విభాగాల్లోనూ రాణించారు. 47 పరుగులు చేసి ఓ వికెట్ పడగొట్టారు. ఫీల్డింగ్‌లో ఓ అద్భుత క్యాచ్ పట్టారు.
News March 3, 2025
మార్చి 03: చరిత్రలో ఈ రోజు
1839: టాటా గ్రూపు వ్యవస్థాపకులు జమ్‌షెట్జీ టాటా జననం
1847: టెలిఫోన్ కనిపెట్టిన అలెగ్జాండర్ గ్రహంబెల్ జననం
1938: తెలుగు హాస్య నటి గిరిజ జననం
1967: ప్రముఖ గాయకుడు శంకర్ మహదేవన్ జననం
1967: నక్సల్బరీ ఉద్యమం ప్రారంభం
2002: తొలి దళిత లోక్‌సభ స్పీకర్ బాలయోగి మరణం
ప్రపంచ వినికిడి దినోత్సవం
ప్రపంచ వన్యప్రాణుల దినోత్సవం
News March 3, 2025
పుట్టినరోజు శుభాకాంక్షలు
ఈ రోజు పుట్టినరోజు జరుపుకొంటున్న అందరికీ శుభాకాంక్షలు. పరిమితుల దృష్ట్యా ఫొటో ఎంపిక కాని వారు మన్నించగలరు. > ఫొటో, పేరు, ఊరు, పుట్టిన తేదీ వివరాలతో.. teluguteam@way2news.comకు SUBJECT: BIRTHDAYతో ముందురోజు (ex: MAY 1న పుట్టినరోజు అయితే APR 30న) ఉదయం గం.8:00-08:05 లోపు మెయిల్ చేయండి. పుట్టినరోజున మీ సన్నిహితులను ఆశ్చర్యపరచండి.
News March 3, 2025
దుబాయ్ వెళ్లింది మ్యాచ్ కోసం కాదు: హరీశ్ రావు
TG: తాను దుబాయ్ వెళ్లింది క్రికెట్ మ్యాచ్ కోసం కాదని BRS నేత హరీశ్ రావు తెలిపారు. దుబ్బాక ఎమ్మెల్యే కొత్త ప్రభాకర్ రెడ్డి కూతురు పెళ్లి కోసం వెళ్లానని ట్వీట్ చేశారు. ‘రాష్ట్రంలో ఉండి కూడా ఎస్‌ఎల్‌బీసీ బాధితులను సీఎం పరామర్శించలేదు. మానవత్వం మరచి ఎన్నికల ప్రచారానికి వెళ్లారు. విలాసాల్లో మునిగింది నేను కాదు.. సీఎం, మంత్రులే. నిఘా పెట్టాల్సింది మా మీద కాదు. ప్రజా ప్రయోజనాలపైనా’ అని పేర్కొన్నారు.
News March 3, 2025
ఈ రోజు నమాజ్ వేళలు
మార్చి 3, సోమవారం
ఫజర్: తెల్లవారుజామున 5.21 గంటలకు
సూర్యోదయం: ఉదయం 6.33 గంటలకు
దుహర్: మధ్యాహ్నం 12.28 గంటలకు
అసర్: సాయంత్రం 4.45 గంటలకు
మఘ్రిబ్: సాయంత్రం 6.23 గంటలకు
ఇష: రాత్రి 7.35 గంటలకు
NOTE: ప్రాంతాన్ని బట్టి నమాజ్ వేళల్లో స్వల్ప తేడాలుండొచ్చు.
Featured News
Sorry, no posts matched your criteria.