India's largestHyperlocal short
news App
Get daily news updates that are tailored for you based on your preferred language & location.
download Way2News app now
Hyderabad
News October 22, 2024
HYD: BRS చేసిన అప్పులకు వడ్డీలతో సరిపోతుంది: TPCC చీఫ్
‘పంటల కొనుగోలు ఇంకా స్టార్ట్ కాలేదు.. ఇప్పుడే బోనస్ ప్రస్తావన ఎందుకు హరీశ్‌రావు గారూ.. మా ప్రభుత్వం రైతులకు ఇచ్చిన ప్రతీ హామీని అమలు చేస్తుంది. మీరు చేసిన అప్పులకు మిత్తిలు, కట్టుకుంటూ రైతులకు ఇచ్చిన ఒక్కో హామీని అమలు చేస్తున్నాం’ అని TPCC చీఫ్ మహేశ్ గౌడ్ వివరణ ఇచ్చారు. అందులో భాగంగానే రైతుబంధు, రుణమాఫీ, రైతు భరోసా ఇస్తున్నామన్నారు.
News October 22, 2024
బీఆర్ఎస్ హైదరాబాద్ ఇన్‌ఛార్జిగా కార్తీక్ రెడ్డి
బీఆర్ఎస్ హైదరాబాద్ ఇన్‌ఛార్జిగా నియమితులైన సందర్భంగా పట్లోళ్ల కార్తీక్ రెడ్డిని మంగళవారం కార్వాన్ అసెంబ్లీ బీఆర్ఎస్ సీనియర్ నాయకులు అంబటి శ్రీనివాస్, జగ్గు యాదవ్, కృష్ణ దాస్ ఆధ్వర్యంలో శాలువాతో సన్మానించారు. అంతర్గత నిర్మాణం కోసం వివిధ డివిజన్లలో నూతన కమిటీల ఏర్పాటు, ప్రజా సమస్యలపై పోరాటం, కష్ట సమయాల్లో పార్టీ ప్రజలకు చేరువ అయ్యేలా ప్రణాళికలు రూపొందించుకోవాలన్నారు.
News October 22, 2024
AOI కాన్ఫరెన్స్‌లో గాంధీ ENT డాక్టర్లకు పథకాల పంట
శామీర్ పేటలో 3 రోజులు జరిగిన సౌత్ ఇండియా, తెలంగాణ స్థాయి AOI కాన్పరెన్స్‌లో గాంధీ మెడికల్ కాలేజీ ENT డాక్టర్లు పతకాలను గెలుచుకున్నారు. ENT డిపార్ట్‌మెంట్ HOD ప్రొ.జే.భూపేందర్ రాథోడ్ 2 కేటగిరిల్లో 2 గోల్డ్ మెడల్స్, అసిస్టెంట్ ప్రొఫెసర్ డా.రేవతి, డా.సౌజన్య, డా.లోచన, డా.శిల్ప, డా.రమణి మానసలను గాంధీ మెడికల్ కాలేజీ ప్రిన్సిపల్ ఇందిర అభినందించారు.
News October 22, 2024
HYD: కాంగ్రెస్ పార్టీ వాళ్లే మతకలహాలను సృష్టించారు: ఈటల
ముఖ్యమంత్రిని మార్చాలని కాంగ్రెస్ నేతలు మతకలహాలను సృష్టించారని మల్కాజిగిరి ఎంపీ ఈటల రాజేందర్ అన్నారు. 1978లో చెన్నారెడ్డి ముఖ్యమంత్రిగా ఉన్నప్పుడు ఓ కేసులో హైదరాబాద్ మంటల్లో మాడిపోయిందని, వందల మంది చనిపోయారన్నారు. దానికి కారణం ఆ రోజు చెన్నారెడ్డిని దింపడానికి కాంగ్రెస్ పార్టీ వాళ్లే మతకలహాలను సృష్టించారన్నారు.
News October 22, 2024
HYD: ముత్యాలమ్మ గుడి వద్ద ఆందోళన.. కేసు నమోదు
సికింద్రాబాద్ కుమ్మరిగూడలోని శ్రీ ముత్యాలమ్మ దేవాలయం వద్ద ఆందోళనకు కారణమైన వ్యక్తులపై మార్కెట్ పోలీసులు కేసు నమోదు చేశారు. సీసీ కెమెరాలు పరిశీలించిన పోలీసులు స్థానిక కార్పొరేటర్ కొంతం దీపిక భర్త నరేశ్‌ను మొదటి ముద్దాయిగా, ప్రశాంత్‌ను A2గా, కిరణ్ RSS A3గా, కంటోన్మెంట్ BJP MLA అభ్యర్థిగా పోటీ చేసిన వంశతిలక్ A4తో పాటు శరత్ ఠాగూర్, రాంరెడ్డి, కిషన్, శివరాంపై కేసు నమోదైంది.
