India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News July 30, 2024
క్యాబినెట్‌లో మాదిగలకు ఛాన్స్ ఇవ్వండి: కాంగ్రెస్ ఎమ్మెల్యేలు
TG: మంత్రివర్గ విస్తరణలో తమ సామాజిక వర్గానికి ప్రాధాన్యం కల్పించాలని మాదిగ సామాజిక వర్గ కాంగ్రెస్ ఎమ్మెల్యేలు సీఎం రేవంత్‌కు విజ్ఞప్తి చేశారు. అడ్లూరి లక్ష్మణ్, కవ్వంపల్లి సత్యనారాయణ, మందుల సామ్యేలు, లక్ష్మీకాంతరావు, వేముల వీరేశం వీరిలో ఉన్నారు. మాదిగ వర్గానికి చెందిన దామోదర రాజనర్సింహ ఇప్పటికే క్యాబినెట్‌లో ఉండగా, జనాభాపరంగా గణనీయంగా ఉన్న తమకు మరిన్ని పదవులివ్వాలని వారు కోరారు.
News July 30, 2024
Olympics: నాలుగో రోజు భారత్ షెడ్యూల్
మను భాకర్, సరబ్‌జోత్ జోడీ 10m. ఎయిర్ పిస్టల్ విభాగంలో ‘కాంస్యం’ కోసం బరిలోకి దిగనుంది. బ్యాడ్మింటన్‌లో సాత్విక్-చిరాగ్, అశ్వినీ-తానిషా జంట అదృష్టాన్ని పరీక్షించుకోనున్నాయి. ఆర్చరీలో అంకితా భకత్, భజన్ కుమార్, ధీరజ్ పోటీలో ఉన్నారు. బాక్సింగ్‌లో ప్రీతి, అమిత్ పంఘల్, జాస్మిన్ లంబోరియా బరిలో దిగనున్నారు. హాకీ మెన్స్ టీమ్ ఐర్లాండ్‌ను ఢీకొట్టనుంది. పూర్తి వివరాలు పైన ఫొటోలో చూడొచ్చు.
<<-se>>#Olympics2024<<>>
News July 30, 2024
నేడు అకౌంట్లలో డబ్బులు జమ
TG: రెండో విడత రుణమాఫీకి రాష్ట్ర ప్రభుత్వం సిద్ధమైంది. తొలి విడతలో ₹లక్ష లోపు దాదాపు 11.50 లక్షల మంది రుణాలను మాఫీ చేసింది. ఇందుకోసం ₹6,035 కోట్లు ఖర్చు చేసింది. రెండో విడతలో భాగంగా ₹లక్ష నుంచి ₹లక్షన్నర రుణాలను మాఫీ చేయనుంది. ఈ ప్రక్రియను CM రేవంత్ అసెంబ్లీ ఆవరణలో ఇవాళ మధ్యాహ్నం 12 గంటలకు ప్రారంభించనున్నారు. ఈ దఫాలో దాదాపు 7 లక్షల మంది రైతులకు ₹7వేల కోట్ల మేర లబ్ధి చేకూరనుంది.
News July 30, 2024
మెట్రో ప్రయాణికులకు గుడ్‌న్యూస్
హైదరాబాద్‌లో మెట్రో రైళ్లు ఇకపై ఉ.5.30 గంటల నుంచే ప్రారంభం అవుతాయని అధికారులు తెలిపారు. ప్రయాణికుల రద్దీ, అవసరాల దృష్ట్యా ఈ నిర్ణయం తీసుకున్నట్లు చెప్పారు. ప్రయోగాత్మకంగా గత శుక్రవారం ఉ.5.30 గంటలకే రైళ్లు నడపగా మంచి స్పందన వచ్చిందని వెల్లడించారు. దీంతో ప్రతిరోజూ అదే సమయానికి మెట్రో సేవలు ప్రారంభం అవుతాయని పేర్కొన్నారు.
News July 30, 2024
5 నుంచి రాష్ట్రపతి విదేశీ పర్యటన
రాష్ట్రపతి ద్రౌపదీ ముర్ము వచ్చే నెల 5 నుంచి ఆరు రోజులపాటు విదేశాల్లో పర్యటించనున్నారు. తొలుత ఫిజీ దేశానికి వెళ్లి అక్కడ పార్లమెంటును ఉద్దేశించి ప్రసంగిస్తారు. భారత రాష్ట్రపతి ఆ దేశంలో పర్యటించడం ఇదే మొదటిసారి. ఆగస్టు 7 నుంచి 9 వరకు న్యూజిలాండ్‌లో పర్యటించి అక్కడి గవర్నర్ జనరల్, ప్రధానితో ద్వైపాక్షిక చర్చలు జరుపుతారు. 10న తిమోర్-లిస్తే దేశాధ్యక్షుడు జోస్ రామోస్‌తో సమావేశమవుతారు.
