News January 19, 2026

HYD: ఇరిగేషన్ సంతకం.. వేల కోట్ల వశం!

TDR జారీకి ఎగ్జిక్యూటివ్ ఇంజినీర్, అదనపు కలెక్టర్ క్లియరెన్స్ ఉండాలన్న నిబంధన ఇప్పుడు కొత్త పైరవీలకు కేంద్రమైంది. ఫైనల్ ఎఫ్టీఎల్ (FTL) నోటిఫికేషన్ లేని చెరువుల విషయంలో అధికారులదే అంతిమ నిర్ణయం కావడంతో ఎవరికి TDR ఇవ్వాలి? ఎవరికి ఆపాలి అన్నది? ‘నోట్ల’ కట్టలే నిర్ణయిస్తున్నాయని విశ్లేషకులు చెప్తున్నారు. TDR లావాదేవీలపై పబ్లిక్ ఆడిట్ లేకపోవడం ఈ అక్రమాలకు ప్రధాన ఊతంగా మారుతోంది.

News January 19, 2026

GO 16 మర్మం: సామాన్యుడికి శాపం.. బడా బాబులకు లాభం!

చెరువుల పరిరక్షణ ముసుగులో తెచ్చిన GO 16 నిబంధనలు అమలులోకి వస్తే రియల్ ఎస్టేట్ రంగంలో పెను మార్పులు ఖాయం. సెక్షన్ 4 కింద రికార్డుల్లో లేని నాలాలకూ 400% TDR ఇస్తుండటంతో రియల్టర్లు అధికారులతో కుమ్మక్కై పనికిరాని గుంటలను ‘నాలా’గా చూపిస్తూ వేల కోట్ల నిర్మాణ హక్కులు పొందే ప్రమాదం ఉంది. సెక్షన్ 6 ‘TDR బ్యాంకు’లో జమ అయ్యే వివాదాస్పద భూములపై పారదర్శకత లేకపోతే బ్రోకర్ల దందా 3 పువ్వులు 6 కాయలుగా సాగుతుంది.

News January 19, 2026

HYD: మున్సి‘పోల్’కు కాంగ్రెస్ ఇన్‌ఛార్జ్‌లు ఖరారు

మున్సిపల్ ఎన్నికల నేపథ్యంలో కాంగ్రెస్ కీలక నిర్ణయం తీసుకుంది. 2026 మున్సిపల్ ఎన్నికల కోసం పార్లమెంట్ నియోజకవర్గాల ఇన్‌ఛార్జ్‌లను గాంధీభవన్ ఖరారు చేసింది. రాష్ట్రవ్యాప్తంగా 15 నియోజకవర్గాలకు మంత్రులు, సీనియర్ నేతలకు బాధ్యతలు అప్పగించింది. RR, మేడ్చల్, వికారాబాద్ జిల్లాలోని పార్లమెంట్ స్థానాలైన చేవెళ్లకు శ్రీధర్‌బాబు, మల్కాజిగిరికి కొమటిరెడ్డి వెంకట్‌రెడ్డి, భువనగిరికి సీతక్క పేర్లను ఖరారు చేసింది.

News January 19, 2026

మాస్టర్‌చెఫ్ ఇండియాలో మెరిసిన ‘HYD ఫైర్ పాన్ వాలా’

భాగ్యనగరపు అద్భుతమైన ఆహార వైభవం మరోసారి జాతీయ స్థాయిలో సత్తా చాటింది. తన విభిన్నమైన శైలితో HYD వీధుల్లో ‘ఫైర్ పాన్ వాలా’గా గుర్తింపు పొందిన హుస్సేన్, ప్రముఖ కుకింగ్ రియాలిటీ షో ‘మాస్టర్‌చెఫ్ ఇండియా సీజన్ 9’లో అడుగుపెట్టారు. వేల రకాల పాన్‌లను తయారు చేయడంలో రికార్డు సృష్టించిన హుస్సేన్, వీల్‌చైర్‌కే పరిమితమైనా తన ఆత్మవిశ్వాసంతో మాస్టర్‌చెఫ్ వేదికపై జడ్జీలను ఆశ్చర్యపరిచారు.

News January 19, 2026

హైదరాబాద్‌లో 54 మంది ఇన్‌స్పెక్టర్లు బదిలీ

నగరంలో పోలీస్ శాఖలో భారీగా బదిలీలు జరిగాయి. మొత్తం 54 మంది ఇన్‌స్పెక్టర్లను బదిలీ చేస్తూ ఉత్తర్వులు జారీ అయ్యాయి. ఇందులో ముఖ్యంగా సైబర్ క్రైమ్ డిపార్ట్‌మెంట్ నుంచి పెద్ద సంఖ్యలో SHOలు ఇతర విభాగాలకు బదిలీ అయ్యారు. మరో 26 మంది బదిలీలు ఇంకా పెండింగ్‌లో ఉన్నాయని, వారందరూ సీపీ కార్యాలయంలో వెంటనే రిపోర్ట్ చేయాలని HYD సీపీ సజ్జనార్ ఆదేశాలు జారీ చేశారు.

