India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News May 15, 2024
మొత్తం ఇండియా నాకు మద్దతుగా నిలిచింది: పంత్
తీవ్ర ప్రమాదం కారణంగా ఏడాదిన్నర పాటు క్రికెట్‌కు దూరమయ్యారు రిషభ్ పంత్. ఈ ఏడాది ఐపీఎల్ ద్వారా మళ్లీ క్రికెట్‌లోకి అడుగుపెట్టిన తనకు లభించిన మద్దతుపై ఆయన హర్షం వ్యక్తం చేశారు. ఏ స్టేడియంలో మ్యాచ్ ఆడినా భారతీయులంతా తనకు మద్దతుగా నిలిచారని కొనియాడారు. ఇప్పుడు 24 గంటలూ గ్రౌండ్‌లోనే ఉండాలని అనిపిస్తోందని తెలిపారు. ఈ ఏడాది ఐపీఎల్‌లో పంత్ 13 మ్యాచుల్లో 446 పరుగులు చేశారు. వాటిలో 3 హాఫ్ సెంచరీలున్నాయి.
News May 15, 2024
సినిమా హిట్టే.. మాకు డబ్బులివ్వలేదు: నాగశౌర్య తల్లి
హీరో నాగశౌర్య కెరీర్లో మంచి హిట్‌గా నిలిచింది ‘ఛలో’. అయితే ఆ మూవీకి తమకు డబ్బులు రాలేదని ఆయన తల్లి ఉష మూల్పూరి ఓ ఇంటర్వ్యూలో ఆవేదన వ్యక్తం చేశారు. ‘ఆ సినిమా కోసం శౌర్య చాలామంది నిర్మాతల దగ్గరకు తిరిగాడు. అదంతా వద్దని మేమే నిర్మాతలుగా మారాం. ఆ సినిమా హిట్ అయినా డిస్ట్రిబ్యూటర్లెవరూ డబ్బులివ్వలేదు. అదే ‘నర్తనశాల’కు మాత్రం ఫ్లాపవ్వగానే ఉదయాన్నే డబ్బు కోసం ఆఫీసుకొచ్చి కూర్చున్నారు’ అని తెలిపారు.
News May 15, 2024
హైదరాబాద్ జూలో ‘అభిమన్యు’ మృతి
హైదరాబాద్‌లోని నెహ్రూ జూ పార్కులో తొమ్మిదేళ్ల పులి ‘అభిమన్యు’ అనారోగ్యంతో మృతిచెందింది. ఇది అరుదైన తెలుపు బెంగాల్ టైగర్ కావడం గమనార్హం. బద్రి, సురేఖ అనే పులులకు 2015, జనవరి 2న ఇదే జూలో ఈ పులి జన్మించింది. నెఫ్రిటిస్ సమస్యతో గత ఏడాది ఏప్రిల్ నుంచి ఇబ్బంది పడుతోందని జూ అధికారులు తెలిపారు. పరిస్థితి విషమించడంతో కొన్ని రోజులుగా ఆహారం తినలేదని, మంగళవారం మధ్యాహ్నం ప్రాణం విడిచిందని వెల్లడించారు.
News May 15, 2024
అమెరికాలోకి చైనా సైన్యం వస్తోంది: ట్రంప్
అమెరికా అధ్యక్ష ఎన్నికల ప్రచారంలో మాజీ అధ్యక్షుడు డొనాల్డ్ ట్రంప్ సంచలన ఆరోపణలు చేశారు. చైనా నుంచి సైనిక వయసున్న ప్రజలు దేశంలోకి వస్తున్నారని ఆందోళన వ్యక్తం చేశారు. ‘వచ్చేవారంతా ప్రధానంగా పురుషులే. మన దేశంలో చైనా సైన్యాన్ని తయారుచేసేందుకు వారు చూస్తున్నారు. ఏదో ఒకరోజు దాడికి దిగుతారు’ అని ఆరోపించారు. ఇటీవలి కాలంలో అగ్రరాజ్యానికి చైనా నుంచి అక్రమ వలసలు భారీగా పెరిగినట్లు నివేదికలు చెబుతున్నాయి.
