India's largestHyperlocal short
news App
Get daily news updates that are tailored for you based on your preferred language & location.
download Way2News app now
Hyderabad
News July 28, 2024
HYD: అలా చేస్తే వెంటనే వాట్సాప్ చేయండి..!
యువతులను వేధింపులకు గురిచేస్తున్న 125 మందిని ఇటీవలే షీ టీం బృందాలు పట్టుకున్నాయి. HYD రాచకొండ విమెన్ సేఫ్టీ వింగ్ డీసీపీ టి.ఉషా విశ్వనాథ్ తెలిపారు. ఫిర్యాదులపై కఠిన చర్యలు తీసుకుంటున్నట్లు తెలిపారు. సోషల్ మీడియా, వాట్సాప్, వీడియో కాల్, ఆడియో కాల్, అసభ్యకరంగా చూడటం, హేళన చేయడం, మహిళలు యువతుల వైపు దురుద్దేశంతో చూడడం లాంటివి చేస్తే..8712662111కి వాట్సాప్ చేస్తే క్షణాల్లో అక్కడ ఉంటామన్నారు.
News July 28, 2024
గవర్నర్ దత్తాత్రేయ నివాసంలో బోనాల వేడుకలు
ఆషాడ మాసం బోనాలను పరిష్కరించుకొని రామ్ నగర్ లోని హర్యానా రాష్ట్ర గవర్నర్ బండారు దత్తాత్రేయ నివాసంలో ఆదివారం నిర్వహించిన బోనాల వేడుకలకు మాజీ ఉపరాష్ట్రపతి వెంకయ్య నాయుడు హాజరయ్యారు. ఆయన మాట్లాడుతూ.. తెలంగాణ ప్రజలకు బోనాల శుభాకాంక్షలు తెలియజేశారు. బోనాలు తెలంగాణ సంస్కృతి సంప్రదాయాలకు ప్రతీక అని అన్నారు. ప్రజలందరూ సుఖ సంతోషాలతో ఉండాలని కోరుకుంటున్నాను చెప్పారు.
News July 28, 2024
HYD: అక్రమ నల్లా కనెక్షన్లకు చెక్ పెట్టడంపై కసరత్తు!
HYD జలమండలి సేవలు ఔటర్ రింగ్ రోడ్డు వరకు విస్తరించాయి. సుమారుగా 1400 చ.కి.మీ. పరిధిలో 80 లక్షల మందికి తాగునీటిని అందిస్తోంది. గ్రేటర్ HYD వరకు నెలకు 20 వేల లీటర్లు ఉచితంగా ఇస్తోంది. అయినా చాలామంది అధికారికంగా నల్లా కనెక్షన్ లేకుండా, అక్రమాలకు పాల్పడుతున్నారు. వీటన్నింటికీ చెక్ పెట్టేందుకు ప్రత్యేక టెక్నాలజీని ఉపయోగించేందుకు అధికారులు ప్రయత్నాలు చేస్తున్నారు.
News July 28, 2024
HYD: జర్మనీలో నర్సింగ్ ఉద్యోగాలు..!
జర్మనీలో నర్సింగ్ ఉద్యోగాల భర్తీకి దరఖాస్తులను ఆహ్వానిస్తున్నట్లు ప్రభుత్వ ఆధ్వర్యంలోని TG ఓవర్సీస్ మ్యాన్ పవర్ సంస్థ HYD జనరల్ మేనేజర్ నాగభారతి తెలిపారు. గుర్తింపు పొందిన ఆసుపత్రుల్లో నర్సింగ్, ఐసీయూ, జెరియాట్రిక్స్, ఆర్థోపెడిక్స్, సైకియాట్రీ, కార్డియాలజీ, నియోనాటల్,సర్జికల్ తదితర విభాగాల్లో 1-3 ఏళ్ల అనుభవం, జర్మనీ భాష తెలిసి ఉండాలి. https://tomcom.telangana.gov.in/ ద్వారా దరఖాస్తు చేసుకోండి.
News July 28, 2024
కిషన్ రెడ్డి HYDకు ఎన్ని నిధులు తెచ్చారు: పొన్నం
కేంద్ర బడ్జెట్‌లో రాష్ట్రానికి నిధులు తీసుకురాని కిషన్ రెడ్డి, బండి సంజయ్‌లకు కేంద్ర మంత్రులుగా కొనసాగే అర్హత ఉందా? అని మంత్రి పొన్నం ప్రభాకర్ ప్రశ్నించారు. వరుసగా రెండోసారి కేంద్రమంత్రిగా ఉన్న కిషన్ రెడ్డి HYD అభివృద్ధికి ఇప్పటి వరకు ఎన్ని నిధులు తెచ్చారో చెప్పాలన్నారు. బండి సంజయ్ తన నియోజకర్గానికి నిధులు తీసుకురావడంతో విఫలమయ్యారని ఆరోపించారు. పొన్నం వ్యాఖ్యలపై మీ కామెంట్.
