India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News September 17, 2024
MBBS యాజమాన్య కోటా ఆప్షన్ల ఎంపికకు నోటిఫికేషన్
AP: ప్రభుత్వ, ప్రైవేటు మెడికల్ కాలేజీల్లో 2024-25కు గాను యాజమాన్య కోటా(B, C) ఎంబీబీఎస్ సీట్ల ఆప్షన్ల ఎంపికకు నోటిఫికేషన్ విడుదలైంది. ఈ నెల 19 రాత్రి 9 గంటల వరకు అవకాశం ఉంటుంది. 25 కాలేజీల్లో 1,914 సీట్లుండగా, B కేటగిరీలో 1,318, C(ఎన్నారై) కేటగిరిలో 596 సీట్లు ఉన్నాయి.
వెబ్‌సైట్: <
News September 17, 2024
ఆత్మవిశ్వాసంలో కోహ్లీకి ఎవరూ సాటిరారు: సర్ఫరాజ్ ఖాన్
విరాట్ కోహ్లీ యంగ్ ప్లేయర్లకు ఎప్పుడూ అండగా ఉంటూ విలువైన సూచనలు ఇస్తుంటాడని సర్ఫరాజ్ ఖాన్ ప్రశంసించారు. క్రికెట్ పట్ల ప్యాషన్, ఆత్మవిశ్వాసంలో ఆయనకెవరూ సాటిరారని ఓ ఇంటర్వ్యూలో చెప్పారు. IPLలో 2015-18 మధ్య RCB తరఫున కోహ్లీ కెప్టెన్సీలో ఆడిన విషయాన్ని గుర్తు చేసుకున్నారు. ఆయనతో కలిసి టీమ్ ఇండియా డ్రెస్సింగ్ రూమ్ పంచుకోవాలనే తన కల భవిష్యత్తులో నిజమవుతుందని ఆశాభావం వ్యక్తం చేశారు.
News September 17, 2024
న్యూయార్క్‌లో ఆలయం ధ్వంసం.. ఖండించిన భారత కాన్సులేట్
న్యూయార్క్‌లోని స్వామినారాయణ్ ఆలయంలో ఓ భాగాన్ని దుండగులు <<14119738>>ధ్వంసం<<>> చేయడాన్ని అక్కడి భారత కాన్సులేట్ తీవ్రంగా ఖండించింది. ఇది హేయమైన చర్య అని మండిపడింది. నిందితులను అరెస్టు చేసి కఠినచర్యలు తీసుకోవాలని అక్కడి పోలీసులను కోరింది. ఈ ఘటనపై సమగ్రంగా దర్యాప్తు చేయాలని హిందూ అమెరికన్ ఫౌండేషన్ డిమాండ్ చేసింది. ఇటీవల హిందూ సంఘాలకు బెదిరింపులు వచ్చాయని, ఇప్పుడు దాడి జరిగిందని పేర్కొంది.
News September 17, 2024
వైద్యుల డిమాండ్.. కోల్‌కతా సీపీపై సీఎం మమత వేటు
వైద్యురాలిపై హత్యాచారం నేపథ్యంలో ఆందోళన చేస్తున్న వైద్య విద్యార్థులతో సీఎం మమతా బెనర్జీ చర్చలు సానుకూలంగా జరిగాయి. వారి డిమాండ్ మేరకు కోల్‌కతా పోలీస్ కమిషనర్ వినీత్ గోయల్‌ను ఆమె తొలగించారు. నార్త్ జోన్(RGకర్ కాలేజీ ఉన్నప్రాంతం) పోలీస్ చీఫ్, ఇద్దరు హెల్త్ ఉన్నతాధికారులపై వేటు వేశారు. ఆందోళన చేసిన వైద్యులపై చర్యలు ఉండబోవని CM హామీ ఇచ్చారు. ఇతర డిమాండ్లపై CS నేతృత్వంలో కమిటీ ఏర్పాటు చేస్తామన్నారు.
