India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News April 2, 2024
దేశంలో మరో అంతర్జాతీయ స్టేడియం
దేశంలో మరో అంతర్జాతీయ స్టేడియం సిద్ధమవుతోంది. రాజస్థాన్‌లోని ఉదయ్‌పూర్‌లో 50,000 సీట్ల కెపాసిటీతో బీసీసీఐ స్టేడియం నిర్మిస్తోంది. దాదాపు రూ.200 కోట్ల వ్యయంతో దీనిని రూపొందిస్తోంది. మిరాజ్ గ్రూప్ సంస్థతో కలిసి రాజస్థాన్ క్రికెట్ అసోసియేషన్ ఈ మైదానాన్ని అభివృద్ధి చేస్తోంది. ఈ గ్రౌండ్‌లో మొత్తం 12 పిచ్‌లు ఏర్పాటు చేస్తున్నారు. త్వరలోనే దీని నిర్మాణం పూర్తి కానున్నట్లు తెలుస్తోంది.
News April 2, 2024
నా ఫోన్ కూడా ట్యాప్ చేశారు: చీకోటి ప్రవీణ్
TG: ఫోన్ ట్యాపింగ్ చేసి తన కదలికలపై నిఘా పెట్టారని బీజేపీ నేత చీకోటి ప్రవీణ్ ఆరోపించారు. ‘టాస్క్‌ఫోర్స్ మాజీ డీసీపీ రాధాకిషన్ రావు అరాచకాలకు అంతే లేదు. చాలామంది జీవితాలను నాశనం చేశారు. ఆయనకు రూ.వందల కోట్ల ఆస్తులు ఎక్కడి నుంచి వచ్చాయి? హీరోయిన్ల ఫోన్లు ట్యాప్ చేయడం ఏంటీ. అప్పట్లో నాపై పీడీ యాక్ట్ కేసులు పెడతానని బెదిరించారు. దీనిపై నేను డీజీపీకి ఫిర్యాదు చేశా’ అని ఆయన పేర్కొన్నారు.
News April 2, 2024
ఫోన్ ట్యాపింగ్: మూసీలో హార్డ్ డిస్కుల శకలాలు సేకరణ
TG: ఫోన్ ట్యాపింగ్ కేసు విచారణలో ప్రణీత్ రావు కీలక వివరాలు వెల్లడించారని పోలీసులు తెలిపారు. హార్డ్ డిస్కులను డిసెంబర్ 4న మూసీలో పడేసినట్లు చెప్పారని.. నాగోలు వద్ద మూసీలో వాటి శకలాలను సేకరించామని పేర్కొన్నారు. ప్రణీత్ రావు వాడిన కంప్యూటర్లు, SIB కార్యాలయం ఆవరణలో పాక్షికంగా కాలిన డాక్యుమెంట్లు సీజ్ చేశామని వివరించారు. విపక్ష పార్టీ అభ్యర్థుల డబ్బు పంపిణీపై ఆయన దృష్టి పెట్టినట్లు తెలిపారు.
News April 2, 2024
భారతీయులకు జపాన్ ఈ-వీసాలు
భారతీయ పర్యాటకులకు వీసా ప్రక్రియను సులభతరం చేసింది జపాన్ ప్రభుత్వం. భారతీయులు సహా భారత్‌లో నివసించే విదేశీయులకు ఈ-వీసా సదుపాయాన్ని అందుబాటులోకి తెచ్చింది. ఈ ప్రక్రియ నిన్నటి నుంచి అమలైంది. VFX గ్లోబల్ నిర్వహించే అప్లికేషన్ సెంటర్ల దగ్గర దరఖాస్తు చేసుకుంటే ఆన్‌లైన్‌లో వీసా మంజూరు అవుతుందట. ఫోన్‌కు వచ్చే ‘వీసా ఇష్యూయెన్స్ నోటీసు’ను ఎయిర్‌పోర్టు సిబ్బందికి చూపిస్తే సరిపోతుంది.
News April 2, 2024
సూపర్ మ్యాన్ గెటప్‌లో ఇషాన్ కిషన్
ముంబై స్టార్ క్రికెటర్ ఇషాన్ కిషన్ సూపర్ మ్యాన్ గెటప్‌లో మెరిశారు. ముంబై ఎయిర్‌పోర్ట్‌లో ఆయన సూపర్ మ్యాన్ జంప్ సూట్‌లో కనిపించారు. ఇందుకు సంబంధించిన ఫొటోలు సోషల్ మీడియాలో వైరల్‌గా మారాయి. అతడితోపాటు మరో ముగ్గురు ముంబై ప్లేయర్లు కూడా సూపర్ మ్యాన్ గెటప్‌లో సందడి చేశారు. కాగా ఇషాన్‌తోపాటు మరో ముగ్గురు చెప్పిన పని చేయకపోవడంతో ముంబై ఫ్రాంచైజీ ఈ వింత డ్రెస్ వేసుకోవాలని వారిని ఆదేశించింది.
