India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News May 14, 2024
ఇండోనేషియాలో వరదలు.. 50 మంది మృతి
ఇండోనేషియాలోని పశ్చిమ సుమాత్ర ప్రావిన్స్‌లో సంభవించిన వరదలకు 50 మంది ప్రాణాలు కోల్పోయారు. కుండపోత వర్షాలు, మరాపీ అగ్నిపర్వతం తాలూకు కొండచరియలు విరిగిపడటంతో నదులు ఉప్పొంగినట్లు అధికారులు వెల్లడించారు. వరదల ధాటికి అనేక ఇళ్లు ధ్వంసం కాగా పలు ప్రాంతాలు నీట మునిగాయి. కాగా గల్లంతైన 27 మంది ఆచూకీ కోసం సహాయక సిబ్బంది గాలిస్తున్నారు.
News May 14, 2024
ఈ ఏడాది తొలి గ్రాండ్ మాస్టర్‌గా శ్యామ్ నిఖిల్
తమిళనాడుకు చెందిన శ్యామ్ నిఖిల్ చరిత్ర సృష్టించారు. దుబాయ్ పోలీస్ మాస్టర్స్ ఫైనల్ రౌండ్ గేమ్‌ను డ్రా చేసుకోవడం‌తో తుది జీఎం నార్మ్‌ సాధించి గ్రాండ్ మాస్టర్‌గా నిలిచారు. 12 ఏళ్ల నిరీక్షణ తర్వాత ఆయన ఈ ఘనత అందుకున్నారు. దీంతో ఈ ఏడాది గ్రాండ్ మాస్టర్‌గా నిలిచిన తొలి భారత చెస్ ప్లేయర్‌గా రికార్డుకెక్కారు. దీంతో శ్యామ్‌కు అభినందనలు వెల్లువెత్తాయి. శ్యామ్ భారత్ తరఫున 85వ గ్రాండ్ మాస్టర్ కావడం విశేషం.
News May 14, 2024
వచ్చే నెలలో షూటింగ్‌లో పాల్గొననున్న పవన్?
ఎన్నికల సమరం ముగిసింది. జూన్ 4న ఫలితాలు విడుదలవుతాయి. ఈక్రమంలో జనసేనాని పవన్ కళ్యాణ్ తిరిగి సినిమా షూటింగ్స్‌లో ఎప్పుడు పాల్గొంటారనే అంశంపై నెట్టింట చర్చ మొదలైంది. సుజీత్ తెరకెక్కిస్తోన్న OG, హరీశ్ శంకర్‌తో ‘ఉస్తాద్ భగత్ సింగ్’తో పాటు హరిహర వీరమల్లు సినిమాలు విడుదల కావాల్సి ఉన్నాయి. అయితే ఫ్యామిలీతో వెకేషన్ వెళ్లొచ్చిన తర్వాత జూన్ చివరి వారంలో OG షూటింగ్‌లో పాల్గొంటారని సినీవర్గాల సమాచారం.
News May 14, 2024
ఘోరం.. చిన్నారిని పీక్కు తిన్న పెంపుడు కుక్క
TG: వికారాబాద్‌(D) తాండూరులో ఘోరం జరిగింది. 5 నెలల చిన్నారిపై ఓ పెంపుడు కుక్క దాడి చేసి చంపేసింది. MBNR జిల్లాకు చెందిన దత్తు, లావణ్య బసవేశ్వరనగర్‌లోని నాగభూషణంకు చెందిన పాలిషింగ్‌ యూనిట్లో పనిచేస్తున్నారు. దంపతులు వస్తువులు కొనడానికి వెళ్లగా.. నాగభూషణం పెంపుడు కుక్క ఇంట్లోని వారి కొడుకుపై దాడి చేసింది. చిన్నారి కనుగుడ్డును, మొహంలోని కొంత భాగాన్ని పీక్కుతిన్నది. దీంతో బాబు ప్రాణాలు కోల్పోయాడు.
News May 14, 2024
మరో బాలీవుడ్ చిత్రంలో కీర్తి సురేశ్!
హీరోయిన్ కీర్తి సురేశ్ బంపరాఫర్ కొట్టేసినట్లు సమాచారం. వరుణ్ ధవన్ సరసన ‘బేబీ జాన్’ మూవీలో నటిస్తున్న ఈ అమ్మడు స్టార్ హీరో అక్షయ్ కుమార్ సినిమాలో నటించే ఛాన్స్ దక్కించుకున్నట్లు టాక్. ప్రియదర్శన్ దర్శకత్వంలో తెరకెక్కనున్న చిత్రంలో ఆమె హీరోయిన్‌గా దాదాపు ఎంపికైనట్లు సినీ వర్గాలు పేర్కొన్నాయి. ఇదే నిజమైతే కీర్తి బాలీవుడ్‌లో పాగా వేస్తారని ఫ్యాన్స్ చర్చించుకుంటున్నారు.
