India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News September 7, 2024
బంగ్లా జాతీయ గీతం మార్చాలన్న డిమాండ్‌.. సర్కారు నిరాకరణ!
జాతీయ గీతాన్ని, జెండాను మార్చాలంటూ బంగ్లాలో డిమాండ్లు ఊపందుకుంటున్నాయి. రవీంద్రనాథ్ ఠాగూర్ రచించిన ఆ గీతం స్వతంత్ర బంగ్లాను ప్రతిఫలించడం లేదని, బ్రిటిష్ కాలంనాటి దేశాన్ని గుర్తుచేస్తోందని పలువురు అభ్యంతరాలను లేవనెత్తారు. భారత్ కారణంగానే అది తమ జాతీయగీతమైందని ఆరోపించారు. ఆ డిమాండ్లకు స్పందించిన బంగ్లా మధ్యంతర సర్కారు గీతాన్ని, జెండాను మార్చే ఉద్దేశాలేవీ లేవని తేల్చిచెప్పింది.
News September 7, 2024
మ్యాజిక్ కంటిన్యూ చేస్తారా?
’గేమ్ ఛేంజర్‘ నుంచి రిలీజ్ కాబోయే సెకండ్ సాంగ్‌లో ఫార్మల్ డ్రెస్‌లో తలకు ఎర్ర కండువా చుట్టిన రామ్ చరణ్ లుక్ తెగ ఆకట్టుకుంటోంది. గతంలో చిరంజీవి, పవన్ కళ్యాణ్ ఇదే కండువాతో సూపర్ హిట్ సాంగ్స్ చేశారు. ముఠామేస్త్రీలో హోయి రబ్బా, గబ్బర్ సింగ్ టైటిల్ సాంగ్స్ సెన్సేషన్ క్రియేట్ చేసిన సంగతి తెలిసిందే. దీంతో చరణ్ కూడా అదే మ్యాజిక్ కంటిన్యూ చేస్తారని అభిమానులు కామెంట్లు చేస్తున్నారు.
News September 7, 2024
జగన్ అన్నా.. మనం సాయం చేసి చూపిద్దాం: బ్రహ్మాజీ
AP: రాష్ట్రంలో ప్రభుత్వం ఉందా? లేదా? అంటూ వైసీసీ చీఫ్ జగన్ చేసిన ట్వీట్‌కు నటుడు బ్రహ్మాజీ స్పందించారు. ఈ ప్రభుత్వం సాయం చేయలేదని, మనమైనా చేద్దామని తనదైన శైలిలో ట్వీట్ చేశారు. ‘ఫస్ట్ రూ.1000 కోట్లు రిలీజ్ చేద్దాం. వైసీపీ కేడర్‌ను రంగంలోకి దింపుదాం. మనకు జనాలు ముఖ్యం. ప్రభుత్వం కాదు. మనం చేసి చూపిద్దాం. జై జగన్ అన్న’ అంటూ రాసుకొచ్చారు.
News September 7, 2024
ఈవీ మార్కెట్‌లోకి అనిల్ అంబానీ?
అప్పుల ఊబిలో చిక్కుకున్న అనిల్ అంబానీ నిలదొక్కుకునేందుకు ప్రయత్నాలు ప్రారంభించినట్లు సమాచారం. రాయిటర్స్ కథనం ప్రకారం.. విద్యుత్ వాహనాల పరిశ్రమలోకి ఆయన అడుగుపెట్టనున్నారు. విద్యుత్ కార్లు, బ్యాటరీల ఉత్పత్తి కోసం చైనా కంపెనీ BYD మాజీ ఎగ్జిక్యూటివ్ సంజయ్ గోపాలకృష్ణన్‌ను సలహాదారుగా నియమించుకున్నారు. ఏడాదికి 2.5లక్షల వాహనాలు ఉత్పత్తి చేసే ప్లాంట్‌ను నిర్మించేందుకు యోచిస్తున్నట్లు తెలుస్తోంది.
News September 7, 2024
భారీ నుంచి అతి భారీ వర్షాలు
TG: రాష్ట్రంలో రానున్న 3 రోజులు భారీ నుంచి అతి భారీ వర్షాలు కురుస్తాయని వాతావరణశాఖ చెప్పింది. ఈరోజు 13 జిల్లాలకు ఎల్లో అలర్ట్ ఇచ్చింది. రేపు 5 జిల్లాలకు, ఎల్లుండి 4 జిల్లాలకు ఆరెంజ్ అలర్ట్ ప్రకటించింది. మధ్య బంగాళాఖాతంలో కొనసాగుతున్న అల్పపీడనం రేపు వాయుగుండంగా మారే అవకాశం ఉందని తెలిపింది. 3 రోజుల పాటు వాయుగుండం కొనసాగే ఛాన్స్ ఉందని పేర్కొంది.
