India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News May 9, 2024
ఎన్నికలు వచ్చినప్పుడే రాముడు గుర్తొస్తాడు: రేవంత్
TG: ఎన్నికలు వచ్చినప్పుడల్లా BJPకి రాముడు గుర్తొస్తాడని CM రేవంత్ విమర్శించారు. తెలంగాణకు ప్రధాని మోదీ గాడిద గుడ్డు ఇచ్చారని దుయ్యబట్టారు. నర్సాపూర్‌లో కాంగ్రెస్ జనజాతర సభలో ఆయన మాట్లాడారు. ఇందిరాగాంధీ ప్రాతినిధ్యం వహించిన చరిత్ర మెదక్‌కు ఉందని తెలిపారు. 25 ఏళ్లుగా మెదక్‌ BJP, BRS చేతిలో చిక్కి నలిగిపోయిందన్నారు. కేంద్రంలో కాంగ్రెస్ అధికారంలోకి వస్తే అన్ని వర్గాలకు న్యాయం జరగుతుందన్నారు.
News May 9, 2024
Elections: తెర వెనుక గ్రాడ్యుయేట్లు
ఈ ఎన్నికల్లో అందరికీ నాయకుల సభలు, ర్యాలీలు, ప్రసంగాలే కనిపిస్తున్నాయి. అయితే.. ఇదే ఎన్నికల కోసం పలువురు గ్రాడ్యుయేట్లు తెరవెనుక పాత్ర పోషిస్తున్నారు. తాజా పరిస్థితులను విశ్లేషించి, డేటా సేకరించి పొలిటికల్ పార్టీలకు అందిస్తున్నారు. ఈ ఎన్నికలకు కొన్ని నెలల ముందు నుంచే ప్రజల సమస్యలు, వారి అభిప్రాయాలు సేకరించేందుకు పొలిటికల్ కన్సల్టింగ్ సంస్థలు తమ ఉద్యోగులను క్షేత్రస్థాయిలో రంగంలోకి దించాయి.
News May 9, 2024
పవన్ కళ్యాణ్‌కు అల్లు అర్జున్ మద్దతు
పిఠాపురం ఎమ్మెల్యేగా పోటీ చేస్తున్న జనసేన అధినేత పవన్ కళ్యాణ్‌కు ఐకాన్ స్టార్ అల్లు అర్జున్ మద్దతు ప్రకటించారు. ‘మీ ఎన్నికల ప్రయాణానికి నా హృదయపూర్వక శుభాకాంక్షలు. సేవ కోసం మీ జీవితాన్ని అంకితం చేయడాన్ని చూసి గర్విస్తాను. ఒక కుటుంబసభ్యుడిగా నా సపోర్ట్ మీకు ఎప్పుడూ ఉంటుంది. మీరు కోరుకున్నది సాధించాలని ఆకాంక్షిస్తున్నా’ అని ట్వీట్ చేశారు.
News May 9, 2024
ఏపీలో పర్యటించనున్న రాహుల్
ఏపీసీపీ చీఫ్ షర్మిలకు మద్దతుగా కాంగ్రెస్ అగ్రనేత రాహుల్ గాంధీ ప్రచారం చేయనున్నారు. రాష్ట్రంలో ఎన్నికల ప్రచారానికి చివరి రోజైన ఈ నెల 11న కడప జిల్లాలో ఎన్నికల ప్రచారంలో ఆయన పాల్గొననున్నారు. ఆ రోజు ఉదయం 10 గంటలకు కడప విమానాశ్రయం చేరుకోని ముందుగా రోడ్ షోలో పాల్గొంటారు. ఆ తర్వాత బహిరంగ సభలో ప్రసంగిస్తారు. ఈ క్రమంలో ఆయన రాకతో రాష్ట్రంలో కాంగ్రెస్‌కు ఏ మేరకు కలిసి వస్తుందో అని ఆసక్తి నెలకొంది.
News May 9, 2024
ప్రతి గ్రామంలో అభివృద్ధి అంటే ఏంటో చూపించాం: సజ్జల
AP: దేశ GDPలో రాష్ట్ర వాటా 4.82 శాతానికి పెరగడం అభివృద్ధి కాదా? అని ప్రభుత్వ సలహాదారు సజ్జల రామకృష్ణారెడ్డి విపక్షాలను ప్రశ్నించారు. ‘ప్రతి గ్రామంలో అభివృద్ధి అంటే ఏంటో చూపించాం. సచివాలయాలు, RBKలు, విలేజ్ క్లినిక్‌లు నిర్మించాం. విద్య, వైద్య రంగాల్లో ఎన్నో సంస్కరణలు తెచ్చాం. నాడు-నేడుతో వాటి రూపురేఖలు మార్చాం. సంక్షేమ పథకాల ద్వారా కోటి కుటుంబాలు సొంత కాళ్లపై నిలబడేలా చేశాం’ అని తెలిపారు.
