India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News May 3, 2024
పాలస్తీనా మద్దతుదార్లకు హౌతీల అండ
అమెరికాలోని యూనివర్సిటీల్లో పాలస్తీనాకు మద్దతుగా నిరసనలు చేపట్టి సస్పెండ్ అయిన విద్యార్థులకు హౌతీ మిలిటెంట్లు మద్దతు తెలిపారు. యెమెన్‌లో హౌతీల ఆధ్వర్యంలో నడిచే సనా యూనివర్సిటీ ఈ మేరకు విద్యార్థులను ఆహ్వానించింది. విద్యార్థుల మానవతా దృక్పథాన్ని అభినందిస్తున్నట్లు పేర్కొంది. మరోవైపు USలో HIMS అనే ఆన్‌లైన్ ఫార్మసీ సంస్థ CEO ఆండ్రూ సైతం ఉద్యోగాలు ఇస్తానని విద్యార్థులకు తన మద్దతు ప్రకటించారు.
News May 3, 2024
50 కోట్ల మార్కును దాటిన మెట్రో ప్రయాణికుల సంఖ్య
TG: హైదరాబాద్ మెట్రో 50 కోట్ల ప్రయాణికుల మైలురాయిని అధిగమించినట్లు సంస్థ ఎండీ ఎన్వీఎస్ రెడ్డి వెల్లడించారు. మెట్రోపై ప్రయాణికులకు నమ్మకం పెరిగిందని, మెట్రో ట్రైన్స్ వల్ల 14.5 కోట్ల లీటర్ల ఇంధనం ఆదా అవుతోందని తెలిపారు. రోజూ 5.5 లక్షల మంది ప్రయాణిస్తున్నారని చెప్పారు. రెండో దశ మెట్రో రైలుకు డీపీఆర్‌లు సిద్ధమయ్యాయని గ్రీన్ మైల్స్ లాయల్టీ క్లబ్ ఆవిష్కరణ సందర్భంగా వెల్లడించారు.
News May 3, 2024
చంద్రబాబు పాపిష్టి కళ్లు అవ్వాతాతలపై పడ్డాయి: సీఎం జగన్
AP: 57 నెలలుగా పెన్షన్లను అవ్వాతాతల ఇంటి వద్దే అందించామని CM జగన్ గుర్తు చేశారు. చంద్రబాబు పాపిష్టి కళ్లు వారిపై పడటంతో ఇబ్బందులు ఎదురయ్యాయని చెప్పారు. కనిగిరి సభలో మాట్లాడుతూ.. ‘వాలంటీర్లు పెన్షన్లు పంపిణీ చేయొద్దని తన మనిషి నిమ్మగడ్డతో చంద్రబాబే ECకి ఫిర్యాదు చేయించారు. కడుపు మంట చల్లారక వృద్ధులు బ్యాంకుల చుట్టూ తిరిగేలా చేశారు. మేం అధికారంలోకి రాగానే ఇంటి వద్దే పెన్షన్లు ఇస్తాం’ అని చెప్పారు.
News May 3, 2024
కేజ్రీవాల్‌కు బెయిల్ ఇచ్చే అంశాన్ని పరిశీలిస్తాం: సుప్రీంకోర్టు
లోక్‌సభ ఎన్నికల దృష్ట్యా ఢిల్లీ సీఎం అరవింద్ కేజ్రీవాల్‌కు మధ్యంతర బెయిల్ మంజూరు చేసే అంశాన్ని పరిశీలిస్తామని సుప్రీంకోర్టు తెలిపింది. ఈడీ అరెస్టును సవాల్ చేస్తూ ఆయన దాఖలు చేసిన పిటిషన్‌పై తదుపరి విచారణను ఈనెల 7కి వాయిదా వేసింది. ఈ కేసు విచారణకు ఇంకా సమయం పట్టే అవకాశం ఉంటే కేజ్రీవాల్‌కు బెయిల్ ఇస్తామని పేర్కొంది. కానీ దీనిపై ఇంకా తుది నిర్ణయం తీసుకోలేదని స్పష్టం చేసింది.
News May 3, 2024
వన్డేలు, టీ20ల్లో భారత్ నంబర్-1
ICC ఇవాళ ప్రకటించిన వార్షిక ర్యాంకింగ్స్‌లో భారత్ వన్డేలు, టీ20ల్లో నంబర్-1గా నిలిచింది. టెస్టుల్లో నంబర్-2గా ఉంది. టెస్టుల్లో టీమ్ ఇండియాను వెనక్కి నెట్టి ఆసీస్ నంబర్-1 స్థానానికి చేరింది.
