India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News March 3, 2025
దేవర-2లో రణ్‌వీర్ సింగ్?
జూ.ఎన్టీఆర్ నటించిన ‘దేవర’ సూపర్ హిట్ కావడంతో పార్ట్-2పై డైరెక్టర్ కొరటాల శివ కసరత్తు చేస్తున్నారు. ముందు అనుకున్న కథలో చాలా మార్పులు చేసి కొత్త స్క్రిప్ట్, స్క్రీన్ ప్లేపై ఫోకస్ చేసినట్లు సమాచారం. ఈ చిత్రంలో బాలీవుడ్ హీరో రణ్‌వీర్ సింగ్ కోసం ఓ ప్రత్యేక పాత్రను డిజైన్ చేసినట్లు టాక్. త్వరలోనే ఆయనకు కథను వినిపిస్తారని తెలుస్తోంది. ఈ ఏడాది చివర్లో లేదా 2026 జనవరిలో షూటింగ్ ప్రారంభమయ్యే అవకాశం ఉంది.
News March 3, 2025
6 MLC స్థానాలకు కౌంటింగ్ ప్రారంభం
తెలుగు రాష్ట్రాల్లో 6 MLC స్థానాలకు కౌంటింగ్ ప్రారంభమైంది. కౌంటింగ్ కేంద్రాల వద్ద పోలీసులు పటిష్ఠ బందోబస్తు ఏర్పాటుచేశారు. APలో ఉమ్మడి గుంటూరు-కృష్ణా, ఉ.గోదావరి జిల్లాల పట్టభద్రులు, ఉత్తరాంధ్రలో ఉపాధ్యాయ, TGలో MDK-NZB-ADB-KNR గ్రాడ్యుయేట్, టీచర్, ఉమ్మడి WGL-KMM-NLGలో టీచర్ MLC స్థానానికి పోలింగ్ జరిగింది. కాగా టీచర్ స్థానాలకు ఇవాళ సాయంత్రం. పట్టభద్రుల MLCలకు రెండు రోజుల వరకు కౌంటింగ్ కొనసాగనుంది.
News March 3, 2025
కొత్త రేషన్ కార్డులు.. ఇంకెంత దూరం?
TG: కొత్త రేషన్ కార్డుల జారీ ప్రక్రియ సాగదీతపై దరఖాస్తుదారులు అసహనం వ్యక్తం చేస్తున్నారు. MLC ఎన్నికల కోడ్ లేని జిల్లాల్లో ఈ నెల 1న లక్ష కార్డులు <<15572734>>ఇస్తామని చెప్పగా<<>> అమల్లోకి రాలేదు. పరిశీలన ప్రక్రియ పూర్తికాలేదని అధికారులు చెబుతున్నారు. ఫ్రీ విద్యుత్, ₹500కే సిలిండర్ లాంటి పథకాలకు రేషన్ కార్డే కీలకం. దీంతో కొత్త కార్డులు, పాత కార్డుల్లో మార్పుల కోసం 18Lపైనే దరఖాస్తులు వచ్చినట్లు తెలుస్తోంది.
News March 3, 2025
ఇందిరమ్మ ఇళ్లు.. 15లోగా అకౌంట్లలోకి డబ్బులు
TG: రాష్ట్రంలో ఇందిరమ్మ ఇళ్ల నిర్మాణం ఊపందుకుంటోంది. తొలి విడతలో 71,482 ఇళ్లకు గ్రీన్ సిగ్నల్ లభించగా దాదాపు 700 మంది నిర్మాణం ప్రారంభించారు. ఈ వారంలో మెజార్టీ లబ్ధిదారులు మొదలుపెట్టనున్నారు. బేస్‌మెంట్ పూర్తిచేసిన వారి అకౌంట్లలో ఈ నెల 15నాటికి రూ.లక్ష చొప్పున జమ చేయాలని ప్రభుత్వం నిర్ణయించింది. ఇందుకోసం రూ.715 కోట్లు సిద్ధం చేస్తోంది. వారికి దశలవారీగా రూ.5లక్షలు ఇవ్వనున్న విషయం <<15529635>>తెలిసిందే.<<>>
News March 3, 2025
Check: వాకింగ్‌లో ఈ మిస్టేక్స్ చేస్తున్నారా..?
– వాక్‌కు <<15631947>>ముందు <<>>వార్మప్ చేయకుంటే అంతర్గత గాయాలు/ కండరాలు పట్టేయడం వంటి సమస్యలు వస్తాయి
– మొబైల్ వాడుతూ నడిస్తే ఏకాగ్రత దెబ్బతింటుంది
– పరగడుపున నడక వద్దు. తేలికపాటి ఆహారం లేదా పాల వంటి డ్రింక్స్ తీసుకుని బయల్దేరండి
– భోజనం తర్వాత 30ని.లోపు వాకింగ్ చేయకండి
– ఫుట్‌వేర్‌తో పాదాలకు ఏ ఇబ్బంది లేకుండా చూసుకోండి. సరైన ఫుట్‌వేర్‌తోనే వాకింగ్ స్పీడ్, నేలపై గ్రిప్, గాయాల నుంచి తప్పించుకోవచ్చు
News March 3, 2025
త్వరలో ఏపీ పర్యటనకు మోదీ?
