India's largestHyperlocal short
news App
Get daily news updates that are tailored for you based on your preferred language & location.
download Way2News app now
Hyderabad
News January 8, 2026
HYDలో నేను ఎక్కడ నడవాలి? చెప్పండి ప్లీజ్!
‘నాకు కారులేదు. బండి లేదు. సైకిల్ కూడా లేదు. అందుకే నేను నడుచుకుంటూ వెళ్లాలి. మరి ఎలా వెళ్లాలి? మహానగరంలో ఎక్కడ చూసినా రోడ్లే. నేను నడవాలంటే రోడ్లపై నడవాల్సిందేనా? సిటీలో దాదాపు 10వేల KM రోడ్లు ఉంటే నడవడానికి 550 KM ఫుట్పాత్ ఉంది. ఇదేం పద్ధతి? ఎక్కడ చూసినా ఆక్రమణలే.. వ్యాపారులు, సామగ్రి, పాన్ డబ్బాలు ఆక్రమించాయి? నేను నడిచేందుకు దారి చూపించండి సార్.. అంటూ ఓ నగరవాసి చేసిన విన్నపం ఇది.
News January 8, 2026
సంక్రాంతికి స్పెషల్ బస్సులు.. HYDలో ఎక్కడినుంచి అంటే?
సంక్రాంతి పండుగ సందర్భంగా రేపటి నుంచి ఆర్టీసీ ప్రత్యేక బస్సులు నడుపుతోంది. ప్రయాణికులు ఎప్పటిలాగే JBS, MGBSకు పోటెత్తకుండా ప్రధాన కూడళ్ల నుంచి నడపాలని నిర్ణయించింది. సిటీలో ఎంజీబీఎస్, జేబీఎస్, గచ్చిబౌలి, ఉప్పల్, బోయిన్పల్లి, ఆరాంఘర్, KPHB, ఎల్బీనగర్ ప్రాంతాల నుంచి బస్సు సర్వీసులు అందుబాటులో ఉంటాయి. ప్రయాణికులు ఈ విషయం గమనించాలని ఆర్టీసీ అధికారులు కోరారు.
News January 8, 2026
హైదరాబాద్లో AQ 198కి చేరుకుంది
HYDలో ఎయిర్ క్వాలిటీ హెచ్చు తగ్గులుగా కొనసాగుతోంది. పొగమంచు, చెత్తాచెదారం, వాహనాల నుంచి వెలువడే పొగతో కాలుష్యం పెరుగుతూ వస్తోంది. డబుల్ డిజిట్లో ఉండాల్సిన ఎయిర్క్వాలిటీ గురువారం తెల్లవారుజామున మణికొండ అల్కాపూర్ టౌన్షిప్ వద్ద 198కి చేరింది. శ్వాసకోశ వ్యాధులు, సైనసైటిస్ ఉన్నవారు వీలైనంత వరకు మాస్కులు ధరించడం మేలని డాక్టర్లు సూచిస్తున్నారు. గతవారం రోజులుగా పెరుగుతూ, తగ్గుతూ ఇవ్వాళ భారీగా తగ్గింది.
News January 8, 2026
HYD: CP సజ్జనార్ మాస్ వార్నింగ్!
నగరంలో కల్తీ మాఫియా ఆటకట్టించేందుకు హైదరాబాద్ సీపీ సజ్జనార్ నడుం బిగించారు. ప్రజారోగ్యంతో చెలగాటమాడితే ‘హత్యాయత్నం’ కేసులు పెడతామని, అవసరమైతే పీడీ యాక్ట్ ప్రయోగిస్తామని స్ట్రాంగ్ వార్నింగ్ ఇచ్చారు. ఆహార భద్రతా అధికారులతో నిర్వహించిన భేటీలో తనిఖీల కోసం ప్రత్యేక SOPని ప్రకటించారు. కల్తీ సమాచారం ఇచ్చేందుకు త్వరలోనే ప్రత్యేక టోల్ ఫ్రీ నంబర్ రానుంది. ఎవరినీ ఉపేక్షించే ప్రసక్తే లేదని CP స్పష్టం చేశారు.
News January 8, 2026
HYDలో మిడ్నైట్ బిర్యానీకి పెరిగిన లవర్స్
నైట్ లైఫ్ అంటే క్లబ్బులు, పబ్బులే కాదు బాస్.. ఇప్పుడు మాదాపూర్, గచ్చిబౌలి వీధుల్లో బిర్యానీ దెబ్బకు తెల్లవార్లూ తిరునాళ్లే. ‘జెన్ జీ’ గ్యాంగ్స్ 2 AM తర్వాత కూడా ఫుడ్ కోర్టుల్లో సందడి చేస్తున్నాయి. ఇన్స్టాలో ఫుడ్ రీల్స్కి మిలియన్ల కొద్దీ వ్యూస్ రావడంతో మార్కెట్ షేక్ అవుతోంది. కొందరైతే బిర్యానీ కోసం నైట్ ఔట్లే చేస్తున్నారు. ఈ డిమాండ్తో వేలాది మందికి ఉపాధి లభిస్తోంది.