News April 2, 2024
ఇద్దరూ సేమ్ రన్స్.. కానీ పరాగ్‌కే ఆరెంజ్ క్యాప్ ఎందుకంటే?
IPL-2024: ఇప్పటివరకు జరిగిన ప్రస్తుత సీజన్‌లో విరాట్ కోహ్లీ, రియాన్ పరాగ్ అత్యధిక రన్స్ చేశారు. కానీ RR ప్లేయర్ పరాగ్ క్యాప్ ధరించారు. రూల్స్ ప్రకారం.. ఇద్దరు క్రికెటర్లు సేమ్ రన్స్ చేస్తే.. అత్యధిక స్ట్రైక్ రేట్ ఉన్న ప్లేయర్‌కు ఆరెంజ్ క్యాప్ ఇస్తారు. పరాగ్ 160.17 స్టైక్ రేట్‌తో 181 రన్స్ చేయగా, విరాట్ 141.40 స్టైక్ రేట్‌తో 181 పరుగులు చేశారు.
News April 2, 2024
నేను MPగా పోటీ చేయాలనేది చిన్నాన్న చివరి కోరిక: షర్మిల
AP: సాక్ష్యాధారాలు ఉన్నా వివేకా హంతకులు నేటికీ తప్పించుకొని తిరుగుతున్నారని షర్మిల అన్నారు. ‘చిన్నాన్నను దారుణంగా చంపితే గుండెపోటుతో చనిపోయారని ‘సాక్షి’లో చూపించారు. ప్రజలు హర్షించరని తెలిసి కూడా అవినాశ్ రెడ్డికే జగన్ టికెట్ ఇచ్చారు. నేను MPగా పోటీ చేయాలనేది చిన్నాన్న చివరి కోరిక. అందుకే ఆయనను కక్షగట్టి హతమార్చారు. YCP నిందితులకు టికెట్ ఇచ్చింది. అందుకే కడప నుంచి పోటీ చేస్తున్నా’ అని చెప్పారు.
News April 2, 2024
ALERT: సైబర్ నేరగాళ్ల కొత్త ఎత్తుగడ
AIను వినియోగించి వాయిస్ మార్చేసి మోసాలకు పాల్పడుతున్న ఘటనలపై TSRTC ఎండీ సజ్జనార్ అవగాహన కల్పిస్తున్నారు. బెంగళూరులో ఫోన్ చేసి బంధువుల వాయిస్‌ని ఏఐతో ఇమిటేట్ చేసి సైబర్ నేరగాళ్లు మోసాలు చేస్తున్నట్లు తెలిపారు. ఇలాంటి మోసాల వలలో చిక్కుకోవద్దని, అప్రమత్తంగా ఉండాలని సూచించారు. హైదరాబాద్‌లోనూ ఇలాంటి మోసాలు జరుగుతున్నాయని నెటిజన్లు కామెంట్స్ చేస్తున్నారు.
News April 2, 2024
రామ్ చరణ్ సినిమాలో అమితాబ్ బచ్చన్?
మెగా పవర్ స్టార్ రామ్ చరణ్ హీరోగా ‘RC16’ అనే వర్కింగ్ టైటిల్‌తో ఓ మూవీ తెరకెక్కనుంది. ఈ సినిమాలో బాలీవుడ్ నటుడు అమితాబ్ బచ్చన్ నటిస్తున్నట్లు తెలుస్తోంది. మూవీలో చరణ్‌కు అమితాబ్ తాతయ్యగా కనిపించనున్నట్లు సమాచారం. ఈ చిత్రం కథంతా తాతా-మనవడు రిలేషన్ షిప్ మధ్య నడుస్తుందని టాక్. బుచ్చిబాబు సాన తెరకెక్కిస్తున్న ఈ మూవీలో జాన్వీ కపూర్ హీరోయిన్‌గా నటిస్తున్నారు. ఏఆర్ రెహమాన్ మ్యూజిక్ అందించనున్నారు.
News April 2, 2024
పెన్షన్ల నిలుపుదలకు బాబే కారణం: మంత్రి మేరుగు
AP: పెన్షన్ల నిలుపుదలకు TDP చీఫ్ చంద్రబాబే కారణమని మంత్రి మేరుగు నాగార్జున ఆరోపించారు. ‘వాలంటీర్ల సేవల గురించి ప్రజలకు తెలుసు. చంద్రబాబు పేదలకు సాయం అందకుండా చేశారు. పింఛన్లు అందకపోవడంతో అవ్వాతాతలు బాధపడుతున్నారు. ఇప్పుడు ఆయన ఏమీ ఎరగనట్లు మాట్లాడుతున్నారు. వచ్చే ఎన్నికల్లో చంద్రబాబు రాజకీయ జీవితాన్ని అంతం చేసేందుకు ప్రజలు ఎదురు చూస్తున్నారు’ అని ఆయన ఫైర్ అయ్యారు.
Featured News
Sorry, no posts matched your criteria.