India's largestHyperlocal short
news App
Get daily news updates that are tailored for you based on your preferred language & location.
download Way2News app now
Adilabad
News October 13, 2024
కడెం ప్రాజెక్టుకు తగ్గుతున్న వరద నీరు
ఎగువ ప్రాంతాల్లో వర్షాలు లేనందున కడెం ప్రాజెక్టు వరద తగ్గింది. ప్రాజెక్టులోకి 461 క్యూసెక్కుల వరద మాత్రమే వస్తుందని అధికారులు ఆదివారం ఉదయం వెల్లడించారు. ప్రాజెక్టు పూర్తిస్థాయి సామర్థ్యం 700 అడుగులు కాగా ప్రస్తుతం 499.350 అడుగుల నీటిమట్టం నిల్వ ఉందన్నారు. ప్రాజెక్టు లెఫ్ట్ రైట్ కెనాళ్లకు 669, మిషన్ భగీరథకు 9 క్యూసెక్కుల నీటిని వదులుతున్నట్లు అధికారులు తెలిపారు.
News October 13, 2024
ఆసిఫాబాద్: ‘లక్మాపూర్ వాగుపై వంతెన నిర్మించాలి’
కెరమెరి మండలం లక్మాపూర్ గ్రామస్థులు రాకపోకలకు తీవ్ర ఇబ్బందులు పడుతున్నారు. లక్మాపూర్ వాగుపై వంతెన లేకపోవడంతో ఆసుపత్రికి పోవాలన్నా, నిత్యావసరాలు తెచ్చుకోవాలన్నా ఇక్కట్లు తప్పడం లేదు. శనివారం ఎడ్లబండిపై డీజే బాక్స్ తీసుకెళ్లారు. ఇప్పటికైనా అధికారులు స్పందించి చర్యలు తీసుకోవాలంటూ వాపోతున్నారు.
News October 13, 2024
ADB: ఎంబీబీఎస్‌లో సీటు.. విద్యార్థికి రూ.50 వేల సాయం
ఆదిలాబాద్ జిల్లా నార్నూర్ మండలం మరపగూడకు చెందిన పూనం అశోక్ MBBSలో ర్యాంకు సాధించాడు. ఈ మేరకు ఆదిలాబాద్ ఎస్పీ గౌస్ ఆలం విద్యార్థిని శనివారం ఘనంగా సన్మానించారు. అనంతరం రూ.50వేల ఆర్థిక సాయం అందజేశారు. ఈ కార్యక్రమంలో రాయిసెంటర్ జిల్లా మెస్రం దుర్గం, సర్పంచుల సంఘం మాజీ మండలాధ్యక్షుడు రూపాదేవ్, తదితరులు పాల్గొన్నారు.
News October 12, 2024
నిర్మల్: పండగపూట విషాదం
దిలావర్పూర్ మండలం సిర్గాపూర్ సమీపంలో జాతీయ రహదారిపై శనివారం జరిగిన రోడ్డు ప్రమాదంలో అనంత్ పేట్‌కు చెందిన పోలీస్ బొర్రన్న (50)మృతి చెందాడు. దిలావర్పూర్ పోలీసులు తెలిపిన వివరాల ప్రకారం.. బొర్రన్న ద్విచక్ర వాహనంపై వెళ్తుండగా గుర్తు తెలియని వాహనం ఢీకొట్టింది. తీవ్రగాయాలైన అతణ్ని 108లో నిర్మల్ ఏరియా అస్పత్రికి తరలిస్తుండగా మార్గమధ్యలో మృతిచెందాడన్నారు.
News October 12, 2024
మంచిర్యాల: క్రీడాకారులకు ఘన స్వాగతం
రంగారెడ్డి జిల్లాలో జరిగిన రాష్ట్రస్థాయి సీనియర్ హ్యాండ్ బాల్ పోటీల్లో ప్రతిభ కనబర్చి 3వ స్థానంలో నిలిచి కాంస్య పథకం సాధించిన ఉమ్మడి ఆదిలాబాద్ మహిళల జట్టు శనివారం మంచిర్యాలకు చేరుకుంది. ఈ సందర్భంగా జిల్లా జట్టు, కోచ్ అరవింద్ కు ఉమ్మడి జిల్లా హ్యాండ్ బాల్ అసోసియేషన్ ప్రధానకార్యదర్శి కనపర్తి రమేష్, కోశాధికారి అలుగువెళ్లి రమేష్, ఉపాధ్యక్షుడు మహేందర్ రెడ్డి ఘన స్వాగతం పలికి మిఠాయిలు తినిపించారు.
News October 12, 2024
ADB: దసరా.. మీ VILLAGE స్పెషల్ ఏంటి?
