India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News September 4, 2024
బ్లాక్ బస్టర్ మూవీని తిరస్కరించిన అల్లు అర్జున్!
బాలీవుడ్ స్టార్ హీరో సల్మాన్ ఖాన్ నటించిన ‘బజరంగీ భాయిజాన్‌’ భారీ విజయాన్ని సొంతం చేసుకున్న విషయం తెలిసిందే. ఈ సినిమాను తిరస్కరించిన వారిలో సూపర్ స్టార్ రజినీకాంత్‌తో పాటు టాలీవుడ్ ఐకాన్ స్టార్ అల్లు అర్జున్ కూడా ఉన్నారన్న విషయం మీకు తెలుసా? వీరు తిరస్కరించడంతో డైరెక్టర్ కబీర్ ఖాన్ కొన్ని నెలలు ఎదురుచూసి సల్మాన్‌తో తీసినట్లు సినీవర్గాలు తెలిపాయి. రిలీజ్ తర్వాత మూవీ పలు అవార్డులు సొంతం చేసుకుంది.
News September 4, 2024
చిరిగిపోయిన నోట్లు తీసుకోవడం లేదా?
కరెన్సీ నోటు కాస్త చిరిగినా, మరకలు పడ్డా మార్కెట్లో తీసుకునేందుకు వెనకాడతారు. అయితే బ్యాంకులు తీసుకుంటాయి. ఆ చిరిగిన, మరకలు పడ్డ కరెన్సీ నోట్లను బ్యాంకు కౌంటర్లలో మార్చుకోవచ్చు. ఎలాంటి ఫాం నింపకుండానే రోజుకు 20 నోట్లు గరిష్ఠంగా ₹5,000 వరకు మార్చుకోవచ్చు. అంతకు మించితే ఛార్జీలుంటాయి. పాడైపోయిన నోట్లను బ్యాంకు సిబ్బంది స్వీకరించకపోతే బ్యాంకింగ్ అంబుడ్స్‌మన్‌లో ఫిర్యాదు చేయవచ్చు. > SHARE
News September 4, 2024
డొనేషన్లకు క్యూఆర్ కోడ్: ప్రభుత్వం
AP: వరద బాధితులకు సాయం చేసేందుకు రాష్ట్ర ప్రభుత్వం అకౌంట్ నంబర్లతో పాటు క్యూఆర్ కోడ్‌లు అందుబాటులోకి తీసుకొచ్చింది. సాయం చేయాలనుకునే వారు పైన ఉన్న క్యూఆర్ కోడ్‌లను స్కాన్ చేసి తమ వంతు విరాళం అందజేయవచ్చు. ఇవి నేరుగా సీఎం రిలీఫ్ ఫండ్‌లో జమవుతాయి.
News September 4, 2024
ఉక్రెయిన్ ప్రభుత్వంలో పెనుమార్పులు
రష్యాతో యుద్ధ సంక్షోభం మరింత ముదురుతున్న వేళ ఉక్రెయిన్ ప్రభుత్వంలో పెను మార్పులు జరుగుతున్నాయి. మంత్రివర్గంలో సగానికి పైగా వైదొలగుతారని తెలిసింది. ఇప్పటికే ఆరుగురు రాజీనామా చేశారు. ప్రెసిడెంట్ సలహాదారుపైనా వేటుపడింది. ఆయుధాల ఉత్పత్తి బాధ్యుడు ఒలెక్సాండర్ కమిషిన్‌కు రక్షణ విభాగంలోనే మరో పదవి ఇస్తారని సమాచారం. మంత్రివర్గంలో భారీ మార్పులు ఉంటాయని జెలెన్‌స్కీ గతవారమే సంకేతాలు ఇవ్వడం గమనార్హం.
News September 4, 2024
నాగార్జున సాగర్ గేట్లు మూసివేత
నాగార్జున సాగర్ ప్రాజెక్ట్‌కు వరద ప్రవాహం తగ్గడంతో అధికారులు గేట్లు మూసివేశారు. ప్రస్తుతం ప్రాజెక్టుకు ఇన్‌ఫ్లో 1,98,937 క్యూసెక్కులుగా ఉంది. సాగర్ ప్రస్తుత నీటిమట్టం 586 అడుగులుగా ఉంది. అంతకుముందు శ్రీశైలం గేట్లు మూసివేసిన సంగతి తెలిసిందే.
