India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News May 10, 2024
వ్యాపారంలోనూ ‘కింగ్’ కోహ్లీనే!
స్టార్ కపుల్ విరాట్ కోహ్లీ, అనుష్క శర్మ తమ కెరీర్‌తో పాటు వ్యాపారంలోనూ రాణిస్తున్నారు. 2020లో ‘గో డిజిట్’ అనే ఇన్సూరెన్స్ స్టార్టప్‌లో ఈ జంట రూ.2.5కోట్లు పెట్టుబడి పెట్టింది. ఈనెల 15-17 తేదీల్లో ఆ సంస్థ IPO అందుబాటులోకి రానుంది. ఒక్కో షేర్ ధర రూ.258-272 మధ్య ఉండటంతో వీరి సంపద రూ.9.06 కోట్లకు (రూ.6.56కోట్ల లాభం) చేరనుంది. కాగా కోహ్లీ 2,66,667 షేర్లు, అనుష్క 66,667 షేర్లు కొనుగోలు చేశారు.
News May 10, 2024
ఎంపీకి వచ్చే జీతం.. లభించే సౌకర్యాలివే!
✒ ప్రతి నెలా ₹లక్ష జీతం(అలవెన్సులు ₹1.30 లక్షలు).
✒ MP, ఆయన భార్యకు ఏటా 34సార్లు ఉచిత విమాన ప్రయాణం, ఫస్ట్ క్లాస్ AC కోచ్‌లో ఫ్రీ జర్నీ. రోడ్డు రవాణా అయితే కి.మీకు ₹16 చొప్పున అందుతుంది.
✒ పాథాలాజికల్ లాబొరేటరీ, ECG, డెంటల్, చర్మ, కంటి ఆరోగ్య సేవలు ఉచితం. ఢిల్లీలో నివాస వసతి కల్పిస్తారు.
✒ 3 టెలిఫోన్లను వాడుకోవచ్చు. ఏడాదిలో 50వేల ఫ్రీ కాల్స్ చేసుకోవచ్చు.
✒ పదవి అనంతరం ₹50వేల పింఛన్.
<<-se>>#ELECTIONS2024<<>>
News May 10, 2024
బీసీలకు రిజర్వేషన్లు పెంచుతుంటే కాంగ్రెస్ అడ్డుపడింది: మోదీ
TG: దేశం ఏమైపోయినా కాంగ్రెస్‌కు అవసరం లేదని, దానికి రాజకీయ లబ్ధి కావాలని PM మోదీ విమర్శించారు. నారాయణపేట సభలో మాట్లాడుతూ.. ‘మతపరమైన రిజర్వేషన్లు ఇస్తే మత మార్పిడులు పెరుగుతాయి. BCలకు రిజర్వేషన్లు పెంచేటప్పుడు అడ్డుపడింది కాంగ్రెస్సే. SC, STల రిజర్వేషన్లను ముస్లింలకు ఇవ్వాలని ఆ పార్టీ ప్రయత్నించింది. ముస్లింల కోసం ఎంతో కృషి చేస్తోన్న INC.. ఎస్సీల రిజర్వేషన్లను పట్టించుకోవట్లేదు’ అని మండిపడ్డారు.
News May 10, 2024
దేశాన్ని ముక్కలు చేసేలా రాహుల్ మాటలు: మోదీ
TG: హిందువులను రెండో తరగతి పౌరులుగా కాంగ్రెస్ నేతలు భావిస్తున్నారని PM మోదీ మండిపడ్డారు. హిందూ దేవుళ్లను పూజించడం, అయోధ్యకు వెళ్లడం అంటే ఆ పార్టీకి నచ్చడం లేదని విమర్శించారు. నారాయణపేట సభలో మాట్లాడుతూ.. ‘దేశాన్ని ముక్కలు చేసేలా రాహుల్ మాట్లాడుతున్నారు. ఈ యువరాజుకు USలో ఒక రాజగురువు(శ్యామ్ పిట్రోడా) ఉన్నారు. ఆయన జాతి వివక్ష చూపిస్తున్నారు. భారతీయులను ఆఫ్రికన్లతో పోల్చుతున్నారు’ అని ఫైరయ్యారు.
News May 10, 2024
RR ట్యాక్స్ అంటే రేవంత్ ఎందుకు స్పందించారు?: మోదీ
TG: మోదీ గ్యారంటీ అంటే అభివృద్ధికి గ్యారంటీ అని ప్రధాని మోదీ చెప్పారు. నారాయణపేట సభలో మాట్లాడుతూ.. ‘పదేళ్లలో తెలంగాణకు రూ.లక్షల కోట్లు ఇచ్చాం. అయితే ఈ నిధులు అవినీతి ATMలోకి వెళ్లాయి. గతంలో బీఆర్ఎస్ కాళేశ్వరం పేరిట లూటీ చేసింది. ఇప్పుడు కాంగ్రెస్ RR ట్యాక్స్ వసూలు చేస్తోంది. నేను ఎవరి పేరూ చెప్పకుండా RR ట్యాక్స్ అంటే సీఎం రేవంత్ రెడ్డి ఎలా స్పందించారు?’ అని ప్రశ్నించారు.
