India's largestHyperlocal short
news App
Get daily news updates that are tailored for you based on your preferred language & location.
download Way2News app now
Hyderabad
News June 16, 2024
HYD: షార్ట్ ఫిలిం పోటీలకు దరఖాస్తుల ఆహ్వానం
మాదక ద్రవ్యాల దుష్ప్రభావాలపై లఘు చిత్రాల పోటీ పెడుతున్నట్లు HYD నార్కోటిక్ బ్యూరో అధికారులు తెలిపారు. జూన్ 26 అంతర్జాతీయ డ్రగ్స్ వ్యతిరేక దినోత్సవం సందర్భంగా ఈ పోటీని నిర్వహిస్తున్నట్లు పేర్కొన్నారు. ఆసక్తి ఉన్నవారు జూన్ 20లోగా లఘు చిత్రాలను పంపాలన్నారు. మొదటి బహుమతిగా రూ.50 వేలు, రెండో బహుమతిగా రూ.30 వేలు, మూడో బహుమతిగా రూ.20 వేల పురస్కారం అందజేస్తామని, వివరాలకు 87126 71111 సంప్రదించాలన్నారు.
News June 16, 2024
GHMC పరిధిలో ఏ ఉద్యోగులు ఎంత మంది.?
జీహెచ్ఎంసీ పరిధిలో మొత్తం పర్మినెంట్, ఔట్ సోర్సింగ్, కాంట్రాక్ట్ సిబ్బంది మొత్తం కలిపి 26 నుంచి 28 వేల మంది ఉన్నారు. 18,500 శానిటేషన్ వర్కర్లు, 950 సూపర్ వైజర్లు, 500 నుంచి 800 మంది ఆపరేటర్లు, 500 మంది జూనియర్, సీనియర్ అసిస్టెంట్లు, 400 మంది సూపరింటెండెంట్లు, సుమారు 100 మంది అసిస్టెంట్ మున్సిపల్ కమిషనర్లు, 20 మంది జాయింట్ కమిషనర్లు, 20 మంది మెడికల్ ఆఫీసర్లు, 30 మంది డిప్యూటీ కమిషనర్లు ఉన్నారు.
News June 16, 2024
UPSC పరీక్ష రాస్తున్న అభ్యర్థుల కోసం ప్రత్యేక బస్సులు
గ్రేటర్ జోన్‌లో UPSC పరీక్ష రాస్తున్న అభ్యర్థుల కోసం ఆర్టీసీ ప్రత్యేక బస్సులు నడుపుతుందని గ్రేటర్ ఆర్టీసీ జోన్ ED వేంకటేశ్వర్లు తెలిపారు. ఆదివారం ఉదయం, మధ్యాహ్నం పరీక్ష రాసే అభ్యర్థులు సమయానికి పరీక్ష సెంటర్లకు వెళ్లేందుకు పూర్తిస్థాయిలో బస్సులు నడుపుతున్నట్లు తెలిపారు. బస్సుల సమాచారం, ఇతర వివరాల కోసం కోఠి 9959226160, రేతిఫైల్ బస్ స్టేషన్9959226154 సెంటర్లలో సంపద్రించవచ్చన్నారు .
News June 16, 2024
హైదరాబాద్: SBI ఏటీఎంలో పాము
SBI ఏటీఎంలోకి పాము చొరబడిన ఘటన రంగారెడ్డి జిల్లా హయత్ నగర్ పరిధిలో జరిగింది. స్థానికుల వివరాలు.. హయత్ నగర్ బొమ్మల గుడి ఎస్బీఐ ఏటీఎంలోకి పాము చొరబడింది. దీంతో ఏటీఎం సెంటర్‌లోకి డబ్బులను డ్రా చేసుకునేందుకు వచ్చిన కస్టమర్లు పామును చూసి భయాందోళన చెందారు. వెంటనే సిబ్బందికి తెలిపి అనంతరం స్నేక్ స్నాచర్‌కు సమాచారం అందించారు.
News June 16, 2024
HYD: చెరువుల్లా మారుతున్న రోడ్లకు సరికొత్త పరిష్కారం!
రాజధానిలో చిన్నపాటి వర్షానికే చెరువుల్లా మారుతున్న రోడ్ల సమస్యకు రాష్ట్ర ప్రభుత్వం పరిష్కారం చూపించబోతుంది. సీఎం రేవంత్ రెడ్డి ఆదేశాలతో దీనిపై అధికారులు కార్యాచరణ రూపొందించారు. దీనికి సంబంధించిన పనులను పురపాలక శాఖ ఆధ్వర్యంలో బల్దియా అధికారులు మొదలుపెట్టి పూర్తి చేయబోతున్నారు. వర్షాలతో చెరువులుగా మారే ప్రాంతాల్లో దానికి సమాంతరంగా పెద్దసంపు తవ్వి నీటిని అందులోకి మళ్లించే ఏర్పాటు చేయనున్నారు.