దసరా పండుగ అనగానే పల్లె యాదికొస్తుంది. ఉరుకుల పరుగుల జీవితంలో ఎక్కడెక్కడో ఉద్యోగాలు చేస్తూ ఉన్న వారు తిరిగి సొంతూరుకు రావడం, బంధువులు, దోస్తులను కలిసి ఊరంతా తిరగడం బాగుంటుంది. ‘ఎప్పుడొచ్చినవ్.. అంతా మంచిదేనా’ అంటూ తెలిసినవారి పలకరింపు ఆనందాన్ని కలిగిస్తుంది. ప్రతి ఊరిలో దసరా వేడుకలు ఘనంగా నిర్వహిస్తారు. పలు చోట్ల విభిన్నంగానూ చేస్తారు. మరి మీ ఊరిలో దసరా వేడుకలకు ఏం చేస్తారో కామెంట్ చేయండి.
News October 12, 2024
కుంటల: ఒకే ఊరిలో ఏడుగురికి ప్రభుత్వ ఉద్యోగాలు
ఇటీవల ప్రకటించిన డీఎస్సీ ఫలితాలలో కుంటల మండలం కల్లూరు గ్రామానికి చెందిన ఏడుగురికి ప్రభుత్వ కొలువులు దక్కాయి. విశాల, సృజన, విజయలక్ష్మి, మహ్మద్, ప్రశాంత్, సంపత్, సాయికిరణ్ (SA) టీచర్లుగా నియామక పత్రాలు అందుకున్నారు. కల్లూరు ఉద్యోగుల సంఘం నేతలు వీరిని సన్మానించారు. ఒకే ఊరికి చెందిన ఏడుగురికి ఉద్యోగాలు రావడంతో సంతోషం వ్యక్తం చేశారు. MEO ముత్యం, పంచాయతి సెక్రటరీ సంధ్యారాణి, తదితరులు పాల్గొన్నారు.
News October 11, 2024
మంచిర్యాల: ఒకే గ్రామంలో నలుగురికి టీచర్ ఉద్యోగాలు
మంచిర్యాల జిల్లా తాండూరు మండలం అచ్చలాపూర్ గ్రామంలోని నలుగురు డిఎస్సిలో ఒకే ప్రయత్నంలో టీచర్ ఉద్యోగాలు సాధించారు. ఇందులో ఏకారి ఆంజనేయులు స్కూల్ అసిస్టెంట్ ఫిజికల్ సైన్సు పుప్పాల మానస, రవళి, మానస ముగ్గురు సెకండరీ గ్రేడ్ టీచర్ ఉద్యోగాలు సాధించారు. వీరి తల్లిదండ్రులు కూలీ పని చేసుకుంటూ చదవించి ఉద్యోగాలు సాధించారు. ఒకే గ్రామం నుంచి నలుగురు టీచర్ ఉద్యోగాలు పోందినందుకు గ్రామస్థులు మిత్రులు అభినందించారు.
News October 11, 2024
ఆసిఫాబాద్: ఫొటోగ్రఫీ, షార్ట్ ఫిల్మ్ పోటీలకు ఆహ్వానం
అమర పోలీసుల జ్ఞాపకార్థం ఈనెల 21న జరుగు ‘పోలీస్ ప్లాగ్ డే’ సందర్భంగా ఫొటోగ్రఫీ, షార్ట్ ఫిల్మ్ తీయడానికి జిల్లాలో ఫోటోగ్రాఫర్లు ముందుకు రావాలని జిల్లా SP శ్రీనివాసరావు తెలిపారు. SP మాట్లాడుతూ.. షార్ట్ ఫిల్మ్ 3 నిమిషాలు మించకూడదన్నారు. 10×8సైజు ఫోటోలను ఈనెల 24 వరకు స్థానిక పోలీస్ స్టేషన్, DSP కార్యాలయంలో అందించాలన్నారు. జిల్లా స్థాయిలో సెలక్ట్ అయిన 3షార్ట్ ఫిల్మ్‌ను స్టేట్ లెవెల్‌కు పంపిస్తామన్నారు.
News October 11, 2024
ADB: సర్పంచ్ ఎన్నికలు.. గ్రామాల్లో సందడి
ADB, NRML, MNCL, ASFB జిల్లాల్లో సర్పంచ్ ఎన్నికల సందడి మొదలైంది. ఇప్పటికే అధికారులు ఓటర్ జాబితా పనిలో నిమగ్నమవగా పోటీ చేయాలనుకునేవారు ముందస్తుగా ప్రణాళికలు సిద్ధం చేసుకుంటున్నారు. ఇప్పటికే తాము ఎన్నికల్లో గెలవాలంటే ఎలాంటి మేనిఫెస్టో రెడీ చేయాలనే దానిపై వ్యూహాలు రచిస్తున్నారు. ఇందుకు ప్రత్యేక చర్చలు కూడా జరుపుతున్నట్లు సమాచారం. ఇక మరికొందరు తమ గ్రామంలో ఓటర్ల వివరాలు తెలుసుకునే పనిలో నిమగ్నమయ్యారు.
Featured News
Sorry, no posts matched your criteria.