AP: కృష్ణా జిల్లా నాగాయలంక(మ) గుల్లలమోదలో క్షిపణి పరీక్షా కేంద్రం శంకుస్థాపనకు ప్రధాని మోదీ రానున్నారు. ఐదేళ్లలో ఈ ప్రాజెక్టు కోసం DRDO రూ.15-20వేల కోట్లు ఖర్చు చేయనుంది. ఇక్కడ క్షిపణి పరీక్షా కేంద్రం ఏర్పాటుకు అనుకూలమని 2011లోనే తేలింది. 2017లో భూకేటాయింపులు జరిగినా, మిగతా పనులు నిలిచాయి. ఇటీవల రాష్ట్ర ప్రభుత్వం కేంద్రంతో దీనిపై చర్చించగా, శంకుస్థాపనకు తానే వస్తానని మోదీ చెప్పినట్లు తెలుస్తోంది.
News March 3, 2025
రిటైల్ మార్కెట్ జోరు.. పదేళ్లలో రూ.190 లక్షల కోట్లకు!
దేశంలో రిటైల్ మార్కెట్ వృద్ధి వేగంగా కొనసాగుతోందని BCG నివేదిక వెల్లడించింది. పదేళ్లుగా ఏటా 8.9% వృద్ధి రేటు సాధించినట్లు తెలిపింది. 2024లో ₹82 లక్షల కోట్లుగా ఉన్న మార్కెట్ 2034 నాటికి ₹190 లక్షల కోట్లకు చేరుతుందని అంచనా వేసింది. వినియోగదారుల అవసరాలు, అభిరుచులు, ఆర్థిక స్థోమత ఆధారంగా కంపెనీలు మార్కెటింగ్ వ్యూహాలను రూపొందించుకోవాలని సూచించింది. పట్టణ, గ్రామీణ వ్యత్యాసాన్ని పరిగణనలోకి తీసుకోవాలంది.
News March 3, 2025
టన్నెల్‌లోకి వెళ్లేందుకు తటపటాయిస్తున్న రెస్క్యూ టీమ్స్?
TG: SLBC సొరంగంలో సహాయక చర్యలు చేపట్టేందుకు రెస్క్యూ టీమ్స్ తటపటాయిస్తున్నాయి. శిథిలాలను తీస్తే టన్నెల్ ఏ క్షణాన కూలుతుందోనని ఆందోళన వ్యక్తం చేస్తున్నారు. ప్రాణాలు అరచేతిలో పెట్టుకుని మరీ లోపలికి అడుగు పెడుతున్నారు. చివరకు తాము సహాయక చర్యలు చేపట్టలేమని ఉన్నతాధికారులకు వారు తెలిపినట్లు సమాచారం. ఇదే విషయాన్ని CM రేవంత్‌కు తెలిపారు. దీంతో రోబోలను వినియోగించాలని సీఎం ఆదేశించారు.
News March 3, 2025
టీమ్ ఇండియాకు మరోసారి ‘హెడ్‘ఏక్?
ఆస్ట్రేలియా విధ్వంసకర ప్లేయర్ ట్రావిస్ హెడ్ తన ప్రత్యర్థి భారత్ అయితే చాలు చెలరేగిపోతారు. వన్డే వరల్డ్ కప్, టీ20 వరల్డ్ కప్, బోర్డర్ గవాస్కర్ ట్రోఫీలోనూ టీమ్ ఇండియాపై తన రికార్డును కొనసాగించారు. కీలక సమయాల్లో సెంచరీలతో విజృంభించి భారత విజయాలను ఆయన అడ్డుకుంటున్నారు. ఈ నెల 4న ఆసీస్‌తో భారత్ సెమీస్ ఆడాల్సి ఉంది. ఇందులోనూ హెడ్ అడ్డుగోడలా నిలుస్తారేమోనని భారత్ ప్యాన్స్ ఆందోళన వ్యక్తం చేస్తున్నారు.
News March 3, 2025
ఎమ్మెల్యే కోటా.. 10 MLC స్థానాలకు నేడు నోటిఫికేషన్
APలో 5, TGలో 5 MLC స్థానాలకు(MLA కోటా) నేడు నోటిఫికేషన్ వెలువడనుంది. ఈ నెల 10 వరకు నామినేషన్ దాఖలు చేయొచ్చు. 11న పరిశీలన, 13న ఉపసంహరణకు గడువు ఉంటుంది. మార్చి 20న ఉ.9 నుంచి సా.4 వరకు అసెంబ్లీలో పోలింగ్, అదే రోజు సా.5 గంటల నుంచి ఓట్ల లెక్కింపు జరుగుతుంది. కాగా APలో ఖాళీలకు TDP నుంచి జవహర్, వంగవీటి రాధా, SVSN వర్మ, JSP నుంచి నాగబాబు, BJP నుంచి మాధవ్ రేసులో ఉన్నట్లు సమాచారం.
Featured News
Sorry, no posts matched your criteria.