India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News July 27, 2024
టీమ్ ఇండియా గ్రాండ్ విక్టరీ
శ్రీలంకతో జరిగిన తొలి టీ20లో భారత్ ఘన విజయం సాధించింది. 43 పరుగుల తేడాతో ఆ జట్టును చిత్తు చేసింది. 214 పరుగుల భారీ టార్గెట్‌తో బరిలోకి దిగిన లంక 19.2 ఓవర్లు ఆడి 170 పరుగులకే ఆలౌటైంది. ఓపెనర్లు పాతుమ్ నిస్సాంక (79), కుశాల్ మెండిస్ (45) దూకుడుతో ఆ జట్టు ఓ దశలో విజయం వైపు దూసుకెళ్లింది. కానీ వీరిద్దరూ ఔటయ్యాక మిడిలార్డర్ కుప్పకూలింది. భారత బౌలర్లలో పరాగ్ 3 వికెట్లు పడగొట్టారు.
News July 27, 2024
120కి.మీ వేగంతో వెళ్లేలా హైస్పీడ్ హైవే
HYD-బెంగళూరు మధ్య 508KM మేర కొత్తగా హైస్పీడ్ గ్రీన్‌ఫీల్డ్ హైవేను కేంద్రం నిర్మించనుంది. ప్రస్తుత హైవేనే హైస్పీడ్‌కు విస్తరించాలని భావించినా అసాధ్యమని అధికారులు తేల్చారు. కొత్త హైవేను 12 వరుసల్లో నిర్మించాలనే ప్రతిపాదనలు వచ్చినా 6 లేన్లకే పరిమితమైనట్లు తెలుస్తోంది. ముందు 4 లేన్లు నిర్మించి, తర్వాత మరో 2 వరుసలకు విస్తరిస్తారా? అన్నది తెలియాల్సి ఉంది. DPR తర్వాత కేంద్రం తుది నిర్ణయం ప్రకటించనుంది.
News July 27, 2024
పథకాల పేరు మార్పు: లోకేశ్
AP: జగన్ పేరుతో ఏర్పాటు చేసిన పథకాలకు స్వస్తి పలుకుతున్నామని మంత్రి లోకేశ్ తెలిపారు. జగనన్న అమ్మఒడి-తల్లికి వందనం, జగనన్న విద్యాకానుక-సర్వేపల్లి రాధాకృష్ణన్ విద్యార్థి మిత్ర, జగనన్న గోరుముద్ద-డొక్కా సీతమ్మ మధ్యాహ్న బడిభోజనం, మన బడి నాడు, నేడు-మన బడి, మన భవిష్యత్తు, స్వేచ్ఛ-బాలికా రక్ష, జగనన్న ఆణిముత్యాలు-అబ్దుల్ కలాం ప్రతిభా పురస్కారంగా మార్చినట్లు చెప్పారు.
News July 27, 2024
30న శ్రీశైలం డ్యామ్ గేట్లు ఎత్తివేత?
మరో రెండు మూడు రోజుల్లో శ్రీశైలం డ్యామ్ నిండే అవకాశం ఉందని అధికారులు అంచనా వేస్తున్నారు. దీంతో ఈ నెల 30న డ్యామ్ గేట్లు ఎత్తివేయాలని వారు ఆలోచిస్తున్నట్లు తెలుస్తోంది. ఇప్పటికే రిజర్వాయర్‌లో 120 టీఎంసీలకుపైగా నీటి నిల్వ ఉంది. మరో 90కిపైగా టీఎంసీలు వస్తే ప్రాజెక్టు పూర్తిగా నిండుతుంది. ఆ తర్వాత గేట్లు ఎత్తి దిగువన ఉన్న నాగార్జున సాగర్‌కు నీటిని వదలనున్నట్లు సమాచారం.
News July 27, 2024
బడ్జెట్‌లో ఏపీకి రూ.50,474 కోట్లు: కేంద్రమంత్రి
కేంద్ర బడ్జెట్‌లో AP అభివృద్ధి కోసం రూ.50,474 కోట్లు కేటాయించినట్లు కేంద్ర సమాచారశాఖ సహాయమంత్రి మురుగన్ తెలిపారు. మేధావులు, వివిధ వర్గాల ప్రతినిధులతో భేటీ అయ్యేందుకు ఆయన విజయవాడ వచ్చారు. విశాఖ-చెన్నై, హైదరాబాద్-బెంగళూరు ఇండస్ట్రియల్ కారిడార్ల ఏర్పాటు, అమరావతికి ప్రాధాన్యత ఇచ్చామన్నారు. ఉత్తరాంధ్ర, రాయలసీమ, ప్రకాశం జిల్లాలను వెనుకబడినవిగా గుర్తించి ప్రత్యేక అభివృద్ధి నిధులు ఇస్తున్నామన్నారు.
