India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News July 20, 2024
సీనియారిటీ జాబితాలో తప్పులు.. నర్సుల బదిలీలు వాయిదా!
TG: సీనియారిటీ జాబితాలో తప్పులు దొర్లడంతో ప్రజారోగ్యశాఖలో స్టాఫ్ నర్సుల బదిలీల కౌన్సెలింగ్ వాయిదా పడింది. నిన్న కౌన్సెలింగ్ కోసం వివిధ ప్రాంతాల నుంచి 10,000+ నర్సులు HYDలోని ఉస్మానియా మెడికల్ కాలేజీకి వచ్చారు. సీనియారిటీ లిస్టులో తప్పులు ఉండడంతో ఆందోళనకు దిగారు. పలు మార్లు చర్చల అనంతరం బదిలీ ప్రక్రియ చివరకు వాయిదా పడింది. ఆన్‌లైన్‌లో కౌన్సెలింగ్ నిర్వహిస్తామని చెప్పడంతో నర్సులు నిరసన తెలిపారు.
News July 20, 2024
ఆ కారణం వల్లే క్రాష్ అయ్యాయి: సత్య నాదెళ్ల
మైక్రోసాఫ్ట్‌ విండోస్ క్రాష్ అవడంపై ఆ సంస్థ సీఈఓ సత్య నాదెళ్ల ట్విటర్‌లో వివరణ ఇచ్చారు. ‘సైబర్ సెక్యూరిటీ సంస్థ క్రౌడ్‌‌స్టైక్ నిన్న ఓ అప్‌డేట్ రిలీజ్ చేసింది. అదే క్రాష్‌కు కారణం. సమస్యను గుర్తించాం. కస్టమర్స్‌కు సాంకేతిక గైడెన్స్‌ అందించేందుకు కృషి చేస్తున్నాం. ప్రపంచ చరిత్రలోనే ఇది అతి పెద్ద సంక్షోభం. త్వరలోనే పరిష్కరిస్తాం’ అని తెలిపారు. అటు క్రౌడ్‌స్ట్రైక్ కూడా కస్టమర్స్‌కు సారీ చెప్పింది.
News July 20, 2024
‘రుణమాఫీ’పై ప్రభుత్వం మరో కీలక నిర్ణయం
TG: పంట రుణాల మాఫీపై ప్రీ ఆడిట్ నిర్వహించాలని వ్యవసాయ శాఖ నిర్ణయించింది. దీనికోసం 16 వేల మంది రైతుల రుణ ఖాతాలను పరిగణనలోకి తీసుకోనుంది. ఆడిట్ పూర్తయ్యే వరకు వారి ఖాతాల్లో నిధులు జమకావని తెలిపింది. మరోవైపు దాదాపు లక్షకు పైగా ఖాతాల్లో అసలు కంటే వడ్డీ ఎక్కువగా ఉన్నట్లు ప్రభుత్వం గుర్తించింది. వీటిపై విచారణ జరిపిన తర్వాతే రుణమాఫీ నిధులు జమ చేయనుంది.
News July 20, 2024
జ్యూస్ షాప్ కోసం పట్టభద్రులు కావలెను!
జ్యూస్ షాప్‌లో పనిచేసేందుకు అర్హతలేంటి? జ్యూస్ చేయడం వస్తే చాలంటారా? కాదు డిగ్రీ కూడా ఉండాలంటున్నారు తమిళనాడుకు చెందిన ఓ షాప్ యజమాని. దుకాణంలో పనిచేసేందుకు బీఈ, బీఏ, బీఎస్సీ చదివిన వారు కావాలని, రూ.18వేలు జీతమిస్తామని ఆయన ఫ్లెక్సీ ఏర్పాటు చేశారు. ఉదయం 8.30 నుంచి రాత్రి 9.30 గంటల వరకు పని ఉంటుందట. తూత్తుకుడి జిల్లాలో ఏర్పాటు చేసిన ఆ ప్రకటన సోషల్ మీడియాలో వైరల్ అవుతోంది.
News July 20, 2024
ALERT.. కాసేపట్లో వర్షం
తెలంగాణలోని పలు ప్రాంతాల్లో మరో 2 గంటల్లో వర్షం కురుస్తుందని HYD వాతావరణ కేంద్రం తెలిపింది. హైదరాబాద్, భూపాలపల్లి, కామారెడ్డి, కరీంనగర్, ఖమ్మం, మెదక్, మల్కాజ్‌గిరి, నల్గొండ, నిజామాబాద్, సిరిసిల్ల, రంగారెడ్డి, సంగారెడ్డి, సిద్దిపేట, సూర్యాపేట, వికారాబాద్, వరంగల్, హన్మకొండ, యాదాద్రి భువనగిరి జిల్లాల్లో తేలికపాటి నుంచి మోస్తరు వర్షాలు కురుస్తాయని ఎల్లో అలర్ట్ జారీ చేసింది.