News May 10, 2024
ఆఫర్.. ఓటేస్తే హెయిర్ కట్ ఫ్రీ
AP: ఓటు హక్కు వినియోగించుకునేలా ప్రజలను ప్రోత్సహించేందుకు పలువురు ఆఫర్లు ప్రకటిస్తున్నారు. తాజాగా విశాఖకు చెందిన RK సెలూన్ ఓనర్ రాధాకృష్ణ ఓటు వేసిన వారికి ఫ్రీగా హెయిర్ కట్ చేయనున్నట్లు తెలిపారు. ఓటు ప్రాముఖ్యతను ప్రజలకు తెలియజేయడానికే ఈ ఆఫర్ తీసుకొచ్చినట్లు పేర్కొన్నారు. ఓటు వేసిన తర్వాత ముత్యాలమ్మ ఆలయం, కంచరపాలెం మెట్టుకు ఎదురుగా ఉన్న తమ సెలూన్ షాప్‌కు వస్తే ఫ్రీగా హెయిర్ కట్ చేస్తామన్నారు.
News May 10, 2024
ఓటర్లను భయపెడుతున్న బస్సు ఛార్జీలు
ఈ నెల 13న ఓటేసేందుకు సొంతూళ్లకు వెళ్లే వారికి బస్సు ఛార్జీలు చుక్కలు చూపిస్తున్నాయి. HYD నుంచి తెలుగు రాష్ట్రాల్లోని ప్రధాన నగరాలకు RTC ఏర్పాటు చేసిన స్పెషల్ బస్సుల్లో సీట్లు ఫుల్ అయిపోయాయి. ఈ క్రమంలో ప్రైవేట్ బస్సు యాజమాన్యాలు సాధారణ ఛార్జీల మీద రూ.1000- రూ.1500 వరకు అధికంగా వసూలు చేస్తున్నాయి. HYD నుంచి VJA, విశాఖ, రాజమండ్రికి టికెట్ గరిష్ఠంగా రూ.3000 ఉంది. దీంతో ప్రయాణికులు లబోదిబోమంటున్నారు.
News May 10, 2024
విమానం లగేజీ కంపార్ట్మెంట్లో నిద్రించిన మహిళ
విమానంలో హాయిగా నిద్రపోవాలనుకున్న ఓ మహిళ వినూత్నంగా ఆలోచించారు. సీట్లో ఇబ్బంది పడుతూ నిద్రపోవడం ఎందుకనుకున్న ఆమె ఏకంగా సీట్ల పైన ఉండే లగేజీ కంపార్ట్మెంట్లో నిద్రించారు. ఓ ప్రయాణికుడు ఈ వీడియో తీయడంతో నెట్టింట వైరల్‌గా మారింది. సౌత్ వెస్ట్ ఎయిర్ లైన్స్‌కు చెందిన విమానంలో మే 6న ఈ ఘటన జరిగిందని ‘న్యూయార్క్ పోస్ట్’ వెల్లడించింది. ఈ తరహా ఘటన గతంలో వేరే ఎయిర్ లైన్స్‌లోనూ చోటుచేసుకుంది.
News May 10, 2024
కేజ్రీవాల్ మళ్లీ జైలుకు వెళ్లాల్సిందే: BJP నేత సిర్సా
ఢిల్లీ లిక్కర్ పాలసీ కేసులో సీఎం కేజ్రీవాల్‌కు సుప్రీం కోర్టు మధ్యంతర బెయిల్ ఇవ్వడంపై BJP నేత మంజిందర్ సింగ్ సిర్సా స్పందించారు. బెయిల్ గడువు ముగియగానే జూన్ 2న కేజ్రీవాల్ మళ్లీ జైలుకు వెళ్లక తప్పదని అన్నారు. కరడుగట్టిన నేరస్థులకు ఇచ్చినట్లే కేజ్రీవాల్‌కు బెయిల్ ఇచ్చిందని ఆయన చెప్పుకొచ్చారు. ఆయన నేరస్థుడని కోర్టు నమ్మింది కాబట్టే.. కేవలం ఎన్నికల వరకే బెయిల్ ఇచ్చిందని ఎద్దేవా చేశారు.
News May 10, 2024
వారి కాంట్రాక్ట్ తొలగించాలని అగార్కరే చెప్పారు: జైషా
BCCI సెక్రటరీ జైషా కీలక వ్యాఖ్యలు చేశారు. శ్రేయస్ అయ్యర్, ఇషాన్ కిషన్ సెంట్రల్ కాంట్రాక్ట్‌ను తొలగించాలని సెలక్షన్ కమిటీ ఛైర్మన్ అజిత్ అగార్కరే నిర్ణయించారన్నారు. కమిటీ నిర్ణయాలను అమలు చేయడమే తన పని అని చెప్పారు. WC తర్వాత రంజీల్లో ఆడాలన్న నిబంధనను శ్రేయస్, ఇషాన్ పట్టించుకోలేదు. దీంతో BCCI వారి కాంట్రాక్టును రద్దు చేసింది. కాగా శాంసన్ వంటి కొత్త ఆటగాళ్లకు అవకాశాలు ఇస్తున్నామని జైషా తెలిపారు.
Featured News
Sorry, no posts matched your criteria.