News July 30, 2024
₹185L crకు చేరనున్న కేంద్రం అప్పు
ఈ ఏడాది మార్చి నాటికి కేంద్రం అప్పు ₹171L cr అని కేంద్ర మంత్రి పంకజ్ చౌధరి వెల్లడించారు. ఇది జీడీపీలో 58.2 శాతానికి సమానమన్నారు. ఈ ఏడాది ఏప్రిల్ నాటికి జీడీపీ 3.57 ట్రిలియన్ డాలర్లకు చేరినట్లు తెలిపారు. ప్రస్తుత ఆర్థిక సంవత్సరం ముగిసే నాటికి కేంద్రం అప్పు ₹185L crకు చేరే అవకాశం ఉందని చెప్పారు.
News July 30, 2024
క్లీన్‌స్వీప్‌పై భారత్ కన్ను.. నేడు లంకతో మూడో టీ20
భారత్- శ్రీలంక మధ్య ఇవాళ పల్లెకెలె వేదికగా మూడో టీ20 జరగనుంది. ఇప్పటికే రెండు మ్యాచ్‌లు గెలిచి సిరీస్ కైవసం చేసుకున్న టీమ్ ఇండియా.. చివరి మ్యాచ్‌లోనూ విజయం సాధించి క్లీన్‌స్వీప్ చేయాలని ఉవ్విళ్లూరుతోంది. ఒక్క మ్యాచైనా గెలిచి పరువు నిలుపుకోవాలని లంక ఆరాటపడుతోంది. సూర్య సేన మార్పుల్లేకుండానే బరిలో దిగే అవకాశం ఉంది. రాత్రి 7 గంటలకు మ్యాచ్ ప్రారంభం కానుంది.
News July 30, 2024
‘రాయన్’ టీమ్‌పై మహేశ్‌బాబు ప్రశంసలు
హీరో ధనుష్ స్వీయ దర్శకత్వంలో తెరకెక్కిన రాయన్ మూవీ పాజిటివ్ టాక్‌తో బాక్సాఫీస్ వద్ద దూసుకుపోతోంది. ఈ సినిమాపై సినీ ప్రముఖులు ప్రశంసలు కురిపిస్తున్నారు. ఈ జాబితాలో మహేశ్ బాబు చేరారు. ‘ధనుష్ అద్భుతంగా నటించడమే కాకుండా బ్రిలియంట్‌గా డైరెక్ట్ చేశారు. రెహమాన్ మ్యూజిక్, SJ సూర్య, ప్రకాశ్ రాజ్, సందీప్ కిషన్, ఇతర నటీనటుల యాక్టింగ్ సూపర్. మూవీ టీమ్‌కు కంగ్రాట్స్’ అని ట్వీట్ చేశారు.
News July 30, 2024
ఆర్బీఐ 90 ఏళ్ల జర్నీపై వెబ్ సిరీస్
1935 ఏప్రిల్ 1న ఏర్పాటైన ఆర్బీఐ.. వచ్చే ఏడాదికి 90 ఏళ్లు పూర్తిచేసుకోనుంది. ఇన్నేళ్ల ప్రస్థానాన్ని ప్రజలకు వెల్లడించేందుకు 5 ఎపిసోడ్లతో వెబ్‌సిరీస్ నిర్మించాలని సంస్థ భావిస్తోంది. ఒక్కో ఎపిసోడ్ 25-30 నిమిషాలు ఉంటుందట. ఇందుకోసం నేషనల్ టీవీ ఛానళ్లు, ఓటీటీ ప్లాట్‌ఫామ్స్‌ను ఆహ్వానించింది. 90 ఏళ్లుగా దేశ ఆర్థిక వ్యవస్థ బలోపేతంలో ఆర్బీఐ పాత్రను వెబ్‌సిరీస్‌లో చూపించనున్నారు.
News July 30, 2024
రాజాసాబ్ టీజర్‌లోనే డైలాగ్స్.. అభిమానికి మారుతి రిప్లై
రాజాసాబ్ గ్లింప్స్‌లో ప్రభాస్ లుక్, స్టైల్ అభిమానులను విపరీతంగా ఆకట్టుకుంది. దీంతో పలువురు Xలో డైరెక్టర్ మారుతిపై ప్రశంసలు కురిపించారు. ‘గ్లింప్స్‌లో ఒక్క డైలాగ్ పెట్టొచ్చు కదా అన్నా’ అని ఒకరు అడగగా, అవన్నీ టీజర్‌లోనే అంటూ ఆయన సమాధానమిచ్చారు. క్లాస్ మాత్రమే కాదు నాకు ఛత్రపతి, మిర్చి లాంటి మాస్ BGM కావాలని మరొకరు పోస్టు చేయగా, మారుతి ఓకే చెప్పారు.
Featured News
Sorry, no posts matched your criteria.