India's largestHyperlocal short
news App
Get daily news updates that are tailored for you based on your preferred language & location.
download Way2News app now
Adilabad
News August 15, 2025
ADB: పోలీసు అధికారులకు రాఖీ కట్టిన విద్యార్థులు
మిషన్ శక్తి, DHEW బృందం, శిశు గృహ పిల్లలతో కలిసి హర్ ఘర్ తిరంగ కార్యక్రమంలో భాగంగా పిల్లలు రాఖీలు కట్టారు. విద్యార్థులే స్వయంగా ఇండియన్ ఫ్లాగ్‌తో రాఖీలు తయారు చేసి శుక్రవారం పోలీస్ అధికారులకు రాఖీలు కట్టారు. కార్యక్రమంలో జిల్లా మిషన్ కోఆర్డినేటర్ యశోద, కృష్ణవేణి, కోటేశ్వర రావు, నిఖలేశ్వర్, వెంకటేశ్, శిశు గృహ సిబ్బంది, పోలీసులు విద్యార్థులు పాల్గొన్నారు.
News August 15, 2025
‘ADBలో యూనివర్సిటీ ఏర్పాటు చేయాలి’
ఆదిలాబాద్‌లో యూనివర్సిటీ ఏర్పాటు చేయాలని రాష్ట్ర ప్రభుత్వ సలహాదారు షబ్బీర్ అలీకి యూనివర్సిటీ సాధన సమితి ఆధ్వర్యంలో వినతిపత్రం సమర్పించారు. ఈ సందర్భంగా స్థానిక నిరుద్యోగులు, విద్యార్థులు ఎదుర్కొంటున్న సమస్యలను ఆయనకు వివరించారు. ఈ విషయం స్పందించిన షబ్బీర్ అలీ యూనివర్సిటీ ఏర్పాటుకు కృషి చేస్తామని తెలిపారు. అనంతరం ఎమ్మెల్యే బొజ్జు పటేల్, కలెక్టర్ రాజర్షి షాతో చర్చించారు.
News August 14, 2025
ఆదిలాబాద్‌కు చేరుకున్న ప్రభుత్వ సలహాదారుడు
తెలంగాణ రాష్ట్ర ప్రభుత్వ సలహదారుడు మమ్మద్ షబ్బీర్ అలీ ఆదిలాబాద్‌కు చేరుకున్నారు. ఆగస్ట్ 15 వేడుకల్లో భాగంగా నిర్వహించే కార్యక్రమానికి ముఖ్యఅతిథిగా పాల్గొననున్న షబ్బీర్ అలీ గురువారం జిల్లా కేంద్రానికి చేరుకున్నారు. దీంతో జిల్లా కలెక్టర్ రాజర్షి షా, ఎస్పీ అఖిల్ మహాజన్ ఆయనకు పుష్పగుచ్ఛాన్ని అందించి స్వాగతం పలికారు. అనంతరం పోలీసుల గౌరవ వందనం స్వీకరించారు.
News August 14, 2025
ఆదిలాబాద్: స్వాతంత్ర్య దినోత్సవ వేడుకలకు పరేడ్ మైదానం ముస్తాబు
స్వాతంత్ర్య దినోత్సవ వేడుకలకు ఆదిలాబాద్‌లోని ఏఆర్ హెడ్ క్వార్టర్స్‌లో గల పరేడ్ మైదానం ముస్తాబైంది. వేడుకల్లో భాగంగా శుక్రవారం ఉ.9:30 గంటలకు జిల్లా ముఖ్యఅతిథిగా ప్రభుత్వ సలహాదారుడు మహమ్మద్ షబ్బీర్ అలీ, కలెక్టర్ రాజర్షిషా, ఎస్పీ అఖిల్ మహాజన్ కలిసి జాతీయ జెండాను ఆవిష్కరిస్తారు. అనంతరం పోలీసుల గౌరవ వందనం, సంస్కృతిక కార్యక్రమాలు, స్టాల్స్ సందర్శన ఉంటుందని అధికారులు తెలిపారు.
News August 14, 2025
కర్ణాటక PH.Dలో ప్రవేశం పొందిన ఆదిలాబాద్ విద్యార్థిని
ADB పట్టణంలోని ప్రభుత్వ ఆర్ట్స్ అండ్ కామర్స్ కళాశాల పూర్వ విద్యార్థిని తన ప్రతిభను కనబరుస్తూ వస్తుంది. గుడిహత్నూర్ గ్రామం కొల్హారి గ్రామానికి చెందిన ముండే రూమతాయి. సెంట్రల్ యూనివర్సిటీ ఆఫ్ హైదరాబాద్‌లో పీజీ చదువుతూనే యూజీసీ నెట్ జేఆర్ఎఫ్ చరిత్ర సబ్జెక్ట్‌లో అర్హత సాధించింది. తాజాగా అసిస్టెంట్ ప్రొఫెసర్, జూనియర్ రీసెర్చ్ ఫెలోకి అర్హత సాధించి, సెంట్రల్ యూనివర్సిటీ ఆఫ్ కర్ణాటకలో PHDలో చేరింది.