News July 20, 2024
10 కిలోల బరువు తగ్గిన ఎమ్మెల్సీ కవిత?
తిహార్ జైలులో ఉన్న ఎమ్మెల్సీ కవిత 4 నెలల్లో 10 కిలోల బరువు తగ్గినట్లు సమాచారం. కోర్టు ఆదేశాల మేరకు జైలు అధికారులు నిన్న ఆమెను ఎయిమ్స్ ఆస్పత్రికి తీసుకెళ్లారు. ఆమె భర్త సమక్షంలో వైద్య పరీక్షలు పూర్తి కాగా, ఆమె 10 కేజీల బరువు తగ్గినట్లు తెలిసింది. టెస్టుల అనంతరం ఆమెను తిరిగి జైలుకు తరలించారు. కవితను పరామర్శించేందుకు కేటీఆర్, హరీశ్ రావు ఎల్లుండి ఢిల్లీకి వెళ్లనున్నట్లు సమాచారం.
News July 20, 2024
ఆ ఓవర్లో రోహిత్ చాలా మద్దతునిచ్చారు: అక్షర్
టీ20 WC-2024 ఫైనల్లో అక్షర్ పటేల్ ఓవర్లో సౌతాఫ్రికా బ్యాటర్ క్లాసెన్ విధ్వంసం సృష్టించారు. అయినా సరే తనకు అప్పటి కెప్టెన్ రోహిత్ శర్మ మద్దతుగా నిలిచారని అక్షర్ తెలిపారు. ‘ఓవర్ మధ్యలో రోహిత్ నా వద్దకు వచ్చారు. బ్యాటర్ బాగా ఆడుతుంటే నీ తప్పు కాదు. తర్వాతి బంతి గురించే ఆలోచించు అన్నారు. ఓవర్ అయిపోయాక కూడా నా భుజం తట్టి బాగానే వేశావు, టెన్షన్ పడకంటూ ధైర్యమిచ్చారు’ అని గుర్తుచేసుకున్నారు.
News July 20, 2024
HYDలో ఆగకుండా కురుస్తున్న వాన
హైదరాబాద్‌లో అర్ధరాత్రి నుంచి వర్షం ఆగకుండా కురుస్తోంది. దీంతో పలు చోట్ల రోడ్లపై వరద నీరు నిలిచి వాహనదారులు ఇబ్బందులు ఎదుర్కొంటున్నారు. HYDతో పాటు పలు జిల్లాల్లో నేడు, రేపు కూడా వర్షం కురిసే అవకాశం ఉందని వాతావరణ శాఖ వెల్లడించింది. మరి మీ జిల్లాలో వర్షం కురుస్తోందా? కామెంట్ చేయండి.
News July 20, 2024
వర్షం.. వరద.. విలయం!
AP: వర్షాలతో ఏపీ అతలాకుతలం అవుతోంది. ఉత్తరాంధ్ర, కోస్తాంధ్ర జిల్లాల్లో విలయం అంతాఇంతా కాదు. వేలాది ఎకరాల్లో పంటలు నీట మునిగాయి. రోడ్లు, కల్వర్టులు ధ్వంసమయ్యాయి. కట్టలకు గండ్లు పడ్డాయి. వాగులు, వంకలు ఉధృతంగా ప్రవహిస్తున్నాయి. అనేక గ్రామాలు దీవుల్ని తలపిస్తున్నాయి. కొండప్రాంతాల్లో చరియలు విరిగిపడుతున్నాయి. ఈ ప్రకృ‌తి విలయాన్ని చూసి ప్రజలు వణికిపోతున్నారు.
News July 20, 2024
రైతు రుణమాఫీ డబ్బులు రాలేదని ఫిర్యాదులు
TG: రూ.లక్ష రుణమాఫీ తమకు జరగలేదంటూ వ్యవసాయ శాఖకు భారీగా ఫిర్యాదులు అందుతున్నాయి. గ్రామాలు, మండలాలు, జిల్లా స్థాయుల్లో ఏఈవో, ఏవో, ఏడీఏ, డీఏవోలకు రైతులు ఫిర్యాదు చేస్తున్నారు. తమకు రుణమాఫీ జరిగిందో లేదో తెలుసుకునేందుకు బ్యాంకుల చుట్టూ తిరుగుతున్నారు. రూ.లక్షలోపే రుణం ఉన్నా ఎందుకు మాఫీ కాలేదంటూ అధికారులను ప్రశ్నిస్తున్నారు. మీకు రుణమాఫీ డబ్బులు జమ అయ్యాయా? కామెంట్ చేయండి.
Featured News
Sorry, no posts matched your criteria.