India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News October 31, 2024
మహారాష్ట్ర: ఆ 12 సీట్లపై MVAలో అలజడి
మహారాష్ట్రలో విపక్ష మహావికాస్ అఘాడీలో 12 సీట్లు కాకరేపుతున్నాయి. నామినేషన్ల గడువు పూర్తవ్వడంతో 288 స్థానాల్లో 12 స్థానాల్లో MVAలోని రెండేసి పార్టీలు నామినేషన్లు వేశాయి. దీంతో ఫ్రెండ్లీ పోరు తప్పదా? అనే ప్రశ్నలు వెల్లువెత్తాయి. ఇప్పటికే 2 కూటములు, 6 పార్టీల గుర్తుల విషయంలో ప్రజల్లో గందరగోళం ఉంది. నామినేషన్ల ఉపసంహరణలోపు సమస్యల్ని పరిష్కరించుకుంటామని MVA నేతలు చెబుతున్నారు.
News October 31, 2024
హృదయ విదారకం: కుమారుడి తెగిన తలతో రోదిస్తున్న తల్లి
తెగిన తన కుమారుడి తలను పట్టుకుని ఓ అమ్మ రోదిస్తున్న తీరు అందరినీ కలచివేస్తోంది. యూపీలోని గౌరబాద్షాపూర్ పరిధిలోని కబీరుద్దీన్ గ్రామంలో రెండు వర్గాల మధ్య భూ తగాదా ఉంది. ఈ క్రమంలో రామ్ జీత్ కుటుంబానికి, ఆయన ప్రత్యర్థులకు గొడవ జరిగింది. మారణాయుధాలతో రామ్ జీత్ కుమారుడు అనురాగ్ (17) తలను ప్రత్యర్థులు నరికేశారు. ఆ తలను ఒడిలోకి తీసుకుని ఆ తల్లి గుండెలు పగిలేలా రోదించింది
News October 31, 2024
రోడ్లపై బాణసంచా పేల్చడం నిషేధం
TG: దీపావళి సందర్భంగా పబ్లిక్ రోడ్లు, బహిరంగ ప్రదేశాల్లో బాణసంచా కాల్చడం నిషేధమని హైదరాబాద్ పోలీసులు తెలిపారు. రాత్రి 8 గంటల నుంచి 10 గంటల వరకు మాత్రమే పేల్చాలని చెప్పారు. ఆ తర్వాత పేల్చినవారిపై చర్యలు తీసుకుంటామని హెచ్చరించారు. భారీ శబ్దంతో పేలే టపాసులను కాల్చడంపై నిషేధం విధించినట్లు తెలిపారు. ఈ నిబంధనలు నేటి నుంచి వచ్చే నెల 2 వరకు అమల్లో ఉంటాయని పేర్కొన్నారు.
News October 31, 2024
జుట్టు, చర్మం, గోళ్లను అందంగా మార్చే ‘బయోటిన్’
ఆరోగ్యానికి ఆహారమే ప్రధానం. అందులోంచే శరీరానికి అవసరమైన విటమిన్స్, మినరల్స్, మైక్రో న్యూట్రియంట్స్ అందుతాయి. పొల్యూషన్, ఆక్సిడేటివ్ స్ట్రెస్ సహా అనేక కారణాలతో జుట్టు ఊడిపోతుంది. గోళ్లు పెళుసుగా మారతాయి. చర్మం నిగారింపు కోల్పోతుంది. బయోటిన్ ఈ మూడింటినీ పరిష్కరిస్తుందని స్టడీస్ పేర్కొంటున్నాయి. ప్రతిరోజూ విటమిన్ సీ, జింక్తో కలిపి దేహానికి బయోటిన్ అందేలా మీల్స్ ప్లాన్ చేసుకోవాలని సూచిస్తున్నాయి.
News October 31, 2024
కర్రలతో కొట్టుకొనే స్థితి నుంచి స్వీట్లు తినిపించుకొనే స్థాయికి..
భారత్, చైనా దౌత్యనీతిలో టెక్టానిక్ షిఫ్ట్ వచ్చినట్టు కనిపిస్తోంది. ఇక కలవడం కష్టమే అనుకుంటే మిత్రబంధం ఒక్కసారిగా మెరుగైంది. కొవిడ్ టైమ్లో గల్వాన్లో చైనీయులను భారత జవాన్లు తరిమికొట్టారు. పిడిగుద్దులు, కర్రలు, రాడ్లతో చుక్కలు చూపించారు. ఇప్పుడు డిస్ఎంగేజ్మెంట్ ఒప్పందం కుదరడంతో స్వీట్లు తినిపించి జైశ్రీరామ్ అనిపించారు. భారత్ ఇదే ధోరణిలో సరిహద్దు సమస్యను పూర్తిగా పరిష్కరించుకోనుందా? మీ కామెంట్.