News June 16, 2024
HYD: యువతిని వేధిస్తున్న యువకుడిపై కేసు నమోదు
యువతిని వేధిస్తున్న యువకుడిపై కేసు నమోదు చేసినట్లు ఎస్సై మధుబాబు తెలిపారు. పోలీసుల కథనం ప్రకారం.. ఖమ్మం బోనకల్లు మండల కేంద్రానికి చెందిన గండమాల రాహుల్, HYDకు చెందిన ప్రనీశ్ స్నేహితులు. తన సోదరుడికి స్నేహితుడు కావడంతో ప్రనీశ్ సోదరి కొంతకాలం క్రితం రాహుల్‌తో సెల్ఫీ దిగింది. దీన్ని అదనుగా తీసుకుని రాహుల్ ఆ యువతికి అసభ్యకరమైన మెసేజ్‌లు పెడుతున్నాడు. దీంతో పోలీసులకు ఫిర్యాదు చేయగా కేసు నమోదైంది.
News June 16, 2024
HYD: 22న HCA టాలెంట్ హంట్
ఫాస్ట్ బౌలర్ల కోసం HYD క్రికెట్ అసోసియేషన్ ఆధ్వర్యంలో ప్రత్యేకంగా టాలెంట్ హంట్ చేపడుతోంది. ఈ నెల 22న HYD ఉప్పల్ స్టేడియంలో ఉదయం 8 గంటల నుంచి సాయంత్రం 4 గంటల వరకు నిర్వహించనుంది. ఆసక్తి గల క్రీడాకారులు తమ పేర్లను HCA అధికారిక వెబ్సైట్ http://www.hycricket.inలో నమోదు చేసుకోవాలని అసోసియేషన్ వివరించింది.
News June 16, 2024
బక్రీద్ సందడి.. HYDకు గొర్రెలు, పొట్టేళ్లు..!
బక్రీద్ పండుగ సందర్భంగా HYDలో సందడి నెలకొంది. పాతబస్తీతో పాటు రాజేంద్రనగర్, పీడీపీ చౌరస్తా, నౌ నంబరు, ఉప్పర్‌పల్లి, సులేమాన్ నగర్, శాస్త్రిపురం, మైలార్‌దేవ్‌పల్లి, జూపార్క్ రోడ్, గోల్డెన్ హైట్స్, మౌలాలి, చెంగిచర్ల మేకల మండి, దేవరయాంజల్ తదితర ప్రాంతాల్లో వేల సంఖ్యలో గొర్రెలు, పొట్టేళ్లు అమ్మకానికి తీసుకొచ్చారు. బక్రీద్ నేపథ్యంలో ముస్లిం సోదరులు గొర్రెలను కుర్బానీ ఇస్తారు. మంచి గిరాకీ ఉంటుంది.
News June 16, 2024
HYD: రిజర్వేషన్ల అమలులో అవకతవకలు: ఆర్.కృష్ణయ్య
ఎంబీబీఎస్, బీడీఎస్ కౌన్సిలింగ్‌లో ఎస్సీ, ఎస్టీ, బీసీ రిజర్వేషన్ల అమలులో పలు అవకతవకలు జరిగాయని, జీఓ నంబర్ 550ని సక్రమంగా అమలు చేయకపోవడంతో 262 మంది విద్యార్థులకు ఎంబీబీఎస్ సీట్లు దక్కకుండా పోయాయని బీసీ సంక్షేమ సంఘం జాతీయ అధ్యక్షుడు, రాజ్యసభ సభ్యుడు ఆర్.కృష్ణయ్య పేర్కొన్నారు. గుజ్జ కృష్ణ, టీ.రాజ్ కుమార్‌తో శనివారం వైద్య ఆరోగ్య శాఖ మంత్రి దామోదర రాజనర్సింహను కలిసి ఆయన వినతి పత్రం అందజేశారు.
News June 15, 2024
హైదరాబాద్‌లో నేటి TOP NEWS
> జూబ్లీహిల్స్‌లో బోనాల ఏర్పాట్లపై మంత్రుల సమీక్ష సమావేశం
> కాచిగూడలోని గ్యాస్ రీఫిల్లింగ్ సెంటర్‌లో పోలీసుల దాడి
> మంత్రి పొంగులేటి చేతుల మీదుగా బడిబాట పాట ఆవిష్కరణ
> కూకట్ పల్లిలో రోడ్డు ప్రమాదం.. ఇద్దరు మృతి
> ఉప్పల్ శిల్పారామంలో అలరించిన కూచిపూడి నృత్య ప్రదర్శన
> అల్వాల్‌లో రేషన్ బియ్యం పట్టివేత.. 2 ఆటోలు సీజ్
> ఘనంగా డిప్యూటీ సీఎం భట్టి పుట్టినరోజు వేడుకలు
Featured News
Sorry, no posts matched your criteria.