News July 28, 2024
HYD: బోనాలకు పటిష్ఠ ఏర్పాట్లు: ఆమ్రపాలి
HYD నగరంలో నేడు జరగబోయే బోనాల ఉత్సవాల్లో ప్రజలకు ఎలాంటి ఇబ్బందులు తలెత్తకుండా పటిష్ఠమైన ఏర్పాట్లు చేయాలని అధికారులను జీహెచ్ఎంసీ కమిషనర్ ఆమ్రపాలి ఆదేశించారు. జడ్సీలు, డీసీలకు టెలికాన్ఫరెన్స్‌ ద్వారా ఆమె ఆదేశాలు జారీ చేశారు. పారిశుద్ధ్యం, మరుగుదొడ్లు, విద్యుత్ దీపాలు, ఇతర ఇబ్బందులు రాకుండా జాగ్రత్తలు తీసుకోవాలన్నారు. ఆలయాల చుట్టూ పరిశుభ్రంగా ఉండాలన్నారు.
News July 28, 2024
HYD: బోనాల పండుగకు డాన్స్ చేసేవాణ్ని: హీరో
HYD పాతబస్తీలో చిన్నప్పటి నుంచి లాల్ దర్వాజా బోనాలు చూస్తూ పెరిగానని హీరో ప్రియదర్శి అన్నారు. పోతరాజు వేషంలో డాన్స్ చేసేవాళ్లని చూస్తుంటే సంతోషంగా ఉంటుందన్నారు. డ్రమ్స్, మ్యూజిక్, డాన్స్ చూస్తుంటే బాడీలో ఒక వైబ్రేషన్ వస్తుందన్నారు. తన బాల్యంలో బోనాల పండుగకు డాన్స్ చేసేవాణ్ని అని చెప్పారు. HYD బోనాల పండుగను తిలకిస్తుంటే చెప్పలేని సంతోషం కలుగుతుందన్నారు.
News July 28, 2024
HYD: ఆషాఢ బోనాలు.. సీపీ కీలక ఆదేశాలు
బోనాల పండుగ సందర్భంగా పటిష్ఠమైన భద్రతా ఏర్పాట్లు చేయాలని, ఎటువంటి అవాంఛనీయ సంఘటనలు జరగకుండా చర్యలు తీసుకోవాలని అధికారులను రాచకొండ CP సుధీర్ బాబు ఆదేశించారు. కమిషనరేట్‌లో ఏర్పాటు చేసిన సమావేశంలో ఆయన మాట్లాడారు. సున్నితమైన ప్రాంతాల్లో అధికారులు అప్రమత్తంగా ఉండాలన్నారు. సమర్థవంతమైన సిబ్బందిని బందోబస్తులో ఉంచాలని సూచించారు. పాత నేరస్తులపై నిఘా ఉంచాలని, నేరాలు జరగకుండా చర్యలు తీసుకోవాలని ఆదేశించారు.
News July 27, 2024
HYD: హైటెక్‌సిటీని అమ్మేవారు: డిప్యూటీ సీఎం
కాంగ్రెస్ ముందుచూపుతోనే హైదరాబాద్‌ అభివృద్ధి చెందిందని డిప్యూటీ CM మల్లు భట్టి విక్రమార్క అన్నారు. అసెంబ్లీ సమావేశాల్లో ఆయన మాట్లాడారు. ECIL, NFC వంటి కేంద్ర సంస్థలు, అంతర్జాతీయ విమానాశ్రయం, మెట్రో‌ను తీసుకొచ్చామన్నారు. ఇప్పుడు కూడా రూ. 10 వేల కోట్ల నిధులు కేటాయించినట్లు ఆయన గుర్తుచేశారు. BRS చేసిందేమీ లేదన్నారు. చాలా వరకు అమ్ముకున్నారని.. వదిలేస్తే హైటెక్‌సిటీని అమ్మేవారని భట్టి మండిపడ్డారు.
News July 27, 2024
HYD: మెడికల్ కాలేజీకి తల్లి మృతదేహం దానం
ప్రగతినగర్ మాజీ సర్పంచ్ దుబ్బాక దయాకర్ రెడ్డి తల్లి వజ్రమ్మ మృతి చెందారు. శనివారం ఆమె భౌతికదేహాన్ని కుటుంబ సభ్యులందరూ కలిసి స్వచ్ఛందంగా మమత అకాడమీ ఆఫ్ మెడికల్ సైన్సెస్‌కు దానం చేశారు. మరణించిన తర్వాత దహనం చేయడం, సమాధి చేయడం కన్నా మెడికల్ కాలేజీలకు ఇవ్వడం మేలు అని ఈ నిర్ణయం తీసుకున్నామన్నారు. విద్యార్థులకు ప్రయోజనం చేకూరుతుందని మెడికల్ కళాశాల డీన్ హరికృష్ణ, వైస్ ప్రిన్సిపల్ నవీన్ వెల్లడించారు
Featured News
Sorry, no posts matched your criteria.