India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News May 23, 2024
రీపోలింగ్ పిటిషన్లపై నేడు హైకోర్టులో విచారణ
AP: సత్తెనపల్లి, చంద్రగిరిలోని పలు బూత్‌లలో రీపోలింగ్ నిర్వహించాలంటూ అంబటి రాంబాబు, మోహిత్ రెడ్డి దాఖలు చేసిన పిటిషన్లను నేడు హైకోర్టు విచారించనుంది. సత్తెనపల్లిలోని 236, 237, 253, 254 బూత్‌లు, చంద్రగిరిలోని 4 కేంద్రాల్లో TDP నేతలు రిగ్గింగ్‌కు పాల్పడ్డారని వారు పేర్కొన్నారు. వైసీపీ ఏజెంట్లపై దాడులు చేశారని తెలిపారు. ఈసీ, సీఈవోతోపాటు పలువురు అధికారులు, టీడీపీ నేతలను ప్రతివాదులుగా చేర్చారు.
News May 23, 2024
ఈ జిల్లాలకు ఎల్లో అలర్ట్
TG: అల్పపీడన ప్రభావంతో రాష్ట్రంలో నేటి నుంచి మూడు రోజుల పాటు వర్షాలు పడే అవకాశం ఉందని IMD వెల్లడించింది. భూపాలపల్లి, భద్రాద్రి, MLG, NLG, KHMM, SRPT, RR, HYD, MDCL, NGKL, MDK, సంగారెడ్డి, వనపర్తి, నారాయణపేట, గద్వాల, యాదాద్రి జిల్లాలకు ఎల్లో అలర్ట్ జారీ చేసింది. మరోవైపు రాబోయే 3 రోజుల్లో ఉత్తర జిల్లాల్లో ఉష్ణోగ్రతలు పెరుగుతాయని, ABD, ASFD, NML, MNCL, PDPL, JGL జిల్లాల్లో 45°C దాటొచ్చని తెలిపింది.
News May 23, 2024
ఒక్కో బిడ్డపై ఖర్చు రూ.75 లక్షలు
మన దేశంలో పిల్లలను కని, పెంచి, డిగ్రీ వరకు చదివించేందుకు పేరెంట్స్ ఒక్కో బిడ్డపై సగటున ₹75 లక్షలు ఖర్చు చేస్తున్నట్లు ‘ఎడ్యూ ఫండ్’ నివేదిక వెల్లడించింది. ఇంజినీరింగ్ బదులు మెడిసిన్ చదివితే ₹95 లక్షలు, విదేశాలకు వెళితే ₹1.5 కోట్లకు పైగా వ్యయం అవుతోందని తెలిపింది. ఈ భారీ ఖర్చులకు భయపడి కొత్త జంటలు పిల్లలను కనడానికి ఆసక్తి చూపడం లేదని పేర్కొంది. దీంతో జనాభా పెరుగుదలలో క్షీణత ఏర్పడుతోందని చెప్పింది.
News May 23, 2024
‘కోల్ కారిడార్’ ప్రాజెక్టు.. 25 ఏళ్లకి పడిన ముందడుగు!
TG: రామగుండం-మణుగూరు ‘కోల్ కారిడార్’ రైల్వే <<13298191>>లైన్‌ను<<>> పెద్దపల్లి, భూపాలపల్లి, ములుగు, భద్రాద్రి జిల్లాలను కలుపుతూ 207.80కి.మీ మేర నిర్మించనున్నారు. పెద్దపల్లి(M) రాఘవపూర్ నుంచి మణుగూరుకు లైన్ నిర్మాణానికి 1999లోనే తొలి అడుగు పడింది. 2013-14లో ప్రాథమిక పనుల కోసం కేంద్రం రూ.10కోట్లు కేటాయించినా ముందడుగు పడలేదు. ఇప్పుడు ఎట్టకేలకు మార్గం సుగమమైంది.
News May 23, 2024
రాష్ట్రంలో బెనిఫిట్ షోస్ రద్దు
TG: రాష్ట్రంలో బెనిఫిట్ షోలు రద్దు చేస్తున్నట్లు తెలంగాణ ఫిల్మ్ ఎగ్జిబిటర్లు తెలిపారు. తాము కోరుకున్న విధంగా నిర్మాతలు పర్సెంటేజీలు ఇవ్వాలని వారు డిమాండ్ చేశారు. మల్టీప్లెక్స్ తరహాలో తమకు కూడా పర్సెంటేజీలు చెల్లించాల్సిందేనని స్పష్టం చేశారు. ఇందుకు జూన్ 1 వరకు గడువు ఇస్తున్నట్లు తెలిపారు. కల్కి, పుష్ప 2, గేమ్ ఛేంజర్, భారతీయుడు సినిమాలకు మాత్రం బెనిఫిట్ షోలు ప్రదర్శిస్తామని చెప్పారు.