News May 15, 2024
ఎన్నికల సంఘానికి TMC MP సవాల్
బెంగాల్‌కు చెందిన TMC MP మహువా మొయిత్రా ఎన్నికల సంఘానికి సవాల్ విసిరారు. తాను పోటీ చేసిన కృష్ణానగర్ పార్లమెంట్ నియోజకవర్గంలో పోలైన ఓట్ల వివరాలను ఆమె పంచుకున్నారు. తానే చేయగలిగినప్పుడు ఎన్నికల సంఘం ఎందుకు ఇలా డేటా విడుదల చేయలేకపోతోందని ప్రశ్నించారు. దీనిపై స్పందించిన ఓ బీబీసీ జర్నలిస్టు.. ఇలాగే మిగిలిన అభ్యర్థులంతా ఓటింగ్ వివరాలు పంచుకుంటే ఎన్నికల సంఘానికి పని సులువు అవుతుందని అభిప్రాయపడ్డారు.
News May 15, 2024
ఈ ప్రయాణం సాధ్యమవుతుందని అనుకున్నామా: రష్మిక
ముంబైలో ఇటీవల ప్రారంభమైన ‘ముంబై ట్రాన్స్ హార్బర్ లింక్’పై ప్రయాణించిన నటి రష్మిక తన అనుభవాన్ని పంచుకున్నారు. ముంబై నుంచి నవీ ముంబై వెళ్లేందుకు 2 గంటలు పట్టేదని, ఇప్పుడు కేవలం 20 నిమిషాల్లోనే పూర్తవుతోందని ఓ ఇంటర్వ్యూలో హర్షం వ్యక్తం చేశారు. ఇది సాధ్యమని ఏనాడైనా అనుకున్నామా అని ప్రశ్నించారు. భారత్‌ అభివృద్ధిని ఇక ఎవరూ ఆపలేరని ధీమా వ్యక్తం చేసిన రష్మిక, ప్రజలు ప్రగతికే ఓటేయాలంటూ పిలుపునిచ్చారు.
News May 15, 2024
పుట్టినరోజు శుభాకాంక్షలు
ఈరోజు పుట్టినరోజు జరుపుకుంటున్న అందరికీ శుభాకాంక్షలు. పరిమితుల దృష్ట్యా ఫొటో ఎంపిక కాని వారు మన్నించగలరు. > ఫొటో, పేరు, ఊరు, పుట్టిన తేదీ వివరాలతో.. teluguteam@way2news.comకు SUBJECT: BIRTHDAYతో ముందురోజు (ex: MAY 1న పుట్టినరోజు అయితే APR 30న) ఉదయం గం.8:00-08:05 లోపు మెయిల్ చేయండి. పుట్టినరోజున మీ సన్నిహితులను ఆశ్చర్యపర్చండి.
News May 15, 2024
మే 15: చరిత్రలో ఈరోజు
1803: సర్ ఆర్ధర్ కాటన్ జననం
1907: స్వాతంత్ర్య సమరయోధుడు దివంగత సుఖ్‌దేవ్ జననం
1964: కేంద్ర హోంశాఖ సహాయమంత్రి జి కిషన్ రెడ్డి జననం
1967: నటి మాధురి దీక్షిత్ జననం
1985: వ్యాఖ్యాత, నటి అనసూయ భరద్వాజ్ జననం
1988: నటుడు రామ్ పోతినేని జననం
1989: గ్రామపంచాయతీలకు రాజ్యాంగ హోదా కల్పన
2014: స్త్రీవాద రచయిత్రి మల్లాది సుబ్బమ్మ మరణం
* అంతర్జాతీయ కుటుంబ దినోత్సవం
News May 15, 2024
ఈరోజు నమాజ్ వేళలు
తేది: మే 15, బుధవారం
ఫజర్: తెల్లవారుజామున గం.4:26 గంటలకు
సూర్యోదయం: ఉదయం గం.5:44 గంటలకు
జొహర్: మధ్యాహ్నం గం.12:12 గంటలకు
అసర్: సాయంత్రం గం.4:43 గంటలకు
మఘ్రిబ్: రాత్రి గం.6:41 గంటలకు
ఇష: రాత్రి గం.08.00 గంటలకు
నోట్: ప్రాంతాన్ని బట్టి నమాజ్ వేళల్లో స్వల్ప తేడాలుండొచ్చు.
News May 15, 2024
శుభ ముహూర్తం
తేది: మే 15, బుధవారం
శు.అష్టమి: తెల్లవారుజామున 06:23 గంటలకు
ఆశ్లేష: మధ్యాహ్నం 03:25 గంటలకు
దుర్ముహూర్తం: ఉదయం 11:38 నుంచి 12:29 వరకు
వర్జ్యం: తెల్లవారుజాము 03:08 నుంచి 04:53 వరకు
Featured News
Sorry, no posts matched your criteria.