India's largestHyperlocal short
news App
Get daily news updates that are tailored for you based on your preferred language & location.
download Way2News app now
Hyderabad
News February 20, 2026
HYD: రోజుకు ₹70తో ఇవన్నీ సాధ్యమా?
అమీర్‌పేట్ సర్కార్ హోమ్లోని 505 మంది ఇన్‌మేట్స్ కోసం రూ.1.27CRతో మెనూ సిద్ధమైంది. ఆదివారం చికెన్, నిత్యం రాగిజావ, పల్లీలడ్లు, పండ్లు, గుడ్లు ఇవన్నీ రాజభోగంలా ఉన్నా.. నెలకు ఒక్కరికి కేటాయించింది ₹2,100 మాత్రమే. అంటే రోజుకు ₹70 అన్నమాట. దీంతో ఇది సాధ్యమేనా? అన్నది అసలు ప్రశ్న. గుడ్డు ₹6, పాలు లీటర్ ₹85- 90, గ్యాస్ దాదాపు ₹2వేలు సర్కార్ ఫిక్స్ చేసిన ₹70తో ఇవ్వన్నీ అందించడం కత్తిమీద సామే.
News February 20, 2026
HYD: మ్యారేజ్ లైఫ్‌లో పాత పద్దతులకు చెక్
సర్దుకుపోవడం అంటే ఆత్మగౌరవాన్ని కోల్పోవడమే కాదని యువత వివాహ వ్యవస్థలో పాత ధోరణులను పక్కన పెడుతున్నారు. పెళ్లి సామాజిక బాధ్యతే కాదని, ఇద్దరు వ్యక్తుల మధ్య సమానత్వం, గౌరవ బంధమని నమ్ముతున్నారు. నచ్చిన భాగస్వామిని ఎంచుకునే, జీవించే హక్కు ఉందని రాజ్యాంగం చెబుతోంది. బలవంతపు సర్దుబాట్లు ఒత్తిడికి దారితీస్తున్న తరుణంలో, యువత తమ కెరీర్, ఆన్‌లైన్ కమ్యూనిటీలతో తమకంటూ ప్రత్యేక గుర్తింపు ఏర్పరచుకుంటున్నారు.
News February 20, 2026
HYD: మోస్ట్ వాంటెడ్ క్రిమినల్ అరెస్ట్
HYD నగర శివారులో నిర్వహించిన ఈగల్ ప్రత్యేక తనిఖీల్లో మోస్ట్ వాంటెడ్ క్రిమినల్ ఖాజా వహాబుద్దీన్‌ పట్టుబడ్డాడు. అతడి వద్ద నుంచి రూ.14 లక్షల విలువైన 28 కిలోల గంజాయిని స్వాధీనం చేసుకున్నారు. నిందితుడిపై తెలుగు రాష్ట్రాల్లో 43 కేసులు ఉండగా.. నాలుగు నాన్ బెయిలబుల్ వారెంట్లు పెండింగ్‌లో ఉన్నాయి. జనవరి నుంచి ఈగల్ ఫోర్స్ మొత్తం 225 మంది పరారీలో ఉన్న నిందితులను పట్టుకుంది.
News February 19, 2026
కీసరగుట్ట హుండీ ఆదాయం ₹92,70,762
కీసరగుట్టలో 6 రోజులపాటు జరిగిన మహాశివరాత్రి బ్రహ్మోత్సవాల్లో భక్తులు స్వామివారికి కానుకలుగా సమర్పించిన హుండీ ఆదాయాన్ని గురువారం దేవాదాయశాఖ అధికారుల సమక్షంలో లెక్కించారు. హుండీ ద్వారా ₹92,70,762 ఆదాయం వచ్చిందని ఛైర్మన్ తటాకం వెంకటేశ్ శర్మ, EO సుధాకర్ రెడ్డి స్పష్టంచేశారు. ఈ ఏడాది 20,801 ఆదాయం పెరిగిందన్నారు. హుండీ లెక్కింపులో ట్రస్ట్ బోర్డ్ సభ్యులు, ఆలయ సిబ్బంది ఉన్నారు.
News February 19, 2026
ప్రముఖ విద్యా సంస్థలకు దీటుగా BRAOU
ప్రఖ్యాతిగాంచిన విద్యా సంస్థలకు ధీటుగా అంబేద్కర్‌ సార్వత్రిక విశ్వవిద్యాలయం విద్యార్ధులు పోటీ పడుతున్నారని వీసీ ఘంటా చక్రపాణి హర్షం వ్యక్తంచేశారు. టీసీఎస్‌ అయాన్‌ భాగస్వామ్య కంపెనీల ద్వారా ఎంపికైన 64 మంది అభ్యర్థులకు గురువారం వర్సిటీ ప్రాంగణంలో ఆఫర్‌ లెటర్లు అందజేశారు. దేశంలోని ప్రముఖ విద్యా సంస్థలకు దీటుగా డా.బీఆర్‌ అంబేడ్కర్‌ సార్వత్రిక విశ్వవిద్యాలయం పోటీపడుతుందన్నారు.