News August 14, 2025
ఆదిలాబాద్: ఉద్యాన వన విస్తరణ అధికారుల బాధ్యతల స్వీకరణ
ఆదిలాబాద్ జిల్లా ఉద్యాన వన, పట్టు పరిశ్రమ శాఖలో నూతనంగా ఉద్యాన వన విస్తరణ అధికారులు నియమితులయ్యారు. జైనథ్ మండలానికి గణేశ్, బోథ్ మండలానికి భూమయ్య, తాంసి మండలానికి శైలజ, గుడిహత్నూర్ మండలానికి సతీశ్ ఉద్యాన వన విస్తరణాధికారులుగా పట్టు పరిశ్రమ ఉన్నతాధికారి నర్సయ్య ఆధ్వర్యంలో గురువారం బాధ్యతలు చేపట్టారు.
News August 14, 2025
ADB: ‘స్టడీ సర్కిల్ యథావిధిగా కొనసాగించాలి’
జిల్లాలో స్టర్ 50 స్టడీ సర్కిల్ సెంటర్‌ను యథివిధిగా కొనసాగించాలని తుడుందెబ్బ జిల్లా ప్రధాన కార్యదర్శి మనోజ్, ఆదివాసీ విద్యార్థి సంఘం జిల్లా ప్రధానకార్యదర్శి వరుణ్ డిమాండ్ చేశారు. గురువారం కలెక్టర్ రాజర్షి షాను కలిసి వినతిపత్రం అందజేశారు. స్టర్ 50 స్టడీ సర్కిల్ సెంటర్‌ను ‘సెంటర్ ఆఫ్ ఎక్సలెన్స్’ (COE)గా మార్చడంతో జిల్లాలోని ఆదివాసీ విద్యార్థులు తీవ్రంగా నష్టపోతారని ఆందోళన వ్యక్తం చేశారు.
News August 14, 2025
భీంపూర్ మండలంలో అత్యధిక వర్షపాతం
ఆదిలాబాద్ జిల్లాలో గడిచిన 24 గంటల్లో భీంపూర్ మండలం అర్లి(టి)లో అత్యధికంగా 28.5 మి.మీ. వర్షపాతం నమోదైంది. అత్యల్పంగా నేరడిగొండలో 4.8 వర్షపాతం రికార్డయింది. భారీ వర్షాల నేపథ్యంలో ప్రజలు అప్రమత్తంగా ఉండాలని, ప్రస్తుత పరిస్థితుల్లో ప్రాజెక్టులు, జలపాతాల సందర్శనకు వెళ్లొద్దని అధికారులు సూచిస్తున్నారు.
News August 14, 2025
ADB: అత్యాచారానికి గురైన వృద్ధురాలు మృతి
ఆదిలాబాద్‌లో అత్యాచారానికి గురైన 80 ఏళ్ల వృద్ధురాలు మృతి చెందింది. శివాజీ చౌక్‌లో ఈనెల 7న అర్ధరాత్రి 80 ఏళ్ల వృద్ధురాలిపై ఓ కామాంధుడు అతిక్రూరంగా అత్యాచారం చేశాడు. తీవ్రంగా గాయపడ్డ ఆమెను రిమ్స్‌లో చేర్పించగా, చికిత్స పొందుతూ గురువారం తెల్లవారుజామున మృతి చెందారు. అత్యాచారానికి పాల్పడిన వ్యక్తిని పట్టుకొని, మృతురాలి కుటుంబానికి న్యాయం చేయాలని బీసీ, గాండ్ల సంఘాల నాయకులు డిమాండ్ చేశారు.
News August 14, 2025
ADB: NCC యూనిట్‌ను పరిశీలించిన లెఫ్టినెంట్ కల్నల్
ఆదిలాబాద్ పట్టణంలోని తెలంగాణ గిరిజన సంక్షేమ గురుకుల డిగ్రీ కళాశాల (బోథ్)ను NCC కమాండింగ్ ఆఫీసర్ లెఫ్టినెంట్ కల్నల్ వీపీ సింగ్ గురువారం సందర్శించారు. ఈ సందర్భంగా కళాశాల NCC యూనిట్ రికార్డ్స్‌ను పరిశీలించి, సంతృప్తి వ్యక్తం చేశారు. దేశ ఐక్యతకు క్రమశిక్షణతో NCC సైనిక శిక్షణ పొందాలని, సామాజిక బాధ్యతను పెంచుకోవాలన్నారు. ప్రిన్సిపల్ శివ కృష్ణ, NCC ANO లెఫ్టినెంట్ లక్ష్మణ్ ఉన్నారు.
Featured News
Sorry, no posts matched your criteria.