*టెస్టులు: ఆస్ట్రేలియా, భారత్, ఇంగ్లండ్, సౌతాఫ్రికా, న్యూజిలాండ్
*వన్డేలు: భారత్, ఆస్ట్రేలియా, సౌతాఫ్రికా, పాకిస్థాన్, న్యూజిలాండ్
*టీ20లు: భారత్, ఆస్ట్రేలియా, ఇంగ్లండ్, సౌతాఫ్రికా, న్యూజిలాండ్
News May 3, 2024
14 సెగ్మెంట్లు సమస్యాత్మకం.. అక్కడ 100% వెబ్‌కాస్టింగ్
AP: రాష్ట్రంలోని 14 నియోజకవర్గాలు సమస్యాత్మకమైనవిగా సీఈవో ముకేశ్ కుమార్ మీనా ప్రకటించారు. వాటిలో పెదకూరపాడు, వినుకొండ, గురజాల, మాచర్ల, ఒంగోలు, ఆళ్లగడ్డ, చంద్రగిరి, తిరుపతి, విజయవాడ సెంట్రల్, పుంగనూరు, పలమనేరు, పీలేరు, రాయచోటి, తంబళ్లపల్లి ఉన్నాయని చెప్పారు. ఇక్కడ పోలింగ్ కేంద్రాల్లో 100 శాతం వెబ్‌కాస్టింగ్‌తో భారీగా CAPF బలగాలను మోహరించనున్నట్లు తెలిపారు.
News May 3, 2024
బైబ్యాక్ అంటే ఏమిటి? కంపెనీలు ఎందుకు చేస్తాయి?
కంపెనీ తన వాటాదారుల నుంచి షేర్లను తిరిగి కొనుగోలు చేయడాన్ని బైబ్యాక్ లేదా రీపర్ఛేజ్ అంటారు. ఇలా చేయడానికి చాలా కారణాలున్నాయి. ప్రధానంగా కంపెనీ స్టాక్ విలువ మార్కెట్‌లో తగ్గినప్పుడు.. దాన్ని బూస్ట్ చేయడానికి షేర్లను బైబ్యాక్ చేస్తాయి. ఇది మంచి ఫలితాలను ఇస్తుందని పలు సందర్భాల్లో రుజువైంది. అలాగే సంస్థపై పట్టు, కీలక నిర్ణయాలపై ఓటింగ్ సమయంలో ఆధిపత్యం కొనసాగించడానికి షేర్లను తిరిగి కొనుగోలు చేస్తాయి.
News May 3, 2024
$110 బిలియన్ల షేర్లను బైబ్యాక్ చేయనున్న యాపిల్
యాపిల్ కంపెనీ సంచలన నిర్ణయం తీసుకుంది. ఏకంగా $110 బిలియన్ల విలువైన షేర్లను తమ వాటాదారుల నుంచి బైబ్యాక్ చేయనుంది. ఇది అమెరికా చరిత్రలోనే అత్యధికం కావడం గమనార్హం. 2018లో అదే కంపెనీ $100 బిలియన్ల షేర్లను తిరిగి కొనుగోలు చేయగా, ఇప్పుడు తన రికార్డును తానే బ్రేక్ చేసింది. యాపిల్ 2021, 2022, 2023లోనూ $90 బిలియన్ల షేర్లను బైబ్యాక్ చేసింది. కాగా 10 అతిపెద్ద బైబ్యాక్‌లలో యాపిల్‌వే 6 ఉండటం విశేషం.
News May 3, 2024
మొగిలయ్యకు పెన్షన్ చెల్లిస్తున్నాం: సీఎం సీపీఆర్వో
TG: పద్మశ్రీ మొగిలయ్యకు క్రమం తప్పకుండా పెన్షన్ చెల్లిస్తున్నట్లు సీఎం రేవంత్‌రెడ్డి సీపీఆర్వో అయోధ్యరెడ్డి తెలిపారు. మార్చి 31న కూడా ఆయన ఖాతాలో రూ.20 వేల పెన్షన్ జమ అయినట్లు ఆయన ట్వీట్ చేశారు. రాష్ట్ర ప్రభుత్వం కవులు, కళాకారులను ఎప్పుడూ గౌరవిస్తుందని పేర్కొన్నారు. అయితే ఏప్రిల్‌లో పెన్షన్ కొంచెం ఆలస్యం అవుతుందని మొగిలయ్యకు ముందే ఫోన్ చేసి చెప్పినట్లు అధికారులు తెలిపారు.
News May 3, 2024
రోహిత్ వేముల ఎస్సీ కాదు: పోలీసులు
దేశవ్యాప్తంగా సంచలనం సృష్టించిన HCU స్టూడెంట్ రోహిత్ వేముల ఆత్మహత్య కేసును పోలీసులు ముగించారు. రోహిత్ ఎస్సీ కాదని హైకోర్టుకు రిపోర్ట్ సమర్పించారు. తనది ఫేక్ SC సర్టిఫికెట్ అని తేలితే సాధించిన డిగ్రీలు కోల్పోవడంతో పాటు శిక్ష పడుతుందనే భయంతో ఆత్మహత్య చేసుకుని ఉండొచ్చన్నారు. ఆయన ఆత్మహత్యకు ఎవరూ కారణం కాదని తెలిపిన పోలీసులు.. నిందితులందరికీ క్లీన్‌చిట్ ఇచ్చారు. కాగా, 2016లో రోహిత్ సూసైడ్ చేసుకున్నారు.
Featured News
Sorry, no posts matched your criteria.