News September 4, 2024
వరద బాధితులకు అల్లు అర్జున్ విరాళం
తెలుగు రాష్ట్రాల్లో వరద బాధితులకు అల్లు అర్జున్ విరాళం ప్రకటించారు. ఏపీ, తెలంగాణకు చెరో రూ.50 లక్షల చొప్పున రూ.కోటి ఇస్తున్నట్లు ట్వీట్ చేశారు.
News September 4, 2024
GET READY: జాన్వీతో ఎన్టీఆర్ డాన్స్ వీడియో రాబోతోంది!
యంగ్ టైగర్ ఎన్టీఆర్ హీరోగా కొరటాల శివ తెరకెక్కిస్తోన్న ‘దేవర’ సినిమాలోని ‘దావుడి’ వీడియో సాంగ్ ఈరోజు సాయంత్రం 5.04 గంటలకు రిలీజ్ కానుంది. ఈ వీడియో సాంగ్‌లో జాన్వీకపూర్, ఎన్టీఆర్ డాన్స్ అదిరిపోయిందని మేకర్స్ చెబుతున్నారు. ఈక్రమంలో వీరిద్దరూ స్టెప్పులేసిన ఫొటోను విడుదల చేశారు. అనిరుధ్ మ్యూజిక్ అందించిన ‘దేవర’ ఈనెల 27న రిలీజ్ కానుంది.
News September 4, 2024
నెల జీతం విరాళంగా ప్రకటించిన BRS
TG: వరద బాధితులకు BRS పార్టీ MLA, MP, MLCలు తమ నెల జీతాన్ని విరాళంగా ప్రకటించారు. మాజీ సీఎం, ఆ పార్టీ అధినేత కేసీఆర్ ఆదేశాలతోనే ఈ ప్రకటన చేస్తున్నట్లు సిద్దిపేట వేదికగా MLA హరీశ్‌రావు వెల్లడించారు. దీంతో పాటు ఖమ్మం వరద బాధితులకు నిత్యావసర సరకులు పంపించేందుకు ఏర్పాట్లు ఆయన చేస్తున్నారు.
News September 4, 2024
‘హైడ్రా’ పేరుతో డబ్బులు వసూలు.. పోలీసుల అలర్ట్
TG: చెరువులు పూడ్చి నిర్మించిన ఇళ్లపై ‘హైడ్రా’ కఠినంగా వ్యవహరిస్తోన్న విషయం తెలిసిందే. ఈక్రమంలో ప్రజల భయాన్ని డబ్బుగా మలిచేందుకు కొందరు సిద్ధమయ్యారు. మీ ఇళ్లు FTL, బఫర్ జోన్‌లో ఉన్నాయని హైడ్రా కూల్చేస్తుందని భయపెడుతూ కమిషనర్, మంత్రులు తమకు తెలుసని డబ్బులు వసూలు చేస్తున్నారు. దీంతో తెలంగాణ పోలీసులు అప్రమత్తమయ్యారు. ఎవరూ మోసపోవద్దని, ఇలా ఎవరైనా బెదిరిస్తే హైడ్రా అధికారులను సంప్రదించాలని సూచించారు.
News September 4, 2024
పెన్షన్ తీసుకునే వారికి GOOD NEWS
AP: రాష్ట్రంలోని ఒక ప్రాంతం నుంచి మరో ప్రాంతానికి పెన్షన్ బదిలీ చేసుకునేందుకు ప్రభుత్వం వెబ్‌సైట్‌లో ఆప్షన్ ఓపెన్ చేసింది. గ్రామ, వార్డు సచివాలయాలకు వెళ్లి దరఖాస్తుతో పాటు పెన్షన్ ఐడీ, ఏ ప్రాంతానికి బదిలీ చేయాలనుకుంటున్నారో ఆ జిల్లా, మండలం, సచివాలయం పేర్లు ఇవ్వాల్సి ఉంటుంది. ఆధార్ జిరాక్స్ కూడా అందించాలి. దీంతో స్వగ్రామాలకు రాలేని వారు తాము ఉండే ప్రాంతంలోనే పెన్షన్ తీసుకోవచ్చు.
Featured News
Sorry, no posts matched your criteria.