News October 22, 2024
HYD: ఈ పాపం కాంగ్రెస్ ప్రభుత్వానిదే: KTR
రాష్ట్ర ఆదాయం తగ్గుతోంది.. కాంగ్రెస్ నాయకుల ఆదాయం అమాంతం పెరుగుతుందని బీఆర్ఎస్ వర్కింగ్ ప్రెసిడెంట్ కేటీఆర్ ఆరోపించారు. పదేళ్లపాటు బుల్లెట్ వేగంతో పరుగులు పెట్టిన తెలంగాణకు.. అసమర్థ, అవినీతి పాలనే శాపంగా మారిందన్నారు. అనాలోచిత విధానాలతో ఆర్థిక వృద్ధికి బ్రేకులు వేసి పాతాళానికి పడిపోయేలా చేసిన పాపం ముమ్మాటికి కాంగ్రెస్ ప్రభుత్వానిదేనని ‘X’ వేదికగా ఫైర్ అయ్యారు.
News October 22, 2024
HYD: విద్యార్థులతో కలెక్టరేట్ ముట్టడికి పిలుపు
విద్యార్థుల ఫీజు రీయింబర్స్‌మెంట్ బకాయిలు వెంటనే చెల్లించాలని నేడు వందలాది మంది విద్యార్థులతో హైదరాబాద్ జిల్లా కలెక్టరేట్‌ను ముట్టడించనున్నట్లు బీసీ విద్యార్థి సంఘం రాష్ట్ర అధ్యక్షుడు వేముల రామకృష్ణ తెలిపారు. ఉదయం 10 గంటలకు బర్కత్‌పుర చౌరస్తా నుంచి లక్డికపూల్‌లోని కలక్టరేట్‌ వరకు ర్యాలీ నిర్వహిస్తామని తెలిపారు.
News October 22, 2024
HYD: త్వరలో ఆర్.కృష్ణయ్య కొత్త పార్టీ
బీసీ సంఘం జాతీయ అధ్యక్షుడు ఆర్.కృష్ణయ్య వెంటే నడుస్తామని ఉమ్మడి RR, VKB బీసీ సంఘం నాయకులు అన్నారు. ఈ సందర్భంగా ఆయన మాట్లాడుతూ.. అన్నివర్గాల ప్రజాభిప్రాయ సేకరణతో త్వరలో కొత్త పార్టీని ప్రకటించనున్నట్లు తెలిపారు. సోమవారం తాండూరుకు చెందిన బీసీ సంఘం జాతీయ కార్యవర్గ సభ్యుడు కందుకూరి రాజ్‌కుమార్, సయ్యద్ షుకూర్, జిల్లా నాయకులు గడ్డం వెంకటేశ్‌ HYDలో ఆర్.కృష్ణయ్యను మర్యాదపూర్వకంగా కలిశారు.
News October 22, 2024
HYD: డిప్యూటీ సీఎంను కలిసిన సింగర్ రాహుల్ సిప్లిగంజ్
ప్రముఖ గాయకుడు రాహుల్ సిప్లిగంజ్ సచివాలయంలో డిప్యూటీ CM భట్టివిక్రమార్కని మర్యాదపూర్వకంగా కలిశారు. ఆస్కార్ అవార్డులో భాగం అయిన రాహుల్‌కు డిప్యూటీ సీఎం అభినందనలు తెలిపారు. కార్యక్రమంలో ఆయనతో పాటు నిర్మాత బండ్ల గణేశ్ ఉన్నారు. డిప్యూటీ సీఎంను కలవటంతో వారిద్దరు సంతోషాన్ని వ్యక్తం చేశారు.
News October 22, 2024
HYD: త్వరలో ఆర్.కృష్ణయ్య కొత్త పార్టీ
బీసీ సంఘం జాతీయ అధ్యక్షుడు ఆర్.కృష్ణయ్య వెంటే నడుస్తామని తాండూరు బీసీ సంఘం నాయకులు అన్నారు. ఈ సందర్భంగా ఆర్.కృష్ణయ్య మాట్లాడుతూ.. అన్నివర్గాల ప్రజాభిప్రాయ సేకరణతో త్వరలో కొత్త పార్టీని ఏర్పాటు ప్రకటించనున్నట్లు తెలిపారు. సోమవారం తాండూరుకు చెందిన బీసీ సంఘం జాతీయ కార్యవర్గ సభ్యుడు కందుకూరి రాజ్‌కుమార్, సయ్యద్ షుకూర్, జిల్లా నాయకులు గడ్డం వెంకటేశ్‌ HYDలో ఆర్.కృష్ణయ్యను మర్యాదపూర్వకంగా కలిశారు.
Featured News
Sorry, no posts matched your criteria.