News September 17, 2024
Learning English: Synonyms
✒ Cut: Slice, Carve, Cleave, Slit
✒ Dangerous: Perilous, Hazardous, Risky
✒ Dark: Shadowy, Unlit, Murky, Gloomy
✒ Decide: Determine, Settle, Choose
✒ Definite: Certain, Sure, Positive
✒ Delicious: Savory, Delectable, Appetizing
✒ Describe: Portray, Picture, Narrate
✒ Destroy: Ruin, Demolish, Raze, Slay
✒ Difference: Inequity, Contrast, Dissimilarity
News September 17, 2024
హోండా బైక్‌ల రీకాల్.. ఫ్రీగా స్పీడ్ సెన్సర్ పార్ట్‌ల మార్పు
వీల్ స్పీడ్ సెన్సర్, క్యామ్‌షాఫ్ట్‌లో సమస్యల కారణంగా CB300F, CB300R, CB350, CB350, CB350RS మోడళ్లను రీకాల్ చేసినట్లు హోండా వెల్లడించింది. ఇవి 2020 అక్టోబర్ నుంచి 2024 ఏప్రిల్ మధ్య తయారైనట్లు తెలిపింది. మోల్డింగ్‌లో పొరపాటు వల్ల స్పీడ్ సెన్సర్‌లోని నీరు వెళ్లే అవకాశం ఉందని, దీనివల్ల ట్రాక్షన్ కంట్రోల్, ఏబీఎస్ పనిచేయకపోవచ్చని పేర్కొంది. సంబంధిత పార్ట్‌లను ఉచితంగా రిప్లేస్ చేయనున్నట్లు ప్రకటించింది.
News September 17, 2024
వరద బాధితులకు వైసీపీ 50,000 రేషన్ కిట్లు
AP: వరద బాధితులకు జగన్ ప్రకటించిన ₹కోటితో 2 దశల్లో(1.75 లక్షల పాల ప్యాకెట్లు, 3 లక్షల వాటర్ బాటిళ్లు) సాయం చేసినట్లు YCP వెల్లడించింది. మూడో దశలో నేటి నుంచి రేషన్ సరుకులతో కూడిన 50వేల ప్యాకెట్లను పంపిణీ చేయనున్నట్లు తెలిపింది. ఇందులో కందిపప్పు, ఉప్మా రవ్వ, వంట నూనె, బెల్లం, పాలు, బిస్కట్ ప్యాకెట్లు, ఉల్లిపాయలు, బంగాళదుంపలు ఉన్నాయంది. YCP ప్రజాప్రతినిధులూ ఓ నెల జీతాన్ని విరాళం ఇచ్చారని పేర్కొంది.
News September 17, 2024
వేమన నీతి పద్యం- తాత్పర్యం
హీను డెన్ని విద్య లిల నభ్యసించిన
ఘనుడుగాడు మొఱకు జనుడెగాని
పరిమళములు గర్దభము మోయ ఘనమౌనె
విశ్వదాభిరామ! వినుర వేమ!
తాత్పర్యం: సుగంధ పరిమళ ద్రవ్యాలను మోసినంత మాత్రాన గాడిద గొప్పదవదు. అలాగే మూర్ఖుడు ఎంతటి ఉన్నత విద్యావంతుడైనా, ఎన్ని గ్రంథాలు చదివినా ఎప్పటికీ గొప్పవాడు కాలేడు.
News September 17, 2024
సినీ ఇండస్ట్రీలో నేను సేఫ్.. కానీ: శ్రద్ధా శ్రీనాథ్
కేరళ సినీ ఇండస్ట్రీలో లైంగిక వేధింపులపై హేమ కమిటీ రిపోర్టు సంచలనం సృష్టిస్తున్న వేళ హీరోయిన్ శ్రద్ధా శ్రీనాథ్ ఆసక్తికర కామెంట్స్ చేశారు. ‘నేను ఇండస్ట్రీలో సురక్షితంగానే ఉన్నా. ఎలాంటి ఇబ్బందీ కలగకపోవడం నా అదృష్టం. కానీ ఇది అందరికీ వర్తిస్తుందని చెప్పలేను. వర్క్ ప్లేస్‌లో అభద్రత ఉండొచ్చు. కొందరు ఇబ్బందులు పడుతూనే ఉన్నారు. ఈ వేధింపులను అరికట్టడానికి ప్రత్యేక వ్యవస్థను ఏర్పాటుచేయాలి’ అని చెప్పారు.
News September 17, 2024
‘వందే మెట్రో ఛార్జీలు ఏసీ బస్సు కంటే తక్కువ’
భుజ్-అహ్మదాబాద్ స్టేషన్ల మధ్య నమో భారత్ ర్యాపిడ్ రైలును ఇవాళ PM మోదీ ప్రారంభించారు. ఇందులో ఛార్జీలు ఈ మార్గంలో ప్రయాణించే AC, నాన్ AC బస్సుల కంటే తక్కువేనని పశ్చిమ రైల్వే CPRO వినీత్ అభిషేక్ తెలిపారు. ‘భుజ్ నుంచి గాంధీ ధామ్ ఏసీ బస్సు టికెట్ ధర రూ.140, నాన్ ఏసీ బస్సు రూ.110గా ఉంది. కానీ ఈ రైలు టికెట్ ధర రూ.75 మాత్రమే. బస్సు ప్రయాణానికి 2 గంటలు పడుతుండగా ఇందులో 55 ని.లలో వెళ్లిపోవచ్చు’ అని తెలిపారు.
Featured News
Sorry, no posts matched your criteria.