News October 31, 2024
టెస్టుల్లో డిఫెన్స్ కోల్పోతున్నారు: గంభీర్
T20లు ఎక్కువ ఆడడం వల్ల టెస్ట్ క్రికెట్లో ఆటగాళ్లు డిఫెన్స్ కోల్పోతున్నట్టు గౌతమ్ గంభీర్ అభిప్రాయపడ్డారు. కివీస్తో 3వ టెస్ట్కు ముందు ఆయన మాట్లాడుతూ విజయవంతమైన ఆటగాళ్లందరూ టెస్టుల్లో మంచి డిఫెన్స్ టెక్నిక్ కలిగి ఉన్నారని చెప్పారు. టెస్టు క్రికెట్లో అద్భుతమైన ప్రదర్శన చేసిన విరాట్ లాంటి ప్లేయర్లకు డిఫెన్స్ వారిసొంతమన్నారు. అదే టెస్ట్ క్రికెట్కు పునాదిలాంటిదని పేర్కొన్నారు.
News October 31, 2024
200 ఏళ్లుగా ఈ ఊళ్లో దీపావళి రోజున చీకట్లే
AP: శ్రీకాకుళం జిల్లాలోని రణస్థలం మండలం పున్నానపాలెం 200 ఏళ్లుగా దీపావళి పండుగకు దూరంగా ఉంటోంది. అప్పట్లో పండుగ రోజే ఉయ్యాలలో నిద్రిస్తున్న ఓ చిన్నారి పాము కాటుకు గురై మృతిచెందింది. అదే రోజు రెండు ఎద్దులు కూడా మృత్యువాతపడ్డాయి. దీంతో గ్రామస్థులంతా తీవ్ర విషాదంలో మునిగిపోవడంతో తమ ఊర్లో దీపావళి జరుపుకోకూడదని పెద్దలు నిర్ణయించారు. అప్పటి నుంచి దీపావళికి ఆ గ్రామంలో దీపాలు కూడా వెలిగించరు.
News October 31, 2024
దీపావళి అంటే బండ్ల గణేశ్కు పూనకమే!
టాలీవుడ్ సినీ నిర్మాత బండ్ల గణేశ్ ఎప్పటిలాగే దీపావళి సెలబ్రేషన్స్లో తన మార్క్ చూపించేందుకు సిద్ధమయ్యారు. భారీగా క్రాకర్స్ కొనుగోలు చేశారు. షాద్నగర్లోని తన ఇంటిముందు పరిచి వాటితో ఫొటోకు ఫోజులిచ్చారు. దీనికి సంబంధించిన ఫొటోలను సోషల్ మీడియాలో పోస్టు చేయగా వైరల్ అవుతున్నాయి. దీపావళి అంటే బండ్లన్నకు పూనకమే వచ్చేస్తుందని ఫ్యాన్స్ కామెంట్స్ చేస్తున్నారు.
News October 31, 2024
టీస్పూన్ కన్నా ఎక్కువ ఉప్పు వాడుతున్నారా?
రోజుకు 2gms కన్నా తక్కువ సోడియం తీసుకుంటే పదేళ్లలో 3 లక్షల మరణాలను అడ్డుకోవచ్చని WHO తెలిపింది. ఒక టీస్పూన్ లేదా 5gms కన్నా తక్కువ ఉప్పు తీసుకోవాలని సూచించింది. దీంతో 17 లక్షల హార్ట్ అటాక్స్/స్ట్రోక్స్, 7 లక్షల కిడ్నీ రోగాలను అడ్డుకోవచ్చని వెల్లడించింది. పైగా $80 మిలియన్లను ఆదా చేసుకోవచ్చని తెలిపింది. అధిక, మధ్య ఆదాయ దేశాల్లో పరిమితికి మించి ఉప్పు వాడుతున్నారని వార్నింగ్ ఇచ్చింది. మరి మీరేమంటారు?
News October 31, 2024
‘అమరన్’ సినిమా రివ్యూ
భారత ఆర్మీ ఆఫీసర్ మేజర్ ముకుంద్ వ్యక్తిగత, ప్రొఫెషనల్ జీవితాన్ని డైరెక్టర్ రాజ్ కుమార్ పెరియస్వామి తెరపై అద్భుతంగా చూపించారు. ఫ్యామిలీ రిలేషన్స్, దేశభక్తిని బ్యాలెన్స్ చేశారు. డైలాగ్స్, ఎమోషనల్ సీన్స్, మ్యూజిక్, శివకార్తికేయన్ నటన సినిమాకు ప్లస్. మరోసారి సాయిపల్లవి సూపర్ పెర్ఫార్మెన్స్ ఇచ్చారు. అక్కడక్కడా స్టోరీ స్లో అవడం, పెద్దగా ట్విస్టులు లేకపోవడం మైనస్.
RATING: 3/5
Featured News
Sorry, no posts matched your criteria.