India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News March 17, 2024
ఎలక్టోరల్ బాండ్ల వివరాలు.. కొత్త డేటా
ఎలక్టోరల్ బాండ్ల వివరాలను EC తాజాగా మరోసారి వెల్లడించింది. ఏయే పార్టీకి ఎన్ని కోట్ల విలువైన బాండ్లు వచ్చాయో వివరించింది. BJP-రూ.6,986cr, టీఎంసీ-రూ.1,397cr, కాంగ్రెస్-రూ.1,344cr, బీఆర్ఎస్-రూ.1,322cr, బీజేడీ-రూ.944.5cr, డీఎంకే-రూ.656.5cr, వైసీసీ-రూ.442.8cr, టీడీపీకి రూ.181.35 కోట్ల మొత్తంలో బాండ్ల ద్వారా సమకూరిందని పేర్కొంది. 2019-20లో బీజేపీ అత్యధికంగా రూ.2,555 కోట్ల విలువైన బాండ్లను పొందింది.
News March 17, 2024
కాంగ్రెస్‌లోకి మరో నలుగురు BRS MLAలు?
TG: కాంగ్రెస్‌లో చేరికలకు గేట్లు ఓపెన్ చేశానన్న CM రేవంత్ వ్యాఖ్యలతో BRS శ్రేణుల్లో గుబులు మొదలైంది. ఇవాళ చేవెళ్ల MP రంజిత్ రెడ్డి, ఖైరతాబాద్ MLA దానం నాగేందర్ కాంగ్రెస్‌లో చేరారు. రెండు రోజుల్లో మరో నలుగురు BRS MLAలు కాంగ్రెస్‌లో చేరతారని సమాచారం. ఇటీవల CMను MLAలు ప్రకాశ్ గౌడ్, యాదయ్య, సునీతా లక్ష్మారెడ్డి, ప్రభాకర్ రెడ్డి, మహిపాల్, తెల్లం వెంకట్రావు తదితరులు కలిసిన విషయం తెలిసిందే.
News March 17, 2024
మోదీ జీకి స్వాగతం: చంద్రబాబు
AP: టీడీపీ-బీజేపీ-జనసేన ఉమ్మడి సభ కోసం రాష్ట్రానికి వచ్చిన ప్రధాని మోదీకి చంద్రబాబు Xలో స్వాగతం పలికారు. ‘మోదీ జీ.. మా రాష్ట్ర ప్రజలు మీకు హృదయపూర్వక స్వాగతం పలుకుతున్నారు. మనం కలిసికట్టుగా సంక్షేమం, అభివృద్ధి, సమర్థవంతమైన పాలనలో కొత్త మైలురాళ్లను నెలకొల్పుదాం’ అని ట్వీట్ చేశారు.
News March 17, 2024
అభిమానులకు ఇషాన్ కిషన్ విజ్ఞప్తి
తమను చూసేందుకు మైదానానికి, నెట్స్ వద్దకు వచ్చే అభిమానులకు ముంబై ఇండియన్స్ ఆటగాడు ఇషాన్ కిషన్ ఓ విజ్ఞప్తి చేశారు. ‘ఆటగాళ్లందరూ ప్రాక్టీస్ చేసేందుకు వస్తారు. కానీ ఎక్కడ పడితే అక్కడ వాటర్ బాటిల్స్ విసిరేయొద్దు. దయచేసి గ్రౌండ్‌ను క్లీన్‌గా ఉంచండి. చిన్న చిన్న విషయాలే. కానీ అన్నీ కలిపితే మొత్తంగా మెరుగవుతాం. అన్నీ మనం చేయగలిగినవే’ అని తెలిపారు. ఈ నెల 24న గుజరాత్‌తో ముంబై తొలి మ్యాచ్ ఆడనుంది.
News March 17, 2024
‘గూగుల్ తప్పు’ అని సైన్ బోర్డు
మీరు గూగుల్ మ్యాప్స్ చూస్తూ కర్ణాటకలోని కొడగు జిల్లాలో ఉన్న క్లబ్ మహీంద్రాకు వెళ్లాలనుకుంటే.. మీకు ఒక సైన్ బోర్డు ఎదురవుతుంది. దానిపై ‘గూగుల్ తప్పు.. ఈ రోడ్డు క్లబ్ మహీంద్రాకు వెళ్లదు’ అని రాసి ఉంటుంది. ట్రావెలర్స్ గూగుల్ మ్యాప్స్‌లో చూస్తూ క్లబ్ మహీంద్రాకు వెళ్లబోయి దారి తప్పుతున్న సంఘటనలు తరచూ చోటు చేసుకుంటున్నాయి. అందరికీ చెప్పడం కష్టం కావడంతో.. అక్కడి స్థానికులు ఇలా బోర్డులు ఏర్పాటు చేశారు.
