India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News May 11, 2024
మే 13న పోలింగ్ ఎక్కడెక్కడ?
సార్వత్రిక ఎన్నికల్లో భాగంగా నాలుగో విడత పోలింగ్ ఈ నెల 13న జరగనుంది. మొత్తం 10 రాష్ట్రాల్లో పోలింగ్ నిర్వహించేందుకు ఎన్నికల సంఘం ఏర్పాట్లు చేసింది. ఏపీ(25 MP సీట్లు), బిహార్(5), ఝార్ఖండ్(4), మధ్యప్రదేశ్(8), మహారాష్ట్ర(11), ఒడిశా(4), తెలంగాణ(17), యూపీ(13), ప.బెంగాల్(8), జమ్ముకశ్మీర్(1) ఈ 4వ విడతలో ఉన్నాయి. మే 20, 25, జూన్ 1న తదుపరి విడతల పోలింగ్ ఉంటుంది.
News May 11, 2024
IPL: కేకేఆర్ బ్యాటింగ్.. జట్లు ఇవే..
కోల్‌కతాలోని ఈడెన్ గార్డెన్స్ KKRతో జరుగుతున్న మ్యాచులో ముంబై టాస్ గెలిచి ఫీల్డింగ్ ఎంచుకుంది. వర్షం కారణంగా మ్యాచ్‌ను అంపైర్లు 16 ఓవర్లకు కుదించారు.
MI: ఇషాన్, నేహల్ వధేరా, నమన్ ధీర్, సూర్యకుమార్, తిలక్‌వర్మ, పాండ్య(C), టిమ్ డేవిడ్, అన్షుల్ కాంబోజ్, చావ్లా, బుమ్రా, నువాన్ తుషార.
KKR: సాల్ట్, నరైన్, నితీశ్ రాణా, శ్రేయస్, వెంకటేశ్, రింకూ, రస్సెల్, రమన్‌దీప్, స్టార్క్, చక్రవర్తి, హర్షిత్.
News May 11, 2024
సీకే నాయుడు ట్రోఫీలో ఇకపై నో టాస్!
దేశవాళీ క్రికెట్‌లో పలు కీలక మార్పులను BCCI కార్యదర్శి జైషా ప్రతిపాదించారు. ఇకపై U-23 సీకే నాయుడు ట్రోఫీలో టాస్ విధానానికి స్వస్తి పలకనున్నారు. విజిటింగ్ టీమ్ బ్యాట్ లేదా బౌలింగ్ ఎంచుకునే అవకాశం ఉంటుంది. ఇది సక్సెస్ అయితే రంజీ ట్రోఫీలోనూ ప్రవేశపెడతారని సమాచారం. ఫస్ట్ ఇన్నింగ్సులో బ్యాటింగ్, బౌలింగ్ ప్రదర్శనను బట్టి పాయింట్లు కేటాయిస్తారట. త్వరలోనే పూర్తి విధివిధానాలు ఖరారవుతాయని తెలుస్తోంది.
News May 11, 2024
లోక్సభ ఎన్నికలపై బహిరంగ చర్చకు సిద్ధం: రాహుల్
లోక్సభ ఎన్నికలపై బహిరంగ చర్చకు సిద్ధమని కాంగ్రెస్ అగ్రనేత రాహుల్ గాంధీ ట్వీట్ చేశారు. ఆరోగ్యకరమైన ప్రజాస్వామ్యం కోసం ప్రధాన పార్టీల చర్చను కాంగ్రెస్ స్వాగతిస్తుందని పేర్కొన్నారు. ఈ చర్చలో దేశ ప్రధాని పాల్గొంటారని ఆశిస్తున్నట్లు తెలిపారు. ఈ చొరవ తీసుకున్నవారికి ధన్యవాదాలు తెలిపారు. అంతకుముందు బహిరంగ చర్చకు రావాలని PM మోదీకి, రాహుల్ గాంధీకి రిటైర్డ్ జడ్జిలు, ప్రముఖులు లేఖ రాసిన సంగతి తెలిసిందే.
News May 11, 2024
మధ్యంతర బెయిల్ అంటే క్లీన్ చిట్ కాదు: షా
ఢిల్లీ సీఎం కేజ్రీవాల్‌కు సుప్రీం కోర్టు ఇచ్చిన మధ్యంతర బెయిల్ క్లీన్ చిట్ కాదని హోంమంత్రి అమిత్ షా అన్నారు. ఒకవేళ ఆయన అలా అనుకుంటున్నారంటే.. అది చట్టంపై కేజ్రీవాల్‌కు ఉన్న అవగాహనారాహిత్యమని ఎద్దేవా చేశారు. కేవలం ఎన్నికల ప్రచారం కోసమే సుప్రీం కోర్టు బెయిల్ ఇచ్చిందన్నారు. జూన్ 2న మళ్లీ దర్యాప్తు సంస్థ ముందు హాజరుకావాల్సిందేనని గుర్తు చేశారు.