News September 7, 2024
భారీ వర్షాలు.. ఖమ్మంకు డిప్యూటీ సీఎం
TG: భారీ వర్షాలతో మున్నేరువాగు పొంగే అవకాశం ఉండటంతో డిప్యూటీ సీఎం భట్టి విక్రమార్క ఖమ్మం బయల్దేరారు. లోతట్టు ప్రాంతాలను అప్రమత్తం చేయాలని అధికారులను ఆదేశించారు. అవసరమైతే ప్రజలను సురక్షిత ప్రాంతాలకు తరలించాలని సూచించారు. ప్రజలకు ఇబ్బందులు తలెత్తకుండా చూడాలన్నారు. కాగా మధ్యాహ్నం నుంచి ఖమ్మం, మహబూబాబాద్‌లో భారీ వర్షం కురుస్తోంది.
News September 7, 2024
హైకోర్టుల్లో 58.59 లక్షల కేసులు పెండింగ్!
దేశవ్యాప్తంగా వివిధ హైకోర్టుల్లో 58.59 లక్షల కేసులు పెండింగ్‌లో ఉన్నాయి. నేషనల్ జుడీషియరీ డేటా గ్రిడ్ సమాచారం ప్రకారం.. వీటిలో 30 ఏళ్లకు పైగా నలుగుతున్న కేసులు 62వేలు. 20 నుంచి 30 ఏళ్లుగా హైకోర్టుల్లో పెండింగ్‌లో ఉన్న కేసుల సంఖ్య 2.45 లక్షలు. 3 కేసులు 1952 నుంచి, 4 కేసులు 1954 నుంచి, 9 కేసులు 1955 నుంచి పరిష్కారం కాలేదు. మొత్తంగా 42.64 లక్షల సివిల్ కేసులు, 15.94 లక్షల క్రిమినల్‌ కేసులు ఉన్నాయి.
News September 7, 2024
అకౌంట్లలో డబ్బులు మిగల్చలేదు: చంద్రబాబు
AP: ప్రస్తుత పరిస్థితుల్లో రేషన్ అందజేయడానికి రేషన్ కార్డు అవసరం లేదని, ఫింగర్ ప్రింట్, ఐరిష్ ఉన్నా సరిపోతుందని CM చంద్రబాబు చెప్పారు. గత ప్రభుత్వం ఏ అకౌంట్లోనూ డబ్బులు మిగల్చలేదని అంతా ఊడ్చేసిందని తెలిపారు. ప్రాథమిక నివేదికను పంపితే కేంద్రం నుంచి సాయం త్వరగా వస్తుందన్నారు. సోషల్ మీడియాలో పోస్టులపై ప్రతి ఒక్కరూ బాధ్యతగా ఉండాలని సూచించారు. ఆధారాలు లేకుండా పెడితే చర్యలు తప్పవని హెచ్చరించారు.
News September 7, 2024
కాంగ్రెస్ పాలనపై కేటీఆర్ సెటైర్లు
TG: ఈజ్ ఆఫ్ డూయింగ్ బిజినెస్ <<14035008>>ర్యాంకింగ్స్‌లో<<>> తెలంగాణ పేలవ ప్రదర్శనను ఉద్దేశించి కాంగ్రెస్ ప్రభుత్వంపై బీఆర్ఎస్ వర్కింగ్ ప్రెసిడెంట్ కేటీఆర్ సెటైర్లు వేశారు. ఈ ఘనతను వర్ణించేందుకు తనకు మాటలు రావట్లేదని ట్వీట్ చేశారు. ఇలాంటి సమయంలోనే స్వచ్ఛ్ బయో, వాల్ష్ కర్రా వంటి ఆవిష్కరణలు అవసరమని వ్యంగ్యస్త్రాలు సంధించారు. తొమ్మిది నెలల పాలనలో ఇలా ఉంటే రాబోయే నాలుగేళ్లలో జరిగేవి తలుచుకుంటే భయమేస్తుందన్నారు.
News September 7, 2024
డిగ్రీ చ‌దివిన వారికి నెలకు రూ.5 వేలు.. బ్యాంకుల ఆఫర్!
డిగ్రీ పూర్తి చేసిన 25 ఏళ్ల‌లోపు వ‌య‌సు గ‌ల‌వారిని బ్యాంకులు త్వ‌ర‌లో అప్రెంటీస్‌లుగా నియ‌మించుకొని నెలకు రూ.5 వేలు స్టైఫండ్ ఇవ్వనున్నాయి. కేంద్ర బ‌డ్జెట్‌ ప్ర‌క‌ట‌న మేర‌కు గ్రాడ్యుయేట్స్‌కు ఇంట‌ర్న్‌షిప్‌పై కార్పొరేట్ వ్య‌వ‌హారాల శాఖ బ్యాంకుల‌తో స‌మావేశమైంది. మ‌రో నెల రోజుల్లో బ్యాంకులు ఈ నియామ‌కాలు ప్రారంభించవచ్చని ఓ అధికారి తెలిపారు. ఏ బ్యాంకు ఎంత మందికి అవకాశం క‌ల్పిస్తుందో తేలాల్సి ఉంది.
Featured News
Sorry, no posts matched your criteria.