News May 9, 2024
5KG రేషన్ కాదు.. ఉపాధి కావాలి: ప్రియాంకా గాంధీ
5 కేజీల రేషన్‌తో పేదల భవిష్యత్తు మారబోదని కాంగ్రెస్ అగ్రనేత ప్రియాంకా గాంధీ చెప్పారు. రాయ్‌బరేలీ సభలో మాట్లాడుతూ.. ‘ఉపాధి కావాలా? రేషన్ కావాలా? అంటే మీరు కచ్చితంగా ఉపాధినే ఎన్నుకుంటారు. అదే మిమ్మల్ని స్వయంసమృద్ధి సాధించేలా చేస్తుంది. ఏ పార్టీ మిమ్మల్ని డిపెండెంట్‌గా మార్చేలా పాలసీలను రూపొందిస్తుందో గుర్తించాలి. అలాంటి ఐడియాలజీ ఉన్న పార్టీ ప్రజలకు కరెక్ట్ కాదు’ అని పేర్కొన్నారు.
News May 9, 2024
బేర్ పంజా.. స్టాక్ మార్కెట్లకు భారీ నష్టాలు
దేశీయ స్టాక్ మార్కెట్లు భారీ నష్టాన్ని నమోదు చేశాయి. సెన్సెక్స్ 1062 పాయింట్లు కోల్పోయి 72,404కు చేరింది. మరోవైపు నిఫ్టీ 345 పాయింట్లు నష్టపోయి 22వేల మార్క్ దిగువకు (21,957 పాయింట్లు) పడిపోయింది. ఆటో మొబైల్ రంగం మినహా ఇతర ప్రధాన రంగాల షేర్లు అన్నీ నష్టాలు నమోదు చేయడం మార్కెట్‌పై ప్రభావం చూపించింది. నిఫ్టీలో గరిష్ఠంగా ఆయిల్ & గ్యాస్ రంగం 3.2% నష్టాన్ని నమోదు చేసింది.
News May 9, 2024
ఇలా జరిగితేనే ప్లేఆఫ్స్‌కి RCB!
IPL2024లో ప్లేఆఫ్స్ రేసు నుంచి ఇప్పటికే ముంబై నిష్క్రమించింది. ఆ జట్టు కంటే కొంచెం మెరుగ్గా ఉన్న RCB ఈరోజు పంజాబ్‌తో తలపడనుంది. ఓడితే టోర్నీ నుంచి నిష్క్రమించకతప్పదు. అయితే.. ఉన్న 3 మ్యాచుల్లోనూ గెలిస్తే RCBకి 14 పాయింట్లు వస్తాయి. భారీ తేడాతో గెలిచి నెట్‌రన్‌ట్ సాధిస్తే ప్లేఆఫ్స్ అవకాశాలుంటాయి. అయితే.. RCBకి పోటీగా ఉన్న LSG, DC, CSK మిగిలిన మ్యాచుల్లో ఓడిపోవాల్సి ఉంటుంది.
News May 9, 2024
కేజ్రీవాల్‌కు మధ్యంతర బెయిల్‌ను వ్యతిరేకించిన ఈడీ
లిక్కర్ స్కామ్ కేసులో అరెస్టైన ఢిల్లీ సీఎం కేజ్రీవాల్‌కు మధ్యంతర బెయిల్‌ను ఈడీ వ్యతిరేకించింది. ఎన్నికల ప్రచారం చేయడం ప్రాథమిక హక్కు కాదని అఫిడవిట్‌లో పేర్కొంది. కాగా మధ్యంతర బెయిల్‌ పిటిషన్‌పై రేపు సుప్రీంకోర్టు తీర్పు ఇవ్వనుంది. మరోవైపు లిక్కర్ స్కామ్ కేసులో కేజ్రీవాల్‌పై రేపు ఈడీ ఛార్జ్‌షీట్ దాఖలు చేయనుంది.
News May 9, 2024
భారత రెజ్లర్‌పై UWW సస్పెన్షన్ వేటు
భారత టాప్ రెజ్లర్ భజరంగ్ పునియాపై అంతర్జాతీయ రెజ్లింగ్ సంస్థ UWW సస్పెన్షన్ వేటు వేసింది. 2024 చివరి వరకూ ఈ సస్పెన్షన్ ఉంటుందని తెలిపింది. దీంతో ఈ ఏడాది జరిగే పారిస్ ఒలింపిక్స్‌లో రెజ్లింగ్ విభాగంలో పతక అవకాశాలపై ప్రభావం పడనుంది. పునియా డోప్ టెస్ట్‌ను తిరస్కరించడంతో NADA చేసిన అభ్యర్థన మేరకు UWW అతడిని సస్పెండ్ చేసింది.
Featured News
Sorry, no posts matched your criteria.