News May 14, 2024
స్ట్రాంగ్ రూమ్‌లకు భద్రత ఎలా ఉంటుంది?
ఎలక్షన్ పోలింగ్ అయిపోయాక ఈవీఎంలు, వీవీప్యాట్‌లను స్ట్రాంగ్ రూముల్లో భద్రపరుస్తారు. ఈ గదులకు రెండు తాళాలు వేస్తారు. ఒకటి జిల్లా ఎన్నికల అధికారి వద్ద, రెండోది నియోజకవర్గ రిటర్నింగ్ అధికారి వద్ద ఉంటుంది. కౌంటింగ్ రోజునే ఈ గదులను తెరుస్తారు. ఈ రూమ్‌ల దరిదాపులకు ఎవరూ రాకుండా మూడంచెల భద్రత ఏర్పాటు చేస్తారు. నిరంతరం CCTV నిఘా ఉంటుంది. రిటర్నింగ్ అధికారి రోజూ స్ట్రాంగ్ రూమ్ ప్రాంగణాన్ని తనిఖీ చేస్తారు.
News May 14, 2024
ఆయన వల్లే డిప్రెషన్ నుంచి బయటపడ్డా: ఉపాసన
తాను డిప్రెషన్ నుంచి బయటపడటానికి భర్త రామ్ చరణ్ సాయం చేసినట్లు ఉపాసన చెప్పారు. డెలివరీ తర్వాత ఎన్నో సవాళ్లను ఎదుర్కొన్నట్లు ఓ ఇంటర్వ్యూలో తెలిపారు. తల్లి కావడమన్నది ప్రతి మహిళకు అద్భుతమైన ప్రయాణమన్నారు. చాలా మందిలాగే డెలివరీ తర్వాత తీవ్ర ఒత్తిడికి లోనయ్యానని.. ఆ సమయంలో చరణ్ బెస్ట్ థెరపిస్ట్‌లా వ్యవహరించారని పేర్కొన్నారు. క్లీంకారకు జన్మనిచ్చాక తన జీవితం ఎంతో మారిందని చెప్పుకొచ్చారు.
News May 14, 2024
TS SET-2024 దరఖాస్తుల స్వీకరణ ప్రారంభం
తెలంగాణ స్టేట్ ఎలిజిబిలిటీ టెస్ట్ (TS SET-2024) దరఖాస్తుల స్వీకరణ నేడు ప్రారంభమైంది. అభ్యర్థులు ఆన్‌లైన్‌లో జులై 2 వరకు దరఖాస్తు చేసుకోవచ్చు. అపరాధ రుసుముతో అప్లై చేసుకునేందుకు జులై 26 వరకు గడువు ఉంది. ఆగస్టు 20 నుంచి హాల్ టికెట్లు అందుబాటులోకి రానుండగా, అదే నెల 28, 29, 30, 31 తేదీల్లో పరీక్షలు జరగనున్నాయి. సీబీటీ పద్ధతిలో ఈ పరీక్షను నిర్వహించనున్నారు. వెబ్‌సైట్: http://telanganaset.org/
News May 14, 2024
మహిళలంతా జగన్‌కే ఓటు వేశారు: అంబటి
AP: జగన్‌ను మళ్లీ సీఎం చేయాలనే తపన ఓటర్లలో కనిపించిందని మంత్రి అంబటి రాంబాబు అన్నారు. ఎంత మంది వచ్చినా జూన్ 4న వైసీపీ గెలుస్తుందని ధీమా వ్యక్తం చేశారు. గతం కంటే పోలింగ్ శాతం పెరిగితే.. దాన్ని పాజిటివ్ ఓటింగ్‌గా పరిగణించాలని చెప్పారు. మహిళలంతా జగన్‌కే ఓటు వేశారని.. బంపర్ మెజారిటీతో మరోసారి సీఎం కాబోతున్నారని పేర్కొన్నారు.
News May 14, 2024
ఘరానా దొంగ.. 200 విమానాల్లో జర్నీ చేసి కొట్టేశాడు!
ఎయిర్‌పోర్టుల్లోని పటిష్ఠ భద్రతను దాటుకుని మరీ విమానాల్లో తోటి ప్రయాణికుల వస్తువులను ఓ దొంగ చోరీ చేయడం చర్చనీయాంశమైంది. రాజేశ్ కపూర్ అనే ఈ దొంగ 2023లో 100 రోజుల్లో 200 విమానాల్లో చోరీలు చేశాడు. కనెక్టింగ్ ఫ్లైట్స్‌లో ప్రయాణించే సీనియర్లు, మహిళలే లక్ష్యంగా దొంగతనాలు చేస్తాడట. అలా ఇప్పటివరకు రూ.లక్షలు విలువైన వస్తువులు దోచేశాడు. గతంలో రైళ్లలో చోరీలు చేసిన రాజేశ్ పోలీసులకు పట్టుబడ్డాక రూట్ మార్చాడు.
Featured News
Sorry, no posts matched your criteria.