News February 19, 2026
HYD: EAPCETకి 3,385 అప్లికేషన్స్
TG EAPCET ప్రవేశ పరీక్షకు సంబంధించి ఈ రోజు నుంచి ప్రారంభమైన దరఖాస్తు ప్రక్రియకు విద్యార్థుల నుంచి విశేష స్పందన లభించింది. ఫార్మసీ, అగ్రికల్చర్ విభాగాలకు సంబంధించి 1,430 మంది విద్యార్థులు దరఖాస్తులు చేసుకున్నారు. ఇంజినీరింగ్ విభాగానికి 1,950 మంది అప్లై చేయగా 2 విభాగాలకు 5 మంది దరఖాస్తు చేసుకోవడంతో 3,385 అప్లికేషన్ వచ్చాయని TG EAPCET కన్వీనర్ విజయ్ కుమార్ రెడ్డి JNTUHలో వెల్లడించారు.
News February 19, 2026
HYD: ఇంటి స్థలంలో ప్రభుత్వానికి 5% తాకట్టు!
250 గజాలకు మించి ఉన్న స్థలంలో భవన నిర్మాణం చేపట్టాలంటే సెట్ బ్యాక్ ఉండాలి. అయితే చాలా మంది ఈ నిబంధనలను ఉల్లంఘిస్తుండటంతో 10% స్థలాన్ని స్థానిక సంస్థకు తాకట్టు పెట్టాలి. ఇది గతంలో నిబంధన.. అయితే రియల్ ఎస్టేట్ బిజినెస్ తగ్గిపోవడంతో ఈ రూల్ సవరించాలని సర్కారు నిర్ణయించినట్లు సమాచారం. 5% తాకట్టు పెట్టి.. భవన నిర్మాణం పూర్తైన తరువాత సెట్ బ్యాక్ ఉందని తేలితే ఆ భూమి రిలీజ్ చేస్తారు.
News February 19, 2026
HYD: రేపటి నుంచి జలమండలి బస్తీబాట
జలమండలి ప్రజలతో మమేకమయ్యే వినూత్న కార్యక్రమానికి శ్రీకారం చుట్టింది. జలమండలి.. బస్తీ బాట పేరుతో శుక్రవారం నుంచి వారానికి 4 రోజులు బస్తీలు, కాలనీల్లో అధికారులు ప్రత్యక్షంగా పర్యటించనున్నారు. ఎండీ నుంచి వార్డు మేనేజర్ల వరకు క్షేత్రస్థాయిలో పర్యటించి నీరు, సీవరేజ్ సమస్యలను గుర్తించి తక్షణ పరిష్కార చర్యలు చేపట్టనున్నారు. ప్రజల్లో విశ్వాసం పెంపొందించడమే ఈ కార్యక్రమ లక్ష్యమని అధికారులు తెలిపారు.
News February 19, 2026
హస్తినలో జగ్గారెడ్డి ‘కమ్మ’ రాయబారం!
TGలో ఖాళీ అవుతున్న 2 రాజ్యసభ స్థానాలకు మార్చి16న ఎన్నికలు జరుగుతాయి. అసెంబ్లీలో కాంగ్రెస్‌కి ఉన్న మెజారిటీతో వారి ఖాతాలోకి వెళ్లే అవకాశాలు పుష్కలంగా ఉన్నాయి. VH అధిష్ఠానానికి లేఖ రాయగా, కీలక నేతలూ ఢిల్లీలో అభ్యర్థుల ఎంపికపై కసరత్తు చేస్తున్నారు. కమ్మ సామాజికవర్గానికి చెందిన జెట్టి కుమార్‌కు అన్యాయం జరిగిందని, ఆ వర్గానికి ప్రాతినిధ్యం వహించే అవకాశం ఇవ్వాలని జగ్గారెడ్డి గట్టిగా కోరుతున్నారు.
News February 19, 2026
వికారాబాద్‌ కొండలపై ఏపీ DCCలకు ట్రైనింగ్
హైదరాబాద్ శివారు ప్రాంతమైన అనంతగిరి గుట్టపై ఏపీకి చెందిన కాంగ్రెస్ జిల్లా అధ్యక్షులకు శిక్షణ ఇవ్వనున్నారు. ఈ మేరకు ఏఐసీసీ టి.కాంగ్రెస్‌కు బాధ్యతలు అప్పగించింది. తెలంగాణతోపాటు ఏపీ డీసీసీ అధ్యక్షుడు ఈ నెల 21 నుంచి జరిగే శిక్షణలో పాల్గొంటారు. ఏపీ నుంచి 41 మంది, తెలంగాణ నుంచి 36 మంది ఈ ట్రైనింగుకు హాజరవుతారు. పది రోజుల పాటు ఈ కార్యక్రమం ఉంటుంది. ఆఖరి రోజు రాహుల్ గాంధీ వచ్చే అవకాశముంది.
Featured News
Sorry, no posts matched your criteria.