News May 11, 2024
గుడ్‌ న్యూస్.. ఈడెన్ గార్డెన్స్‌లో తగ్గిన వర్షం
కోల్‌కతా నైట్ రైడర్స్, ముంబై ఇండియన్స్ మధ్య జరిగే మ్యాచ్‌కు లైన్ క్లియర్ అయ్యింది. ఆ మ్యాచ్ జరిగే ఈడెన్ గార్డెన్స్‌లో వర్షం తగ్గింది. మైదానంలో కప్పిన కవర్స్‌ను సిబ్బంది తొలగిస్తున్నారు. రాత్రి 8.45 గంటలకు అంపైర్లు మైదానాన్ని ఇన్‌స్పెక్షన్ చేయనున్నారు. మరికొద్ది సేపట్లో మ్యాచ్ ప్రారంభం అయ్యే అవకాశం ఉంది.
News May 11, 2024
BREAKING: అల్లు అర్జున్‌పై కేసు నమోదు
AP: హీరో అల్లు అర్జున్‌పై నంద్యాల పోలీసులు కేసు నమోదు చేశారు. అనుమతి లేకుండా జనసమీకరణ చేశారని ఆర్వో ఫిర్యాదు మేరకు అల్లు అర్జున్, వైసీపీ ఎమ్మెల్యే శిల్పా రవిపై కేసు నమోదైంది. కాగా శిల్పా రవికి మద్దతుగా ప్రచారం చేసేందుకు బన్నీ ఇవాళ నంద్యాలలో పర్యటించగా.. భారీ సంఖ్యలో అభిమానులు తరలివచ్చారు.
News May 11, 2024
PM పీఠంపై.. కేజ్రీవాల్ Vs అమిత్‌షా
ప్రధాని నరేంద్ర మోదీకి వచ్చే సెప్టెంబర్‌లో 75 ఏళ్లు నిండుతున్నాయని, ఆ తర్వాత ఎవరు ప్రధాని అవుతారని AAP కన్వీనర్ కేజ్రీవాల్ బీజేపీని ప్రశ్నించారు. 75ఏళ్లు నిండిన వారు పదవీ విరమణ చేయాల్సిందేనని రూల్ చేసింది ఆయనేనని గుర్తు చేశారు. అయితే.. మోదీ తన వారసుడిగా అమిత్‌షానే కావాలని కోరుకుంటున్నారని కేజ్రీవాల్ అన్నారు. కాగా.. 75ఏళ్లు దాటినా మోదీనే ప్రధానిగా ఉంటారని షా బదులిచ్చారు.
News May 11, 2024
పోలింగ్ బూత్‌లలోకి ఫోన్ల అనుమతి లేదు: సీఈవో ముకేశ్
AP: పోలింగ్ కేంద్రానికి 200 మీటర్ల పరిధిలో పార్టీలు ఎలాంటి సింబల్స్ లేకుండా ఓటర్ స్లిప్పులు పంపిణీ చేసుకోవచ్చని CEO ముకేశ్ కుమార్ మీనా వెల్లడించారు. ‘పోలింగ్ కేంద్రంలో ఒక పార్టీకి ఒక ఏజెంట్ మాత్రమే ఉండాలి. ప్రిసైడింగ్ అధికారి తప్ప మిగతా ఎవరూ బూత్‌లోకి ఫోన్లు తీసుకెళ్లకూడదు. నేతలు ఓటర్లను వాహనాల్లో తరలించకూడదు. ఓటింగ్ శైలిని పర్యవేక్షించుకునేందుకు అభ్యర్థి 3 వాహనాలు ఉపయోగించుకోవచ్చు’ అని తెలిపారు.
News May 11, 2024
ఇప్పుడిదే ట్రెండ్: బాబాయ్.. మీ ఊరిలో ఎంతిస్తున్నారు?
AP ఎన్నికలను పార్టీలు ప్రతిష్ఠాత్మకంగా తీసుకోవడంతో పోటీ తీవ్రంగా ఉంది. ఓటర్లకు గాలం వేయడానికి ఇప్పటికే ‘పంపకాలు’ మొదలయ్యాయి. ఫోన్లలో బంధువులతో కుటుంబ విషయాల కంటే.. ‘మీ ఊరిలో ఎవరు ఎంతిస్తున్నారు?’ అనే ప్రశ్నే ఎక్కువగా వినిపిస్తోంది. డిమాండ్‌ను బట్టి రూ.2,000-రూ.10,000 పంచుతున్నారట. అయితే అధికారులకు ఎక్కడా కనిపించట్లేదు. ఇదేం విచిత్రమో మరి! ఇంతకీ మీ ఊరి సంగతేంటి?
<<-se>>#ELECTIONS2024<<>>
Featured News
Sorry, no posts matched your criteria.