News January 19, 2026

HYD: రూ.లక్షలు ఖర్చయ్యే గుండె ఆపరేషన్లు FREE

సనత్‌నగర్‌లో TIMS ఆసుపత్రిని గుండె, ఆర్గాన్ ట్రాన్స్‌ప్లాంటేషన్ ఆసుపత్రిగా తీర్చిదిద్దుతున్నారు. ఇక్కడ సెంటర్ ఆఫ్ ఎక్సలెన్స్ ఫర్ కార్డియాక్ డిసీజ్ పేరిట ఏర్పాటు చేస్తున్నారు. 22.6 ఎకరాల విస్తీర్ణంలో నాలుగు బ్లాకుల్లో, 16 మెజర్ ఆపరేషన్ థియేటర్లతో, రూ.1100 కోట్ల వ్యయంతో 1000 పడకల ఆసుపత్రిగా నిర్మించారు. రూ.లక్షలు ఖర్చు చేసే గుండె వైద్యం ఇక ప్రభుత్వ ఆసుపత్రిలో ఉచితంగా అందనుంది.

News January 19, 2026

HYD: మూలికలతో మగతనం.. సాధ్యమా?

HYD రోడ్ల పక్కన లైంగిక సామర్థ్యం పెరుగుతుందని మూలికలు, కషాయాలు అమ్మే షెడ్లు చూసే ఉంటారు. ఘట్కేసర్, ఉప్పల్, పెద్దఅంబర్‌పేట్, హయత్‌నగర్, కీసర ప్రాంతాల్లో ఉన్న దుకాణాలను DGCA అధికారులు పరిశీలించారు. వాటిలో శాస్త్రీయత లేదని, అలాంటివి నమ్మి మోసపోవద్దన్నారు. వీరు పురుషుల వీక్‌నెస్‌ను క్యాష్ చేసుకుంటున్నారని, అలాంటి దుకాణాలకు వెళ్లొద్దని, వెళ్లినా తెలివిగా వ్యవహరించాలని సూచించారు.

# SHARE IT

News January 19, 2026

HYD: ఎక్కడ పడితే అక్కడ సిమ్‌లు కొంటున్నారా?

సిమ్ కార్డులు విక్రయిస్తున్న అంతరాష్ట్ర నిందితులను పోలీసులు అరెస్టు చేశారు. కడప జిల్లాకు చెందిన దినేష్, సాయిప్రదీప్ నిబంధనలకు విరుద్ధంగా సిమ్ కార్డులను అమ్ముతూ మోసాలు చేస్తున్నారు. సిమ్ కోసం వచ్చిన వారి వేలిముద్రలతో మరికొన్ని సిమ్‌లు యాక్టివేట్ చేసుకుని డ్రగ్స్ ముఠాలు, సైబర్ నేరస్థుకు అమ్ముతున్నారు. దీంతో సీసీఎస్ స్పెషల్ టీమ్ వీరిని అదుపులోకి తీసుకొని 184 సిమ్ కార్డులను స్వాధీనం చేసుకున్నారు.

News January 19, 2026

HYD: రికార్డుల్లో లేని నాలా.. రియల్టర్లకు నోట్ల మాలా..!

నగర శివార్లలో నాలాల విస్తరణకు కూడా 400% TDR ఇస్తామన్న కొత్త GO అక్రమార్కులకు వరంగా మారనుంది. రెవెన్యూ రికార్డుల్లో లేని కాలువలనూ పరిగణనలోకి తీసుకోవచ్చన్న వెసులుబాటును అడ్డం పెట్టుకుని కొందరు బడా రియల్టర్లు తమ వెంచర్ల మధ్యలో పనికిరాని గుంటలను నాలాగా చూపించుకోవచ్చు. అధికారులతో కుమ్మక్కై రూ.కోట్లు విలువైన TDR సర్టిఫికెట్లు పొందేందుకు స్కెచ్ వేశారని విశ్లేషకుల అంచనా. దీనిపై ప్రభుత్వం దృష్టి సారించాలి.

News January 19, 2026

HYD: TDR అంటే ఏమిటి..? ఎందుకు ముఖ్యం..?

ట్రాన్స్‌ఫరబుల్ డెవలప్‌మెంట్ రైట్స్ (TDR) అనేది ప్రభుత్వం భూ యజమానులకు ఇచ్చే ఓ అదనపు నిర్మాణ హక్కు. చెరువుల FTL, బఫర్ జోన్లు లేదా రోడ్డు విస్తరణలో భూమి కోల్పోయిన రైతులకు/ యజమానులకు నగదుకు బదులుగా ఈ సర్టిఫికెట్లు ఇస్తారు. దీనివల్ల ప్రభుత్వంపై ఆర్థిక భారం పడదు. అలాగే యజమానులు ఆ హక్కులను వేరే చోట అదనపు అంతస్తుల కోసం వాడుకోవచ్చు లేదా అమ్ముకోవచ్చు. ఇది పర్యావరణ పరిరక్షణకు, మౌలిక సదుపాయాల కల్పనకు కీలకం.