News March 17, 2024
నిఘా ఉపగ్రహాల నెట్‌వర్క్ నిర్మిస్తున్న అమెరికా!
ప్రపంచాన్ని తమ నిఘా నీడలోకి తెచ్చే ప్రయత్నాలను అమెరికా ముమ్మరం చేసింది. అంతరిక్షంలో వందల కొద్దీ శాటిలైట్లతో నెట్‌వర్క్‌ను నిర్మిస్తోంది. ఈ మేరకు స్పేస్‌ఎక్స్‌తో ఒప్పందం చేసుకుందని వాల్‌స్ట్రీట్ జర్నల్ కథనం తెలిపింది. 1.8 బిలియన్ డాలర్ల విలువతో ఈ ఉపగ్రహ వ్యవస్థ నిర్మితమవనుంది. ఇది పూర్తైతే ప్రపంచంలో ప్రతి మూలకు అమెరికా చూడగలుగుతుంది. ఇతర దేశాల రహస్యాలను ప్రత్యక్షంగా తెలుసుకోగలుగుతుంది.
News March 17, 2024
గన్నవరం చేరుకున్న ప్రధాని మోదీ
AP: ప్రధాని మోదీ గన్నవరం ఎయిర్‌పోర్టుకు చేరుకున్నారు. చిలకలూరిపేటలో టీడీపీ-బీజేపీ-జనసేన నిర్వహిస్తోన్న ప్రజాగళం బహిరంగసభకు కాసేపట్లో హాజరుకానున్నారు. పదేళ్ల తర్వాత మోదీ, చంద్రబాబు, పవన్ కళ్యాణ్ ఒకే వేదిక మీద కనిపించనుండటంతో సర్వత్రా ఆసక్తి నెలకొంది.
News March 17, 2024
గ్రూప్-1 ప్రిలిమ్స్: మొబైల్‌తో కాపీయింగ్.. వ్యక్తి అరెస్ట్
AP: గ్రూప్-1 ప్రిలిమ్స్ పరీక్షలో మొబైల్‌తో కాపీయింగ్‌కు పాల్పడుతున్న అభ్యర్థిని పోలీసులు అరెస్టు చేశారు. ఒంగోలులోని క్విస్ ఇంజినీరింగ్ కాలేజీలో ఈ ఘటన జరిగింది. సెక్యూరిటీ సిబ్బంది కళ్లుగప్పి అభ్యర్థి పరీక్ష కేంద్రంలోకి మొబైల్ తీసుకెళ్లాడు. అక్కడి నుంచి బయటి వ్యక్తులకు ఫోన్ చేసి సమాధానాలు రాస్తుండగా ఇన్విజిలేటర్ గుర్తించి పోలీసులకు అప్పగించారు.
News March 17, 2024
బిగ్‌ బాస్ విన్నర్ అరెస్ట్
బిగ్‌ బాస్ OTT2(హిందీ) విన్నర్, యూట్యూబర్ ఎల్విష్ యాదవ్ అరెస్ట్ అయ్యారు. ఉత్తరప్రదేశ్‌లోని నోయిడా పోలీసులు అతడిని అదుపులోకి తీసుకున్నారు. అతడిపై అక్రమంగా పాము విషం సరఫరా చేస్తున్నారనే ఆరోపణలు ఉన్నాయి. ఇటీవల ఓ వ్యక్తి కెమెరాతో షూట్ చేసినందుకు అతడిపై భౌతికంగా దాడికి పాల్పడటంతో వార్తల్లోకి ఎక్కారు. కాగా ఎల్విష్ వైల్డ్ కార్డ్‌లో వచ్చి టైటిల్ గెలుచుకున్న మొదటి కంటెస్టెంట్‌గా చరిత్ర సృష్టించారు.
News March 17, 2024
గంట నుంచీ విమానంలోనే సీఎం రేవంత్!
ముంబై వెళ్లేందుకు సీఎం రేవంత్ ఎక్కిన ఇండిగో విమానం సాంకేతిక లోపంతో నిలిచిపోయింది. ముంబైలో రాహుల్ న్యాయ్ యాత్ర సభకు వెళ్లేందుకు ఆయనతో పాటు దీపాదాస్ మున్షీ, భట్టి విక్రమార్క, పొన్నం ప్రభాకర్ తదితర అగ్రనేతలు విమానం ఎక్కారు. అయితే, ఫ్లైట్‌లో సాంకేతిక లోపం తలెత్తడంతో గంట నుంచీ అందులోనే ఉండిపోయారు. దీంతో వారి ముంబై ప్రయాణం ఆలస్యం కానుంది.
Featured News
Sorry, no posts matched your criteria.