News January 7, 2026
HYDలో IPS అధికారుల బదిలీలు.. పోస్టింగ్ల వివరాలు!
సౌత్ రేంజ్ అడిషనల్ కమిషనర్(L&O)గా తప్సీర్ ఇక్బల్, నార్త్ రేంజ్ జాయింట్ కమిషనర్గా ఎన్.శ్వేత, హైదరాబాద్ SP BR జాయింట్ కమిషనర్గా విజయ్ కుమార్ నియమిస్తూ ఉత్తర్వులు వచ్చాయి. సికింద్రాబాద్ DCPగా రక్షితామూర్తి, చార్మినార్ జోన్ DCP-కిరణ్ ప్రభాకర్, ఖైరతాబాద్ DCP-శిల్పవల్లి, గోల్కొండ DCP-G.చంద్రమోహన్, జూబ్లీహిల్స్ DCP-రమణా రెడ్డి, శంషాబాద్ DCP-రాజేశ్ బదిలీ అయ్యారు.
News January 7, 2026
HYD: 1000 డాలర్ల కోసం నిఖిత హత్య?
అమెరికాలో HYD యువతి నిఖిత హత్యకు డబ్బుల విషయమే ప్రధాన కారణం అని తెలుస్తోంది. US పోలీసుల దర్యాప్తు ప్రకారం.. అర్జున్ శర్మకు నిఖిత 4500 డాలర్లు అప్పుగా ఇచ్చినట్లు సమాచారం. అందులో 3500 డాలర్లు ఇవ్వగా మిగతా డబ్బులు ఇవ్వాలని నిఖిత అడిగింది. ఈ క్రమంలో గొడవ పెద్దదై అర్జున్ నిఖితను హత్య చేసినట్లు భావిస్తున్నారు. మృతురాలి తండ్రి కూడా <<18770024>>డబ్బుల విషయమే<<>> హత్యకు కారణం అయ్యిందని మీడియా ద్వారానే తెలిసిందన్నారు.
News January 7, 2026
HYDలో హాట్ ఎయిర్ బెలూన్ ఫెస్టివల్
సంక్రాంతి సందర్భంగా HYDలో ఘనంగా ఉత్సవాలు నిర్వహించనున్నారు. జనవరి 16- 18 వరకు పరేడ్ గ్రౌండ్లో హాట్ ఎయిర్ బెలూన్ ఫెస్టివల్ జరగనుంది. అలాగే పరేడ్ గ్రౌండ్, బతుకమ్మ కుంట, నల్ల చెరువు తదితర ప్రాంతాల్లో పతంగులు, మిఠాయిల పండుగ నిర్వహిస్తారు. వీటితో పాటు జనవరి 16, 17 తేదీల్లో గచ్చిబౌలి స్టేడియంలో ప్రత్యేకంగా డ్రోన్ ఫెస్టివల్ ఏర్పాటు చేయనున్నారు.
News January 7, 2026
HYD టాస్క్ఫోర్స్లో ఒకేసారి 65 మంది పోలీసులు బదిలీ
నగర పోలీస్ శాఖలో ప్రకంపనలు రేపుతూ టాస్క్ ఫోర్స్ టీమ్లో భారీ మార్పులు చోటుచేసుకున్నాయి. పారదర్శకత, పనితీరు మెరుగుపరచడమే లక్ష్యంగా 65 మంది సిబ్బందిని బదిలీ చేస్తూ HYD కమిషనరేట్ ఉత్తర్వులు జారీ చేసింది. క్షేత్రస్థాయిలో శాంతిభద్రతలను మరింత బలోపేతం చేసేందుకే ఈ ఆకస్మిక నిర్ణయం తీసుకున్నట్లు తెలుస్తోంది. ఈ పరిణామం పోలీసు వర్గాల్లో హాట్ టాపిక్గా మారింది.
News January 7, 2026
యాదాద్రి వద్దు.. చార్మినార్లో కలపాలి!
TGలో మరో ఉద్యమం ఉద్ధృతమవుతోంది. పోలీస్ నియామకాలలో జోన్ల వివాదం అగ్గి రాజేసుకుంటోంది. రాచకొండను యాదాద్రి జోన్లో ఉంచడం సిటీ అభ్యర్థులకు తీవ్ర అన్యాయమని మండిపడుతున్నారు. సూర్యాపేట, NLG, యాదాద్రి జిల్లాల వల్ల కట్ఆఫ్ పెరిగి మేడ్చల్, RR అర్బన్ అభ్యర్థులు ఉద్యోగాలు కోల్పోతున్నామని ఆవేదన వ్యక్తం చేస్తున్నారు. మల్కాజిగిరి కొత్త కమిషనరేట్ కావడంతో, దీన్ని చార్మినార్ జోన్లో కలపాలని డిమాండ్ చేస్తున్నారు.
Featured News
Sorry, no posts matched your criteria.