News May 23, 2024
ఆరోగ్యశ్రీ సేవలు నిలిపేస్తే కఠిన చర్యలు: సీఈఓ
AP: రాష్ట్రంలో ఆరోగ్యశ్రీ సేవలు నిలిపేస్తే కఠిన చర్యలు తీసుకుంటామని ఆరోగ్యశ్రీ సీఈఓ లక్ష్మీ షా హెచ్చరించారు. రోగులకు సేవలు ఆగకుండా చూడాలని అన్ని జిల్లాల కలెక్టర్లను ఆయన ఆదేశించారు. కాగా ఆరోగ్యశ్రీ సీఈఓతో ప్రైవేట్ నెట్‌వర్క్ ఆస్పత్రుల యాజమాన్యాలు రెండు సార్లు చర్చలు జరపగా విఫలమయ్యాయి. పెండింగ్ బిల్లులు చెల్లించడానికి నిరాకరించడంతో యాజమాన్యాలు ఆరోగ్యశ్రీ సేవలు నిలిపివేస్తామని హెచ్చరించాయి.
News May 23, 2024
ట్రాయ్ పేరుతో ఫేక్ కాల్స్.. జాగ్రత్త!: అడిషనల్ డీజీ
TG: టెలికాం రెగ్యులేటరీ అథారిటీ ఆఫ్ ఇండియా(TRAI) పేరుతో ఫేక్ కాల్స్, మెసేజ్‌లు వస్తున్నాయని అడిషనల్ డీజీ మహేశ్ భగవత్ తెలిపారు. ఫోన్స్, సిమ్ కార్డులు బ్లాక్ అవుతాయంటూ కాల్స్ చేసి సైబర్ నేరగాళ్లు మోసం చేస్తున్నారని పేర్కొన్నారు. అలాంటి వాటిని నమ్మవద్దని, గుర్తుతెలియని నంబర్లకు స్పందించవద్దని ప్రజలకు సూచించారు. సైబర్ నేరాల బారిన పడితే వెంటనే 1930 టోల్ ఫ్రీ నంబర్‌లో సంప్రదించి ఫిర్యాదు చేయాలన్నారు.
News May 23, 2024
మమ్మల్ని గెలిపిస్తే మరిన్ని ఆలయాలు నిర్మిస్తాం: హిమంత
తమను 400 MP సీట్లతో గెలిపిస్తే జ్ఞానవాపితో పాటు కృష్ణుడి జన్మస్థానమైన మథురలోనూ దేవాలయాలు నిర్మిస్తామని BJP నేత, అస్సాం CM హిమంత బిశ్వ శర్మ అన్నారు. తమ పని ఇంకా పూర్తి కాలేదని, మథురలో షాహీ ఈద్గా, జ్ఞానవాపి మందిర్ స్థానంలో జ్ఞానవాపి మసీదు ఉన్నాయన్నారు. తమను గెలిపిస్తే అవి పరిష్కారమయ్యేలా చేస్తామన్నారు. అయోధ్యలో టెంట్‌లో ఉన్న బాల రాముడికి తామే విముక్తి కల్పించామన్నారు.
News May 23, 2024
లోక్‌సభ ఎన్నికల్లో ఎంతమంది పోటీ?
దేశంలో ప్రస్తుతం జరుగుతున్న లోక్‌సభ ఎన్నికల్లో 8,360 మంది అభ్యర్థులు పోటీలో ఉన్నారు. 2014(8,251 మంది), 2019(8,054 మంది) ఎన్నికల కంటే ఈ సంఖ్య ఎక్కువ. ఇందులో మహిళల వాటా 10శాతం లోపే ఉంది. చట్టసభల్లోనూ మహిళా రిజర్వేషన్ల బిల్లు ఆమోదం పొందిన తర్వాత ఇంత తక్కువ మొత్తంలో మహిళలు పోటీకి దిగడం గమనార్హం. ఇక జూన్ 4న వీరందరి భవితవ్యం వెల్లడి కానుంది. <<-se>>#Elections2024<<>>
News May 23, 2024
సీపెట్ దరఖాస్తులకు 31వరకు గడువు
AP: విజయవాడలోని సీపెట్ కేంద్రంలో డిప్లమా కోర్సుల్లో ప్రవేశాలకు ఈ నెల 31 వరకు దరఖాస్తు చేసుకోవచ్చని సంస్థ జేడీ శేఖర్ తెలిపారు. పదో తరగతి పాసైన వారికి మూడేళ్ల డిప్లమా ఇన్ ప్లాస్టిక్ టెక్నాలజీ, బీఎస్సీ చేసిన వారికి రెండేళ్ల పీజీ కోర్సు అందుబాటులో ఉన్నాయన్నారు. వచ్చే నెల 9న విజయవాడ, అనంతపురంలో ప్రవేశ పరీక్ష నిర్వహిస్తామన్నారు. అప్లై లింక్: https://cipet24.onlineregistrationform.org/CIPET/
Featured News
Sorry, no posts matched your criteria.