News July 27, 2024
గ్రామాల్లో టోల్ వసూళ్లు.. FACT CHECK
AP: గ్రామాలు, మండలాల్లో టోల్ వసూలు చేస్తారంటూ జరుగుతున్న ప్రచారాన్ని రాష్ట్ర ప్రభుత్వ ఫ్యాక్ట్ చెక్ విభాగం ఖండించింది. కొంతమంది దురుద్దేశంతో సోషల్ మీడియాలో అవాస్తవాలు ప్రచారం చేస్తున్నారని, వాటిని నమ్మవద్దని తెలిపింది. ‘ప్రైవేటు భాగస్వామ్యంతో గ్రామాలు, మండలాల్లో రోడ్లకు టోల్ వసూలు చేయాలని, వాటితో రహదారులు నిర్మించాలని నిర్ణయించారు’ అని ప్రచారంలో ఉన్న కథనం అవాస్తవమని స్పష్టం చేసింది.
News July 27, 2024
BRS ప్రభుత్వం 2 నెలల పింఛన్ ఎగ్గొట్టింది: భట్టి
TG: గత బీఆర్ఎస్ ప్రభుత్వం 2 నెలల ఆసరా పింఛన్ ఎగ్గొట్టిందని అసెంబ్లీలో బడ్జెట్‌పై చర్చ సందర్భంగా డిప్యూటీ సీఎం భట్టి విక్రమార్క మండిపడ్డారు. పదేళ్లుగా ఉపాధ్యాయులకు పదోన్నతులు కల్పించలేదని, బదిలీలు చేపట్టలేదని విమర్శించారు. ప్రభుత్వం దిగిపోయే ముందు ORRను వేలం వేసుకుని 30 ఏళ్లపాటు వచ్చే ఆదాయాన్ని ఒక్క ఏడాదిలోనే తీసుకున్నారని ఆరోపించారు. ఆయన ప్రసంగం అనంతరం సభ సోమవారానికి వాయిదా పడింది.
News July 27, 2024
పాపం.. సంజూ శాంసన్
టీమ్ ఇండియా వికెట్ కీపర్ సంజూ శాంసన్‌ను మరోసారి దురదృష్టం వెంటాడింది. తొలి టీ20లో సంజూకు చోటు దక్కలేదు. కనీసం టాపార్డర్ బ్యాటర్‌గానూ పరిగణనలోకి తీసుకోలేదు. జింబాబ్వే సిరీస్‌లో విఫలమైన పరాగ్‌కు అవకాశమిచ్చి శాంసన్‌ను పక్కనబెట్టడాన్ని ఫ్యాన్స్ తప్పుబడుతున్నారు. శాంసన్ వరల్డ్‌లోనే మోస్ట్ అన్ లక్కీ క్రికెటర్ అంటూ కామెంట్లు చేస్తున్నారు. సంజూను తుది జట్టులోకి తీసుకోవాలని డిమాండ్ చేస్తున్నారు.
News July 27, 2024
ఈ రాష్ట్రాల్లో అగ్నివీరులకు రిజర్వేషన్లు
MP, ఛత్తీస్‌గఢ్, ఒడిశా, UP, ఉత్తరాఖండ్, రాజస్థాన్‌ రాష్ట్రాలు కార్గిల్ దివస్ సందర్భంగా అగ్నివీరులకు రిజర్వేషన్లు ప్రకటించాయి. పోలీసు, భద్రతా దళాల్లో 10% ఉద్యోగాలు వారికి ఇవ్వనున్నట్లు తెలిపాయి. ఇటీవల హరియాణా కూడా 10% రిజర్వేషన్ ప్రకటించింది. ‘అగ్నిపథ్’ స్కీమ్‌లో భాగంగా దేశ సైన్యంలో చేరిన వారు 4ఏళ్లు పని చేయాల్సి ఉంటుంది. ఆ తర్వాత వారిలో 25%మందిని మాత్రమే సైన్యంలో కొనసాగిస్తారన్న సంగతి తెలిసిందే.
News July 27, 2024
ALERT.. రేపు ఈ జిల్లాల్లో వర్షాలు
ఏపీలోని పలు ప్రాంతాల్లో రేపు వర్షాలు కురుస్తాయని రాష్ట్ర విపత్తుల నిర్వహణ సంస్థ వెల్లడించింది. శ్రీకాకుళం, మన్యం, అల్లూరి, విశాఖ, అనకాపల్లి, కాకినాడ, కోనసీమ, తూ.గో, ప.గో, ఏలూరు, కృష్ణా, ఎన్టీఆర్ జిల్లాల్లో పిడుగులతో కూడిన తేలికపాటి నుంచి మోస్తరు వర్షాలు కురుస్తాయని పేర్కొంది. అటు తెలంగాణలోని చాలా జిల్లాల్లో రేపు తేలికపాటి నుంచి మోస్తరు వర్షాలు పడతాయని HYD వాతావరణ కేంద్రం ప్రకటించింది.
Featured News
Sorry, no posts matched your criteria.